رواية الكارثة الفصل الرابع 4 - بقلم ميرا ابو الخير

عيد خدها ومسكها واتصدم صدمة حياته: حبوب منع الحمل إزاي والعيب مني؟ بتتدخل كريمة وبتتصدم: أنا أنا لاقيتها فين دي؟ عيد بغضب مسكها من شعرها: حبوب منع الحمل دي بتعمل إيه هنا؟ وطول العمر ده مفهماني إني ما بخلفش، انطقي! كريمة بخوف: مش بتاعتي دي بتاعت منة، إدتهالي عشان مش عاوزة تخلف من جوزها. عيد بغضب وبيضربها كف: بتكدبي ليه؟ منة أصلًا حامل، اعترفي الحبوب دي بتاعتك انطقي! كريمة بصدمة: كدب والله بتوع منة حتى اسألها.

عيد زقها بغضب: وأقسم بالله لو طلعت بتاعتك أنتِ يا كريمة مش هرحمك. خرج بغضب وهي لطمت: يا لهوي يا لهوي أعمل إيه لو عرف إني باخدها عشان عاصم يا لهوي أعمل إيه. عند منة وعاصم... بيستغرب من سكوتها وبيلاقي وشها أزرق وشفايفها كمان: منة منة ردي عليا في إيه؟ لاقاها عمالة تنزف دم على آخرها وكأنها بتتصفى. عاصم بخضة وخوف: منة في إيه؟ منة ردي عليا. منة لا رد. طلب الدكتورة وهو مرعوب ومش عارف يتحرك أو يعمل. بعد شوية...

الدكتورة بأسف: للأسف لازم تتنقل المستشفى دي سقطت. عاصم بصدمة: إيه سقطت إزاي وهي حامل؟ الدكتورة بحزن: أيوه ولازم تروح المستشفى حالتها خطر. عاصم مش قادر يصلب نفسه: تـ تمام. بيطلب الإسعاف وبيروحوا المستشفى. عاصم قاعد جنبها بحزن: ليه ما قولتيش إنك حامل؟ ليه الولد اللي طول عمري بأتمنى ضفره أخسره بسبب غبائي؟ ليه فوقي يا منة أبوس إيدك ردي عليا. منة نايمة ومتوصل بيها أجهزة.

عاصم بدموع: أنا عارف إني راجل خاين بس والله كلها نزوات، أنا قلبي ما حبش غيرك عشان خاطري قومي. منة بتعب وألم: آآه. عاصم بلهفة: حاسة بإيه أجيب الدكتور؟ منة بتتعدل وحطت أيديها على بطنها: ابني. عاصم حضنها: شش هنعوضه ما تخافيش اهدي. منة بغضب وصراخ: لاااا ابنيييي عاوزة ابنيييي هات لي ابنيييي. الدكاترة دخلوا وبقوا يهدوا فيها وهو دموعه نازلة بندم. بعد شوية. قاعد بحزن بيلاقي إيد بتطبطب عليه: ما تقلقش هتكون كويسة.

عاصم بحزن: أنا السبب يا عيد لو راحت مني هموت. عيد بحزن: معلش اتحمل وبعدين أنت أكيد ندمت ما تكررش الغلط ده تاني. عاصم سكت. عيد بهدوء: اسمع يا صاحبي لازم تفوق عشان منة وحياتك. عاصم بحزن: إن شاء الله أنا هاروح أجيب ليها غيارات وماما زمانها جاية تقعد معها. عيد بهدوء: طب يلا أوصلك. هز رأسه بنعم. مشي معه والحزن ماليه والندم. بعد شوية... عاصم سمع حد داخل الشقة استغرب، دخل لاقى كريمة قاعدة على السرير: وحشتني قلت أجي أشوفك.

عاصم بحزن: منة هتضيع مني وابني راح. كريمة بدلع: خلاص طلقها ونتجوز أنا وأنت وهأجيب لك دستة عيال. عاصم بتفكير... عند منة. منة قاعدة بتتوعد: لازم تدفعوا ثمن خيانتكم لي وثمن ابني اللي راح. بتوقف تاكسي وبتوصل شقة. منة بتخبط بهدوء. عيد بصدمة: منة أنتِ بتعملي إيه هنا؟ منة بهدوء دخلت: عاوز تعرف مراتك على حقيقتها. عيد بعدم فهم: قصدك إيه؟

منة بجمود: مراتك عشيقة جوزي ولعلمك بتاخد حبوب عشانه مش عشانك ولو مش مصدقني تعالي معايا هأثبت لك. عيد بهدوء: طب ما أنتِ كنتِ عشيقتي ولا ناسية. منة...