رواية الصقر الجريح الفصل الثامن عشر 18 - بقلم نورة عبد الرحمن

صقر اهدي يافتون، محصلش حاجة. وهو يضم رأسها إلى صدره. فتون بارتعاش وخوف: ك.ك.كنت هتموت. ياسي صقر. صقر بحنو: واهو أنا قدامك زي الفل. اهدي ياروحي، أنتِ بتترعشي كده ليه. دخل بهاء بسرعة ليبتعد صقر. صقر بحرج: بهاء، احم.. اتفضل يا صقر. بهاء: اديها ميه يمكن تهدى ونفهم منها حاجة. ارتشفت فتون القليل من الماء. بهاء بجدية: مدام فتون، ممكن تفهمين إيه اللي جرى؟ صقر بضيق: إيه يا بهاء، أنت مش شايفها خايفة؟ ده وقته.

بهاء نظر إليه بجدية: إحنا عايزين نفهم ياصقر، والله إيه. صقر: مي.. قاطعته فتون وهي تمسك يده: ياسي صقر، بهاء بيه معاه حق، لازم تعرفوها قبل ما تهرب. تنهد صقر بقلة حيلة. التفت بهاء إلى فتون: اتفضلي يا مدام. فتون: كنت رايحة المطبخ أعمل فطار. وأنا داخلة سمعت الشغالة تتكلم بالتليفون وتقول إنه.. لتكمل بغصة: سي صقر أول ما يشرب القهوة هيموت. اتجننت، معرفتش أعمل حاجة وجريت عشان ألحقه. بهاء: وإنتي تعرفي الشغالة دي؟

فتون: آه أعرفها. المسلفعة الطويلة دي، وشعرها أسود ومنكوش كده. اسمها أسماء. بهاء أخرج هاتفه: ليهدر. شكراً يامدام واعذريني على طريقتي. وغادر. صقر بحنو: إنتي كويسة؟ فتون: آه يا خويا كويسة. مين دول يا سي صقر وعايزين منك إيه؟ تنهد صقر: متشغلش بالك، وإنتي ارتاحي دلوقتي. وأنا هروح الشغل عشان عندي شغل مستعجل. فتون بسرعة: لا طبعاً، هروح معاك. صقر: أنا عايزك ترتاحي النهاردة. فتون وهي تنهض بسرعة: أنا كويسة واللهي. صقر: فتون.

فتون بعيون القطط الجذابة: والنبي ياسي صقر، أنا عاوزة أروح معاك، والنبي والنبي عشان خاطري. تنهد صقر بقلة حيلة: ماشي ياستي، هنروح مع بعض. بس سيبيني أشوف بهاء وراجعلك. فتون بسعادة ظاهرة عليها: حاضر ياخويا. بهاء: مفيش جديد. البنت متعرفش حاجة. كانت بتجيها الأوامر من التليفون بأرقام مختلفة، وبيحولوا الفلوس لحسابها. صقر: يعني معرفتش حاجة تانية؟ بهاء بضيق: أبداً. حتى الرقم اللي اتصل بيها آخر مرة حاولنا نتصل فيه لقيناه مفصول.

صقر بغضب: يعني هنفضل كده ندور حوالين نفسينا؟ بهاء: أنا بفكر في حاجة. أكيد بعدها هنعرف مين اللي عمل كده. صقر: إيه هي؟ في تلك الأثناء اتاه اتصال هاتفياً. صقر: استنى شوية. وأجاب: صقر. أيوا يا أحمد. في آنسة برا عايزة تقابل مدام فتون. صقر: مين؟ مقالتش اسمها؟ أحمد: الآنسة فرح. صقر: طيب خليها تدخل. بهاء: في إيه؟ صقر: الآنسة فرح عايزة تشوف فتون. بهاء بسعادة حاول إخفاءها: طيب، هروح أنا بعد إذنك. صقر: على فين؟ مش هتقول الخطه؟

بهاء: عند شغل. سلام، أشوفك بالشركة ونتفق. صقر باستغراب: ماشي. ليلتقي بهاء بها أمام الباب. بهاء: ياصباح الجمال. فرح أكملت طريقها وتجاهلته. بهاء: إيه بنصبح ياجميل؟ فرح عادت خطوتين لتهدر: متحترم نفسك يا واد، أنت واد قليلاً التربية صحيح. لتمشي من أمامه. ليوقفها ممسكاً يدها: أنتي مش هتبطلي طولة لسانك دي؟ فرح بتحدي: لما تبطل سفالتك. إن شاء الله. بهاء: بنت، إنتي عارفة بتكلمي مين؟ بهاء: علي القاسم. عارفة يعني مين؟

