رواية الهروب إلى المجهول الفصل السادس والثلاثون 36 - بقلم اروى عادل

قامت شيري وأخذت إيلا معها ليتجولوا في النادي. شيري: تعرفي احنا كل جمعة بنقضي اليوم كله هنا في النادي. هنا فجأة سمعت إيلا صوت طالما كرهته وهو يقول: ميار: إيه ده هو عملوا فرع للروم سيرفس هنا في النادي ولا إيه. ثم تعالت ضحكات رودي ومرام. شعرت إيلا بضيق من سخريتها عليها، لكنها حاولت تتجاهلها، لكن شيري قالت: شيري: هو في إيه هي تقصد مين بكلامها ده. إيلا: متشغليش بالك.. يلا تعالي فرجيني على باقي النادي.

عندما كانت على وشك الانصراف، وقفت أمامها ميار وقالت: ميار: أظن إن في بينا حساب لازم يخلص. كانت ميار تتحدث عن آخر لقاء بينهم عندما صفعتها إيلا على وجهها عندما كانت ميار تحاول إغواء عمر. شيري: ميار في إيه.. انتي بتتكلمي معاها ليه كده. ميار: ياريت يا شيري مالكيش دعوة بالحوار ده. شيري: يعني إيه مالكيش دعوة. على فكرة إيلا صاحبتي وهي هنا معايا. ميار: (قالت باشمئزاز)

دي صاحبتك. بس سوري يعني يا شيري انتي مستواكي بقى زبالة وواطي أوي في اختيار صحابك. شيري: ميار احترمي نفسك. أوعي تنسي انتي بتكلمي مين. كانت إيلا تحاول تسيطر على غضبها وانفعالها من كلام ميار الجارح، بينما ميار ترجمت صمت إيلا ضعف منها، لذلك استمرت في السخرية والاستهزاء بها. ميار: شيري سوري أنا مش قصدي أضايقك بس خايفة عليكي من الإشكال اللي زي دي. أنا عارفاها كويس، دي واحدة شمال مش محترمة واستغلالية.

هنا لم تستطيع إيلا كبح جماح غضبها أكثر، لذلك قالت قبل أن تكمل ميار عبارتها: إيلا: غريبة إن واحدة زيك بتتكلم على احترام بعد المنظر اللي شوفتك فيه آخر مرة. هنا تذكرت منار عندما رأتها إيلا عندما كانت تحاول تتقرب وتغوي عمر أيضاً، تذكرت ضرب إيلا لها. كانت سوفه تتحدث لكن سابقتها مرام وقالت: مرام: منظر اللي بتتكلمي عليه ده. بعدين هو انتي ليكي عين تتكلمي. واحدة زيك كنت تحط رأسها في الأرض وتخرس خالص.

إيلا: ليه إنشاء الله هو انتي كسرة عيني ولا حاجة. بصي اسمعي يابت انتي وهي أنا لحد دلوقتي بحاول أمسك نفسي بالعافية عشان مش عايزة شوشرة. لكن أقسم بالله لو ما غورتيش انتي وهي من وشي دلوقتي لأوريكم البت بتاعت الروم سيرفس هتعمل إيه فيكم. ميار: أيوه كده أظهري على حقيقتك. خلي شيري تشوف هي مصاحبة مين. إيلا: أنتي شكل القلم اللي أخدتيه مني على وشك قبل كده ما كانش كفاية. محتاجة تاخدي واحد تاني. ميار: (قالت بارتباك)

أنتي لو فكرتي تمدي إيدك عليا تاني أنا هكسر هلك. أتصدمت مرام ورودي مما سمعوا، لأن كبرياء ميار مانعها من أن تقول لهم أن إيلا قامت بضربها. مرام: معقولة ميار انتي سمحتي للمخلوقة دي تمد ايديها عليكي. إيلا: لو انتي كمان ما خرستيش أنا همد إيدي عليكي فاهمة يا شاطرة. توترت مرام، هي تعلم أنها سوفه تفعله. بينما شيري كانت تشاهد ما يحدث باستغراب وهي لا تعلم ما هي أصل الحكاية، لكنها كانت معجبة بقوة شخصية إيلا. هنا قالت ميار بغضب:

