رواية النصيب الجميل الفصل الثامن 8 - بقلم فاطمة سعيد

نجوى: حنان ياحنان حنان: أيوه ياماما نجوى: تليفونك بيرن وانتي ولا هنا، تاني مرة ماتعملهوش صامت وروحي ردي حنان: حاضر ياست الكل *حنان وهي ترد على الهاتف* حنان: السلام عليكم ورحمة الله وبركاته، إزيك يا عهد عاملة إيه؟ عهد: بخير الحمد لله يا حنون، أخبارك عاملة إيه؟ حنان: بخير طول ما انتوا بخير عهد: تسلميلي يا حنون عهد: بقولك يا حنون عايزين نروح نتصور علشان التقديم حنان: أسطى، أنا أصلًا كنت عايزة أقولكم نروح نتصور بس نسيت

عهد: خلاص تمام كده، بقولك صحيح إيه رأيك تيجي تقعدي معانا شوية وبعدين نروح نتصور؟ حنان: طيب ثواني، خليكي معايا هسأل ماما _عهد سرحت في أمها ودمعت حنان: عهد انتي معايا؟ عهد فاقت من سرحانها ومسحت دموعها: أيوه معاكي حنان: طيب ثواني، ماما يا ماما نجوى: أيوه يا حنان حنان: النهاردة هنروح نتصور أنا وعهد ووعد علشان التقديم للجامعة، وعهد قالتلي أروح عندهم أفضل شوية لحد ما نروح نتصور، ها إيه رأيك أروح؟ نجوى: كل يوم خروج ياحنان

حنان: والنبي ياماما، والنبي نجوى: خلاص طيب، روحي بس متتأخريش حنان: يااااس ☺️ *نجوى فضلت تضحك على بنتها* حنان: أيوه يا عهد خلاص جاياكي عهد: تمام ياحنان، مستنينك، سلام حنان: مع السلامة *وقفوا مع بعض* *عند حنان* رنا: بتلبسي ليه ياحلوفة؟ رايحة فين؟ حنان: رايحة أقعد شوية مع عهد ووعد وبعدين هنروح نتصور علشان التقديم رنا: أيوه صح، انتي معندكيش صور؟ طيب البسي طقم شيك علشان الصور حنان: أيوه طبعًا يا أوختي رنا

بضحك وهي تخرج من الغرفة: ربنا يهديكي *حنان خلصت لبس، راحت لمامتها* حنان: ماما أنا نازلة، عايزة مني حاجة؟ نجوى: خلي بالك من نفسك ياحنان حنان: استني عنك ياست الكل نجوى: أوعي حد يخطفك ولا حد يضحك عليكي يقولك تعالي أروحك لماما حنان: والله حفظت، هو أنا صغيرة ياماما على الكلام ده؟ نجوى: امشي يالمضة حنان: سلام نجوى: مع السلامة *ركبت حنان تاكسي ونزلت عند بيت عهد ووعد* *أحمد كان ماشي في الشارع وفجأة وقف في وش حنان*

أحمد واقف ومتنح على حنان حنان في نفسها: يالهوي ماله ده بيبصلي كده ليه؟ احيه يكون كلامك يانجوى صح، عايزة يخطفني وياخد أعضائي، ده أنا ماحلتيش غيرهم *أحمد ولسه واقف مكانه بيكلم نفسه* أحمد: أنا أول مرة أشوفها في الشارع، أكيد صاحبة وعد وعهد فجأة فاق من سرحانه على صوت حنان حنان: انت يا أخ إيه؟ عايزة أعدي أحمد: هو انتي اسمك إيه؟ حنان سابته ومشيت من غير ما ترد عليه: ماله ده مجنون ولا إيه؟

أحمد سمعها وقال في نفسه: عندها حق، أنا مالي كده؟ أثبت أول ما شفتها أحمد أقنع نفسه إنه كان سرحان مش أكتر ومشي *حنان دخلت العمارة وواقفة قدام شقة الأستاذ جمال وبتخبط* فتحت وعد الباب: أهلاً بالواطية اللي مش بتسأل حنان بضحك: طيب دخليني الأول يامجنونة حنان: وبعدين أنا دايماً بكلم عهد، بس انتي اللي على طول نايمة، مش معاكي حاجة غير النوم وعد بضحك: لا في دي عندك حق ظلوا يضحكوا سوياً عهد: حنون وحشاني

حنان وهي تسلم على عهد: وانتي أكتر يا دود واللهي عهد بغضب مصطنع: دود في عينك! بقولك مش بحب الاسم ده، وبعدين انتي هتقعدي معانا وشوية وننزل لخالتو جميلة وعمو محمود، انتي من بدري ماشفتهمش حنان: تمام ماشي، أومال عمو جمال فينه؟ وعد: جيمي هو معاه غير القهوة البيه هو وحوده، لازم نقرص عليهم شوية ليضيعوا مننا حنان: يخربيتك يا وعد، مسخرة وعد: مسخرة إيه يا آنسة، أنا إسترونج إندبندنت

وفضلوا يضحكوا البنات سوياً ويحكوا في أمور عدة حتى مر الوقت سريعاً عهد: ياه ياحنون، عدت ساعتين، الوقت الحلو بيقضي بسرعة *فجأة اتفتح الباب ودخل جمال* جمال: وأنا أقول البيت نور، أصلًا حنون عندنا حنان قامت وسلمت عليه: تسلم يارب يا عمو، ده من ذوقك جمال: يلا يا بنات جهزوا الغدا علشان حنان تتغدى معانا حنان: بس ياعمو أنا مش جعانة ولسه آكلة جمال: كلام إيه ده يا حنان؟ هتاكلي يعني هتاكلي

وعد بضحك: بدل جمال قال هتاكلي يبقى لا مفر، هتطفحي جمال: أنا مش عارف انتي كنتي عايشة في كوكب تاني بكلامك ده وعد: إيه، أنكر إني فخر العيلة يا جيمي؟ جمال: وأنا أقدر؟ بصوت هامس: فخر العيلة قال وعد بهزار: بتقول حاجة يا جيمي؟ جمال: لا ياحبيبتي، بقول آه طبعًا فخر العيلة *حضروا البنات الغدا* *على السفرة* جمال: ها يا حنان قررتي على إيه؟ حنان: قدمت ياعمو على كلية آثار جمال: برافو عليكي يا حنان، كلية آثار، كلية في منتهى الروعة

حنان: تسلم يارب يا عمو وعد بهزار: أيوه يا جيمي، هنشوفها مكان زاهي حواس قريب جمال بعصبية مصطنعة: وبعدين يابنت، انتي مش هتبطلي هزار، وبعدين نفسي أشوفك في مرة بتقولي يا بابا وعد: حاضر يا جيمي *وضحكوا جميعاً*