رواية النصيب الفصل الثاني والعشرون 22 - بقلم رحاب القاضي

ما مرَّ ذِكرُكَ إلا وابتسمتُ لهُ كأنكَ العيد والباقون أيَّـامُ شهد بصدمة: تقتل؟! .. انت بتهزر صح؟ أسر: لا مش بهزر انا هقتل فعلا، زي ما تقولي كده تار قديم. بيني وبين واحد حرمني من اغلي اتنين في حياتي.. شهد بعدم استيعاب: يعني انت اتجوزتني عشان تاخد فلوس وتخلي الراجل الغريب ده يجيبلك حد تقتله، لا تصدق تبريرك ده هيخليني اثق فيك اووي.. أسر بجدية:

انتي مش عايزاني ابقي صريح معاكي انا صريح اهو، وواثق فيكي اكتر من اي حد عشان كده شاركتك اللي ناوي اعمله من غير ما اخاف.. شهد بدموع: والمطلوب مني اسكت واشجعك، مستحيل ده انا لو الاول كنت ساكته فدلوقتي مستحيل انا عايزه اطلق وماليش دعوه بخطتك دي خالص.. أسر بهدوء: بطلي بقي الكلمه دي عشان انا مش هطلقك، وانا مظبط كل حاااجه اصلا والموضوع بينا يا شهد.. شهد بعصبية:

انت بتقولي انك هتقتل حد وعايزني افضل ساكته كده، لا وكمان افضل معاك ده انا كنت فضلت مع سعيد وامه احسن.. قرب منها أسر وقال بحده: كنتي فضلتي مع مين يا روح امك.. رجعت لروا كام خطوة وردت عليه بتوتر وقالت: زي ما سمعت كده، وتقتل ليه اصلا انا مش لاقيه كلام اقوله ولا مستوعبه اللي انت عايز تعمله يا أسر. مسك ايدها وقال بهدوء: اقعدي يا شهد انا هفهمك… قعدت شهد علي الكنبه قدامه وقالت: اديني قعدت اهو فهمني.. أسر بهدوء:

لما كان بابا عايش انا كنت طايش شويه وهو كان بيعاملني بقسوه زياده عشان انا الولد انا اللي هبقي هو بعد ما اكبر فلازم ابقي زيه اكل واشرب والبس علي ذوقه وده طبعا ما كانش بيرضيني فكنت بهرب من تحكماته ديما باني استفزه واعمله حاجات هو مش عايزها وبقيت في نظر الكل وحش فقرر يعاقبني وخلاني اسافر بره مصر اعيش لوحدي واتحمل المسؤليه وتحت عينه برضو وبأقل فلوس ممكن تتوقعيها، كان مانع اني اشوف اي حد من اهلي او حتي يكلموني ولما ماما

ماتت نزلت مصر ما شوفتهاش من وقت كبير ما حستش بغيابها في وقتها وكانت حاسس اني غريب بينهم اصلا، وقتها بابا قالي خلاص خليك معانا هنا بس انا كنت اتعودت علي هناك، لاني في وقت سفري اتعرفت علي زميل ليا في الجامعه اسمه احمد، لو جمعتي يا شهد طيبة الدنيا دي كلها وحطتيها في شخص واحد مش هيبقي برضو في طيبة احمد، واحمد بقي عرفني علي بنت خالته تهاني او نتالي هي غيرت اسمها لنتالي، وكانو هما الاتنين دول مش صحابي وبس لا دول كانو عيلتي

هناك، نتالي اهلها ماتو وعايشه مع خالتها من وهي طفله واحمد حياته كانت كويسه اووي ماعدا اخوه فايز اللي انا عايز اقتله دلوقتي..

شهد بصدمة: استني يعني فايز ده قتل احمد ونتالي اللي هما اخوه وبنت خالته.. أسر بدموع: بالظبط هو مش شقيقه هما اخوات من نفس الام بس من ابهات مختلفين، كان بيستغل طيبة احمد اووي وعقله حرفيا مستحيل يكون اخ، وكان ديما عايزه يبقي لوحده فلما انا واحمد بقينا صحاب حاول يأذيني عشان ابعد عن احمد هو مريض مش طبيعي فالموضوع اتحول وقتها من خناقات بين احمد وفايز ليا انا وهو، احمد ونتالي كانو بيحبوا السباقات اووي وحببوني فيها..

نزلت دموعه وابتسم وقال: وانا حبيتها عشان نتالي كنت بحب كل حاجه هي بتحبها عشان اخليها تحبني، كانت مجنونه وطايشه جدا ومتمرده وعفويه وبريئة وجميلة جداً، كانت عمري كله وهو عشان يفرقنا دخل السباق معانا واتعمد يقلب بينا العربيه، كان سباق جماعي ووقتها هما ماتو وانا اللي فضلت عايش.. مسح دموعه وقال بنبره كلها حزن:

من يومها وانا مش عارف ابقي كويس، عشرة عشر سنين ضاعت في يوم في لحظة رجعت لوحدي تاني، تايه مش عارف انا تبع مين، مش عارف اتأقلم مع فؤاد وهاله ومش عارف اطلع من حزني علي حب عمري وصاحبي الوحيد اللي اختفو فجأة بعد ما كنت بعمل كل حاجة في حياتي معاهم، انا مستعد اخسر عمري كله بس انتقم من اللي وجعني كده واشوفه بيموت قدامي.. شهد بحزن: بس ده مش الحل.. قام وقعد جنبيها وقال:

انتي الحل انا معاكي بقيت بعرف افرح تاني واضحك من قلبي وحبيت اللي جاي عشان هيكون معاكي.. شهد بضيق: من غير ما تقتل حد.. أسر: تيجي بعد اللي حكيتهولك ده؟ شهد: ايوه ما انا مش هعرف اكمل معاك وانت قتال قتلة.. أسر: بقيت قتال قتلة معاكي اهو، ده انتو كائنات تموت في اللف والدوران.. شهد بهدوء: انا مقدرة حزنك عليهم بس لو يعني.. وتابعت بتوتر:

لو بتحبني زيهم ما تعملش كده عشاني انا، عشان لو جينا للحق انا محتاجاك اووي ولو حصلك حاجة انا مش هعرف اكمل لوحدي.. ابتسم أسر بهدوء وقال: كملي يلااا بدأت اقتنع.. ابتسمت بكسوف وقالت: لا هما دول بس اللي طلعو وما توترنيش اكتر من كده.. أسر اتنهد بهدوء وقالكلامك مقنع انا اخاف تحصلي حااجه واسيبك بس.. شهد بسرعه: من غير بس انت لو حصلتلك حااجه هيحصل فيا انا ايه، هما الله يرحمهم حقهم عند ربنا بس انا اللي معاك دلوقتي ومحتاجاك..

