رواية النصيب الجميل الفصل السابع 7 - بقلم فاطمة سعيد

في اليوم التالي، استيقظت عهد، توضأت، صلت، وحضرت الفطور. جمال: صباح الخير على أجمل عهد. عهد: صباح النور والجمال على أحلى بابا في الدنيا. وقبلته من خده. جمال: هي فين وعد؟ عهد: رايحة أصحّيها يا حبيبي. ذهبت عهد لتوقظ وعد، دخلت الغرفة. فتحت الشبابيك. عهد: تووووت. وعد استيقظت مذعورة: يا لهوي عليكي يا عهد، حرام عليكي، انتي اتعديتي مني ولا إيه؟

عهد بضحك: شكلي كده. وبعدين انتي عاملاها فيا من كام يوم، قولت أردها لك. وبعدين يلا قومي توضي وصلي، وأنا وبابا هنستناكي على السفرة. وعد: ماشي. على السفرة، جمال: إيه يا عهد، ورقك كله جاهز عشان يوم التقديم، نكون جاهزين ومافيش حاجة تعطلنا. عهد: كل حاجة جاهزة يا بابا، ناقص بس الصور. أنا ووعد في أي يوم نطلع نتصور. جمال: تمام يا حبيبتي، ربنا معاكم يا رب. عهد: يارب يا حبيبي. وعد: صباح الخير يا جيمي. وقبلته من خده.

جمال بابتسامة: صباح الخير يا حبيبة بابا. يلا أنا نازل الشغل، خلوا بالكم من نفسكم. عاوزين حاجة من بره؟ عهد: عاوزينك بخير يا بابا. وعد: حيلك حيلك، أكيد يعني يا بابا عاوزينك بخير، بس كمان عايزة اندومي. جمال: مش هتبطلي القرف ده، هيوديكي في داهية. وعد: بحبه، إن شاء الله يوديني أي مكان بحبه، وهفضل أحبه. عهد بضحك: سيبك منها يا بابا، هتتأخر على شغلك. جمال بضحك: عندك حق يا عهد. جمال وعهد ووعد: لا إله إلا الله.

جمال وعهد ووعد: سيدنا محمد رسول الله. جمال: مع السلامة. ذهب جمال إلى عمله. وعد بزعل: حمزة يا عهد. عهد بخوف: ماله حمزة يا وعد؟ وعد: امبارح كسفته، وحكت له اللي حصل. عهد: غلط اللي قولتيه ده، انتي لازم تعتذري. وعد: وهو ده اللي هعمله، أنا هنزل ألحقه قبل ما يروح الشغل. عهد: تمام، ربنا معاكي. وعد: يارب. بالأسفل في منزل الأستاذ محمود. حمزة: أنا ماشي، عايزين حاجة؟ جميلة: عايزينك بخير يا حبيبي.

محمود: خلي بالك من نفسك يا حمزة، ربنا معاك. حمزة: يارب. مع السلامة. وأخذ المسدس بتاعه وخرج. عند السلم. نزلت وعد. رأها حمزة، كان سيمشي. وعد: حمزة، يا حمزة، استنى. حمزة ببرود: نعم، عايزة حاجة؟ وعد: حمزة، انت بتكلمني كده ليه؟ حمزة: عشان أنا ماليش دعوة بيكي وبحياتك، مش هو ده اللي كنتي عايزة توصلي له امبارح يا وعد؟ وعد ببكاء: لا، مش هو ده اللي عايزة أوصله يا حمزة. أنا آسفة يا حمزة. حمزة: وهيفيد بإيه الأسف؟

وعد: حرام عليك، انت بتعمل كده ليه؟ حمزة وقلبه رق، بس ما رضيش يبين: أيوه، وبعدين، عايزة إيه؟ أنا معايا شغل. وعد: عايزك تسامحني، أنا مش هستحمل إنك تفضل زعلان مني. وبكت بشدة. حمزة بحب: أنا مش زعلان منك يا وعد، انتي بنتي، في حد يقدر يزعل من بنته؟ وعد تمسح دموعها وبفرحة: بجد يا حمزة، يعني مش زعلان مني؟ حمزة: لا يا مجنونة، مش زعلان. بص حمزة في ساعته: شوفتي انتي عملتي إيه؟ وعد بخضة: والله ما عملت حاجة.

حمزة: أخرتيني على الشغل يا هانم. وعد بضحك: أنا آسفة يا فندم. تقدر تروح شغلك يا حضرة الظابط. ربنا معاك يا رب يا حمزة. حمزة: يارب. وعد وحمزة: لا إله إلا الله. وعد وحمزة: سيدنا محمد رسول الله. ومشى حمزة للشغل، ورجعت وعد لشقتهم. وعد دخلت الشقة ونادت بصوت عالي: عهد، يا عهد. عهد: أيوه يا مجنونة، مالك؟ وعد: أنا فرحانة أوي. عهد بضحك: أكيد صالحتي حمزة؟ وعد: أيوه، وقالي إنه ما كانش زعلان مني.

عهد: طيب الحمد لله، ربنا يفرحك دايماً يا روحي. وعد: يارب، ولك بالمثل يا رب يا عهد. عهد: صح يا وعد، عايزين نتصور أنا وانتي عشان ما عندناش صور للجامعة عشان التقديم. وعد وهي تشرب النسكافيه: تمام، شوفي امتى ونروح. عهد: إيه رأيك على الساعة 5 المغرب كده؟ وعد: طيب، رني على حنان شوفي كده هتقول إيه على الميعاد. عهد: اوكي، هكلمها.