رواية الهروب إلى المجهول الفصل السابع 7 - بقلم اروى عادل

سميرة ٠٠٠ كريم ما بيتحركش مابيردش عليا مش عارفه ماله. صرخت إيلا وهي تقول: إيلا ٠٠٠ أبنى ماله؟ سميرة ٠٠٠ أنا و كامل طالعين بيه على أقرب مستشفى. (انتهت المكالمة) ركضت إيلا و أميرة خلفها وهي تقول: أميرة ٠٠٠ في إيه … فهميني بس انت بتجري ليه. إيلا ٠٠٠ كريم تعبان. خرجت إيلا من الفندق وهي تركض إلى أن اصطدمت بعمر الذي وقف أمامها. عمر ٠٠٠ أنتي بتجري كده ليه؟ إيلا ٠٠٠ (بصراخ) ابعد عني دلوقتي. عمر ٠٠٠ في إيه؟

تركته إيلا وذهبت دون أن ترد عليه. أميرة ٠٠٠ معلش يا عمر بيه. عمر ٠٠٠ هو في إيه؟ أميرة ٠٠٠ اتصلوا عليها ابنها تعبان قوي. عن إذنك الحقها. وقفت إيلا تبكي أمام الفندق وهي في انتظار أي سيارة تنقلها للمستشفى، لكن صعب وجود سيارة أجرة في هذا المكان. أميرة ٠٠٠ مافيش عربيات … طيب أنا هروح أشوف حمزة يوصلنا. قبل أن تتحرك من مكانها، وقف عمر بسيارته وقال: عمر ٠٠٠ تعالوا أوصلكم. وقفت إيلا مترددة، لكن أميرة قالت:

أميرة ٠٠٠ إيلا مافيش وقت للتفكير. ركبت إيلا السيارة هي وأميرة. هنا قال عمر: عمر ٠٠٠ هتروحوا على أي مستشفى؟ هنا اتصلت على سميرة. (بدأت المكالمة) إيلا ٠٠٠ أيوه يا طنط أنتم فين دلوقتي؟ سميرة ٠٠٠ إحنا داخلين على مستشفى العاصمة التخصصي. إيلا ٠٠٠ (ببكاء قالت) طيب كريم عامل إيه؟ سميرة ٠٠٠ أيه زي ماهو. إيلا ٠٠٠ ثواني وهاكون عندك. (انتهت المكالمة) إيلا ٠٠٠ رايحين على مستشفى العاصمة التخصصي. عمر ٠٠٠ تمام أنا عارف المستشفى.

خلال ١٠ دقائق كانوا وصلوا المستشفى. فتحت إيلا باب السيارة وخرجت تركض بسرعة لداخل المستشفى. هنا قالت أميرة: أميرة ٠٠٠ معلش أعذروها إنها ما شكرتش حضرتك بس هي مخضوضة على ابنها .. اتفضل حضرتك مش عايزين نعطلك أكتر من كده. عمر ٠٠٠ لأ عادي. وطالما أنا هنا بالمرة خليني أروح أطمن على ابنها. كان يوجد صوت زعيق وتهليل عندما دخل عمر مع أميرة المستشفى. إيلا ٠٠٠ يعني إيه ماينفعش تقبلوا الولد في مستشفى؟

موظفة الاستقبال ٠٠٠ يا هانم لازم تدفعوا مبلغ التأمين قبل ما يدخل المستشفى ده نظام هنا. إيلا ٠٠٠ نظام إيه الزفت ده .. واللي مش معاه مبلغ التأمين يموت .. دي مش مستشفى دي …. قطع كلامها عمر وهو يقول: عمر ٠٠٠ في إيه؟ الموظفة الإستقبال ٠٠٠ يا فندم الهانم رافضة تدفع مبلغ التأمين. عمر ٠٠٠ خلاص خلاص بتقبلوا فيزا هنا؟ الموظفة ٠٠٠ أيوه يا فندم. في أقل من ربع ساعة تم الكشف على كريم. الدكاترة قرروا إجراء العملية.