قرب منها أسر اووي وقال: ايوه بقي محتاجالي في ايه، وخايفة عليا صح.. ردت عليه بتوتر وهي بتبعد عنها: ايوه اكيد. خايفة عليك.. أسر بخبث: ليه؟ شهد بتوتر اكبر: عشان انت جوزي دلوقتي.. أسر: لا انا مش عايز الرد ده، هو في رد تاني لو سمعته مستعد دلوقتي احلفلك اني مش هعمل حاجة في حد وهكمل معاكي حياتنا في هدوء… شهد بتوتر: وايه الرد ده اللي انت عايز تسمعه؟ أسر: يعني زي بحبك وعايزة اكمل معاك حياتي وكده يعني.. شهد بصتله بهدوء وقال:

اصلا انا بحبك من فترة كده واعترفت لنفسي بس كنت بقول مستحيل يكون شعور متبادل عشان كده كنت بتجنبك… أسر ابتسم بهدوء ورد. عليه: ما انا عارف وواخد بالي محسوبك مش ساهل برضوا شهد: لا وانت عرفت ازاي يعني انا حتي ما بينتش.. اسر قرب منها اووي وقالمش مهم انا عرفت ازاي المهم اني اتأكدت دلوقتي، وانا والله ما هعمل حاجة تبعدني عنك خااالص.. شهد بكسوف: طيب انا ما لحقتش اتعشي هناك الزفت اللي اسمو كمال ده نكد. عليا.. أسر:

افتكرت صح كانت امك واختك قالولي انك بتعرفي تطبخي مش كده؟ شهد: ايوه بعرف بس مش اووي يعني حاجات بسيطة.. أسر: مش مهم انا عايز ادوق الحاجات البسيطة دي.. شهد: يعني بعد المرمطة اللي شوفتها معاك من امبارح لحد دلوقتي دي وفي الاخر عايزني اعملك اكل… أسر: يا ستي انا نفسي اكل من ايد مراتي.. شهد: والدنيا ما طارتش يا أسر، انا شبعت وداخله انام مش عايزه اتعشى.. أسر وقف معاها وقال بخبث: طيب احنا هنطلب الاكل بس لحد. ما يجي ننام شويه..

شهد ببراءة: لو نمت وصحيت تاني بسرعة مش هعرف انام تاني طول الليل.. أسر بصلها شويه وهو ساكت وبعدين قال: ايه يا شهد مش قصدي ننام، فتحي مخك بلاش الغباء الزيادة عن اللزوم ده.. شهد وشها قلب احمر وقالت: يا قليل الادب، ده انت بتحلم انا داخلة اغير هدومي.. _وسابته ومشيت وهو ضحك علي خجلها وقال وهو رايح وراها.. أسر: استني بس ده انا ما صدقت فهمتي.. ــــــــــ وفي بيت الفيومي..

دخلت هاله اوضتها وكان فؤاد قاعد مدايق جدا وقالتله بقلق وتوتر.. هاله: تيام نام روحتله لقيته ناام، وصبااح قالتلي انه اتعشى قبل ما يناام.. فؤاد: طيب.. هاله: فؤاد انت مدايق من شهد هي مالهاش ذنب في حاجة.. فؤاد: وانا ادايق من شهد ليه، بالعكس انا اتدايقت من اخوكي يعني انا سكت بس توقعت رد فعله يكون غير كده.. هاله: ازاي يعني هو ما يعرفش انها كانت شغالة في البيوت اصلا او سمع وطنش ما اهتمش وقتها فمعرفش تفاصيل.. فؤاد:

في حااجه غلط مش هو قال قبل كده انه يعرف كل حاجة عنها وانهم بيحبوا بعض ومرااته ازاي ما يعرفش انا بدأت اشك انهم بيضحكوا علينا.. هاله: والله العظيم وحياة ابني دلوقتي اللي اعرفه انهم متجوزين بجد وبيحبها جدا.. قام فؤاد وقف قدامها وقال بهدوء:

بصي يا هاله انا علاقتي بيكي حاااجه وعلاقتي باهلك حااجه تانيه، موضوع الوصية ده امانة بالنسبالي انا وانا المسؤل عنه انا ممكن اتوقع من اخوكي في اي وقت انه يكذب عليا بس انتي لا، لو عرفت يا هاله انك اتدخلني في الموضوع ده او مخبيه عني حاجة رد فعلي هيبقي وحش اوي.. هاله بقلق: انت ليه بتقول كده يا فؤاد هو انا امتي يعني كدبت عليك؟ فؤاد: اتمني يبقي علي طول كده.. هاله: اكيد طبعاً، هتتعشي ولا هتنام؟ فؤاد:

لا ماليش نفس هنام وابقي كلمي شهد اطمني عليها.. هاله: كلمتها ما بتردش.. فؤاد: بلاش طريقتك دي انا ما عملتش حاجة. فؤاد: مالها طريقتي انا بس مدايق من اللي حصل، وكمان شايل هم ان اخوكي خلاص هياخد كل حاجة تخصك وتخصه واتمني يكون بجد اتغير. هاله: والله اتغير يا فؤاد وانت شايف لوحدك اهوو... فؤاد: خير ان شاء الله يا هاله، بقولك انا جوعت فجأة تعالي ننزل ناكل تحت وبعدين نيجي ننام.. هاله ابتسمت وردت عليها:

ايوه بقي كده انا مش متعودة علي الوش الخشب بتاعك ده.. فؤاد: بقي انا عندي وش خشب، بطلو افتري بقي.. _واخدها ونزلو اتعشو مع بعض… ــــــــــ وتاني يوم الصبح في شقة أسر كان الباب بيخبط جاامد وصحي أسر بص لشهد اللي نايمه جنبيه وابتسم بهدوء وقااام فتح الباب وكانت رحمه اللي ماسكه شنط كتير في ايدها.. أسر: انتي عرفتي العنوان منين؟ رحمه: ادخلني الاول يا عديم الذوق ايدي اتكسرت من الشنط والسلم ده.. خلاها أسر دخلت وقفل الباب وسألها:

هو ايه الشنط دي اصلا وما طلعتيش ليه في الاسانسيرر؟ رحمه حطت الشنط علي الترابيزه وقالتله: ما انا عماله ارن عليكم من الصبح عشان حد يتنيل يسحبني بالاسانسير وانتو ما بتردوش عليا فطلعت 13 دور بالشنط دي لحد ما خلاص مش حاسة برجلي.. أسر: انتي ايه اللي جايبك اصلا؟ رحمه: جرا ايه ياباااا شقة صحبتي واجي وقت ما احب ده انا كمان هاخد منها نسخة من مفتاح الشقة عشان اجي براحتي.. أسر: ارمي هنا طيب لحد ما اصحيهالك.. رحمه:

طيب انجز طاااه عشان مش فضيالكم… _ودخل أسر اوضته ولقي شهد قاعده علي السرير وبتسأله.. شهد: مين بره؟ أسر: قدري الاسود رحمه صحبتك.. شهد ابتسمت باتساعه وقامت بسرعة وقالت: بجد اكمنها رنت عليا كتير.. أسر: شهد مشيها بسرعة انا ما بطيقهاااش.. شهد: ما تقولش كده علي صحبتي وتقعد براحتها ايه الرخامة دي.. قالت كلامها وطلعت وهو قال بغيظ: بعتني في لحظة عشان صاحبتها والله هولعلك فيها يا شهد وهي بنت حلال وتستاهل… ــــــــــ

وفي شقة سعيد ونسمه كان قاعد على السفره وحاطط ايده على خده وقال بغيظ.. سعيد: يا نسمه ما كانوش بطين دول هتقليهم بقالي نص ساعه مستني. نسمه: لا على فكرة دول اربعه مش اتنين واسكت ما توترنيش.. ابتسم. سعيد وقال لنفسه بصوت واطي: تضحكيني ايه يتحب بس انا مش عارف يا مجنونه انتي.. نسمه: عاااا الحقني يا سعيد.. قام. بسرعة ودخل المطبخ وقال بخوف: في ايه يا نسمه مالك؟ شاورت للبيض اللي على الارض وقالت:

