رواية العاشقة المجروحة الفصل الثالث عشر 13 - بقلم سلمى تامر

حتى عندما يعود المرء سالمًا من الأشياء التي تؤذيه، لا يعود كما كان. *** مروة بإبتسامه: خلاص بقا يا أبو الفوارس، مفيش داعي للتمثيل. قولها يلا إن كل اللي حصل كان خطتنا أنا وأنت وسيف علشان نوقعه في حبك. فارس بصلها بتوتر. منه بصتلها بإبتسامه ومسكت إيد فارس: وأنا بقا مش مصدقاكي. وغوري من هنا لأني واثقة في جوزي. مروان جرى عليهم لما شاف مروة وخاف تأذي حد. مروان بغضب: إنتي بتعملي هنا إيه يازبالة إنتي؟

أنا مش طردتك يا بت يا مروة. بصتله بهوس وإشتياق. مروان بادلها النظرة بكره ونفور. اتجننت أكتر. مروة بذكاء: والله بقا يا حبيبتي أنا مش غبية علشان آجي أقولكم الكلمتين دول وإنتوا متصدقونيش وتكرشوني. إسالي أبو الفوارس وهو هيقولكم. منه بصت لفارس بثقة: أنا متأكدة إن فارس ميأذيش. وامشي بقا اطلعي بره. مروة بصراخ لفارس: مترد يافارس وقولهم الحقيقة. ردد. فارس أخد نفس عميق واتكلم:

دي الحقيقة يا منه. أنا كنت هصارحك بيها النهاردة لما نروح بيتنا. مكنتش عايزك تعرفي كده أبداً. بس ده كان ماضي يا منه. أنا حالياً بحبك فعلاً. منه سكتت بصدمة وبصت لفارس بعدم تصديق: يعني إيه؟ يعني أنت كنت السبب في كل حاجة حصلتلي من الأول؟ يعني أنت كداب؟ فارس بص لمروة بغضب وبعدين بص لمنه: تعالي يامنه نروح بيتنا وهفهمك كل حاجة. مروة بصتلهم بشماتة واتكلمت: كده كل حاجة وضحت وضميري ارتاح. سلام بقا يا منمن ومبروك مرة تانية.

وشد إيديها ومشى بيها. مروان سحب منه من إيد فارس. مروان بغضب: إنت اتجننت ولا إيه؟ عايز تخدع بنت عمي تاني؟ ده على جثتي يافارس يا إمام. فارس بص له بغضب وعيون جحيمية: إبعد عني يامروان أنصاري أحسنلك بدل ما تشوف الوش التاني مني. وسحب منه بعنف ومشى بيها تحت اعتراض وغضب منه وصدمتها منه. *** وصلوا البيت وفارس فتح الباب وسحب منه علشان تدخله. منه بصراخ: إبعد عني. إبعد عني بقووولك. فارس بهدوء: إهدي يامنه وهفهمك كل حاجة.

منه بغضب وصراخ: مش عايزة أسمع منك حاجة يا كداب يا واطي يا خاين. إنت أوسخ واحد فيهم. فارس بغضب: إهدي يامنه وقولتلك هفهمك كل حاجة. بلاش تقولي كلام وتندمي عليه بعدين. منه بغضب وصراخ: تفهمني إيه هه؟ إنك واحد كداب وحقير وعملت كل ده علشان توقعني في حبك وترضي مروة؟ أنا بكرهك يافااارس بكرهك. ياريتني كنت اتجوزت مروان على الأقل أرجَل منك. إنت مش راااجل.