فعلاً ودخل كريم غرفة العمليات. لبنى ٠٠٠ إيه اللي حصل .. كريم فين؟ سميرة ٠٠٠ في العمليات. ظل عمر يراقبها من بعيد وهي تتمشى ذهابًا وإيابًا أمام غرفة العمليات. والقلق والخوف واضح على ملامحها وهي تنظر للساعة، لكن الوقت يمر ببطء شديد كأنه يرفض أن يمر. هنا قالت إيلا: إيلا ٠٠٠ هما اتأخروا ليه .. بيعملوا إيه كل ده جوه؟ سميرة ٠٠٠ اهدى يا إيلا الدكتور قال إن العملية بتاخد وقت. ادعيله ربنا يقومه بالسلامة.

إيلا ٠٠٠ يارب انت عالم بحالي وعارف قد إيه أنا تعبت عليهم. أنا اتبهدلت واتمرمط عشان خاطرهم يارب نجيني ابني. قربت لبنى وأميرة وقاموا باحتضان إيلا. لاحظت أميرة أن عمر مازال موجودًا. ذهبت إليه وقالت: أميرة ٠٠٠ عمر بيه حضرتك لسه هنا؟ عمر ٠٠٠ أنتي شايفة إيه. روحي طمني صاحبتك وقولي ليها إن الدكتور قال إن العملية مش هتاخد أقل من ٤ ساعات. ده كلام الدكتور. أميرة ٠٠٠ حاضر هقولها.

عمر ٠٠٠ أنا ماشي. آه. ابقي قولي ليها متشلش هم حساب المستشفى أنا دفعته كله. أميرة ٠٠٠ بس كده كتير يا فندم. أكتفى فقط برفع يده حتى تصمت، ثم انصرف. بعد ٥ ساعات مرت على إيلا كأنها هـ سنين. خرج الطبيب كان واضح عليه الإرهاق. ركضت إيلا إليه وهي تقول: إيلا ٠٠٠ ابني عامل إيه؟ الدكتور ٠٠٠ الحمد لله العملية كانت ناجحة وهو بخير. أخذت إيلا نفس طويل وهي مغلقة عينيها وساندة ظهرها على الحائط وهي تقول:

إيلا ٠٠٠ الحمد لله. الحمد لله. الحمد لله. في المساء في غرفة خاصة في المستشفى ===================== فاق كريم وبدأ يتكلم. لبنى ٠٠٠ إيلا حلوة أوي الأوضة دي .. ده ولا فندق خمس نجوم. كارما ٠٠٠ آه. أوضة جميلة أوي. يا بختك يا كريم ياريتني أنا بدالك. إيلا ٠٠٠ كارما إيه اللي انتي بتقوليه ده.. بعد الشر عليكي .. بعدين مهما كانت الأوضة حلوة دي اسمها في الآخر أوضة في مستشفى. ياسمين ٠٠٠ براحة عليها. هي مش فاهمة حاجة.

رقية ٠٠٠ هدي أعصابك يا إيلا.. يلا يا ياسمين عشان نروح. ياسمين ٠٠٠ طيب يلا .. حمد الله على السلامة يا كريم. إيلا ٠٠٠ أميرة قومي عشان تروحي انتي كمان و خدي لبنى معاكي هي وكارما. كارما ٠٠٠ ماما عايزة أفضل معاكي. إيلا ٠٠٠ لاء ماينفعش إحنا في مستشفى. يلا يا حبيبتي روحي مع أميرة مع السلامة. أميرة ٠٠٠ مش عايزة حاجة أجيبها ليكي معايا بكرة؟

إيلا ٠٠٠ آه .. فلوس السلفة ٣٠٠٠٠ جنيه نسيت أخدهم من مستر جمال. وانتِ يا لبنى هاتِ ٩٠٠٠ جنية اللي جمعتيهم من البنات. عشان ندفع حساب المستشفى. أميرة ٠٠٠ بس الحساب كله اتدفع.. عمر بيه دفعوا الحساب كله. إيلا ٠٠٠ لاء … هو دفع التأمين بس. لبنى ٠٠٠ لاء أنا سألت وعرفت إنه دفع ٥٠٠٠٠ جنية. إيلا ٠٠٠ إزاي يخلوه يدفع الحساب بأي صفة؟ لبنى ٠٠٠ المستشفى مالهاش دعوة مين اللي يدفع الحساب أهم حاجة الحساب يدفع وبس.

