رواية الصقر الجريح الفصل السابع عشر 17 - بقلم نورة عبد الرحمن

فتون ليه كده ياخويا؟ صقر وهو مركز بنظره عليها بانجذاب: إيه؟ فتون رفعت يديها وامسكت المنشفة على كتفيه: شعرك مبلول ياسي صقر وكده هتاخد برد وتتعب. وقفت على رؤوس أصابعها ومدت يدها تريد تجفيف شعره لكنه أطول منها. صقر بتوهان وهو يمسك يدها بيد وباليد الأخرى يجذبها من خصرها إليه: سيبك من شعري وخلينا في المهم. ليقترب منها ويقبل يدها: أنا... قاطعته هي بتوتر: لا لا مينفعش كده. لتمسك يده وتجذبه خلفها تجلسه أمام المرأة وبدأت

بتجفيف شعره وهي تقول: لازم تاخد بالك من روحك ياسي صقر عشان متعياش وتخضنا عليك. صقر امسك يدها واجلسها بحجره: انت بجد بتخافي عليا؟ فتون بتوتر من قربه: مينفعش كده عيب ياسي صقر. وهي تنهض لكنه أعادها مرة أخرى ليقول: بس أنا عايزك وانتي قريبة مني كده. احمرت وجنتيها وشعرت بالحرج. شعر صقر بأنه زادها على فتون وهو يراها مرتبكة من قربه. أبعد خصلات شعرها بحنو ليقول: انت إمتى هتبطلي تتكسفي مني؟

فتون ولم ترفع نظرها إليه: لما تبطل تكسفني بحركاتك كده أنا مش حملك ياخويا. صقر بضحك: انتي ليه محسساني اني واحد غريب عنك؟ أنا جوزك على فكرة. فتون... صقر همس بحب: فتون. فتون: هااا. احتضن صقر وجنتيها ليقول: أنا... وهو يقترب منها أكثر. فتون بتوتر ابتعدت وهي تنهض بسرعة: أنا عايزة أروح الحمام. وغادرت بسرعة وهي تضع يدها على قلبها الذي يخفق بشدة. فتون لنفسها: أهدي يافتون اهديا.

أغمض عينيه صقر وهي يبتسم سعيد لأنها منذ لحظات كانت بين أحضانه. *** عليا: ياحبيبي إن شاء الله هيوافق وهنبقى مع بعض. عمر: بس أنا عايزك جنبي بسرعة ياعليا انتي ليه مش حاسة بيا؟ عليا: أخص عليك ياعمر، أنا مش حاسة بيك؟ عمر: متزعليش ياروحي بس أنا عايزك معايا. محتاجلك. عايز أصحى من النوم ألاقيقي جنبي. مش عايز حاجة من الدنيا دي غيرك. عليا بسعادة: بجد ياعمر انت بتحبني كل ده؟ عمر: وأكتر ياروح قلبي. أنا بموت فيكي.

عليا: إن شاء الله خير وأخويا صقر هيوافق. عمر: يارب يا لولة عشان أنا معتش استحمل بعادك عني. *** فرح: انتي مش هتردي عليه تاني انتي فاهمة؟ منال: بس يا... فرح بغضب: مبوسش! لا أقسم بالله لأقول لأمك وأخليها تتصرف معاكي. انتي فاهمة؟ منال بدموع: فاهمة يافرح. بس كريم مش هيسيبني فحالي. فرح بحدة: أعلى ما في خيله يركبه. والله لأربيهولك ابن ال... ده. بس انتي اعملي زي ماقولتلك. منال بقلق: حاضر. ***

فتون: انت بتعمل إيه هنا في الشرفة؟ الجو برد قوي. صقر: متقلقيش. أنا هدخل كمان شوية. انتي خشي نامي. دخلت الغرفة وعادت بعد لحظات ليشعر بها تضع معطفه على كتفيه. فتون: البسه ياسي صقر كده هتتعب وأنا مبحبش أشوفك عيان. صقر وهو يتأمل الليل: ماشي ياستي تعالي قربي عشان أتدفى بيكي. وهو يضع يده على كتفها يجذبها إليه وهو شارد بالليل. وفتون تتأمل ملامحه على ضوء القمر. فتون بتردد: سي صقر. صقر: اممم.