يعني صاحب شركات القاسم كلها. ولا مسعتيش عنها؟ فرح باستفزاز وبرود: حصلنا القرف. لتغادر من أمامه وتتركه بغيظه. بهاء: لا، البنت دي لازم تتأدب. أنا مش هسيبها كده. فتون احتضنتها بسعادة: وحشتيني قوي قوي قوي يا فرح. فرح: والله وإنتي كمان. فتون: عشان كده مجيتيش تزورينا ولا مرة؟ فرح: معلش، قلبك أبيض. أصلي مشغولة بالمذاكرة. فتون: ربنا معاكي. تعالي اقعدي هنا. صقر: أهلاً، نورتي يا آنسة فرح. إزيك؟ فرح: تسلم ياصقر بيه. الحمد لله.

صقر: ماشي، هسيبكم أنا وأروح الشغل. عايزة حاجة يا فتون؟ فتون: ربنا يخليك، عايزة سلامتك. صقر: الله يسلمك. وغادر. فتون: راجعالك ياحبيبتي. وتبعته. فتون: ربنا معاك ياخويا ويحفظك. صقر: اممممم. بقالك ساعة تتحايلي عشان تروحي معايا ودلوقتي بعتيني يافتون. ليردف بغيره: ولا واخده فرح هانم بالحضن وأنا جوزك مينفعش ياسي صقر؟ فتون بحرج: معلش ياسي صقر، دي من ريحت الحبايب. صقر وهو يحاصرها أمام الباب: وأنا إيه؟ مش من الحبايب؟

فتون بشهقة: سيبني ياسي صقر، حد يشوفنا. صقر: تؤ، مش هسيبك إلا لما تقوليلي أنا إيه. وهو يدفن رأسه بعنقها يستنشق عبيرها. فتون بتوهان: ممينفعش كده، والنبي ياخويا سيبني. رفع رأسه لينظر إليها بحب: ماشي، أما أشوف آخرت صبري إيه. فتون أفلتت نفسها لتسرع إلى غرفتها بحرج. صقر بضحك: يارب صبرني. فرح: مالك يافتون؟ وشك قالب الون كده ليه؟ فتون بحرج: مفيش. فرح: قوللي أخبارك إيه، وخالتي عاملة إيه، ومنال؟

فرح: كلنا كويسين. بس أنا جيالك النهارده عشان.. عمك قالي أجلك عشان الورث. فتون بضيق: ورث إيه؟ فرح: هو صقر بيه مقالش حاجة؟ فتون: لا أبداً. فرح: عمك تقريباً كلم صقر بيه وقاله يقولك. بس مممكن يكون نسي. فتون: جايز. إنتي قوليلي أخبارك وعاملة إيه؟ فرح: يابنتي، بقولك لازم تنزلي البلد عشان تاخدي حقك. وإنتي ولا إنتي هنا. فتون: وأنا هعمل إيه يعني؟ هشوف سي صقر وأسأله وهو يقرر. فرح: وإنتي إيه؟ مش عايزة حقك يافتون؟

فتون: لو ليا حق هيجيلي لحد عندي. فرح بقوة: مفيش حقك يجي، الحق يتاخذ بس. فتون: إنتي بتقولي إيه؟ فرح: ياحبيبتي، كلنا عارفين عمك. بكرة هياكل عليكي حقك ويديه لولاده. فتون: لا، عمي ميعملش كده. متظلموش يافرح. فرح: ماشي ياستي، أما نشوف. فتون: انسى وقوليلي عامله إيه. فرح: كويسة. جداً. اهو بدرس، وآخر سنة ليا الحمد لله. فتون: ربنا يكملك على خير. والواد اللي هيخطبك حصل معاه إيه؟ فرح ببرود: تركته. فتون: يامصيبتي. تركتيه ليه؟

ليه كده؟ هو مش كان رايدك وبيحبك؟ فرح: أيوه، بس أنا مش عايزة. فتون: ليه ياحبيبتي؟ عملك حاجة؟ فرح بحدة: وهو يقدر. سيبك منه وقوليلي عاملة إيه مع جوزك. فتون: كويسة. فرح: ومالك بتقوليها كده؟ هو زعلك بحاجة؟ فتون: لا، ده سي صقر يتقل بالدهب. ده مفيش منه تنين. بس يعني أنا يعني.. فرح: مش فاهمة حاجة. متقولي يافتون. فتون بحرج: مش قادرة أخليه يقرب مني. فرح: ليه يافتون؟ هو مش كويس معاكي؟