رقية ٠٠٠ طيب والله كتر خيره. إيلا ٠٠٠ لاء أنا مش ممكن هقبل بحاجة زي كده. بكره يا أميرة تاخدي الفلوس من مستر جمال وتديهم له. أميرة ٠٠٠ اسمعي ياريت تبعديني عن عمر بيه .. لم كريم يقوم بالسلامة ابقى اعملي اللي انتي عايزاه .. يلا سلام. بعد مرور أسبوع =========== كريم ٠٠٠ ماما إيه الورد ده؟ إيلا ٠٠٠ مش عارفة .. استنى أشوف الكارت … إيه ده معقولة عمر القاضي؟ كريم ٠٠٠ مين عمر ده؟ قبل أن تجيب دخل الطبيب.

الدكتور ٠٠٠ لاء احنا بقينا تمام وزي الفل. إيلا ٠٠٠ يعني ممكن نخرج يا دكتور؟ الدكتور ٠٠٠ إيه زهقتي منا بسرعة كده؟ كريم ٠٠٠ آه أنا عايز أروح. الدكتور ٠٠٠ ماشي يا بطل هتروح النهارده .. بس نفك السلك الأول. إيلا ٠٠٠ طيب نظام الأكل يا دكتور هيبقى إزاي؟ الدكتور ٠٠٠ كل حاجة هكتبهالك ولازم أشوفك كل أسبوع لمدة شهر متابعة. إيلا ٠٠٠ تمام. اليوم التالي =========

سميرة ٠٠٠ ماتخافيش عليه بقى روحي شغلك انتي بقالك أسبوع. ماروحتش الشغل. إيلا ٠٠٠ كريم أوي تتحرك. وانتي يا كارما العبي بعيد عن أخوكي. كارما ٠٠٠ حاضر. إيلا ٠٠٠ يلا مع السلامة. في الفندق ======== مستر جمال ٠٠٠ حمد الله على السلامة ابنك. هو عامل إيه؟ إيلا ٠٠٠ الحمد لله كويس. كنت عايزة فلوس السلفة. مستر جمال ٠٠٠ موجودة روحي على الحسابات هيصرفوها ليكي. إيلا ٠٠٠ تمام شكرًا يا مستر.

بعد ما أخذت إيلا فلوس السلفة وفلوس البنات وراحت على جناح عمر. جناح ٩ ====== كان ينتظر فتاة المساج عندما طرقت إيلا الباب. كان عريان الصدر مثل العادة عندما فتح الباب قال من غير ما ينظر مين اللي قدامه: عمر ٠٠٠ ادخلي واقفلي الباب وراكي. قال جملته واستدار، لكنه وقف وابتسم عندما سمع صوتها وهي تقول: إيلا ٠٠٠ أنا مش جايه عشان أدخل اتفضل. عمر ٠٠٠ أمال جايه ليه؟

إيلا ٠٠٠ جايه أديلك فلوسك اتفضل دول ٣٩٠٠٠ جنية. أنا عرفت إنك دفعت ٥٠٠٠٠ جنية في المستشفى. يعني باقي ١١٠٠٠ جنية. أديني بس أسبوع وأنا هجيب لك المبلغ الناقص. عمر ٠٠٠ خلي فلوسك معاكي أنا مش عايز حاجة. إيلا ٠٠٠ لاء معلش شكرًا اتفضل فلوسك. عمر ٠٠٠ ممكن أعرف هتجيبي منين ١١٠٠٠ جنية في أسبوع؟ إيلا ٠٠٠ دي حاجة تخصني. المهم المبلغ يكون عندك خلال أسبوع. عمر ٠٠٠ إيه هتطلبي سلفة تاني ولا هتجمعي من صحابك؟

نظرت إيلا له باستغراب كيف علم بأمر السلفة وكيف علم أنها جمعت فلوس من الفتيات. إيلا ٠٠٠ عرفت منين؟ عمر ٠٠٠ أنتي فاكرة جمال يقدر يوافق على سلفة من غير ما أنا آمُره بكده.. أما بالنسبة لأصحابك فأنا ليا عيون في كل حتة. إيلا ٠٠٠ على العموم. مستر جمال وافق أو انت اللي وافقت على السلفة في كل الحالات دي هسددها من مرتبى. عمر ٠٠٠ ادخلي نتكلم جوه. إيلا ٠٠٠ أنا مستحيل أدخل الجناح ده تاني.