اتدلق مني من غير ما اقصد ولسعت ايدي.. سعيد بهدوء: خضيتيني يا شيخة تعالي خلاص مش عايز حااجه.. عيطت نسمه وقالتله: لا انا فاشلة ومش هعرف اتعلم الاكل انا عارفة وانت هتزهق مني.. _ما ردش عليها سعيد وطلع تلج من الفريزر وقال بهدوء وهو بيحطه ليها التلج على ايدها.. سعيد: ما تشيليش همي انا خالص واللي ما تعرفيش تعمليه قوليلي ونعمله سوا ولو مش عايزة تتعلمي تطبخي اصلا مش مهم، هو انا عشان بحبك اتعبك معايا.. نسمه بخبث:

يعني مش هتيجي كده بينك وبين نفسك وتقول فين ايامك يا مراااتي الاولي.. ابتسم سعيد وقاله: بصراحة كانت هادية وبتسمع الكلام وبتعمل اكل حلو ومعيشاني ملك، بس والله العظيم ما حبيتها ربع ما حبيتك انتي بعيوبك كده وعقدك.. ضربته على كتفه وقالت بحده: طيب كملها حلو للاخر يا رخممم… سعيد: انا هنزل افطر تحت عادي ولو عرفتي تعملي غدا حلو اهلا وسهلا ما عرفتيش قوليلي اجيب معايا وانا جاي. ابتسمت باتساع وحضنته وقالت:

انا بحبك اوووي يالااا والله.. ضحك سعيد وقالي: يالااا برضو… بس اهو الحمد لله ان في كلام حلو وخلاص.. بعدت عنه نسمه شويه وقالت: وانا عشانك مش هستسلم وهتعلم اعملك كل الاكل اللي انت بتحبه وبس.. _قبل ما يرد عليها الباب خبط فقاام فتح الباب وكانت امه واقفه وبصتله بحزن وقالت.. ام محمد: نسمه فين؟ سعيد بضيق: عايزه منها ايه يا اما؟ بصتله بغيظ وقالت: ما تخافش مش هاخد منها حتة، انا رايحة للدكتور وعايزاها تيجي معايا.. استغرب

سعيد ورد عليها وقال: نعممم نسمه تروح معاكي ده من امتى؟ اتملت عيونها دموع وقالت: ما انا خلاص بقيت تقيلة على عيالي انت واخوك بتتمنولي الموت فليه اخدكم وانا رايحة اطمن على صحتي… وعلت صوتها وقالت: يا نسمه نسمـــــــــــه.. طلعت نسمه وقفت جنب سعيد اللي قال: خلاص يا انا هنزل اروح معاكي وهدفع تمن الكشف والعلاج كمان.. ام محمد ببكاء:

حسبي الله بيني وبين فلوسك انت واخوك وخلصت كده بينا لاخر عمري يا سعيد عشان بعد كل الدلع اللي دلعته ليك انت بالذات تتمنالي الموت.. اتنهد سعيد بضيق ونسمه قالتلها بحزن: والله يا طنط هو ما كان يقصد، وهو عارف انه غلط وهيعتذرلك.. ام محمد: قصرو وانا عايزاكي تيجي معايا يا بنتي للدكتور اكشف على رجلي ومش هقدر اروح لوحدي عايزة ونيس معايا فاضية تيجي ولا اروح لاختك.. نسمه:

لا طبعا فاضية دقيقة واحدة هغير هدومي واجيلك.، بعد اذنك يا سعيد.. سعيد بهدوء: ماشي هكلم صبحي يوصلكم بالتاكسي بتاعه ويجيبكم.. ام محمد: بس انا اللي هحاسبه مش عايزة من وشك حاااجة… سعيد: اللي انتي عايزااه يا اما تعالي جوه استني نسمه تلبس مش هتستنيها على الباب يعني.. ام محمد: لا انا هستناها في شقتي تحت، ما تعوقيش عليا يا نسمه.. نسمه ابتسمت وقالت: عينيا يا حماتي يا سكر انتي نازلة على طول وراكي اهو..

_ونزلت ام محمد وسعيد قفل الباب وقفل الباب وقال بغيظ لنسمه اللي كانت مبسوطة جدا: سعيد: انتي يا بت انتي فرحاااانه ان امي زعلانه مني يا بت انتي؟ نسمه: انا لا والله ما حصلش بالعكس ده انا مبسوطة عشان هي بدات تحبني انا.. سعيد: بس بتكرهني انا.. نسمه: مش مهم انت في الاول والاخر ابنها، المهم انها تحبني انا واختي ده المطلوب، هروح اجهز بقي عشان الحق اروح مع حماتي للدكتور الله على الاحساس جاااامد.. سعيد ذقه

جامد من كتفها وقال بغيظ: غوري يا هبله… ــــــــــ وفي شقة أسر كان قاعد هو وشهد على الكنبه رحمه قاعده على الكنبه اللي قدامهم وعلى رجلها طبق فاكهه كبير وبتقولهم وهي بتااكل.. رحمه: بس الفاكهه دي مش طازه.. أسر بغيظ: هو انتي عمرك اكلتي فاكهه اصلا؟ شهد بأحراج: بس يا أسر عيب كده.. رحمه: سيبيه يا شوشو ما هو العيب لو جه من اهل العيب ما يبقاااش عيب.. أسر: اوماال يبقي ايه، بتقولي ايه انتي اصلا وما ترميش قشر على الارض..

رمت رحمه قشرة الموز على للارض وقالت: تؤتؤ وقعت بالغلط.. أسر بص لشهد اللي لتضحك وقال بغيظ: اقسم بالله هقوم اضربها خليها تخرس.. رحمه: هتضرب فيا ايه هو انا ناااقصة ما كفاية اللي فيا.. أسر بسخرية: وايه اللي فيكي ما انتي زي القرد اهو وصحتك شده.. رحمه:

يباااان كده بس الحقيقة اني ملياانه امراض هقولك بص يا سيدي شعري بيقع ومش نافع فيه اي علاج، نظري ضعيف، قولوني بايظ خالص، ضهري بيوجعني وشكله اشتبااه في الغضروف، ركبي بترقع وشكلها خشونه، بتخن وبخس فجأة كده والنااس مش عرفاني دخينة من رفيعه، ما بقدرش اقف كتير وعندي املااح، وعندي التهاب اعصاب، وعندي نقص كلسيوم وو.. أسر: طلع عشره جنيه واكرمشها في ايدك يعني ولا اعمل ايه.. شهد: ده جسدياً بس مش نفسياً.. أسر: وهو لسه في نفسياً.؟

رحمه:

ومال عد معايا عندي رهاب اجتماعي بخاف اتكلم قدام الناس ما بعرفش اتكلم اصلا، عندي انعدااام ثقة في اللي حواليا عشان كده تلاقيني ما عنديش معارف واخري مع النااس صباح الخير يا جاري انا في حالك وانت في حالك كفضول يعني، وعندي 19 سنه ولا خطوبة ولا جواز ولا حتي كلب عبرني وقالي انه معجب بيا وانا بنت دي حاجة مش سهلة انا غير مرغوب فيا ولا عمري حتي كنت فريسة لاحدهم، وعندك طنط صاحبة ماما كل ما تشوف خلقتي تقولي مش دخلتي الكلية ما جيبتيش معاكي واحد يخطبك ليه حد. يقولها اني رايحة الجامعة مش دريم بارك، وخيالي عندي خيال اي حاجة وحشة تحصل وتخلص لا خيالي يصورلي الاوحش منها لحد ما بقيت عندي انفصام في الشخصية ثنائي الابعاد بس في خيالي برضك..