فتون: لا، منا قولتلك سي صقر مفيش منه. بس العلة فيا أنا. فرح: مينفعش كده يافتون. ده جوزك. وإنتي مش عارفة متجوز مين. ده صقر الشرقاوي. كل الناس عارفاه وكل البنات بتتمناه. فتون بغيره: وأنا أعمل إيه يعني؟ مش بإيدي. وهو يفضل يقرب مني. بس أنا ببقى مش قادرة. أتكشف قوي يافرح. مش عارفة أعمل إيه. وخايفة زي ما قولتي تاخده واحدة تانية. فرح: متخفيش ياحبيبتي. صقر بيه مش بتاع ستات ومش من النوع ده. اطمني. فتون بسعادة: بجد يافرح؟

فرح: أيوه. متخفيش. إنتي ممكن تكوني مكسوفة منه مش أكتر. قوليله أديني وقت على ما أتعود عليك. وكمان قوليله إنك مش رافضاه عشان ميفهمكيش غلط. وأنا متأكدة مع الوقت هتتعودي عليه. فتون: ربنا يخليكي ليا. مش عارفة أعمل إيه بدونك. بس إنتي تعرفي سي صقر منين يافرح؟ فرح بارتباك: إنتي بتتكلمي على صقر الشرقاوي؟ أشهر من نار على علم. كل البلد بتعرفه. يلا بقى، أنا لازم أروح دلوقتي. فتون: على فين يافرح؟ إنتي مالحقتيش تيجي.

فرح: هعدي على صقر بيه الشركة عشان أتكلم معاه بخصوص ورثك. مهو أنا متكلمتش معاه عشان فكرته قالك. بس الظاهر مش زي ما أنا متوقعة. فلازم أتكلم معاه. فتون: طب خودينا معاكي. والنبي. فرح: ماشي. اجهزي. فتون بحماس: جاهزة. بس أحط الطرحة. أهيه وجيه معاكي. فرح بابتسامة: ماشي ياستي. كل ده عشان هتروحي عنده؟ ده كان من شوية هنا. لحق يوحشك؟ فتون بحرج: بطلي بقى ويلا. في الشركة بعد فترة. فتون بابتسامة: إزيك يا لمى؟

لمى بضيق: كويسة. لترمق فرح بقرف. فتون: سي صقر جوه؟ لمى: أيوه جوه. فتون: طب أنا هخشله. لمى بحدة: استني هنا، رايحة فين؟ هي وكالة من غير بواب والله. إيه؟ فرح: متتكلميش عدل يابنت إنتي. لمى باستفزاز: وإنتي مال أهلك؟ فرح: لا، مالهم ومالهم. وإنتي لو عايزة تتربي هربيكي. فتون: استني يافرح، متعمليش مشاكل والنبي. فرح بغضب: سيبيني عليها أربيها. الحرباية دي. لمى: إنتي يابنت، إنتي متحترمي نفسك. مين الحرباية؟

فتون: معلش يالمى، امسحيها فيه. فرح بغيظ: إنتي إيه يابنتي دي؟ مانعاكي تخشي لجوزك؟ وإنتي تعتذريلها؟ لمى بصدمة: ججوزها؟ صقر بحدة: إيه يالمي؟ ليخرج خلفه بهاء مبتسماً بسخرية: أهي أم المشاكل جات. صقر رمق فتون بغضب وعيناه تحولتا للون الأحمر، مما جعلها تختبئ خلف فرح التي بدأ شجارها كالعادة مع بهاء. فرح: مين أم المشاكل ديه؟ هااا؟ بهاء بسخرية: أهي عرفت روحها وبتسأل. كمان. فرح بغيظ: متحترم نفسك يا وله.

بهاء بغيظ: وله مين الولاه يا.. صقر صرخ عليهم: بااااااس. ليصمت الجميع. وفتون ارتعدت من الخوف بسبب نظراته. لمى بخوف: والله يافندم مكنتش أعرف إنها المدام. أنا آسفة والله. صقر كان مركزاً بنظره على فتون وهو في قمة غضبه. ليهدر: قدامي عالبيت. فتون بخوف أسرعت أمامه لتقف أمام المصعد دون التفوه بكلمة، وهي لا تعلم ما هو ذنبها. ولأول مرة تراه هكذا، لتبدأ دموعها بالهطول بصمت. فرح: صقر بيه، عايزة أتكلم معاك. ضروري.

صقر دون النظر إليها ببرود: لو الكلام ميتأجلش، قولي لبهاء. ليغادر وشياطين الجن والإنس أمام عينيه. بهاء بسخرية: اتفضلي. فتون بخوف: أنا عملت حاجة ياخويا؟ زعلتك؟ صقر:..... فتون بدموع: سي صقر. والله مش أنا اللي اتخانقت مع لمى. والله دي فرح. صقر بتهديد: ولاول مرة تراه هكذا. مش عايز أسمع صوتك لحد ما نوصل البيت. أنتي فاهمة؟ فتون:......