رواية النصيب الجميل الفصل السادس 6 - بقلم فاطمة سعيد

تمر الشهور والسنين وتصبح عهد ووعد في الصف الثالث الثانوي. وعد: أنا خايفة أوي. عهد: خير بإذن الله، ربنا هيجبر بخاطرنا وإحنا تعبنا السنة دي وبذلنا كل مجهودنا وربنا هيراضينا. حمزة: عهد كلامها صح، اهدي بقى. وعد: حاضر. حمزة بصوت عالي: أهو الموقع فتح. جمال: عهد حطيت رقم جلوسك وأهو هيظهر. جمال بصوت عالي: مبروك يا بشمهندسة. عهد ببكاء: بجد يا بابا؟ جمال: بجد يا حبيبة بابا، جبتي 98.7%، ما شاء الله عليكي.

وعد: ألف مليون مبروك يا عهد. وعد: ها يا حمزة، ظهرت؟ حمزة بتمثيل: اخس عليكي يا وعد، أنا طول عمري أقول إنك مش بتاعت تعليم وفاشلة. وعد ببكاء: والله حليت كويس. حمزة بضحك وفرحة: مبروك يا هبلة، 98%. وعد ببكاء: حرام عليك، وقعت قلبي. عهد قامت باحتضان وعد: ألف مليون مبروك يا روحي، نجحتي وكمان جبتي المجموع اللي نفسك فيه. جمال: أنا مش عارف أوصف الفرحة اللي حاسس بيها. قام باحتضان البنات: ألف مبروك يا حبايبي، أنا بجد فخور بيكم.

جمال: طيب يا عهد، أنتي هتدخلي كلية الهندسة اللي بتحلمي بيها من زمان، وأكيد بإذن الله التخصص قسم ميكانيكا. عهد بفرحة: أيوه يا بابا، أنت عارف بنام وأصحى بحلم بيها. جمال: ربنا يوفقك يا حبيبتي، وأنتي يا وعد؟ وعد بحماس: شرطة يا بابا. حمزة بص لها بضيق وخرج ورزع الباب. جمال: ليه كده يا وعد، أنتي عارفة حمزة مش موافق على الموضوع ده. وعد: دي حياتي يا بابا وأنا حرة فيها. عهد: وعد، ما تعمليش كده، أنتي بكده هتخسري حمزة.

وعد دمعت ودخلت أوضتها. جمال: أنا مش عارف أختك دي طالعة دماغها ناشفة لمين. عهد تمثل الاستغراب: يعني مش عارف يا بابا؟ جمال: تمام، ليا. مبسوطة كده يا ست عهد؟ عهد: أنا هروح أشوف وعد يا بابا. *** في الأوضة. وعد ببكاء: أنا مش عارفة، مش عايزني أدخل شرطة ليه؟ ده أنا حبيتها علشان هو فيها. عهد: يا حبيبتي، هو خايف عليكي. وعد بزعيق: لا، أنا هعرف ليه، أنا رايحة أسأله. عهد: استني بس. وعد: نازلة يعني نازلة.

عهد: طيب، استني هنزل معاكي. وعد: يا عهد، هنزل لوحدي، قلت. عهد: بس. وعد: معلش يا عهد، سيبيني على راحتي. عهد: طيب. *** وعد بتخبط على باب شقة حمزة. جميلة: أيوه جاية، وعد، مبروك يا حبيبتي أنتي وعهد، أنا لسه كنت طالعة عندكوا. وعد: الله يبارك فيكي يا جميلة. جميلة: مالك يا وعد؟ حاسة فيكي حاجة. وعد: مفيش يا خالتو، هو حمزة فين؟ جميلة: في أوضته يا حبيبتي، نزل من عندكوا قالي إنكم نجحتوا وبعدين دخل أوضته على طول.

وعد: طيب، بعد إذنك يا خالتو، ممكن أدخل عنده؟ جميلة: أنتي هتستأذني في بيتكم؟ اخس عليكي يا وعد. وعد: تسلميلي يا جوجو. *** وعد بتخبط على باب أوضة حمزة. حمزة من الداخل: قلت مش عايز حد. وعد: ممكن أدخل؟ حمزة ما ردش. وعد دخلت: ولا حتى أنا. حمزة: كنت عارف إنك جاية، وعشان تطمني، اللي في دماغك مش هيحصل. وعد بهدوء عكس اللي بداخلها: طيب، ممكن أعرف السبب؟

حمزة قام بغضب أمامها: أنتي عارفة ليه، و100 مرة نتكلم في الموضوع ده، أنتي مبتفهميش؟ مابتحسيش؟ إيه يا شيخة؟ وعد ببكاء: علشان أنت عارف الشرطة دي كان حلمنا سوا، مش حلمي لوحدي، وأنت دخلتها وبقيت ظابط، طيب وأنا مش أحقق حلمي أنا كمان؟ حمزة: الشرطة حلم للراجل مش الست، سامعة يا وعد؟ قالها بزعيق. وعد: وأنا هدخلها ومش هسيبك تتحكم فيا أكتر من كده.

