رواية الدكتورة والمغرور الفصل السابع عشر 17 - بقلم الكاتبة الصغيرة

عند زين جهز الفطار لنيره بايده وطلع لها. زين بضحك: الشيف جيه؟ الشيف حضر. نيره بضحك: بقيت شيف علشان عملت فطار؟ شوحت جبنة. زين بزعل مصطنع: طب قولي شكراً، كتر خيرك، أي حاجة طيب. نيره: خلاص يا سيدي متشكرين أوي يا شيف زين. زين قرب منها وطبع بوسة طويلة كفيلة تشفي كل الوجع اللي جواها. وبعد شوية بعد عنها وبص في عيونها

وقال بصوت يخطف القلب: أنا بحبك يا نيره ولازم تفهمي إني محبتش غيرك، وأنا آسف إني قسيت عليكي كده، بس صدقيني والله أنا عملت كده علشان بحبك ومش عاوزك تبعدي عني. نيره بصتله بدموع وقالت: ورنيم اللي حامل منك يا زين؟ زين: أول حاجة مش عاوزك تعيطي تاني، حاجة هتعرفي كل حاجة قريب أوي وهتعرفي إن زين جوزك حبيبك قرة عينك معملش حاجة ومظلوم والله. وأكمل كلامه بضحك: والله مظلوم يا بيه.

نيره بضحك في وسط دموعها: زين مضحكنيش بقى، خليني ثابتة على موقفي لو سمحت. زين بضحكة رجولية تخطف القلب: تعالي هنا بقى يالا علشان تاكلي يا عيون زين. نيره: لا أنا مش هقوم، أنا هاكل هنا. زين وهو بيشيلها: تؤ يا قمر انتي هتاكلي وأنتي على رجلي هنا. نيره بتوتر: نزلني يا زين، مش هعرف كده. زين قعدها على رجله وحط الأكل في بوقها على طول علشان تسكت. نيره اتكلمت وهي بتاكل: يا زين لو سمحت سيبني.

زين بابتسامة: كلي يا نيره وأنتي ساكتة، كلي يا آخرة صبري. نيره بزعل طفولي: زين أنا... زين قاطع كلامها ببوسة. نيره: على فكرة بقى أنت أنت قليل الأدب. زين: لو مبطلتيش كلام وأكلتي هعمل كده تاني. نيره بخوف: لا خلاص هاكل. زين ضحك عليها. وبعد شوية زين بص لها وغمز وقال: ها خلصتي أكل يا قمر؟ نيره بتوتر: لا لا مخلصتش لسه. زين: وحياة ماما.

نيره بتمثيل إنها تعبانة: آآآه تعبانة جداً يا زين، مش قادرة خالص، عاوزة أنام، آآآه ياربي أي الصداع ده. زين بضحك: هاا خلصتي؟ نيره بصتله بطرف عينها واتكلمت بتوتر: قصدك إيه؟ أنا تعبانة فعلاً. زين: وهو أنا قولت غير كده، لا سمح الله. نيره: طيب أوعى كده بقى علشان عاوزة أنام. زين قام شالها وحطها على السرير وقال: أنا عاوز بيبي يا نونو. نيره بتوتر وهي بتبعد عنه: زين لو سمحت أنا عاوزة أنام. زين

ضحك وهو بيشدها ليه وقال: هش هش خلاص، بس تعالي هنا في حضني متبعديش. نيره قربت ونامت في حضنه وزين مسح على شعرها بحنية وقال: تأكدي يا حبيبتي مش هيحصل أي حاجة غير بإذنك تمام. نيره ابتسمت براحة وقالت: تمام. وقعدوا يهزروا ويتكلموا في حاجات كتير تخصهم. عند ياسمين كانت قاعدة في الجنينة مع ريماس بنتها وبتلعب معاها في هدوء. سمعت صوت من وراها بيقول: ازيك يا ياسمين. ياسمين بصت وراها وقالت: محمد.

محمد بابتسامة بسيطة: أه يا جميل، عاملة إيه؟ ريماس جريت عليه حضنته وهو شالها وقال: وحشتيني يا صغنن. ريماس: وأنت كمان. محمد بضحك: حبيبي أنا. ياسمين: يالا يا حبيبتي اطلعي أوضتك، كفاية لعب النهارده. ريماس بطفولة: حاضر يا مامتي. ريماس طلعت وسابتهم. محمد بنظرة كلها حيرة ووجع وقال: وحشتيني يا ياسمين. ياسمين بتوتر: محمد. محمد بعصبية: محمد إيه يا ياسمين؟ كفاية بقى حرام عليكي، ليه عملتي فيا كده؟ كل ده علشان حبيتك؟

انتي بتعاقبيني على حبي ليكي ده؟ ذنبي إني حبيتك. ياسمين بصتله بدموع وسكتت. محمد: ياسمين انتي لسه بتحبي حسام بعد كل اللي عمله؟ ياسمين بزعيق: انت عارف إني مش بحبه يا محمد، وعارف أنا اتجوزته ليه، انت كنت معايا في كل خطوة. محمد بدموع: وأنا قولتلك متتجوزيهوش وأنا هحل كل حاجة، كنت هضحي بحياتي عشان خاطرك، بس خوفك من أخوكي اتغلب عليكي يا ياسمين. ياسمين بعياط: وأهو اللي حصل يا محمد.

محمد بتهدئة ياسمين: خلاص يا ياسمين اهدي لو سمحت، أنا آسف. ياسمين: تمام يا محمد، كنت محتاجة حاجة؟ محمد بحب: محتاجة إنتي يا ياسمين. ياسمين بتوتر: إزاي يعني؟ محمد قرب منها ومسك إيديها: تقبلي تتجوزيني يا ياسمين؟ كفاية أوي كده، كفاية بعدك عني كل السنين دي، صدقيني أنا هحاول على قد ما أقدر إني أفرحك وأفرح ريماس. ياسمين بصتله بدموع: انت عاوزني حتى وأنا معايا بنت؟

محمد اتكلم بوجع: أنا بحبك يا ياسمين والله، وميفرقش معايا غيرك، صدقيني وكفاية السنين اللي ضيعناها بقى، وعارف إن غصب عنك كل اللي حصل ده، بس متقلقيش أنا جنبك دلوقتي. ياسمين: بس زين مش هيوافق يا محمد. محمد: سيبها عليا، وإن شاء الله هيوافق. ياسمين: ماشي. محمد باس إيديها وقال: اعذريني يا قمري بس أنا لازم أمشي، عن إذنك. ياسمين ابتسمت بحب وقالت: مع السلامة يا محمد. وسابها ومشى وهي جواها فرحة كبيرة جداً.

عند نيره وزين كانوا بيهزروا وفجأة فون نيره اتصل. نيره قالت بضحك: دي ياسمين، هتلاقيها اتصلت تطمن عليا. زين: طب ردي يا حبيبتي طمنيها عليكي. نيره ردت: إيه يا حبيبتي. ياسمين بعياط: الحقينيييييي يا نيرررررره.