ميار: اسمعيني انتي بقى أنا بإشارة من صباع إيدي الصغير ممكن أوديكي في ستين داهية. إيلا: (بسخرية قالت) واللهي انتي بق ولا تقدري تعملي حاجة. أقولك أعلى ما فيكي اركبيه، ماشي يا عسلية. ميار: (بعصبية قالت) انتي فكرة نفسك مين انتي، إزاي تكلميني بالطريقة دي. إيلا: أنا ستك وتاج رأسك. ثم اقتربت منها وهمست لها بصوت غير مسموع إلا لها.. وقالت وهي تبتسم بشر: إيلا: كمان أنا مدام عمر القاضي وأم ابنه. ثم ابتعدت عنها وقالت بصوت مسموع:

إيلا: ياريت كده عرفتي أنا مين. قالت إيلا آخر جملتها ثم غمزت لها وقالت: إيلا: شيري يلا بينا هتأخر على بابا عزت. قالت جملتها وانصرفت هي وشيري، تركت خلفها ميار تصرخ من الغضب الحاد حتى كادت تنفجر من الغيظ وهي توعد بالانتقام من إيلا. لذلك قالت بغضب: ميار: مش هسيبك يا إيلا. ولازم أعرفك مقامك إنك مش أكتر من خدامة. وأعرفك تتجرأي إزاي على أسيادي. رودي: ميار هي كانت بتقولك إيه خلاكي متعصبة كده.

ميار: ماحدش ليه دعوة باللي قالته. مرام: خلاص اهدى يا ميار مش واحدة زي دي تقدر تضايقك. في الجهة الأخرى: شيري: إيه اللي حصل. انتي إيه علاقتك بميار. انتي بجد ضربتيها. إيلا: ومالك فرحانة أوي كده. مش دي صاحبتك بردوا. شيري: لأ طبعاً أنا وميار مجرد معارف وعمرنا ما كنا صحاب. وصح أنا فرحانة فيها. بيني وبينك كده أنا مابحبهاش. إيلا: (بسخرية قالت) غريبة مع إنها حبيبة أخوكي. شيري: (باستغراب قالت)

إيه ده انتي عارفة علاقة عمر بميار. إيلا: طبعاً آمال بقينا أعداء إزاي. شيري: أه كده فهمت. عشان كده ضربتيها. إيلا: أه كانت بتحاول وتتقرب من عمر. وأنا شوفتها ساعتها كنت متعصبة وضربتها. شيري: طيب قوليلى. قولتلها إيه ساعة لما قربتي ليها خليتها هتجنن. إيلا: قولتلها إني مدام عمر القاضي وأم ابنه. شيري: ليه كده يا إيلا. إحنا مش قولنا إن محدش يعرف قبل ما بابا يكلم عمي محسن.

إيلا: متخافيش ميار عارفة من زمان. لو عايزة تقول كانت قالت. شيري: عارفة من فين. إيلا: أنا قولتلها يوم ما ضربتها. كنت متعصبة ماكنتش عارفة بقول إيه. شيري: بس خلي بالك ميار مش سهلة مش هتسكت. إيلا: تعمل اللي عايزة تعمله. هي مش فارقة معايا أصلاً. يلا وكبري دماغك. في جهة أخرى عند عزت ونفين: عزت: يعني لسه ما أخدتش قرارك. نفين: عزت أنا قولتك من الأول أنا مابفكرش في الارتباط مرة تانية. عزت: يعني هتعيشي بقيت حياتك وحيدة.

نفين: أنا عندي عائلتي وبنتي كمان كريم وكارما إنشاء الله هيرجعوا. وكلهم هيكونوا جانبي يبقى وحيدة إزاي بقى. عزت: كل اللي انتي قولتي عليهم دول ليهم حياتهم الخاصة. حتى كريم وكارما بكرة يكبروا وكل واحد يشوف حياته. نفين: عزت بالله عليك سيبني ومتلخبطش حياتي. عزت: يعني عايزاني أكدب عليكي وأقولك انتي صح.

نفين: طيب حتى على أقل بلاش كلام في الموضوع ده دلوقتي. لأني مش عارفة آخد قرار دلوقتي. أستنى بس لحد لما يرجع كريم وكارما ساعتها أبقى نتكلم. عزت: تمام زي ما تحبي. و يارب صبرني عليكي. بعد ساعة قالت شيري بعد ما عرفت إيلا على عدد كبير من معارفها وأصدقائها: شيري: يلا نرجع لبابا وطنط نيفين. هنا رن عليهم عمر ليعرف أين هم. لذلك قالت شيري عن مكانهم ثم قالت لإيلا: شيري: استني عمر جاي. هنا سمعوا صوت خلفهم وهو يقول وينظر على إيلا:

مازن: شيري إيه أخبارك. عندما رأت إيلا مازن بلعت ريقها بخوف أن يراها عمر وهو يقف معهم. شيري: أنا تمام وانت. مازن: الحمد لله. إيه بقالي فترة كبيرة ما بشوفكيش في النادي. شيري: أه أنا فعلاً بقالي كتير ما جتش النادي. مازن: أزيك يا مدام إيلا. إيلا: (بارتباك قالت) أنا تمام.. طيب يا شيري همشي أنا. هنا قال مازن: مازن: استني يا مدام إيلا أنا كنت عايز أعتذر عن سوء التفاهم اللي حصل. إيلا: لأ عادي انسى.