أسر بنفاذ صبر: سكتي اييييه الدمااغ دي انتي عايزة واحد ضارب سجارتين حشيش عشان يسمعك.. رحمه: هو انا قولتلك اسمعني انا بتكلم مع صحبتي.. أسر: يا ماما الصحاب بيحكو وبيسمعو بعض انما انتي من لما قعدتي وانتي بترغي بس.. رحمه: بشاركم احزاني وحياتي هو انا ليا غيركم يا عيال.. ضحكت شهد وأسر قال بغيظ: عيال كمال وربنا تكه كمان وهقوم اجيبك من شعرك.. رحمه: لا وعلي ايه انا قايمة اشوفلي حاجة في المطبخ اكلها… أسر:

وانتي تقومي ليه انتي ضيفة تترزعي هنا واحنا نجيبلك اللي عايزينه.. رحمه: يوه هو انا غريبة ده بيت اختي، فهمي جوزك يا شهد.. شهد: طبعا يا رحمه خدي راحتك… أسر: يا ستي خصوصية شقتنا تدخل فين؟ رحمه: لاااااا انت تتعود على كده انا ماليش صحاب غيرها دي انا اعرفها من لما كنا عيال هتيجي انت يا اصفر تعمل خصوصية بينا.. مسك أسر الشبشب بتاعه وقال بعصبية: هو مين ده الاصفر يا انثي الخنزير انتي.. شهد بسرعة مسكت منه الشبشب وقالت:

عيب يا أسر كده وصحبتي تقعد براحتها في شقتي بس.. رحمه بثقة: وقوليلو كمان يعملي اوضة هنا وانا هبقي اجيب نص هدومي هنا ونصهم التاني عند اهلي.. قالت كلامها ودخلت المطبخ وهو قال بغيظ: بصي كانت قاعدة بالكوتشي بتاعها على الكنبه المعفنة ووسختها ازاي.. رحمه طلعت من المطبخ وقالت: الحق عليكم انتو مش تحطو كفر للكنبه عشان ما تتوسخش.. أسر: وانتي مالك شقتنا واحنا حرين بتتحشري وسطنا ليه.. رحمه:

اسمها شقتنا احنا التلاته يا سكر واتخشر براحتي مش صحبتي محشورة معاك.. شهد: خلاص يا اسر بقي وبعدين انت مش قولت ان عندك شغل ادخل بقي غير هدومك وامشي وسيبني مع صاحبتي لوحدنا.. رحمه: ايوه يا ريت وانا هكلم البت شيري تيجي تقعد معانا.. شهد: امي يلااا.. أسر بغيظ: لو كنت اعرف اني هتجوزك بصحبتك ما كنتش عملتها.. _قال كلامه ودخل اوضته وهي فضلت تضحك ورحمه قعدت جنبيها وقالت بهدوء: رحمه:

نسيت اقولك اللي خلاني اجي امك كلمتني وقالتلي انها عملالك اكل وحلوياات عشان تلاقيكي اتوحشتي اكلها وكانت مكسوفة تجيلك فخلتني اخدهم واوديهوملك الفيلا بس هاله الشكىه قالتلي انكم هنا وخلت السواق يجيبني، يمين بالله انا لو راجل لكنت اتجوزت هاله دي عسل البت.. شهد: معاكي حق والله، بس كوبس وجيتي قوليلي ايه رئيك في الشقة؟ رحمه: يعني حلوة بس ذوقها بيئة.. طلع أسر من اوضته وقال بغيظ:

لاااا لحد هنا ومش هسكتلها الحيوانه دي، بقي انا ذوقي بيئة دول اكتشفوا البيئة لما شافوكي.. رحمه: طيب اسكت طيب عشان مش عايزة اقولك هما لما شافوك اكتشفوا ايه.. شهد بقلق: يا جماعة خلاص بقي انتو لو عيال صغيرة مش هتعملوا كده… أسر: استني بس يا شهد هو ايه الذوق الحلو اللي كنتي عايزاه في الشقة يا مذوقة انتي.. رحمه بثقة: يعني كنت عملت الوان ملعلطة على الاقل.. أسر: ملعلطة؟ رحمه: ايوه فوشيا على احمر وردي كشميري..

أسر ضحك غصب عنه وقال: والله ما هرد عليكي ومش عاجباكي الشقة ما تجيش عندنا تاني.. شهد: بس بقي يا أسر ايه اللي بتقوله ده.. رحمه: سيبيه يقول براااحته بس انا غلبbaاانه ومش هرد عليه، ليه عشان انا متربية التربية اللي ما عدتش عليه ولا على اللي زيه.. أسر بعصبية: من حظك انك بنت والا كنت سويت وشك بالارض يا بيئة.. رحمه بسخرية: شوف مين بيتكلم على البيئة، بلاش طيب وانت واقف في الشقة دي.. أسر بغيظ:

ايه الثقة دي ده انا شكيت ان الشقة فعلا بيئة.. شهد: أسرخلاص ادخل انت شوف هتعمل ومالكش. دعوه برحمه خالص.. مسك ايدها أسر وقال: طيب تعالي ساعديني.. رحمه وهي بتمسك الريموت: تساعدك في ايه هو انت لسه بتلبس بامبرز ولا ايه هع هع هع.. أسر بعصبية: وعاي يا شهد عشان انا جيبت اخري.. شهد وهي كاتمه ضحكتها: امسحها فيا عشان خاطري خلاص، وانا هدخل اساعدك اهو وهختارلك لبسك كمان.. أسر بهدوء: اذا كان كده خلاااص يا قلب أسر… ــــــــــ

وفي عيادة دكتور العظام. نزلت ام محمد من التاكسي ومعاها نسمه اللي قالتلها.. نسمه: استني با طنط انا هاجي اسندك… ام. محمد: بقولك ايه استنيني هنا كده كده العيادة في الدور الارضي ما تتعبيش يا بنتي.. نسمه: لا ازاي الكلام ده انا هروح معاكي. طبعا وهدخل معاكي عند الدكتور لحد ما اطمن عليكي.. ام محمد: اصيلة يا بنتي وحقك عليا في اللي حصل مني الاول كله انا مش عارفة ازاي كنت بعمل كده بس.. نسمه:

حصل خير يا طنط انتي زي امي برضو، تعالي معايا واسندي عليا المهم دلوقتي نطمن عليكي.. _وطلعت معاها نسمه فوق وبصت ام محمد وهما طالعين بطرف عينها لهاني اللي واقف عند. الكشك اللي تحت العماره اللي فيها العيادة، واول ما دخلت العيادة قعدتها نسمه على اقرب كرسي وراحت حجزتلها الكشف ورجعت نسمه وقالتلها.. نسمه: اتفضلي يا طنط باقي الفلوس اهو قدامنا خمس اسمااء وهندخل.. اخدت منها الفلوس ام محمد وقالت بخبث:

تعبك بس يا بنتي جبيلي قزازة مايه من الكشك اللي بره ده.. نسمه: حاضر دقيقة واحدة هجيبلك واجي.. _وطلعت نسمه فعلا واشترت مايه وجات تمشي بس وقف قدامها هاني فجأه وقال بخبث.. هاني: ايه المفاجأة الحلوة دي يا نسمه؟ نسمه بضيق: نعم في حاجة؟ هاني: ايه المقابلة البطالة دي بس يا نسمه ده احنا حتى في يوم كنا حبايب.. نسمه بحده:

حبك برص هما مين دول اللي كانو حبايب اشحال ان ما كنت انا اللي سيباااك بعد شهرين خطوبة، وسع كده من طريقي قال حبايب.. جات تمشي بس هو بحركة سريعة وقوية شدها من ايدها وحضنها جااامد وقال بخبث.. هاني: استني بس ده انتي وحشااني اوي.. ذقته بكل قوتها وبعدته عنها وقالت بحده:

انت اتجننت يخربيتك اقسم بالله لولا اني خايفة على نفسي من الفضايح لكنت نزلت اللي في رجلي على دماغك وفرجت عليك اللي يسوي واللي ما يسواااش يا عيل يا زباااله، اوعي كده من وشي واياااك تفكر تقف في طريقي تاني انا بحذرك اهو.. ضحك بسخرية وقاله: هههههه ده انتي الجواز مقوي قلبك اوووي.. نسمه بحده: وفوق ما تتخيل كمان… وسابته ومشيت وهو قال بصوت عالى:

يا ماال لو كان بيحبك ده انا سمعت انه اتجوزك من قلة، اصل ما كانتش في واحدة راضية بيه بعد اللي عملو هو وامه في بت صابر، فرااح للبايرة اللي سوقها واقف وما هتصدق يتقدملها عريس.. اتملت عيونها دموع ومشيت من غير ما ترد عليه وعشان ما تقفش معاه اكتر من كده، وقرب منه ولد صغير شويه في السن وقاله.. الولد: اسمك يا اسطي هاني صورتك اهو وانت واقف معاها وانت حاضنها، واللي يشوف الصور دي مش هيقول غير اتنين حبيبه… هاني:

فل يالا ابقي فوت عليا بكرة وهديك اللي اتفقنا عليها.. الولد: اتفقنا بالسلامه يا اسطي هاني.. واول ما مشي الواد طلع موبيله هو وكلم ام محمد وقالها: ايوه يا حجه ام محمد الصور معايا اهو وسميتلك بدنها بكلمتين انما ايه من اللي قلبك يحبهم…. ام محمد ابتسمت بأنتصار وهي باصه لنسه اللي قعدت جنبيها: طيب كويس اووي نركز بقي على باقي اللي قولتلك عليه، واقفل دلوقتي وابقي اكلمك منين يا واد سلام.. وقفل ت معاه وقالت لنسمه بهدوء:

ده الواد ناصر ابن اختي غالية بيطمن عليا وفي نفس الوقت قال ايه يستلف مني ناااس ما عندهاش دم.. نسمه بجمود: ربنا يهديهم.. ام محمد بخبث: مالك بس يا بت وشك مخطوف كده ليه هو حد زعلك في حاجة، ليكون الواد سعيد منكد عليكي عشااان جيتي معايا.. نسمه: لا والله هو بس انا تعبت شويه بس خلاص الدنيا زي الفل ما تقلقيش انا هقوم اشوف قدامنا كام. اسم.. قامت نسمه وام محمد بصتلها بحقد وقالت:

وغلاوة عيالي عندي لارجع ابني تاني لحضني وتحت طوعي يا بنت نادية واطلعك من بيتي بفضيحة.. ــــــــــ وفي بيت أكرم كان ناايم على الكنبه اللي بره اوضته وباصص للسما ووقف فجأه قدااامه أسر وهو بياخد نفسه بالعافيه وقاله… أكرم: ده انا لو هطلع برج القاهره مش هتعب كده.. قام أكرم بسرعة وقاله: أسر بيه حضرتك بنفسك هنا.. قعد أسر جنبيه وقال بهدوء: ايوه عادي عرفت ان عندك. حالة وفاااه وجيت اعزيك ممكن اشرب بس.. اكرم: حاضر دقيقة واحدة…

_ودخل اكرم جوه اوضته وجابله قزازة مايه وكوبايه وعلبة عصير صغيره وقاله وهو بيحطهم قدامه.. اكرم: معلش حاجة كده على القد شوية… مسك أسر المايه وقالهم: ميرسي كلك ذوق.. وشرب أسر وبعدين قاله: هو انت شغال ايه يا أكرم؟ اكرم: انا كنت شغال بالموتسيكل بتاعي ديلفري تبع مطعم بيتزا بس بقالي كام يوم كده ما بروحش وشكلهم مشوني وجابو حد مكاني.. أسر: انت خريج كلية التجارة مش كده؟ اكرم: ايوه وكمان بامتياز هي شهد قالتلك، اقصد مدام. شهد..

أسر اتنهد بضيق ورد. عليه وقاله: مش مهم مين اللي قالي المهم انا جايلك بنفسي اهو وعايزك. تيجي تشتغل معايا.. اكرم: تشتغل معايا انت في ايه انا ايوه متخرج من كليه كويسة وبتقدير كويس بس عمري ما اشتغلت في شركة ولا حتي كاشير فمش هفهم حااجه.. أسر:

هو ما فيش حد مسك شغل وهو عارف يشتغله على طول الاول بيتدرب، بس الشغل معايا هيكون مختلف شوية، بص هو انا عايز حد. اثق فيه يكون معايا في الشركة ويكون على علم بكل كبيرة وصغيرة فيها كأني انا اللي بتابع كل ده وبالاخص الحسابات بتاعت الشركة والفروع بتوعها.. اكرم: بس دي مسؤلية كبيرة يعني انا ممكن ما اقدرش عليها لوحدي.. أسر: ما انا هكون معاك، المهم ده شغل لبعدين انما انا دلوقتي عايزك كصديق في مشوار مهم.. اكرم بعدم فهم:

مشوار ايه ده؟ أسر: غير هدومك. وحصلني لتحت وانا هقولك كل حاااجه.. _وسابه أسر ونزل واكرم ابتسم بحماس وقام غير هدومه ونزله بسرعة وهو مبسوط من كلام أسى الفيومي معاه وانه هيشتغل في شركة كبيرة زي شركة الفيومي.. ــــــــــ وفي شقة أسر كانت واقفه شهد مع رحمه في المطبخ وقالتلها رحمه وهي بتحط اطبااق الاكل على الصنيه.. رحمه: ما ردش عليكي؟ شهد بضيق: ما ردش ولو خرجت معاكم من غير ما اقوله هيزعل.. رحمه:

كانت في واحدة صحبتي كده من كاام يوم اتعمدت تروح لاكرم عشان ما تخليش جوزها يمشي كلامه عليها.. ابتسمت شهد وقالت: ما خلاص بقي صالحني، واه مش هخرج من البيت غير لما اقوله.. رحمه بخبث: ما هو لو كان عاملك قيمة ومهتم يا خايبة كان رد عليكي.. شهد: حربايه بتتكلم ده بدل ما تقوليلي اسمعي كلامه... رحمه: ومالو اسمعي كلامه ما هو جوزك برضو وانا صحبتك من زمان وتسمعي كلامي برضو… شهد: طيب اطلعي اقعدي مع شيري وانا هبعتله رسالة واجيلك..

رحمه: عبيطة هتفضلي طول عمرك عبيطة، عرف يضحك عليكي يا خسارة شهد اللي كانت بتحارب لاخر نفس في حياتها عشان ما حدش يمشي كلامه عليها.. شهد بغيظ: والله ما حد عبيط غيرك روحي اطلعي اقعدي مع شيري سايبنها لوحدها من بدري.. رحمه: طالعة اهو وتعالي عشان تاكلي ولا مش هتاكلي من غيره.. ضحكت شهد بهدوء وقالت: بفكر في كده استنااه واكل معاه.. رحمه مسكت صنية الاكل وقالت وهي طالعة: مصلحة برضو هاكل انا مكاانك خليكي مستنية..

_طلعت رحمه من عندها وشهد فتحت الوتسااب وبعتتله رسالة وقالتله بهدوء.. شهد: ازيك يا أسر انا كنت عايزه اقولك اا.. ايه ازيك دي لا مش حلو.. ومسحت الريكورد وسجلت من الاول وقالت: تعامل ايه يا أسر انا… لا مش حلو برضو، انا اكتبله احسن.. وفعلا كتبتله رسالة وقالت فيها: “أسر انا خارجه مع البنات رايحه لهاله النادي وهي وفؤاد هناك اصلا، ورنيت عليك عشان اقولك انت ما رديتش عليا”…. وقفلت الفون وقالت لنفسها: ان شاء الله مش هيزعل..

