رواية السرعة و الغضب الفصل الخامس 5 - بقلم سلسبيل احمد

ضهره وبصلها: مبقاش ينفع، أنا مش هرجع البيت تاني، ياريت تفهمي بقى. بصتله بحزن وغضب: مش بمزاجك على فكرة!!! أنت وعدتني يا أسر!! فاكر!! فلاش باك: -تعرف أنا نفسي نفضل سوا على طول. -على طول؟ هزت راسها: اممم للأبد. -تيجي نعد النجوم؟ = واللي يعدي أكتر؟ -يوعد التاني إنه هيفضل معاه للأبد. = موافقة. -44. = أنا 30. -عديت أكتر منك، أنت خسرت كده. = أنتِ نصابة يا نانسي! -مليش دعوة، أوعدني! = بوعدك إني... -ها، كمل يا تنح!

ضحك وبعدين بصّلها بحب: بوعدك هفضل معاكي على طول يا نان، للأبد. باك: أسر بصّلها وهو مرهق نفسياً: يبقى أنا كمان كنت كداب يا نانسي. سابها ومشي، وهي فضلت واقفة مش بتتحرك، بتحاول تستوعب اللي بيحصل. فجأة كل حاجة باظت! كل حاجة! "حسين خرج لها، وفضلت تعيط، فطبطب عليها ورجعوا المكتب." -يعني إيه يا جدو؟ هيروح فين أصلًا؟ هو مش بيكلم أونكل محمود؟ هيقعد مع مين؟ = خليه يهدى وهتكلم معاه. -أنت ساكت ليه؟ ليه مردتش عليه؟

= كلامه زعلني. عارف إنه مضايق، يمكن كانت طريقتي معاه غلط وافتكر إني ممكن في يوم أطرده. زعلت إنه فكر كده وقالي أنا الكلام ده. -هو زعلان.. وجواه غضب، معرفش من إيه! أسر عمره ما كان كده يا جدو. = متقلقيش، هيرجع. >>>>>>>>>>>>>>>>>>>>>>>>>>>>>>>>>> صلي على محمد || في الزمالك || -أبو الصحاب! ادخل، تعالي. أسر حدف الشنطة في وشه ودخل: مش طايقك. -ليه كده طب؟ عشان بدأت السبق؟ ما أنت عارف القواعد!

بعدين صاحبك كان مضايق على الآخر، قولت فرصة. = فرصة إيه وهباب إيه على دماغك ودماغ سارة. "الباب خبط، فـ أدهم راح يفتح." -سارة! = أنا مش طايقة صاحبك! اتفاجئت بيه قاعد جوه مبتسم: ولا أنا طايقك، ياريتني ما جبت في سيرة جنيه. سارة بصت لأدهم ورجعت بصت لأسر: بيعمل إيه هنا ده! -أنتِ اللي بتعملي إيه هنا؟ = في حفلة والشلة كلها جاية ورايا. أسر بص لأدهم: فعلًا. أدهم هرش في راسه: نسيت أقولك. "أسر قام." سارة بصتله: خد هنا، رايح فين؟

مخلصناش كلامنا. -كلام إيه! = اتسابقِت مع بنات يعني! أدهم حط كفه على وشه بنفاذ صبر: أنتِ هتقعدي تحاربي بقا شكلك. -استني أنت! هو مش قال مش بسابق بنات. أسر بنفاذ صبر: وانتِ مالك يابنتي؟؟؟ انتِ مالك؟ أنا حر. = ماشي يا أسر، براحتك، خليها تنفعك. -لآخر مرة هقولهالك يا سارة، إحنا مجرد صحاب، ولمعلوماتك صحابي لما بيبدأوا يضايقوني ويدخلوا في اللي مالهمش فيه، بخرجهم من حياتي.

خرج من البيت ورزع الباب وراه، وأدهم لف شفايفه وتجنب النظر لسارة بعد ما أسر أحرجها. "أسر لقي مسدج من نانسي." -انت فين؟ = مع سارة وأدهم. "بعت الرد وبعدين قفل الفون، كان عارف إنها هتضايق لما يقولها كده." "فضلوا ميتكلموش من وقتها." >>>>>>>>>>>>>>>>>>>>>>>>>>>>>>>>> استغفروا || بعد يومين | يوم الأحد الصبح || "كان واقف بعربيته مستني نانسي تخرج. كان مفتقدها جدًا وحشها!

مكلمهاش خالص اليومين اللي فاتوا وده ضايقه قبل ما يضايقها." -صباح الخير. "نانسي مردتش عليه، وهو اتحرك بصمت." -كنت فاكرك بتتجنبيني في الشركة اليومين اللي فاتوا عشان ده شغل، إنما واضح إنك مضايقة مني. "مردتش عليه، فا وقف العربية." فضلت ساكته، وبعد دقايق اتكلمت: أنت هتفضل واقف؟ هتأخر! -لما تردي عليا أبقى أتحرك. = مش عايزة أكلمك، أنا حرة، وبعدين أنا على فكرة ممكن أروح بعربيتي. -كدابة، انتي مش بتعرفي تسوقي في الزحمة.