حمزة بغضب شديد: أنا أتحكم فيكي غصب عنك وعن أي حد، أنتي تستجري تعملي حاجة من غير ما أعرف؟ وعد ببكاء شديد: أنت أناني يا حمزة. حمزة: أنا أناني يا وعد؟ وعد: أيوه يا حمزة، وعمومًا، أنا هسيبك تفكر، لسه فاضل على التقديم 20 يوم. حمزة: ده موضوع منتهي، ما فيهوش نقاش بالنسبة لي. وعد: بالنسبة لك، لكن بالنسبة لي لا. عن إذنكم. خرجت وقفلت الباب. *** في الخارج. محمود: تعالي يا وعد اقعدي. وعد أخفت حزنها: أيوه يا حودة.

جميلة: مش هتكبري يا وعد. وعد بضحك: غيرانة على حودة يا جوجو؟ محمود بضحك: فكرتيني بأيام الشباب يا وعد. وعد: ما أنت لسه في عز شبابك يا حودة، ده أنت اللي يشوفك أنت وبابا يقولوا أصغر من ابنك الأبلة ده. حمزة: أنا سامع اسمي. جميلة: تعالي يا حمزة. وعد: أول لما جه حمزة، قامت وكانت ماشية. محمود: اقعدي يا وعد، رايحة فين؟ وعد: معلش يا عمو، عايزة أروح أنا وعهد نطمن على حنان، أصلها مش بترد على فونها.

حمزة قام بغضب: أنتي شاورتي عشان تطلعي؟ وعد بتحدي: وأنا قايلة لبابا، وكمان عمو محمود قولتله، أهو بقى أشاور مين تاني؟ حمزة بزعل: عندك حق يا وعد، تقدري تطلعي. ودخل أوضته. وعد: حمزة، حمزة. ما ردش عليها. وعد على وشك البكاء: عن إذنكم، أنا طالعة. ومشت. جميلة بحزن: ربنا يهديهم. محمود: يارب يا جميلة، يارب. *** في الأعلى. وعد: بقولك إيه يا وعد، رني تاني على حنان، شوفيها فتحت فونها ولا لسه.

عهد: يا بنتي، مش إحنا قولنا هنروح لها؟ وعد بتمثل التعب: لا، مش قادرة يا عهد، حاسة إني مرهقة. عهد بتريقة: والله؟ وعد: أه. عهد: طيب، أنا هرن عليها دلوقتي. جرس يا وعد. عهد: السلام عليكم ورحمة الله وبركاته. حنان: وعليكم السلام ورحمة الله وبركاته، إزيك يا عهد، عاملة إيه؟ وحشاني أنتي ووعد. عهد: إحنا الحمد لله بخير، إحنا قلقنا عليكي، مش بتردي ليه؟ حنان: أنا كنت نايمة، وأنتي عارفة إني بقفل الفون لما بنام.

سحبت وعد الفون: إيه يا دوجو، مش هتبطلي الحركة الوحشة دي؟ حنان بضحك: أنا آسفة يا فندم، طمنوني عملتوا إيه؟ وعد: معاكي الظابطة وعد جمال عبد العزيز، والمهندسة عهد جمال عبد العزيز. حنان: مبروك يا عهد يا حبيبتي، أحلى مهندسة في الدنيا. عهد: تسلميلي يا حنون. حنان: وعد، أنتي لسه مصممة على موضوع الشرطة ده؟ وعد: سيبك، نتكلم في الموضوع ده بعدين، طمنيني عملتي إيه؟ حنان: بما إني كنت أدبي، هدخل كلية آثار، جبت 94%. ***

فتحوا الاسبيكر. وعد وعهد: ألف مليون مبروك يا حنان، فرحنالك أوي يا روحي. حنان: وأنا فرحتي بيكم ما تتتوصفش. عهد: تسلمي لنا يا غالية. طيب، أنا هقفل معاكي ياحنون، مستنينك، لازم تيجي. حنان: إن شاء الله، سلام. عهد ووعد: مع السلامة. وعد: أنا فرحانة أوي لحنان. عهد: وأنا كمان، ربنا يتمم لنا فرحتنا كلنا على خير ياربي.