وطلعت قعدت مع البنات وشيري قالتلها وهي بتاكل: المكرونة دي حلوة اوووي، مامي للاسف مش بتخلينا ناكل الحاجات لانها نباتيه.. رحمه بصدمة: ام هندية.. ضحكت شهد وشيري ردت عليها: يا بنتي بقول نباتيه مش هندية.. رحمه: ما هما الهندين في المسلسلات بياكلوا اكلات نباتبه بس عايشين على السبانخ والخس.. شيري: على فكرة مامي اصلا مش مصرية اووي هي في الاساس من تركيا بس بابا مصري يعني.. شهد: ايوه انتي قولتيلي قبل كده.. رحمه:

لامؤاخذة يعني هي امك سابت مهند وعدنان بيك وبوراك وعمر ايبلكجي وراحت اتجوزت ابوكي المصري.. شيري: انا مش فاهمه انتي بتتكلمي عن مين اصلا، بس ماله المصري؟ شهد: هو انتي بتاخدي على رحمه.. رحمه: في ايه يا حلوة مالها رحمه، وبعدين انا معايا حق البت ملامحها مش باينة اهي عربية من اجنبيه.. شيري: المهم يا رحمه شريف جاي النادي على فكرة ومعاه أسعد.. رحمه بعدم فهم: نعم يعني في ايه ماله اخوكي ده؟ بصت شهد بتحذير لشيري اللي قالت:

هو جاي يتعرف عليكم… هو يعني لما شريف حكاله عنك قرر يتعرف عليكم بنفسه.. رحمه: ينور يا اختي ناقصين عاهات ما كفاية الملزق اخوكي.. انا قايمة اجيب مايه.. دخلت رحمه المطبخ وشهد قالتلها بضيق: وانتو فاكرينها مجنونة بجد جيبالها اخوكي يا شيري. والله لو هبت فيكم ما ليا دعوة.. شيري: والله ولا انا كمان ليا دعوه ده شريف بيحب يرخمم عليها.. شهد بقلق: واللي جااابه لنفسه.. ــــــــــ

في مكان تاني مقطوع كان واقف أسر قدام عربيته وجنبيه أكرم اللي سأله بقلق وقال. أكرم: هو احنا بنعمل ايه هنا ؟ أسر: هتعرف دلوقتي هو مش انت عامل فيها صاحبي اثبتلي بقي أكرم: لا معلش انا عايز اعرف مين دول اللي جايين وانا هصور ايه ؟ أسر بجمود: الحيوان اللي هيجي دلوقتي ده حاول يعتدي على شهد وبيدايقها وانا بجيب حق مراتي… أكرم بهدوء: تمام انا كده معاك في اللي انت عايزه…

–وقفت قدامهم في الوقت ده عربية الرجالة بتوع كارم ونزلو من العربية وهما ماسكين كمال ورمووه على الارض وهو بص لأسر بعصبيه وقال … كمال: انت قد اللي بتعمله معايا ده يا ولد ده همحيك من علي وش الدنيا .. أسر ببرود: لو راجل وريني هتعملها ازاي … وقرب منه ومسكه من هدومه خلاه وقف قداامه وقال بغضب:

من حسن حظك انك لما قربتلها ما كانتش مراتي واللي هحاسبك عليه دلوقتي بس عشان دايقتها قداامي ، واللي هيحصل فيك ده هيخليك تخاف بس تفكر فيها .. –قال كلامه ورمااه تاني على الارض وخلي رجالة كارم يضربوه وهو ببيصوت بألم وأكرم كان بيصورو وقال لأسر بضيق … أكرم: يا أسر كفايه الراجل هيموت في ايديهم كده .. –ما ردش عليه أسر وخلاهم يضربو فيه لحد ما كان شبه هيفقد الوعي ، فخلاهم يسيبوه وقرب منه وقال ببرود وهو بيولع سجارته.. أسر:

المرة دي هحترم انك راجل كبير واخليهم يسيبوك بس هتفكر تعمل حاجة تدايقني مش هرحم امك حرفياً… –وسابه ومشي وركب عربيته هو واكرم ووقف جنبيه واحد من رجالة كارم وفاله.. الحارس: هنرميه قدام اي مستشفي وما فيش اي دليل علينا لو اتكلم ، المه الباشا عايزك طلب مننا بعد ما نعملك اللي انت عايزه نقولك تروحله بيته هو في انتظارك .. أسر بجمود: اوكي هروحله.. –ومشي بعربيته وراااح فعلا لبيت كارم … ــــــــــ

وفي شقة سعيد رجع من شغله ولقي الشقه هاديه جداً على عكس كل يوم لما بتكون نسمه مشغله التلفزيون وتقابله تشتكيله انها ما عرفتش تعمله غدا كويس.. سعيد: نسمه انتي فين يا حبيبتي.. طلعت من اوضتها وهي رابطه راسها بطرحه سودا ولابسه اسدال الصلاه بتاععا وعيونها حمرا من كتر العياط.. سعيد: سلام قول من ربٍ رحيم.. نسمه: في ايه. شوفت عفريت حضرتك؟ سعيد: لا. طبعا هو في عفريت حلو كده برضو.. نسمه:

اممم قولي يا سعيد هو انا احلي ولا مراتك الاولي.. سعيد بضيق: وانتي ليه ديما بتجيبي سيرتها ودلوقتي بتقارني نفسك بيها ليه؟ نسمه: انا ما بقارنش نفسي بحد بس انا عايزة اعرف جوزي شايفني ازاي… سعيد اتجاهل كلامها وقال: كنت حاسس انك ما عملتيش غدا وجيبت معايا حواوشي اهووو.. نسمه بدموع: رد. على سؤالي يا سعيد.. سعيد ببرود: سؤال ايه يا نسمه هو ده سؤال برضو.. وقفت قدامه وقالت بحزن:

انا عايزة اعرف برضو انت شايف مين فينا احلي انا ولا هي؟ سعيد اتنهد بضيق وقال: انتي طبعاً يا نسمه احلي.. نسمه بدموع: كداااب لانها هي احلي مني واحلي بنات الحته كلهم والكل كان بيحكي ويتحاكي على جمالها.. سعيد: هو في ايه يا نسمه اهدي شويه، وحتي لو الكل بيقول عليها هي احلي، انا شايف مراتي وحبيبتي احلي واحدة في الدنيا.. نسمه بحزن:

برضو كدااب انت اصلا كنت عايز ترجعها لولا انها هربت ولما مالقيتش منها جيتلي انا اللي ما هتصدق توافق بيك عشان كبيرة في السن وخلاص قطر الجواز هيفوتني.. سعيد بغيظ: يادي ام. النكد اللي على المسا، انتي عايزة ايه دلوقتي يا نسمه؟ نسمه بدموع: عايزة اعرف انت اتجوزتني ليه.؟ راح قعد سعيد على الكنبه قدامها وقال بعصبيه: والله العظيم انا كنت عارف ومتأكد ان مشوار امي ده مش هيعدي على خير… نسمه بحده:

رد. عليا با سعيد اتجوزتني ليه وانت كنت ممكن تتجوز واحدة. اصغر منك وخصوصا انتو يا رجالة بتميلو للبنات اللي تبقي اصغر منكم. انما انا وانت قد بعض في العمر اتجوزتني ليه بقي؟ سعيد بهدوء: ولو رجع بيا الزمن تاني وكنتي اكبر مني كمان مش قدي وبس كنت هتجوزك برضو يا نسمه عشان بحبك يا غبية.. نسمه بدموع: احلف انك بتحبني وانك ما اتجوزتنيش عشان انا ما كنتش اقدر ارفضك وما هصدق اتجوزك.. سعيد: امي اللي قالتلك الكلام ده مش كده؟ نسمه:

لا والله هي ما قالتليش حااااجة.. وقف سعيد قدامها وسألها بضيق: اومال مين نعمة وامك عاقلين وما يطلعش منهم انهم يعملوا مشكلة بينا وصحابك.. نسمه بقلق: لا والله مش صحابي انا بس مانو شوية هرمونات عندي.. سعيد: لا هما مش هرومانات يا نسمه وانا عارف اللي فيها.. ـ بصتله نسمه بخوف ليكون عرف حااجه عن اللي حصلت بينها وبين هاني خطيبها القديم الصبح، وكان خوفها ده عليه هو ليتخانق معاه وتحصله حااجه، وهو ابتسم وقال.. سعيد:

خوفتي ليه كده. انا اقصد انك اصلا مجنونة وانا بدات اتعود. على دماغك دي.. ضحكت بهدوء وقالتله: والله ما مجنون زرخم غيرك ده انا ست العاقلين.. سعيد: اه ما اهو باين، فكي بس ام الطرحه دي اللي ربطها ايه المنظر ده… نسمه: لا مش هفكها عندي صداع تعالي بس وريني الحواوشي اللي جايبه انت جايب كان واحد؟ سعيد: اربعه.. نسمه: يبقي احنا نقسم قسمة العدل انت واحد وانا تلاته.. ضحك سعيد بهدوء وقالها: هههههههه ربنا ما يحكمك عا يتامي يا شيخه..

ــــــــــ وفي النادي كانت قاعده شهد مع هاله ورحمه وشيري، وجه فؤاد وقعد معاهم بتد ما سلم عليهم كلهم وقال لشهد.. فؤاد: هو فين أسر يا شهد بكلمه من شويه مش بيرد عليا.. شهد: مش عارفه هو خرج من الصبح وما رجعش وبكلمه برضو ما بيردش عليا.. رحمه: مش مسيطرة انتي على فكرة، يعني لو كنتي انتي اللي ما بترديش عليه كان هيسكت؟ هاله: نبقي محضر خير يا رحمه يا حبيبتي وبعدين احنا ديما كده الستات بناخد الرجالة على قد عقلهم.. ضحكو البنات

وفؤاد رد عليها بغيظ وقال: طيب ده انا حتى قاعد جنبك.. وبص لرحمه وقال: وانتي بقي رحمه انا مش بركز معاكي اووي، بس مش عارف ادعي عليكي بأيه بصراحة.. رحمه: ليه كده بس يا عم الحج هو انا عملتلك حاااجه ده انا حتى لسه بتعرف عليك زي الهلق اهو.. فؤاد:

اقولك انا ليه، هاله دي كانت نص كلامها انجليزي وطريقة كلامها راقية جدا، من لما اتعرفت عليكي تقريباً بقيت تقولي تعالي يا اسطا، كانت تيجي تصحيني الصبح تقولي يا بيبي دلوقتي قوم يا شبح هتتأخر على شغلك.. شيري: اومال انا مش بتعدي منها ليه؟ ضحك فؤاد بصوا عالي ورحمه قالتلها بغيظ: تتعدي من ايه هو مرض يا بت مش عايزة اقل منك قدااتم الراجل.. شيري: لا خلاص والله هسكت.. شهد بهدوء: انا هروح اكلم أسر يمكن. يرد عليا.. شيري:

ما تتأخريش عشان تتعرفي معانا على اسعد اخويا.. فؤاد: مال علي هاله وقالها: وهي هتعرفكم على اخوها ليه ان شاء الله؟ هاله: وانا وشهد بنعرفهم عليك ليه، دول صحاب شهد المقربين عادي نتعؤف عليه وبيقولو عليه دكتور نفساني شاطر.. فؤاد: كويس هحتاجله الفتره الجاية دي بعد العيشة معاكم.. _وفي مكان هادي شوية جنبهم وقفت شهد على جنب وفتحت الرسالة اللي بعتهالها أسر لما رد على رسالتلها وقالها فيها.. أسر:

هو انتي بتسأليني ليه ما انتي روحتي خلاص.. شهد: ما انت ما ردتش عليا طيب.. _استنت رده بس هو رن عليها فأخدت نفس عميق وردت عليه بهدوء وقالت.. شهد: الو.. أسر: المفروض تستني لحد ما اقولك يا شهد تروحي ولا لا.. شهد: وفيها ايه لما روحت ده انا مع صحابي ومع فؤاد وهاله قاعدين معانا.. أسر: خلص حاجة مهمة في ايدي وجااي يا شهد ما تتحركيش من جنب هاله وما تتكلميش مع حد…. شهد: هو ايه ده بقي يا أسر؟ أسر:

قصدي حد غريب مراتي ما تتكلمش مع حد مفهوم.. شهد: دي غيره ولا تحمات بقي.. ابتسم بهدوء ورد عليها: الاتنين وهتسمعي الكلام.. شهد: طيب ما تتأخرش، هو انت فين اصلا؟ أسر بهدوء: لما اجي هقولك، وهاجي اخدك. ونروح بيتنا انا يعتبر لسه عريس اصلا ولا انتي رأيك ايه.. شهد بتوتر: ا ا. هاله بتندهلي سلام.. _وقغلت في وشه وهي مبتسمه بخجل وراحت قعدت معاهم والمرة دي شاركتهم الكلام وهي مبسوطة لانها كلمته واطمنت عليه.. ــــــــــ

وفي بيت كارم كان قاعد أسر معاه أكرم اللي ما كانش فاهم حاجة خالص من اللي بيعملها أسر وقاله.. اكرم: هو احنا هنا ليه ومستنين مين؟ أسر بهدوء: شغل يا اكرم.. اكرم: شغل ايه ده هو انت ليه محسسني اننا جايين نخلص حسابات هنا.. ابتسم أسر وقاله: حاجه زي كده.. وطلع علبة السجاير بتاعته وقاله: تاخد سجارة؟ اكرم: لا ما بدخنش.. أسر: ليه؟ اكرم: هي دي كمان فيها ليه المفروض انا اللي اسألك انت ليه بتشرب سجاير؟ أسر: عادي هواية.. اكرم:

انا شايفها انها هواية للناس المرفهه انما واحد. زيي بياخد يوميه 200 جنيه في اليوم ليه اضيع نصها في حاجة هحرقها في الهوا مش منطق خااالص، وبرضو مش منطق انك تضر نفسك وجسمك وتقول هواية.. بصله أسر بهدوء وقال: معاك حق بس اتعودت عليها ومستحيل ابطلها.. _نزل في الوقت ده كارم من فوق وهو معاه بنت لابسه فستان قصير ودايق جداً، فأول ما شافهم اكرم بص الارض وقال.. اكرماستغفر الله العظيم يارب.. ضحك أسر بهدوء على تصرفه وقاله:

هههه لا فعلا طلعت متربي بجد زي ما قالو عليك.. كارما: أسر حبيبي نورت بيت اخوك.. سلم عليه أسر واكرم كمان سلم عليه وكارم قاله: مين ده انا اول مرة اشوفه؟ أسر: صاحبي وشغال معايا المهم انت عايزني في ايه؟ كارما: طيب اقعد بيبي هاتيلنا حاجة نشربها بس طولي شوية ما تجيش على طول.. _سمعت البنت كلامه ومشيت وهو قعد قداام أسر واكرم وطلع سجاره وولعها بهدوء وقال. كارما:

انا عايز افهم الاول انت ايه اللي بينك وبين كمال السيوفي يخليك تعمل فيه اللي عملتو ده؟ أسر بهدوء: موضوع شخصي ايه اللي عندك يا كارم انا مش فاضي؟ كارما: السباق اتحدد معاده بالترخيص بعد اسبوعين بالظبط. أسر اتنهد بضيق وقاله: و ا ا.. كارما: ايه رجعت في كلامك ولا ايه، ما بقتش عايز توصل لفايز وتاخد حق احمد ونتالي.. اكرم: مين دول اللي هو بيتكلم عندهم…. اتنهد اسر بضيق وقال:

لا ما رجعتش في كلامي ولا حاااجه يا كارم، جهز انت كل حاجة وانا جااهز.. كارما: طيب بحيث بقي نتفق يا حبيبي من جديد، انت لازم تكسب السباق والجايزه ليا انا بقيمتها الماليه، المبلغ اللي احنا متفقين عليه اخده منك انا هاخد الضعف المرة دي.. أسر: بس احنا ما اتفقنااش على كده.. كارما: وما اتفقناااش انك تأخر الفلوس لحد دلوقتي واصرف انا من جيبي يا حبيبي، حلو الكلام كده؟ أسر: فايز هيجي امتي؟ كارما:

قبل السباق بيوم واحد بس هيبقي تحت عيني لحد ما انت تكسب السباق وتجيبلي الفلوس وبعدخا هسيبهولك تعمل فيه اللي انت عايزه من غير ما حد. يااخد باله خالص.. اكرم بقلق: تعملو ايه وفي مين بالظبط؟ أسر: هبقي افهمك يا اكرم، تمام يا كااارم والفلوس هتكون عندك في اقرب وقت والسباق انا هكسبه ما تقلقش وهتاخد اللي انت عايزه… كارما: حلو الكلام وكده اتفقنا يا حبيبي…

_قام أسر مشي هو واكرم من غير ما يقوله ولا حاجة تانيه، وكارم مسك موبيله وكلم حد في الفون ولما رد عليه قاله.. كارما: ايوه يا فايز حبيبك كان هنا عندي ولسه مااشي ده مستعد يدفع كل اللي حيلته عشان يوصلك.. فايز: انا مش فاهم ليه الشر ده، بس خلاص مدام هو مصمم خد منه اللي انت عايزه وانا هجيله.. ضحك كارم وقاله: هههه يا ابني انا بخااف منك سعات من اللامبالاة اللي انت بتتكلم بيها دي.. فايز:

انت يهمك ايه غير انك تكسب وانا هكسبك فوق اللي هتاخده من الولد ده اضعاف.. كارما: ايوه انا عايز افهم انت ليه بتعمل كده، هو انت ليه مصمم تخليه يكرهك اكتر من كده ليه؟ فايز: اممم عشان ما بحبهوش وزعلان منه، ده واللقطة الجامده هتبقي لما بعرف ان نتالي اللي عايز ياخد تارها مني لسه عايشه ومعايا… كارما: اللعبة كبيرة اووي عليه، مش عارف اتخيل هو ممكن هيعمل ايه وقتها.. فايز:

ولا هيقدر يعمل حاااجه ده حتت عيل عايش بفلوس عيلته واسمهم وبس، والدليل اني انا بلعب بيه اهو وهو مش عارف.. كارما: حلو الكلام انا هبقي ابلغك بكل ما هو جديد هنا با حبيبي… باااي…

_قفل معاه كارم وفي امريكا، وقف فااايز قداام بيت بسيط بعربيته ونزل من العربية وفتح الباب بتاع البيت ودخل، واول ما دخل شاف نتالي البنت الجميلة جدا الي حد كبير جدا بشعرها الكيرلي القصير شويه وبشرتها القمحاوية وعيونها البني، وقاعده جنبيها ست كبيرة باين عليها التعب والارهاق، ونتالي كانت بتأكلها بهدوء بس اول ما شافت فايز قدامها وقعت من ايدها المعلقة واتنفضت بخوف وهو فضل يضحك وقالها.. فايز:

معقوله هو انا بخوف اوي كده، اخص عليكي يا بنت خالتي.. بصتله مامته بحده وقالت: انت ايه اللي جابك هنا؟ فايز: ايه يا ماما هو انا ما بوحشكيش ليه مش انا ابنك برضو، لا لا سوري انا نسيت ان احمد هو اللي كان ابنك المفضل.. وقرب منها وقال بحقد: احمد اخويا اللي انا قتلته.. زقته مني بقوة بعيد عنها وقالت ببكاء: ابعد عني الله يلعنك يا شيخ ربنا ينتقم منك.. نتالي بدموع: انت جاي ليه عندنا امشي من هنا يا فايز.. فايز:

وحشتوني وجيت اشوفكم، وكمان جاي اشتكيلك من حبيي القلب أسر الفيومي… بصتله بلهفه وخوف وهو قال بخبث: يرضيكي يا نتالي انه عايز يقلني عشان ياخدك بتار احمد وتارك انتي كمان الله يرحمك ههههههه.. مني بحده: مالكش دعوه بنتالي كفاية حبستك لينا هنا من سنين حتي نور ربنا ما بنشفهوش.. فايز: عشان خايف عليكم يا ماما وبعدين ما انتو اللي روحتو وجيبتو واحد غريب انا ما بحبهوش ودخلتوه بيتكم، وانا ما بحبش حد يعمل حاجة ما بحبهاااش..

نتالي ببكاء: انت مريض والله انت زمان عقدت احمد ولولا أسر كان هيتجنن خالص ودلوقتي بتنتقم مننا على ايه، انت حد عملك حاجة اصلا يا مريض.. فايز: شفتي انتي بتقولي عليا ايه وانا اللي جاي اقولك ان قريب هاخدك لأسر عشان يعرف انك عايشه.. بصتله بعدم تصديق وهو قال: والله هاخدك عشان يعرف انك عايشة، بس بصراااحة مش عارف هو هيقبلك زي زمان ولا لا اصله اتجوز.. نتالي بصدمة: هو مين ده اللي اتجوز بطل كدب.. فايز:

كنت عارف انك هتكدبيني عشان كده جايبلك الدليل.. _وطلع موبيله ووراها صورة أسر وشهد يوم كتب كتابهم، وهي بصت للصوره بحزن ودموعها نزلت، وفايز قالها بخبث… فايز: اسمها شهد وعندها 18 سنه تقريباً وبنت كيوت اووي وبريئة جداً وجميلة اوووي وما اقولكيش بقي هو بيعمل ايه عشانها وعمل ايه عشان يتجوزها وقف قدام اهلها كلهم، انا عيني عليه ومتابع كل حاجة بيعملها. قفل موبيله وقال بجمود:

كمان كام يوم هجيلك عشان هنسافر مصر عشان نشوف هو هيختار مين فيكم بقي. _قال كلامه وسابهم وطلع وقفل عليهم الباب تاني ومشي، وهي رجعت قعدت جنب مني وقالتلها ببكاء وعدم. تصديق.. نتالي: معقوله أسر نسيني يا خالتو وحب واحدة غيري كمان، ولو رجعتله وعرف اني لسه عايشه هيختارني انا ولا هي؟ _تفتكروا انتو أسر لما يعرف ان نتالي عايشه هيختارخا هي ولا شهد، ولا لسه النصيب مخبي لشهد سر جديد.؟