هنا مسكها عمر من يدها لداخل الجناح ثم سحبها لغرفة النوم ثم أغلق الباب بالمفتاح وألقى المفتاح على الفراش. لذلك قالت إيلا بارتباك وخوف: إيلا ٠٠٠ سيب ايدي . انت إزاي تسحبني بالطريقة دي وبعدين انت جايبني هنا ليه .. اعمل حسابك اللي حصل المرة اللي فاتت .. أنا مش ممكن اسمح بحاجة زي دي تحصل تاني انت فاهم. عمر ٠٠٠ شششششش إسكتي .. يلا تعالي اعمليلي مساج. إيلا ٠٠٠ أعملك أسود ومهبب. انت اتجننت مساج إيه ده؟

عمر ٠٠٠ مش عايز أسمع منك ولا نفس ويلا استلقي على وجهك. ركضت إيلا اتجه الفراش وهي بتحاول توصل للمفتاح لكنه عمر كان أسرع منها. أمسك هو بالمفتاح ووضع على طاولة بجواره وقال: عمر ٠٠٠ متحاوليش. لذلك قالت بضيق: إيلا ٠٠٠ افتح لي بعد إذنك. افتح الباب بقى خليني أخرج. نظر إليها عمر بطريقة جريئة جعلت إيلا ترتجف بخوف.

عمر ٠٠٠ بعد ما تعمليلي مساج ممكن ساعتها أسيبك تخرجي. بس لو فضلتِ على الحال ده أنا مش ضامن نفسي ممكن أعمل إيه. الحاجة مش بيقولوا إذا اجتمع اثنان كان ثالثهم الشيطان .. وأنا شيطاني حاضر دلوقتي وبقوة كمان. إيلا ٠٠٠ سيبني بدل ما أرتكب جريمة دلوقتي. ضحك عمر ثم اقترب منها حتى حاصرها في أحد أركان الغرفة. هنا قالت: إيلا ٠٠٠ خليني أخرج. هنا وضع أصابعه على شفتيها لكي لا تكمل كلامها وقال: عمر ٠٠٠ لاء انتي ناسيه ولا إيه؟

إحنا متحسبناش. إيلا ٠٠٠ حساب إيه ما أنا قولتلك ١١٠٠٠ جنية هجيبهم لك بعد أسبوع. عمر ٠٠٠ ده الحساب الجديد .. طيب والحساب القديم. إيلا ٠٠٠ أنا مش فاهمة حاجة حساب قديم إيه ده. عمر ٠٠٠ كان فيها قلم ضرب على وشي فاكراه. هنا مسك ذقنها بيده وقال: عمر ٠٠٠ إيه رأيك نخلص كل الحساب اللي بينا هنا دلوقتي. وكل واحد ياخد حقه .. وأنا حقي قدامي أهو.

أتصدمت إيلا من تلميحه الجريء. هي بتحاول تبعده عنها بيدها لكنه كان ثابت مكانه مثل الصخر. هو مستمتع من اقترابه منها وخوفها منه. قالت إيلا وهي ترتجف بخوف: إيلا ٠٠٠ أنت قليل الأدب إزاي تكلمني بالطريقة السفلة دي.. انت بني آدم هجمي. عمر ٠٠٠ أنتي ليه محسساني إن دي أول مرة ليكي. ما كان أمامها غير أنها تقوم بضربه بركبته تحت الحزام. تألم عمر من ضربتها. بينما انتهزت إيلا الفرصة وأخذت المفتاح وفتحت الباب وهربت من الجناح.

هنا قال عمر: عمر ٠٠٠ يا بنت المجنونة … واللهي ما هسيبك. غرفة خدمة الغرف، ============ دخلت إيلا الغرفة وهي بتركض وشها أحمر. أميرة ٠٠٠ في إيه أنتي بتجري من إيه؟ تأخذ نفسها بصعوبة. إيلا ٠٠٠ حبة ميه بسرعة. أميرة ٠٠٠ امسكي اشربي وقوليلي مالك. بعد ما هديت شوية قالت: إيلا ٠٠٠ عمر مش ناوي يسبني في حالي. أميرة ٠٠٠ تقصدي عمر القاضي؟ إيلا ٠٠٠ هو في غيره. أميرة ٠٠٠ عمل إيه تاني؟ إيلا ٠٠٠ حاول يعت………

أميرة ٠٠٠ بس من غير ما تكملي فهمت. إيلا ٠٠٠ بس أنا مسكتش وعرفت إن الله حق. عشان يبطل يعمل دكر تاني. أميرة ٠٠٠ يا نهار أسود. انتي عملتي إيه بالظبط؟ إيلا ٠٠٠ اللي قدرني عليه ربنا. أميرة ٠٠٠ ربنا يستر. انتهى الدوام اليوم للشغل. وكان عمر يجلس مع مروان في السيارة أمام الفندق عندما رأى إيلا وأميرة واقفين في انتظار حمزة ليوصلهم للمنزل بسيارته كعادة. عندما جاءه حمزة قال: حمزة ٠٠٠ معلش اتأخرت عليكم. أميرة ٠٠٠ لا يهمك.

