رواية الكارثة الفصل الخامس 5 - بقلم ميرا ابو الخير

منه بجمود: مراتك عشيقة جوزي، ولعلمك بتاخد حبوب عشانه مش عشانك، ولو مش مصدقني تعالَ معايا هثبت لك. عيد بهدوء: طب ما أنتِ كنتِ عشيقتي ولا ناسيه؟ منه بصدمة: أنت بتخرف بتقول إيه يا عيد؟ بقولك مراتك بتخونك تقول لي كده! أنت إيه؟ عيد بهدوء: منه بطلي تخاريف وهزار تمام، كريمة مستحيل تعمل حاجة زي كده، وده أكيد مقلب منك. منه بغضب: مقلب مني؟ تمام، تعالى معايا وأنا هثبت لك.

عيد بنفاذ صبر: هاجي معاكي عشان أثبت لك إنك أنتِ اللي غلط، ومش هسامحك إنك بتشوهي صورة مراتي. منه بهدوء: تمام. عند عاصم وكريمة. كريمة بدلع: ليه يا عصومتي؟ أنا بحبك. عاصم بهدوء: وأنا بحب مراتي يا كريمة. كريمة بغضب ساخر: لا والله بتحبها؟ أومال بتخونها كل يوم ليه مع واحدة شكل؟ عاصم ببرود: عشان أنا كده، أنا مريض بالخيانة، وخلاص قررت أنضف، ممكن ترجعي لبيت جوزك بقى؟ أنا عاوز أروح لمراتي.

كريمة حضنته: طب أنا عاوزاك في حياتي حتى لو هنفضل كده، المفروض أنا أكون مكانها. عاصم بهدوء: كريمة صفحتنا اتقفلت، وانسي إنه كان فيه بينا حاجة. كريمة بغضب: لا والله أنسى؟ لا مش هنسى، ما هو مش بالسهولة تقعد تجري ورايا وتاخدني من جوزي وترميني، لا يا عاصم أنا مش هسكت. عاصم ببرود: هتعملي إيه يعني؟ ما تقدريش تعملي أي حاجة. كريمة بمكر وخبث: لا أقدر، وأقدر بالجامد كمان. عاصم تجاهل كلامها، وأخد الشنطة وخرج من الأوضة.

عاصم خارج من الشقة، لاقى منه وعيد قدامه ونظرات منه كلها غضب. عيد بهدوء: هي كريمة هنا؟ عاصم لسه هينطق، سمع صوتها بتعيط وتصوت في الأوضة. دخل بسرعة واتصدم. كريمة هدومها مش مضبوطة، وعلى وشها كدمات، والأوضة متبهدلة، ودموعها على آخرها. عيد جرى عليها بخوف: فيه إيه؟ كريمة بخبث ودموع وتمثيل: عـ... عاصم كنت جاية أطمن عليه، لاقيته هجم عليا، وكان عاوز أهي أهي أهي. عيد بصدمة، ومنه واقفة ببرود: أنتِ بتقولي إيه؟

عاصم: أنا ما عملتش حاجة، البت دي كدابة. عيد بص لعاصم وقام يضربه: والله ما هسيبك، بتعمل كده مع بنت خالتك يا واطي! عاصم بيزقه: إيدك! بقولك ما عملتش حاجة، ده كذب في كذب. كريمة عملت نفسها فقدت الوعي، عيد زق عاصم وراح خدها بسرعة وخرج. عاصم وقف بيبص لمنه: منه والله ما عملت حاجة، دي بتكدب. منه بجمود: واضح، خلص تمثيلك وتعالى بره. عاصم مسك إيديها: والله يا منه ما عملت حاجة، صدقيني أنا ندمت وتبت.

منه ببرود: هنشوف بعدين الحوار ده لما تطلقني. عاصم بغضب: مش هطلقك يا منه، أنا بحبك. منه سابته وخرجت، وهو راح وراها. عاصم بحزن: منه والله مظلوم. منه بجمود: بقالك ساعة بتقول مظلوم وأنا ساكتة، لكن تخيلني كده مكانك، كنت هتصدق؟ طبعًا لا. لسه هيكمل، لاقى البوليس اقتحم المكان. عاصم: أنتم إزاي تدخلوا كده؟ الظابط: مطلوب القبض عليك بتهمة التعدي على المدام كريمة عتمان. عاصم بصدمة: إيه؟

منه بتكملة: وزود عليهم محاولة قتلي، وكمان هرفع قضية خلع. عاصم...