رواية القدر الفصل الخامس 5 - بقلم صالح ايهاب

اي دا انتو مين الحقني يا اسر. الحقووني سيدراا في اي سيدراا ونزلت اجري علي بيتها اشوف في اي ومين دول واي اللي حصل وعايزين اي وياتري عملوا فيها اي اسئله كتير وهتجنن علشان اوصل لها واعرف في والحقها وجريت بأقصى سرعة واخيراً وصلت طلعت أجري على شقتها فضلت أرن الجرس محدش بيرد واخبط محدش بيرد اضطريت أكسر الباب وهنا كانت الصدمة لقيت سيدرا واقعة على الأرض... جريت عليها حاولت أفوقها مبتردش

بس الحمدلله مفيش فيها أي جروح ولا إصابات غير أثر كلام على وشها وكدمات بسيطة وبعد محاولات كتير فاقت حمد الله على السلامة سيدرا اسر هيموتوني يا اسر.. ضربوني جامد هما مين وضربوكي ليه وعايزين إيه سيدرا أهدي معلش وبطلي عياط وأنا هجبلك حقك أي كان مين اللي عمل فيكي كده بس قولي هما مين سيدرا معرفهمش أول مرة أشوفهم اتنين ستات شكلهم غريب ومرعبين ومعاهم واحد أعور وفي علامة كبيرة في وشه مين دول وكانوا عايزين إيه

معرفش قولتلك بس كل اللي أعرفه إنهم قالولي ابعد عنك واختفي من حياتك خالص وإن المرة دي تهديد بس بعد كده هيموتوني هما قالوا لك كده أيوة... مين بقي دول وابعد عنك في إيه واي صلي بيك غير الشغل خلاص أنا فهمت وعرفت مين ورا الموضوع ده وهجبلك حقك بس اسمعي كلامي مين بقي اللي ورا الموضوع ده وعايزة تموتني ليه عملت ليها إيه هقولك بس الأول تقبلي تجوزيني إيه.... أجوزك آه موافقة

هو علشان بقولك بيهددوني لو مبعتش عنك هيموتوني تقولي هجوزك وبعدين انت فين وأنا فين أنا بنت فقيرة على باب الله وانت أسر بيه... صاحب أكبر شركات في مصر والشرق الأوسط هتجوزني أنا بالله عليك سيبني في حالي وانساني وأنا مش جايه الشغل تاني وهرجع لحياتي اللي اتخلقت علشان أعيش فيها مش مكتوب ليا أشتغل في مكان كويس وأعيش زي باقي الناس.. بس الحمدلله

انتي بتقولي إيه.. على فكرة أنا من أول مرة شوفتك فيها وأخدت الجرنال وأنا معجب بيكي وبشخصيتك ومش عارف أعمل أي حاجة غير إني أفكر فيكي حتى وقت ما أنقذتك سبت شغلي ونزلت بدري علشان أشوفك تفتكري إن ربنا ملوش حكمة في ده وأنا قدر ربنا أراد إني أنزل بدري وأجي الحقك وشغلك يرتبط بشغلي هل كل ده صدفة وأنا والله العظيم حبيتك بجد وكل يوم حبي ليكي بيزيد ومش هلاقي أحسن ولا أجمل ولا أرق ولا أطيب منك تكمل معايا وتكون شريكة حياتي

سيدرا... حلو قوي الفيلم اللي حضرتك بتقوليه ده.. تفتكر لو أنا وافقت أهلك هيوافقوا عليا هيقبلوا تسيب بنت خالتك بنت الحسب والنسب ويوافقوا عليا أنا البنت الفقيرة اللي بشتغل عندك مفيش الكلام ده دي حياتي وأنا اللي هختار شريكة حياتي وماما موافقة على ده هي وأختي والنهارده هقول لهم إني نويت أجوزك بس انتي وافقي وشوفي أنا هعملك فاللي عمل فيكي كده إيه سيدرا أنا منكرش إني مشدودة ليك وأي بنت تتمنى إنها تكون مراتك

بس أنا مش عايزة أوهم نفسي وأعلق نفسي بشيء مستحيل يحصل ولو حصل مش هيكمل واديك شوفت بمجرد ظهوري في حياتك حصلي إيه أومال لما يعرفوا إني هبقي مراتك مش بعيد يدبحوني أنا وأخويا بس انتي وافقي ومفيش حد هيقدر يمس شعرة منك طول ما أنا عايش وهتشوفي هعمل فاللي عمل فيكي كده إيه وهجيبهم راكعين تحت رجليكي مش في كاميرات في مدخل العمارة آه في تمام قوي.... خلال أربعة وعشرين ساعة هتلاقيهم هنا وتحت رجليكي بجد هتعمل إيه وهتجيبهم إزاي

هجيبهم بطريقتي بقى بس قولي موافقة عن اقتناع موافقة يا مجنون أحلى موافقة بقى من أحلى جعفور جعفور تاني طب مش موافقة هههه وربنا عسل نتكلم في الجد بقى آه أي بقي الجد الجد إنك هتيجي تعيشي معايا في الفيلا بتاعتي من دلوقتي هههه انت بتحلم هو علشان فقيرة ومليش حد عايز تجوزني كده عمياني يا مجنونة مين قال هجوزك دلوقتي.. دا أنا هعملك فرح ما حصلش ولا هيحصل زيه في مصر

أومال إيه بقى أجى أعيش معاك في الفيلا من دلوقتي فاكرني إيه وبعدين مش لما تاخد رأي راجل البيت الأول آه صحيح فين مودي سيدرا... مودي نايم أكيد يعني هو نومه تقيل شوية فكرتني أدخل أشوفه لا يكونوا عملوا فيه حاجة مودي... أسر مودي مش موجود مودي اتخطف مودي أهدي أهدي هنلاقيه إن شاء الله تليفوني بيرن رقم غريب ردي يمكن يكونوا هما الوو