حمزة ٠٠٠ إيه يا إيلا يومك كان عامل إيه النهارده؟ إيلا ٠٠٠ أهو يوم زي باقي الأيام. كان عمر ينظر لهم بغضب وغلت الدماء في عروقه. هي تاني مرة يرى حمزة مع إيلا. لذلك نزل عمر من السيارة واقترب منهم. قال: عمر ٠٠٠ أنتي واقفه كده ليه؟ إيلا ٠٠٠ نعم. انت بتكلمني؟ عمر ٠٠٠ هو في حد قدامي غيرك؟ حمزة ٠٠٠ في إيه يا أستاذ؟ عمر ٠٠٠ ياريت مالكش دعوة روح شوف انت رايح فين. إيلا ٠٠٠ يلا يا حمزة نمشي.

عمر ٠٠٠ استني هنا مين ده عشان تركبي معاه؟ قالت إيلا كاذبة: إيلا ٠٠٠ ده خطيبي. يلا يا حبيبي عشان نروح. قالت جملتها وهي تركب السيارة. ابتسم حمزة هو لا يصدق أن إيلا قالت إنه خطيبها، ثم صعد السيارة وانطلق بها. وتركوا وراءهم عمر الذي كان مصدوم من كلام إيلا. لقد وصل لقمة غضبه. هو يركل إطار سيارته بقدمه بغضب. مروان ٠٠٠ اهدى يا عمر في إيه؟ عمر ٠٠٠ مش ممكن يكون خطبها مستحيل. مروان ٠٠٠ فهمني بس إيه اللي حصل.

عمر ٠٠٠ هي بتاعتي أنا وبس ملكي أنا. مروان ٠٠٠ أنت بتتكلم على إيلا؟ عمر ٠٠٠ أيوه بتكلم على زفتها. مروان ٠٠٠ كل ده عشان رهان. انسى يا عمر. عمر ٠٠٠ أنا مش ممكن أنسى غير ما آخد منها اللي أنا عايزه. أنا مافيش واحدة تقول لعمر القاضي لاء. مروان ٠٠٠ أنا قولتلك من الأول البنت دي صعبة ومش هتعرف تاخد منها حق ولا باطل. عمر ٠٠٠ مش معايا أنا دي خلاص بقت تحت رحمتي. مروان ٠٠٠ إزاي يعني؟ عمر ٠٠٠ بالورقة دي.

مروان ٠٠٠ فيها إيه الورقة دي؟ هنا قرأ مروان الورقة وقال: مروان ٠٠٠ عمر التوقيع دي حقيقية. عمر ٠٠٠ طبعًا حقيقية. مروان ٠٠٠ أنت إزاي خليتها توقع على ورقة زي دي؟ عمر ٠٠٠ مش مهم إزاي المهم إنها وقعت على الورقة وخلاص. مروان ٠٠٠ وليه كل ده ماتفكك منها وخلاص؟ عمر ٠٠٠ أفكنك منها. مش قبل ما تيجي ليا زحفة ساعتها أذلها وأخليها عبرة لأي واحدة تفكر تقف قصادي تاني. مروان ٠٠٠ بس خايف عليك يا صاحبي لتيجي تصيدو يصيدك.

