رواية العاشقة المجروحة الفصل السابع 7 - بقلم سلمى تامر

البقاء لله جدي اتوفى معالم الحزن والصدمة بقت على وشوش كل اللي واقفين صالح بحزن ودموع: الله يرحمك يابا.. الله يرحمك ياحج سميحة ببكاء: كان نفسي يعرف إن بنتي مظلومة قبل ما يموت صالح بغضب وصراخ: محدش يجيب سيرتها تاني قولت... وعليا الطلاق بالتلاتة يا سميحة لو سيرة منه جت تاني مهتكوني على ذمتي يوم واحد وصرخ: فاهمة؟ مروان خلص كل إجراءات الدفان اندفن أنصاري تحت حزن العيلة كلها عليه **** في شرم الشيخ

سيف بخبث وهو بيبص على غزل: وانتي وحشتيني أوي أوي أوي يا هدير.. مش مصدق إني شايفك قدامي غزل مرتحتش لبصات سيف ليها واتمنت فارس يبقى جنبها في الوقت سيف بإبتسامة خبيثة: طب أي مش تعرفينا يا هدير؟ هدير بإبتسامة: دي غزل يا سيف.... خطيبة فارس سيف بصدمة وغضب: خطيبة مين؟؟؟ وده خطبها امتى بقا إنشاء الله؟؟ : مالك مضايق كده لي.. فيه حاجة ولا أي؟! سيف بص وراه وشاف فارس بيبصله بعدم فهم حاول يلم الموقف: ها لا أبداً مبروك يا حبيبي

فارس بإبتسامة: الله يبارك فيك.. أكيد جعان تعالوا كلنا ناكل مع بعض واخد غزل في إيديه اللي بتبصله بإشتياق وخوف واتجه ناحية السفرة سيف جاه وقعد جنب غزل من الناحية التانية بخبث غزل قعدت وحست بحاجة على إيديها بصت ولقت إيد سيف وغمزلها قامت بفزع من مكانها فارس بقلق: مالك يا غزل؟ هدير: مالك يا بنتي فيه أي؟ غزل بخوف: ها لأ لأ مفيش حاجة عن إذنكم وطلعت أوضتها بسرعة فارس

بص لها بغموض ونادى عليها: استني يا غزل.. تعالي عالشط علشان عايزك غزل نزلت تاني راحت معاه *** في الشاطئ غزل بصت لفارس بدموع فارس فتح لها إيده جرت عليه وضمتو ببكاء: أنا مش عاهرة يا فارس... أنا مستحيل أبقى كده صح فارس

بإبتسامة وحنان وهو بيضمها: انتي مش كده فعلاً يا غزل.. أنا سبتك ومشيت علشان أمسح كل الصور اللي على النت.. مش علشان شكيت فيكي.. انتي من أول ما حكيتيلي قصتك وعرفت إن فيه حاجة غلط.. فيه حد عايز يدمرك يا غزل.. قسماً بالله لو مسكتوا مش هرحمه غزل ضمتو جامد بدموع: أنا خايفة... خايفة يا فارس أوي فارس بحنان: متخافيش يا حبيبتي.. طول ما أنا جنبك مش عايزك تخافي أبداً.. ابعدي بقا يا غزل علشان الشيطان شاطر غزل بصت له بعدم فهم

فارس بضحك: لأ وحيات أمك متبصليش بصة القطط دي بعنيكي العسلية هضعف أكتر غزل بخجل: بس بقا يا فارس الله فارس بإبتسامة: طب أي مكملناش كلامنا.. نتجوز امتى بقا؟ يلا دلوقتي.. يلا يابت متنحيش غزل بضحك: يلا دلوقتي أي.. لا طبعاً اصبر شوية فارس بإبتسامة وعشق: لأ طبعاً يا غزل مش هستنى.. بكرة هجيب المأذون ونكتب كتابنا.. ولما ننزل مصر هعملك فرح محدش فمصر كلها عمله

غزل بقلق: بس افرض إني عندي عيلة.. ممكن يضايقوا لما يعرفوا إني اتجوزت من وراهم.. مهو يمكن ترجعلي الذاكرة في يوم من الأيام فارس: أنا قلت لك قبل كده يا غزل إن مينفعش توقفي حياتك عشان كلمة "يمكن" دي.. إحنا هنبدأ مع بعض حياة جديدة.. وبعدين إحنا مش هنعمل حاجة غلط.. إحنا هنتجوز على سنة الله ورسوله.. ها موافقة؟ غزل بدموع: ط طب لو طلعت عاهرة يا فارس؟

فارس بغضب: متقوليش على نفسك كده يا حبيبتي.. إنشاء الله لأ.. انتي أنقى وأشرف مخلوقة في الكون بالنسبة لي يا غزل.. أنا بحبك غزل بفرحة وعشق ودموع: وأنا يا فارس بحبك أوي فارس بفرحة وهو بيشلها وبيلف بيها: أخيرااااا أبو الهول نطق يجدعان **** سيف وهو بيراقبهم: ياااه دي أحلوت أوي.. فاقدة الذاكرة.. وشاكين إن هي لمؤاخذة.... حلو أوي **** عند مروان مروان كان قاعد بحزن وبيفتكر منه.. عشقه الوحيد.. لحد دلوقتي مش قادر ينساه

مروان بحزن وهمس: انتي فين يا منه بقا.. وحشتيني أوي يا حبيبتي **** بليل كان فارس قاعد بيدخن سيجارته وبيفتكر غزل.. مستغرب إزاي دخلت حياته في وقت قصير وشقلبتها.. حبها بجنون.. مستعد يعمل أي حاجة عشانها فارس بهيام: هييحح وقعت يافارس وحدش سمى عليك: فيه موضوع مهم عايز أتكلم معاك فيه يا فارس فارس بص لسيف بإهتمام: أي هو يا سيف.. اتكلم؟ سيف بمكر وإحراج مصطنع: انت عارف إني كنت بروح كباريهات وأماكن مشبوهة.. و بصراحة يعني أنا..

فارس بزهق: متتكلم يابني فيه أي؟ : أنا شفت غزل قبل كده يا فارس في شقة دعارة