رواية القاسي والبريئه الفصل الثاني عشر 12 - بقلم الاء ابو العز

في الصباح، فتح ياسين عينه وهو يحس بتعب كبير. ضغط ياسين على جرس المطبخ، ولكن لم يخرج أحد له. ياسين: أكيد مشيت. حاول ياسين يقوم، لكن الباب انفتح. روي: كنت محتاج حاجة حضرتَك؟ ياسين بصدمة وفرحة: انت لسه هنا؟ روي: مش همشي غير لما جدة حضرتك ترجع. ياسين: طب أنا تعبان أوي. قربت منه اروي. روي: تسمح لي؟ ياسين: بايه. حطت اروي ايدها على راسه، شافت إنه سخن. كانت اروي اديها على راسه وهو مستمتع بلمستها.

روي: حضرتك سخنت تاني، لازم أعمل لك كمادات وتاخد العلاج. ياسين: طيب. روي: خد شور بدل الكمادات، وأنا هجيب الأكل والعلاج من تحت. ياسين: تمام. حاول ياسين يقف، لكن كان هيقع. سندته اروي. ياسين وهو مقرب من اروي: انت حلوة أوي. روي بخجل: ياسين بيه، اتحرك معايا لحد ما توصل للحمام. ياسين: اروي. روي وهي بتبص له: نعم. ياسين: أنا آسف. روي: على إيه؟ قرب منها ياسين وحضنها. كانت اروي لمدة دقيقة مصدومة، لكن فاقت وبعدت عنه.

روي وهي هتعيط: لي كدا؟ ياسين: هتصدقيني لو قولتلك إن من أول يوم شوفتك وأنا نفسي آخدك في حضني؟ روي بعياط: لي بتخليني أخاف منك. ياسين: أوعي تخافي مني، والله عمري ما هأذيكي أبداً. روي بسخرية: بأمارة العقد أبو مليون، ولا الطلب اللي كنت عايزه مني مقابل الفلوس؟ ياسين بحده: أولاً، انت يومها مش سبتيني أكمل كلامي، واتسرعتي وضربتيني. ده خلاني أعمل معاكي كدا. روي: ده رد فعل طبيعي مني.

ياسين: مش هنكر إن إعجابي بيكي زاد من يومها، بس بردو كان لازم أعاقبك. روي بانهيار: أنا مش كنت أستاهل منك كل ده، مش كنت أستاهل كل الذل ده. ياسين بحزن عليها: أنا آسف، صدقيني، كنت بعمل كل ده عشان تكرهيني، كنت بعمل كدا عشان أثبت لنفسي إنك مش فارقة معايا. روي بهدوء: أحب أقول لك إن طريقتك عملت العكس معايا. ياسين: ومعايا. روي: يعني إيه؟ ياسين: يعني أنا بحبك وهتجوز. روي: مستحيل. ياسين: لي؟ روي: لأن أنا...

ياسين: كملي، انتي إيه؟ بتكرهيني صح؟ أنا أصلاً مش أتحب، أنا عارف. روي: أنا بحبك. ياسين: انتي قولتي إيه؟ روي: أنا قولت مستحيل، لأن انت شايفني فرحة أختك. ياسين: في الأول آه، الوقتي لا. روي: انت ناديتني باسمها امبارح. ياسين: لأن كنت بحلم بيها، صدقيني. روي: بس أنا خايفة. ياسين: ليه؟ روي: يكون ده كله حلم. ياسين: والله أنا كمان خايف، بس هنصدق إن هو حقيقة. روي: إزاي؟ ياسين: أول ما جدتي ترجع، هنتجوز. روي: جواز كدا على طول؟

ياسين: آه، مش هبعدك عني تاني، أنا خلاص اقتنعت إن مش هقدر أعيش من غيرك. روي: وكلامك امبارح؟ ياسين: كان لسه عندي أمل إن أكرهك فيا. روي: اعترف يا ياسين بيه، انت فشلت. ياسين بضحكة: أول مرة أحب فشلي. روي بتغير للموضوع: طب يلا، انت محتاج تاخد دش، وأنا هجهز الأكل. ياسين بابتسامة: تمام. تحرك ياسين للحمام وكان مبسوط، واروي نزلت وكانت طايرة من فرحتها. *** كان رمزي واقف قدام الكلية مستني خروجه منها.

وهي بتقرب من رمزي، قرب عليها ولد. وشدها من ايديها. ولد: انت بتعمل إيه يا حمزة؟ سيبني. حمزة: هعرفك إزاي متبقيش زي الخاتم في صباعي. لسه حمزة بيدخل منها العربية، حس بحد بيمسكه من ضهره. منه جرت على رمزي واستخبت وراه. رمزي: مش عيب تمد ايدك على حاجة غيرك. حمزة: الله، ما انتي ليكي في الجو أهو، اومال جيتي معايا وقولتي لا ليه؟ ولا حلو ليه، ولكل الدفعة بتاعتك. وحمزة لامنه برعب: انت كداب، متصدقوش يا رمزي.