مازن: بس أنا كنت خايف يكون حصلك مشكلة بسببى. إيلا: لأ أبدًا مافيش مشكلة. مازن: بس أنا شفت عمر كان متعصب عليكي إزاي. شيري: خلاص يا مازن قالتلك مافيش مشكلة. بعدين عمر بيغير على إيلا أوي وكان طبيعي يتعصب. مازن: عندك حق. برغم اللي عملوه معايا بس أنا بعذره. أنا لو كنت مكانه يمكن كنت عملت أكتر من كده. هنا اتسعت عين إيلا بخوف عندما رأت عمر واقف خلف مازن والشر يتطاير من عينيه. لذلك قالت بخوف: إيلا: يلا يا شيري نمشي.

شعر عمر بخوفها إيلا منه، لذلك اقتربه منها وجذبها من خصرها إليه لتقف بجانبه وقال ببرود عكس ما بداخله. عمر: يلا يا حبيبتي أنا جوعت. مازن: أزيك يا عمر. عمر: أنا تمام وانت. أخبار وشك إيه. مازن: أه. تمام رغم إن إيدك تقيلة حبتين بس مش مشكلة. على العموم أنا كنت لسه بتأسف للمدام إيلا عن أسوء تفاهم اللي حصل. عمر: ما كانش في لزوم للاعتذار الموضوع انتهى. مش كده يا حبيبتي. اكتفت إيلا بهز رأسها بنعم مع ابتسامة خفيفة.

عمر: طيب عن إذنك أنا. انصرف عمر مع إيلا وشيري. هنا قالت شيري: شيري: عمر شيل إيدك من على إيلا الناس تقول إيه محدش يعرف إنها مراته. تجاهل عمر ما قالته شيري ثم قال بضيق: عمر: شيري روحي اقعدي مع بابا شوية أنا عايز أتكلم مع إيلا. شيري: حاضر. انصرفت شيري ثم قالت إيلا بسرعة وهي تعلم ما يدور داخل عمر وما يفكر به: إيلا: عمر واللهي هو اللي جه وقف معانا. أنا كنت عايزة أمشي. بس لقيته بيعتذر على اللي حصل. بعدها انت جيت على طول.

عمر: لم انتي عارفة إن حاجة زي دي هتضايقني ليه فضلتِ واقفة معاه. إيلا: قولتك أنا كنت عايزة أمشي. بعدين انت بتوترني بطريقتك دي وبتخوفني منك كمان. عندما شعر عمر بخوف إيلا منه سيطر على انفعاله وقال بهدوء وحب: عمر: إيلا انتي عارفة إني بغير عليكي. دي حاجة طبع فيا أنا مقدرش أغيره. أعمل إيه أنا حبي كده. إيلا: بس يا عمر لازم يكون عندك ثقة فيا.

عمر: يا حبيبتي الغيرة مالهاش علاقة بالثقة دي حاجة ودي حاجة تانية خالص. وانتي عارفة إني بثق فيكي أكتر من نفسي. إيلا: أنا بس عايزك تعرف إن مافيش راجل في الدنيا دي يملى عيني وقلبي غيرك. عمر: هو أنا ينفع أبوسك دلوقتي على الكلمتين الحلوين دول. إيلا: أه عشان يجيبوا لينا بوليس الآداب هنا. عمر: ليه انتي مراتي ده حقي. إيلا: حقك يبقى خده في أوضتنا. عمر: بقولك إيه ما تيجي نروح. إيلا: والغدا أنا جعانة. عمر: (بخبث ورغبة قال)

طيب ما أنا كمان جعان. إيلا: انت قليل الأدب. عمر: عارف. إيلا: عمر يلا نروح للجماعة. عمر: حاضر قدامي. ~~~~~~~~~~~~~~~~ يجلسون الجميع يتناولون وجبة الغداء هم يتبادلون أطراف الحديث. فجأة جاءت ميار بعصبية معاها مرام ورودي الذين يحاولون تهدئتها. وقالت أمام الجميع بغضب: ميار: أنا عايزاك. نظر الجميع لها باستغراب. عمر: في إيه يا ميار. ميار: قولتلك عايزَاك. قال بعد ما نظر لإيلا التي كانت تتصنع الهدوء:

عمر: تمام روحي دلوقتي اخلص أكلي وأجيلك. ميار: لأ أنا عايزَاك دلوقتي حالا. مرام: خلاص بقى ميار تعالي نمشي دلوقتي. ميار: لأ مش همشي إلا ورجلي على رجله. اللي هـتكلم قدام الكل واللي يحصل يحصل. كانت ميار تظن أن عزت وشيري لا يعلمون شئ عن زوج عمر وإيلا. كام عمر سوف يتحدث لكن سابقه عزت عندما قال: عزت: ممكن أعرف في إيه يا ميار. قالت وهي تشاور على إيلا: ميار: عمو عزت لازم تعرف إن البنت دي اللي انت مقعدها معاك تبقى واحدة… قطع

عمر عبارتها بصوت حاد مرعب: عمر: ميار لو نطقتي كلمة عنها أقسم بالله ما هرحمك. نفين: هو في إيه.. مين البنت دي. شيري: عجبك كده يا ميار مش كفاية اللي عملتيه مع إيلا من شوية جايه تكملي هنا. عمر: هي عملت إيه. إيلا: مش مهم عملت إيه.. روح يا عمر معاها شوفها عايزة إيه. لأن الناس بدأت تتفرج علينا. عمر: تمام اتفضلي قدامي. وقبل أن تغادر ميار انتبهت للطفل الموجود بجوار إيلا. داخل عربية الأطفال. ~~~~~~~~~~~~~~

اختار عمر طاولة ليست بعيد عن طاولتهمليجلس عليها مع ميار. بينما إيلا كانت تنظر لعمر هو يجلس مع ميار بارتباك وغيره وهي كانت تعلم جيدًا ما تريد ميار من عمر. ميار: الولد اللي كان في العربية ده ابن مين. عمر: يعني انتي عاملة كل الهوليلة دي كلها عشان تسأليني السؤال ده. هنا مسكت إيد عمر وقالت: ميار: عمر انت بتكلمني كده ليه. بصيلي أنا ميار حبيبتك. هنا سحب عمر أيده منها وهو ينظر اتجاه إيلا ويقول:

عمر: ميار قوليلى انتي عايزة إيه من آخري. ميار: عايزَاك يا عمر. عمر: انسى بقى. أنا خلاص اتغيرت مبقتش عمر بتاع زمان. ميار: وأنا يا عمر. أنا ضيعت سنين من عمري معاك عايز تسيبني. عمر: اسمعي أنا مغصبتكيش على حاجة وكله كان برضاكي. كمان إني مش وعدتك بحاجة. ميار: تقصدي إيه بكلامك. عمر: اسمعي يا ميار. أنا عارف إنك عارفة إني متجوز إيلا وأه ابني اللي كان في عربية الأطفال. ابني من إيلا. ميار: (بتهديد قالت)

وعمي عزت يعرف الكلام ده. تفتكري لو عرف إيه هيكون رد فعله. عمر: ميار. بابا عارف كل حاجة عني وعن إيلا فبلاش أسلوب التهديد ده لأنك عارفة كويس أوي إن متخلقش لسه اللي يهدد عمر القاضي. تمام وكأن أصابها صاعقة كهربائية قوية عندما سمعت كلام عمر، لذلك قالت ببكاء: ميار: عمر انت عرفت بنات عدد شعر راسك وأنا كنت معاك أنا خلاص مستعدة أفضل معاك برضه وأنت مع إيلا. لأني بحبك مقدرش أستغنى عنك أنا هموت من غيرك.

عمر: ميار ياريت تنسيني. أنا مش هقدر أعمل اللي انتي بتقوليه ده. أنا مش هخون إيلا. هنا تعصبت ميار من كلام عمر: ميار: أنت بتضحك عليا ولا على نفسك. انت كنت عايش معاها في الغردقة وكنت بتسيبها وتجيني ولا انت نسيت. يعني ساعتها ماكنتش اسمها خيانة. عمر: ساعتها ماكنتش عارف إني بحب إيلا. ميار: عمر انت مابتعرفش تحب. ولا عمرك كنت ولا هتكون مخلص لأي واحدة.

