رواية الصقر الجريح الفصل الرابع والعشرون 24 - بقلم نورة عبد الرحمن

فتون ببكاء: يعني... يعني هو مش فاكرني؟ أنا أنا مراته. بهاء: متقلقيش يا مدام. الدكتور قال فترة وهتعدي. فتون أسرعت إليه بشهقات: سي صقر أنت... أنت بجد مش فاكرني؟ أنا... أنا فتون. أنا أنا مراتك. صقر بهدوء: مراتي؟ فتون مسحت دموعها بسرعة لتبتسم له: أيوه مراتك. مش فاكرني. الدكتور: اهدى يامدام. متضغطيش عليه. مش لازم نضغط عليه عشان يفتكر. فتون: هو... هو إمتى هيفتكر يادكتور؟ والنبي وحياة عيالك اعمل حاجة.

الدكتور: ربنا يسهل يابنتي. صقر: أنا هخرج إمتى؟ الدكتور: مينفعش تخرج دلوقتي لحد ما نطمن عليك. صقر وهو ينهض: لا أنا كويس. بهاء: مينفعش كده. صقر بتعب: أنا قولت مش هفضل هنا يعني مش هفضل. فتون أسرعت إليه: استنى ياخويا. أنت لسه تعبان. صقر: أنا كويس. بعد إذنكم هغير هدومي. ممكن تستنوا برا؟ بهاء: ينفع يخرج يادكتور؟

الدكتور: هو لازم يفضل يومين عشان نطمن عليه. بس لو مصر مفيش مشكلة. بس أهم حاجة ياخد الدوا بمواعيده. وبلاش تفكروه بالحاجات الوحشة. فكروه بالحاجات الإيجابية. بهاء: يعني مفيش خطورة عليه؟ صقر بعند: ماقولت أنا كويس. الدكتور: برحتك ياصقر بيه. هروح أكتبلك على خروج. صقر حاول ارتداء ثيابه لكنه لم يستطع. أسرع إليه بهاء ليساعده، لكنه وجد فتون تتمسك به وتسنده وتساعده. بهاء بحرج: احم. أنا هستناكم برا. فتون بحرج وهي

تساعده على ارتداء ثيابه: أنت اقعد ياسي صقر. أنا هساعدك. متتعبش روحك. كان صقر يراقبها بهدوء، شارد بتفاصيلها الجميلة. جلست عند قدميه وساعدته في ارتداء حذائه، لترفع عينيها إليه بابتسامة جذابة. فتون: خلصت. بس بقى البسلك الجاكت بتاعك ونروح بيتنا. صقر غرق بعينيها وابتسامتها الجذابة. فتون: سي صقر... سي صقر. صقر: احم. أيوا. فتون بابتسامة: خلصنا. خليني أساعدك تقف عشان البسلك الجاكت بتاعك. *** سالم بغضب: يعني إيه مامتش؟

يعني إيه؟ عامر: اهدى يابابا. متتعصبش. سالم: أهدى إيه وزفت إيه. إزاي ده يحصل؟ إيه بسبع ترواح. إحنا لازم نخلص شغلنا بسرعة. الشحنات هينقلوها قريب وصقر معند. والغبي سعيد فين؟ ها؟ عامر: معرفش يابابا. هو اختفى من يوم الحادثة. يمكن خاف منك. سالم: حسابه معايا بعدين. عامر: بابا صقر دلوقتي مش فاكر حاجة. سالم جلس على كرسيه: يعني إيه؟ عامر: يعني نقدر نخلص شغلنا. سالم: إزاي؟ عامر: أنا هقولك... *** فرح: حمدلله عالسلامة ياصقر بيه.

صقر نظر إليها باستفهام: الله يسلمك. فتون: دي فرح بنت خالتي ياسي صقر. صقر أومأ برأسه بابتسامة هادئة. كانت فرح تسترق النظر إلى بهاء كل فترة، لكن بهاء بقى متجاهلاً لها طوال الوقت. وبعد فترة. فتون: على فين يافرح؟ فرح: معلش الوقت اتأخر وبكرة عندي امتحان. فتون: ماشي ياحبيبتي ربنا يوفقك. استني هوصلك عالباب. فرح: لا يافتون خليكي مع جوزك. ليخرج بهاء من عند صقر يريد المغادرة. فتون: هتروحي لوحدك بالوقت ده؟ يافرح. فرح: اه عادي.