رمزي بحده: روحي على العربية حالا. منه من صدمتها من كلام حمزة، كانت مش عارفة تتحرك. رمزي بصوت عالي: يلا على العربية. تحركت منه أخيراً، وأول ما وصلت عربية رمزي، شافت رمزي ماسك حمزة وقعد يضربه. منه خافت وقعدت تعيط، وخوفها زاد لما شافت رمزي بيقرب من العربية ووشه أحمر وعينيه لون الدم. ركب رمزي العربية وانطلق بيها من غير ولا كلمة، لحد ما وصل عند الشقة اللي منه قاعدة فيها. رمزي بحده: تطلعي فوق وتفضلي قاعدة لحد ما أجلك تاني.

نزلت منه تجري من غير ما تتكلم بسبب خوفها منه. تحرك رمزي بالعربية على قصر ياسين. *** كانت اروي قاعدة جنب ياسين على السفرة، بياكله. ياسين: كفاية، مش قادر. روي: انت مش أكلت حاجة، لازم تاكل عشان العلاج. ياسين: طب شوية كدا، هاكل تاني. روي: هتاكل الوقتي، وشوية وتاكل تاني. رن جرس الباب، وقامت اروي تفتح. وكان رمزي. دخل رمزي وهو متعصب. رمزي: ازيك يا اروي، ياسين فين؟ روي: جوه في السفرة. دخل رمزي على ياسين.

ياسين: مالك وشك عامل كدا ليه؟ مين مضايقك؟ رمزي: مفيش. روي: طيب، هسيبكم لوحدكم. ياسين بيه، خلص أكلك عشان تاخد العلاج. رمزي: انت مالك. ياسين: دور برد بس. رمزي: اروي تعالي اقعدي، أنا جاي لك أصلاً. ياسين بحده: لي خير. رمزي: اروي، أنا عايز أكتب كتابي على منه النهارده، قبل بكرة. روي بصدمة: النهارده إزاي؟ وهي منه تعرف؟ رمزي: لا، بس بردو أنا عايز النهارده. ياسين بحده: ما تهدى يا ابني وتفهمني، إيه اللي حصل مخليك مصمم كدا.

رمزي: حصل مشكلة مع واحد زميلها في الكلية، عشان لو اتكلم ابقى أنا جوزها. ياسين: بس كدا، ولا في حاجة تانية؟ رمزي: لا، بس كدا. ياسين: خلاص، استنى لحد ما نهود ترجع آخر الأسبوع، وتكون منه عرفت وجهزت نفسها. رمزي: بس... قاطعه ياسين: رمزي، افرض هي مش عايزة تتجوز الوقتي وعايزة خطوبة. رمزي بص لأروي. رمزي: هي فعلاً عايزة كدا. روي: أنا معرفش هي عايزة إيه، سيبني أتكلم معاها. رمزي بحزن: ماشي، وأنا هعمل اللي يريحها.

ياسين: عم، استنى، واحنا نعمل فرحنا سوا. رمزي بصدمة: انت هتتجوز؟ ياسين: آه، اروي. رمزي بصدمة: احلف. رن جرس الباب. روي بخجل: أنا هفتح. فتحت اروي، وكان حسام. حسام: ازيك يا اروي. روي: الحمد لله. حسام: ياسين فين. روي: في السفرة. دخل حسام، وياسين ورمزي كانوا قاعدين. حسام: كويس إنك هنا، تعالوا ندخل المكتب، لازم نتكلم شوية. ياسين بص لأروي: ممكن تعملي قهوة لينا. روي: حاضر. حسام: غريبة، بتتكلم بهدوء، يعني.

ياسين: تعالى، وأنا أفهمك. تحرك ياسين ورمزي وحسام للمكتب، ودخلت اروي المطبخ. اتصلت اروي منه. منه: اروي، ازيك. روي: صوتك ماله. منه: مفيش حاجة، أنا تمام. روي: طيب، عموماً رمزي جالي. منه: قالك إيه. روي بخبث: مش قال حاجة مهمة، يعني كان عايز بس يكتب كتابك النهاردة، وأنا مش وافقت. منه: انتي بتقولي إيه. روي: هتقوليلي حصل إيه، ولا أرفض الجوازة كلها. بدأت منه تحكي اللي حصل. روي: تمام، أنا كدا فهمت. منه: هترفض يا اروي.

روي: انتي عايزة إيه. منه بخجل: اللي انتي تشوفيه. روي: لا يا شيخة، طب تمام، ارفضي، وأنا مطمنة. منه بتسرع: لا يا اروي، أنا موافقة. روي بضحك: يا بنتي، اتقلي شوية، مش قدام. منه: لا، مش هتقول. روي: طيب يا لمضة، سلام الوقتي. قفلت اروي مع منه، وأخذت القهوة للمكتب. *** ياسين: مش هقدر أعمل كدا يا رمزي، مش هقدر، أنا لسه مصدقة. رمزي: لازم ده اللي يحصل يا ياسين، عشان نخلص من الهم ده. حسام: حاول يا ياسين، حاول.

خبط الباب، ودخلت اروي المكتب، وحطت القهوة. روي: محتاجين حاجة تانية. ياسين بحده: شكراً، اتفضلي. خرجت اروي. قعد ياسين وحط ايديه على راسه. قرب رمزي وطبطب عليه. رمزي: خلاص، هانت، فترة وتخلص. يتبع...