عمر: واللهي رأيك فيا ما يهمني. ودلوقتي خلصتي كلامك عشان أمشي مراتى مستنياني. ميار: عمر استنى. أنا بحبك مقدرش أعيش من غيرك. اوعى تسيبني يا عمر. قبل أن تكمل عبارتها قال عمر: عمر: ميار اسكتي بطلي دراما. قولتلك خلاص اللي بينا انتهى وخلصنا. تعصبت ميار أكتر من عمر لذلك قالت وهي تكشف عن وجهها الحقيقي: ميار: مش أنا اللي يتقالي الكلام ده فاهمة. لو كنت فاكر إني هسيبك بالساهل تبقى غلطان. انت بتاعي أنا.

عمر: هههه أيوه كده أظهري وباني على حقيقتك. أوعي تفتكري شوية الاتنين اللي عملتيهم دول دخلوا عليا. عيب ده أنا عمر أكتر واحد فاهمك. ميار: تمام يبقى اسمعني. عمر أنا معايا فيديو لينا أنا وانت على السرير مع بعض. تحبى تشوفيه. ثم مسكت هاتفها وبحثت عن الفيديو. عندما رأت الفيديو قالت: ميار: اتفضل الفيديو أهو اتفرج وقولي إيه رأيك. أتصدم عمر عندما رأه الفيديو لهم في السرير مع بعض. هنا قالت ميار:

ميار: قولي إيه هيكون رأي حبيبة قلب إيلا بعد ما لما تشوف الفيديو. فكر عمر بسرعة وقال ببرود عكس ما يشعر به: عمر: إيه رأيك تنادي عليها وتسأليها. أستغربت ميار من رد عمر، لذلك قالت: ميار: قصدك إيه انت مش فارق معاك إنها تعرف. عمر: هههه انتي غبية على فكرة. متخيلة إني ممكن أخاف من تهديدك. الفيديو ده يفضحك قبل ما يفضحني. وبعدين إيلا. عارفة عني كل وساختي اللي كنت بعملها. قبل ما أحبها.

ميار: تقصد إيه بوسختك. يعني أنا من ضمن وساختك مش كده. عمر: وآمال انتي فاكرة نفسك إيه. انتي مجرد واحدة كنت مصاحبها عشان مزاجي زيك زي غيرك. لكن يوم ما فكرت اتجوز اتجوزت واحدة نضيفة مافيش راجل لمسها غيري. صرخت ميار من كلام عمر حتى سمع صراخها عدد من الموجودين في المكان. لذلك جاءت لهم إيلا وأصدقاء ميار: إيلا: في إيه. ميار: انتي فاكرة إنك كده غلبتيني. بكرة يرميكي زي ما رما غيرك.

إيلا: ياريت متشغليش بالك بيا خليكي بس في نفسك أحسنلك. هنا حاولت ميار تهجم على إيلا لكن عمر وقف أمامها. ومرام ورودي مسكوا ميار الذي كانت مثل المجنون الذي فقدت عقلها. ثم قال عمر: عمر: أنا مش عايز أشوفك تاني قدامي فاهم. ثم نظر لمرام وقال: عمر: مرام أنا عارف إن انتي اللي اتصلتي ببشرى قولتي لها على علاقتي بإيلا. توترت مرام وهي تبلع ريقها بصعوبة وتقول بخوف وهي بتأتأ: مرام: أنا.. لأ.. معملتش.. حاجة.

عمر: بشرى هي اللي قالت لي. هنا تذكر عمر عندما قالت لها شيري أن بشرى هي اللي قالت لعزت عن علاقة عمر بإيلا. عندما سأل عمر بشرى قالت أن مرام هي اللي قالت لها. لذلك بسهولة فهم عمر أن ميار هي اللي خلتها تكلم بشرى.

عمر: اسمعي يا مرام انتي فضلتِ في الفندق بتاعي 4 شهور مقيمة فيه يعني المفروض تدفعي 500000 ألف جنيه وانتِ ماضية شيك بمبلغ ده وأنا عشان خاطر إننا كنا صحاب هديكي مهلة أسبوع تدفعي المبلغ أما هقدم الشيك للنيابة. والكلام ده كمان ليكي يا ميار. أتصدمت مرام وصرخت وهي تقول: مرام: عمر أنا ماليش دعوة ميار هي وفاطين اللي قولولي أعمل كده. ميار عشان ترجعك ليها وفاطين عشان كان حطت عينه على إيلا. هل انتقم عمر من ميار كان ملئم له.

ماذا سيكون حكم المحكمة في قضية حضانة الأطفال.