فتون بقلق: هو انت يعني ممكن يعني تتخطف مني؟ صقر أطلق ضحكة عالية لينظر إليها: إتخطف منك مين؟ اللي قالك كده؟ فتون: بطل ضحك عليا وقولي الحقيقة. صقر وهو يكتم ضحكته: أقولك إيه. فتون بتذمر: متضحكش ياسي صقر. لا والله أخصمك وأزعل منك. صقر: طب أهو مش هضحك بس قوليلي من اللي قالك كده. فتون بكذب: محدش. أنا عقلي قالي كده. صقر: فتون عارف إني مبحبش الكذب. فتون: وأنا مكدبتش. صقر: فتون. فتون: يوووه! أهو عرفتها وخلاص؟

ولا انت عايز تهرب من سؤالي؟ صقر: سؤال إيه؟ هو سؤالك ده سؤال؟ فتون: أه. بعدين تعالى هنا بص في عيني كده. صقر بابتسامة اقترب منها وهو ينظر لعينيها بعشق: أهو ياستي. فتون ارتبكت وهو تشعر بأنفاسه قريبة منها لتبتعد قليلا وتهتف: انت مش قولتلي لمى عجباك؟ يعني ممكن تروح لها وتسبني؟ صقر: أروح لها؟ انتي شايباني عيل؟ وبعدين مش عايز أسمع الكلمة دي على لسانك تاني. فاهمة؟

فتون بتذمر: لا مش فاهمة. ومش هسيبك تتخطف مني وأنا أتفرج عليك كده عادي. مش هسمحلك ياسي صقر. صقر بخبث وقد لمعت براسه فكرة: هو انتي لو عايزاني مبصش لغيرك لازم تعملي حاجات كتير. مش هتقدري عليها. فتون بسرعة: لا هقدر. انت بس قولي إيه هي وأنا هعملها. صقر وقد اقترب منها أكثر: لا انتي هترفضى أكيد. فتون: لا. لامش هرفض. انت قولي وأنا هعملك كل اللي انت عايزه. صقر جذبها إليه وهمس لها ببعض الكلمات لتتورد وجنتيها وتنهض

بسرعة وتدفعه عنها وتهتف: يا مصيبتي. انت... انت... سافل. وتسرع إلى الغرفة وتغطي رأسها بالملائة. أما الآخر فقد ضحك عليها وهو يتنهد بحب. لينصرف ويتبعها هادر وهو يجلس بجانبها على السرير. فتون. فتون. صقر: قومي يافتون. فتون. استلقى بجانبها وأخذها بحضنه. فتون: نهضت بسرعة. ياخرابي عايز إيه ياسي صقر؟ روح من هنا متقربش مني والنبي ياخويا. صقر: اتهدي يابنتي أنا عايز أنام وانتي بحضني بس مش أكتر من كده. فتون: بس...

صقر جذبها إليه: ينفع تسكتي لحد ما أنام. دفن رأسه بشعرها فقد أدمن رائحتها وأغمض عينيه ونام. وكذلك فتون غلبها النوم ونامت. *** في الصباح الباكر خرج صقر من الحمام ليجد فتون تجهز لتذهب معه إلى العمل. احتضنها واستنشق عبيرها. صقر: صباح الخير. فتون بحرج: صباح النور ياخويا. وابتعدت لتقول: واحدة من الشغالات قالت في واحد اسمه بهاء عايزك ضروري. صقر: ماشي هلبس وأنزل له. فتون: بس انت مفطرتش لسه.

صقر: هشوف بهاء عايز إيه الأول. انتي مش عارفه ده زنان قوي. وهو يدخل غرفة تبديل الملابس. فتون: ماشي ياخويا. أنا كمان شوية هخلص وأنزل أحضرلك الفطار. *** بعد فترة في مكتب صقر. بهاء: دي مناقصات مهمة قوي لازم ترسى علينا. صقر: قول إن شاء الله يابهاء. إحنا هنشتغل عليها وإن شاء الله خير. دخلت الخادمة بيدها القهوة وضعتها أمام صقر والأخرى أمام بهاء وغادرت. بهاء: إن شاء الله بس مينفعش نسيبها ل... قاطعهم

دخول فتون بسرعة وهي تصرخ: مشربتش القهوة ياسي صقر والنبي. لترمي قهوته من يده أرضا وهي تبكي وتصرخ: هدرة بدموع قولي مشربتهاش والنبي ياخويا. صقر...