فتون: لا مينفعش. أستاذ بهاء ممكن توصله؟ بهاء... فرح بحرج: لا مالوش لزوم. هروح لوحدي بعد إذنكم. فتون بعند: مينفعش تروحي لوحدك دلوقتي. أستاذ بهاء هيروحك. بهاء بضيق: ماشي. اتفضلي. فرح: بس... لم يستمع لها لتره يمشي نحو الباب ببرود. لتتبعه بسرعة. وبعد فترة بالسيارة. فرح تحاول فتح حديث مع بهاء، دون جدوى. فرح: ممكن تحكيلي إيه اللي حصل؟ بهاء ببرود: عن إيه؟ فرح: إزاي حصلت الحادثة.

بهاء: كل حاجة كانت متدبرة ومتخطط لها كويس. بس بالصدفة يزن سواق صقر هو اللي كان سايق العربية ومات. الله يرحمه. والحمد لله إن صقر طلع منها. فرح: الحمد لله. ليعم الصمت لفترة. أوقف بهاء السيارة ينتظرها أن تنزل بعد أن أوصلها، لكنها بقيت مكانها، تفرك يديها بتوتر، وهي تحاول التحدث. بهاء: مش هتنزلِ؟ فرح: أنا أشكرك عشان موقف امبارح واعتذر عاللي حصل. بهاء... فرح نظرت إليه بتوجس. فرح: هو أنت مش هتقول حاجة؟

بهاء تنهد: عايزاني أقول إيه؟ فرح شعرت بالحرج لتهدر: لا ولا حاجة. بعد إذنك. وهمت بالنزول. بهاء: انتوا كنتوا بتحبوا بعض؟ فرح: قصدك مين؟ بهاء نظر إليها بسخرية: عامر. تنهدت فرح براحة، فهي تأكدت أنه لم يستمع لكل ما دار بينها وبين عامر. فرح: عامر...

يبقى أخو فريدة. وأنا وفريدة علاقتنا قوية قوي. واتقابلنا كذا مرة وعرض يتقدم لي. وبصراحة أنا اتبسطت قوي. كنت فاكرة زي فريدة. بس بسبب ظروف حصلت اتأكدت إنه مش مناسب ليا. عشان كده رفضت أخليه يجي يقابل ماما. بهاء: يعني أنتِ بتحبيه؟ فرح: لا طبعاً. بهاء ابتسم براحة. فرح ابتسمت على ابتسامته، وفتحت باب السيارة لتنزل لتسمعه يهدر خلفها: إيه ساعة بتخلصي امتحاناتك؟ فرح: ليه؟ بهاء: عشان هعدي عليكي نروح لصقر مع بعض.

فرح: لا متتعبش روحك. بهاء بابتسامة: هتصل عليكي. فرح أومأت برأسها وغادرت بسرعة وهي تشعر بالسعادة ولا تعلم لماذا. *** فتون: يلا، جه معاد الدوا. صقر يترقبها باهتمام وبصمت. فتون: مالك بتبصلي كده ليه؟ صقر: هو إحنا اتجوزنا إزاي؟ فتون... *** فرح: عم عطية بتعمل إيه هنا؟ عطية: أنا عاوز أشوف فتون. فرح بضيق: مينفعش دلوقتي ياعمي. فرح: عشان صقر بيه لسه خارج من المشفى وتعبان وهي متقدرش تسيبه. عطية: ليه حصل إيه؟

فرح: عمل حادثة بالعربية. عطية: وهو عامل إيه دلوقتي؟ فرح: ادعيله ياعم عطية. صقر بيه مش فاكر حاجة. عطية بسعادة حاول إخفائها: بجد؟ فرح: أيوا. اتفضل ياعمي جوه. عطية ابتسم بخبث وقد خطط لشيء ما. عطية: لا معلش عندي شغل ضروري أخلصه.