فارس حاله اتبدل 180 درجة وكلام منه اتردد في دماغه. "ياريتني كنت اتجوزت مروان على الأقل أرجَل منك. إنت مش راجل". فارس بغضب وعيون مخيفة: مش راجل هه. طب تعالي ياروح أمك أوريكي أنا راجل ولا لأ. *** الصبح فارس بص لمنه ونظرات عينيه كلها ندم على اللي عمله فيها. قرب منها بحنان: منه أ... منه بصراخ وبكاء وهي بتبعد عنه:

أبعددد عنييي. إبعد عني ياحيوان متقربش مني. مكنتش متخيلة إنك بالبشاعة دي. إنت حقير. اغتصبتني. طلقني يافارس. طلقني يا****. فارس بص لها بغضب ودخل الحمام وطلع بعد ساعة وهو بيجفف شعره من المية ولبس وساب لها البيت ومشى بس قفل عليها من بره. منه بصت للأوضة بكره ونفور ودموع وقامت كسرت كل حاجة في الأوضة ببكاء وانهيار: كداااب. كلكم كدابين وخادعين. بكرهكم كلكم. وقعدت ببكاء وانهيار: منك لله يافارس. منك لله. ***

(عايز تعاتبني عاتب، طب ليه عمال تفكر؟ مهو ده الوقت المناسب قبل الأحزان ما تكبر) بالليل فارس رجع ودخل البيت. اتجنن من اللي شافه. البيت كله مقلوب على بعضه. قلق وخاف ونادى على منه بلهفة: منه منه إنتي كويسة؟ دخل الأوضة بتاعتهم ولقاها حالها ميختلفش عن البيت. بيدور على منه ولقاها قاعدة في الأرض وعيونها حمرا وبتعيط بضعف وهدوء. جرى عليها. منه بصتله بضعف ودموع واتكلمت بهدوء: ليه يافارس عملت فيا كده؟ أنا أذيتك في إيه؟

أنا افتكرتك غيرهم كلهم. افتكرت إنك هتبقى العوض وهتعوضني عن كل حاجة حصلتلي في حياتي. طلعت في الآخر إيه؟ جرح جديد! أنا مش قادرة أصدق إنك عملت كل ده. إنت يافارس! فارس بدمعة هربت من عينه وصوت حزين: أنا وجودي جنبك بيسببلك مشاكل كتير يامنه في حياتك. إنتي معاكي حق. هحررك مني. بس مش هينفع حالياً عشان فرحنا كان امبارح. تعالي نامي في الأوضة التانية. منه حاولت تقوم بس مقدرتش.

فارس بص لها بحزن وكره نفسه أوي وشالها حطها على السرير في الأوضة التانية وعطاها مهدئ ومسكن. ومنه أخدتهم وراحت في النوم أو أغم عليها. فارس مقدرش يحدد. قفل الباب وأخد حاجة من الدولاب ومشى. *** في بيت مروة كانت قاعدة والفرحة مش سيعاها. مبسوطة بطريقة أوفر. سمعت الباب بيخبط. ابتسمت بمكر وجرت على الباب تفتحها. مروة: وحشتني أوي أوي أوي يافارس. أخيراً رجعنا تاني لبعض. وحضنته.

"مازلت أؤمن بأني سأصل يومًا إلى حلمي، إلى ذاتي، إلى ما أريد." *** فارس بإبتسامه وهو بيبعدها عنه: وإنتي وحشتيني أوي أوي يامروة. وجيت أدلعك زي زمان. حتى بص. وعطاها رجل وقعها في آخر الأوضة. جرى عليها وشدها من شعرها علشان تقف. فارس بعيون جحيمية اتحولت من اللون الأخضر للأسود: إنتي هتكدبي الكدبة ياروح أمك وتصدقيها؟ أخواتي فين؟ وصرخ: رددي. مروة ضحكت بجنون:

مش هقولك. مش هعرفك يافارس. لف ودور حوالين نفسك وبرضه مش هتعرف توصلهم. فارس وهو بيضغط على فكها بعنف: أقسم بالله يامروة لهقتلك وهرمي جثتك لكلاب السكك ينهشوا فيه. مروة بقوة مصطنعة: متقدرش. متقدرش يابو الفوارس. عارف ليه؟ لأن حياتك في إيدي. أنا اتفقت مع الناس اللي خطفوهم إن لو حصلي أي حاجة هيأذوا أخواتك. بص كده. فارس بص للمكان اللي مروة بتقول عليه ولقى كاميرا. فارس بهدوء: عايزة إيه يامروة؟ مروة بشر:

تذلها. تعذبها. تخليها تشوف العذاب ألوان. فارس بإستحقار: ليه كل الكره اللي في قلبك ده؟ مروة بصراخ وجنون: علشااان هي السبب. هي اللي بعدت مروان عني. هي السبب. فارس بص لها بشفقة واستحقار: إنتي مريضة يامروة. سايكو. المفروض تتعالجي. مروة بصت له بغيظ وغل وحبت تعذبه وطلعت تليفونها: بص كده. فارس أخد منها الفون بلهفة وشاف سيف وهدير مربوطين وسيف بيحاول يفك نفسه بغضب وهدير نايمة أو أغم عليها. فارس بغضب وعيون حمرا: يابنت ال***.

مروة بشر: نفذ اللي قولته يافارس أحسن ما تلاقي أخواتك جثث. ومتتحاولش تقولها حاجة لأني هعرف وساعتها تبقى اترحم على أخواتك. فارس بقوة: وأنا مبتهددش يامروة ومش من مصلحتك إنك تعملي فيهم كده لأن إنتي عارفة أنا هعمل فيكي إيه. وسابها وطلع من المكان بغضب. مروة بشر وجنون: بقا كده يافارس. طب اصبر عليا. *** فارس رجع البيت ودخل الأوضة اللي فيها منه وقعد جنبها وبص للسقف بشرود.

منه فاقت ولقت فارس على الحال ده. بصت له كتير وشافت قلق وخوف في عينيه. فارس بص لها كتير واتردد يقولها ولا لأ بس قرر يقولها كل حاجة. Flash back. فارس كان قاعد جنب منه وفرحان. واحدة من صحاب منه جاتلها ومنه انشغلت معاها. في نفس الوقت، فارس لقى رسالة مبعوتاله من رقم غريب.

فتحها ولقى: "أقسم بالله يافارس لو كدبت الكلام اللي أنا هقوله دلوقتي، أخوك وأختك هيرجعولك جثث". ولقى صورة هدير وسيف مربوطين وفي عربية. دور عليهم بعينيه وهو مصدوم ومشافهمش. شوقتها مروة دخلت واتصدمت لما شافته واضطر يصدق على كلامها. *** فارس بصوت حزين: عارف إن إنتي مش هتثقي فيا تاني. بس ده اللي حصل. منه قاطعته: خايفة أصدقك. وفي نفس الوقت عمالة أقارن الأحداث ببعض وحاسة إن فيه حاجة غلط. أنا تعبت يافارس والله العظيم تعبت.

وبكت بانهيار. فارس ضمها جامد وهمسلها: أنا مستحيل أعمل فيكي كده يامنه. أنا بحبك. لو كنتي سمعتيني امبارح كنت هفهمك كل حاجة. منه ببكاء وهي في حضنه: طيب ليه أ... وسكتت بإحراج. فارس بمكر: ليه إيه؟ منه بخجل وغضب: بس بقا يافارس. وبعدين أنا عايزة إثبات. آسفة مش هقدر أثق في حد بعد كده. فارس بحزن: حقك يامنه.

منه بصت لحزنه ولَامت نفسها. فارس هو اللي حماها. هو اللي دافع عنها. كدب أخوه علشانها. مشفتش منه حاجة وحشة. قطع تفكيرها صوت موبايل فارس. فارس لمنه: مش عايز أسمع صوتك عشان دي مروة. منه هزت له دماغها وسكتت بغيرة. فارس فتح السبيكر وقال بحده: نعم؟!! أي تاني؟ مروة بخبث: بصراحة أنا فكرت كتير وعرفت إيه هي الحاجة اللي هتعذب منه. ولو منفذتهاش يبقى حضر جنازة أخواتك. فارس بسخرية: وإيه هي يامروة؟ مروة بدلع وخبث: تتجوزني.