عمر ٠٠٠ هو إيه ده؟ مروان ٠٠٠ الحب يا صاحبي الحب. عمر ٠٠٠ أنت شكلك عبيط مفيش حاجة اسمها حب. بس في حاجة اسمها رغبة. أنا ليا رغبة فيها هي دي كل الحكاية. مروان ٠٠٠ بس اللي أنا شفته في عينك من شوية كان غيرة عليها لما عرفت إنها مخطوبة. عمر ٠٠٠ شكلك خرفت. أنا أغير. أنا بس مش بحب حد يقرب من ممتلكاتي. في صباح اليوم التالي في سيارة حمزة =============== عندما وصلوا للفندق نزلت أميرة. هنا قالت إيلا:

إيلا ٠٠٠ أنا آسفة إني قولت امبارح قدام عمر القاضي إنك خطيبي. حمزة ٠٠٠ كان نفسي إنك ماتتأسفيش ويكون الموضوع بجد. إيلا ٠٠٠ حمزة إحنا اتكلمنا في موضوع ده قبل كده. حمزة ٠٠٠ نفسي أعرف أنا مش عاجبك في إيه. إيلا ٠٠٠ الموضوع ملوش علاقة بيك المشكلة فيا أنا .. لأن الولاد واخدين كل حياتي. هنا قالت أميرة من خارج السيارة: أميرة ٠٠٠ يلا يا إيلا هتتأخري. إيلا ٠٠٠ معلش نكمل بعدين.

خرجت إيلا من السيارة إلى غرفة خدمة الغرف وغيرت ملابسها ولبست هدوم الشغل. بعد ساعتين كانت تجر عربة التي بها أدوات التنظيف والشراشف النظيفة. كانت إيلا تسير عبر الممر عندما رأت عمر واقف أمامها وواضح على ملامحه الغضب. حاولت تسير في الاتجاه الآخر لتتفادى مواجهته، لكنه أوقفها وأمسكها من معصمها وسحبها خلفه. هي تصرخ فيه لكي يتركها لكنه لم يهتم لا بصرخها ولا ببعض نزلاء الفندق الذين كانوا ينظرون لما يحدث بدهشة.

عندما وصل لجناحه.. دفع إيلا لداخل الجناح ثم أغلق الباب. هنا قالت آيلا بعصبية: إيلا ٠٠٠ لا كده كتير أنا مش هقبل إهانة أكتر من كده. انت سحبتني وكأنك سحبت بهيمة ولا همك. ولا فارق معاك حاجة. إيه سكتناله دخل بحماره. انت…. قطع كلامها عمر وهو يصيح بها بصرامة وهو يقترب منها: عمر ٠٠٠ اخرسي .. وقوليلي الواد ده فعلاً خطيبك؟ إيلا ٠٠٠ وانت مالك؟ صرخت إيلا عندما مسكها عمر من شعرها وقال: عمر ٠٠٠ ردي على قد السؤال. يلا انطقي.

إيلا ٠٠٠ آه ه ه ه ه سيب شعري يا مجنون. عمر ٠٠٠ لمي لسانك وانطقي أحسن لك. ثم اشتد أكثر على شعرها حتى شعرت أنه سوف يقتلع شعرها من جذوره لذلك قالت: إيلا ٠٠٠ مش خطيبي .. مش خطيبي. خلاص بقى سيبني. هنا سابها عمر وهو يقول: عمر ٠٠٠ آمال قولتي إنه خطيبك ليه؟ إيلا ٠٠٠ عشان أخليك تبعد عني لأني تعبت من مطاردتك ليا كنت عايزة أخلص منك. عمر ٠٠٠ أنتي فاكرة إنك هتتخلصي مني بسهولة كده؟

إيلا ٠٠٠ اسمعيني كويس أوي اللي في دماغك ده مش هيحصل. لو حتى على جثتي. عمر ٠٠٠ لاء هيحصل و بموافقتك كمان. إيلا ٠٠٠ أنت بتحلم. عمر ٠٠٠ طول عمري بعرف أحقق أحلامي. إيلا ٠٠٠ إلا أنا مش ضمن أحلامك. عمر ٠٠٠ ههههههه لو تعرفي إن كلامك ده بيخليني أصمم عليكِ أكتر. إيلا ٠٠٠ طيب اسمعني بقى أنا هطلع من هنا هروح أقدم فيك بلاغ عدم تعرض وأبقى وريني بقى هتعمل إيه ساعتها.

عمر ٠٠٠ تمام براحتك روحي بس قبل ما تطلعي من هنا ممكن تقري الورقة دي. إيلا ٠٠٠ فيها إيه الورقة دي؟ عمر ٠٠٠ دي صورة من الورقة اللي انتي وقعتي عليها لجمال يوم ما أخدتي السلفة فاكراها. اتسعت عينيها عندما قرأت محتوى الورقة. ثم شهقت بصدمة وهي لا تصدق ماذا تقرأ عينيها. يتبع…