رواية الدكتورة والمغرور الفصل الحادي عشر 11 - بقلم الكاتبة الصغيرة

زين دخل يجري على نيره. زين بقلق: في إيه يا نيره؟ نيره شاورِت له وهي بتعيط ومش قادرة تقف من الصدمة. زين بصدمة: يااااسمين! لقوا ياسمين منتحرة وحواليها دم كتير. زين جري شالها وحطها في العربية. زين بزعيق: نيرررره اركبي. نيره بدموع: حاضر. وراحوا على المستشفى. نيره دخلت مع الدكتور عشان تعمل اللازم معاها. بعد ساعة خرجت نيره لـ زين. زين بلهفة: إيه يا نيره، بقت كويسة صح؟

نيره بهدوء: اهدا يا زين، هي بقت كويسة دلوقتي. عالجنا الجرح اللي في إيديها وعملنالها كل اللازم وبقت كويسة ونايمة دلوقتي. زين بعصبية وزعيق: حساااام السبب يا نيره. ورحمة أمي ما هسيبك يا حساام، والله ما هرحمه. لازم أندمه على اليوم اللي شاف فيه زين الدين. هخليه مش بس يكرهني، هخليه يكره الدنيا كلها ويتمنى الموت ومش هيطولوا.

نيره بدموع ووجع على حاله: زين اهدا عشان خاطري، وكل حاجة وليها حل والله. وهو هيندم من غير ما تعمل أي حاجة. هيندم على بنته ومراته اللي خسرهم. زين: أنا همشي، هروح على المكتب أشوف وصلوا لحاجة ولا لأ. نيره: ماشي، خلي بالك من نفسك. زين: خلي بالك من نفسك ومتخرجيش من المستشفى، وأنا هسيب حراس برا. نيره: ملوش لازمة كل ده يا زين. زين بعصبية: انتي سمعتي أنا قولت إيه يا نيره. نيره: خلاص يا زين، حاضر. زين سابها ومشى.

في مكان تاني أول مرة نروحُه. يا ماما اهدي، والله هنلاقيها إن شاء الله، صدقيني أنا دورت كتير أوي عليها. دولت بتعب: يا بنتي أنا كل يوم بضعف أكتر والتعب بيزيد. عايزة أشوفها ولو مرة واحدة، عايزة أحضنها. ملك: حاضر يا ماما، اهدي انتي بس واحنا هنلاقيها إن شاء الله. عند زين. محمد بلهفة: طب هي عاملة إيه دلوقتي يا زين، بقت كويسة؟ زين بستغراب: آه يا محمد، بس مالك؟ إيه خايف كده ليه؟

محمد بتوتر: أكيد يا زين أكون خايف عليها، دي زي أختي بالظبط ومتربيين سوا. زين: تمام، هحاول أصدقك. المهم دلوقتي، إيه الخطوة اللي جاية؟ محمد: هشام ييجي بس وعمر، وهقولك هنعمل إيه بالظبط. زين: تمام، روح انت دلوقتي وابعتلي قهوة. محمد: تمام، حاضر. زين قعد على مكتبه وبدأ يفكر هيعمل إيه وإيه الخطوة الجاية. عند نيره كانت في مكتبها وبتشرب قهوة وشارده في أفكارها. منه: دكتورة نيره، يا دكتورة.

نيره فاقت من تفكيرها: نعم يا منه، في حاجة؟ منه: إيه يا دكتورة، بنادي عليكي من بدري. نيره: معلش، كنت سرحانة شوية. في حاجة ولا إيه؟ منه: في واحدة عايزة حضرتك بره، بتقول إنها من طرف زين بيه. نيره بستغراب: من طرف زين؟ طب دخليها. منه: حاضر. وبعد ثواني كانت البنت عندها في المكتب. دخلت بنت في العشرينات وحاطة ميكب أوفر ولابسة فستان جريء ورافعَة شعرها لفوق. نيره بستغراب من شكلها: احمم، اتفضلي. البنت: مرسي.

نيره: أؤمريني حضرتك، تبقي إيه لـ زين؟ البنت: بنت عمتو وخطيبته. نيره بصدمة: إيه!