= مانا كدابة زيك، كلنا كدابين الظاهر. -بطلي تلقيح! = وانت بطل تستفزني! اطلع! -مش طالع. = طيب ماشي. "نزلت من العربية ورزعتله الباب، فا نزل وراها بسرعة." -اركبي وبطلي رزع في الباب، بفلوس ده يا حبيبتي. = مش هركب معاك، وهطلب أوبر. -أوبر!! طب اركبي بدل ما أعجنك في قلب الشارع والناس هتتفرج كده. = لو فاكر إنك هتتحكم فيا تبقى غلطان. جز على سنانه بعصبية ولف شفايفه: طب اركبي العربية. -ماشي. "ركبت العربية وهو دارى ابتسامته."

-بني آدم مستفز وبتاع بنات. بصتله برفعة حاجب: بنات! هي فين البنات دي؟ نانسي حاولت تتحكم في غيرتها من سارة: معرفش. -انتي غيرانة! برقت بدهشة إنه خد باله: أغير من مين! = سارة عشان كنت معاهم امبارح وقاعد مع أدهم. "نانسي مردتش، وأسر اتأكد إنها مضايقة. فضلت ساكته طول السكة ونزلت الكلية، مشيت لوحدها مستنتوش كالعادة." >>>>>>>>>>>>>>>>>>>>>>>>>>>>>>>>>>> سبحان الله وبحمده سبحان الله العظيم

"أمنية كانت تعبانة ومجتش، فا نانسي دخلت الحمام وغصب عنها عيطت من الزعل والغضب والغيرة! ومن كل حاجة، كانت بتنهار..! بسملة كانت في الحمام وخرجت شافتها قدام المرايا: نانسي؟ مالك بتعيطي ليه؟ مسحت دموعها: مفيش حاجة. طبطبَت عليها: طب اهدي. -أنا كويسة. بصت لها: انتي اتخانقتي مع أسر! نانسي بعدم فهم: عرفتي منين! -نانسي خالد جه قعد معانا كذا مرة، وفي مرة قال فيها إنه هيحاول يقرب لك عشان يوقع بينك انتي وأسر. هو عملها ولا إيه؟

= هو عايز إيه بالظبط!! -مش فاهمه، مش مرتاحين له تمامًا! أعتقد تقولي لأسر أفضل! = لما أبقى أكلمه بقا الأول. -أسر بيحبك، وبعدين انتي جيتي لوحدك! = لأ، وصلني. -شوفتي؟ لو متخانقين حتى هو جنبك، فا أكيد لما تحكيله عن العبي... ابتسمت: معاكي حق، أسر طيب. كملت بحزن: بس مش بيحبني. -كل ده ومش بيحبك؟ ده كلنا عارفين إلا انتي تقريبًا. = ليه بتقولي كده؟

-عشان بنشوف بيعاملك إزاي، مش بيكلم بنات وملوش في اللزق ولا حاجة، مع إن الجامعة كلها تعرفه بسبب السباقات ويتمنوا يصاحبوه، لكن هو معاكي انتي وبس! يمكن عشان انتي مش شايفة الصورة من بره، عمرك ما لاحظتي. "بسملة سابتها، و نانسي فضلت تفكر في كلامها، هديت شوية وبعدين دخلت المحاضرة، واليوم مشي عادي، وبعدين أسر استناها وخدها روحها، ومرضيش يدخل الفيلا."

-حمد الله على السلامة، قولي لجدو إني احتمال أتأخر النهارده في الشركة عشان عندي مواعيد، بس هحاول أجي بسرعة يعني وآخدك ونروح. = ماشي. _بقلمي سلسبيل _أحمد "نزلت نانسي بصمت وطلعت أوضتها، ولقيت هدي مستنياها." -خير يا ماما، بتعملي إيه في أوضتي؟ = مستنياكي. -عشان إيه؟ = انتي خلاص قررتي تشتغلي مع جدك بعد التخرج؟ -آه. = وتفضلي طول حياتك قريبة من أسر صح! بنفاذ صبر: حضرتك عايزاني أعمل إيه!!! أقول لجدو يمشيه؟

مش كفاية إنه ساب البيت! أنا أصلًا تعبانة ومش فايقة للكلام ده. "دخلت الحمام وقفلت الباب، مكنتش عايزة أتكلم، مش قادرة، تعبت بجد من طريقتها." -ماشي يا نانسي، ماهو ده أدب إنك تسيبيني وتمشي. "سمعت صوتها بتقفل الباب وخرجت، فا خرجت أنا كمان وقعدت على سريري بزهق وتعب. سمعت صوت مسدج، افتكرتها في موبايلي، لقيتها على الموبايل بتاعها، وكانت من جدو." ""كانت ظاهرة من بره"" -تمام يا هدي، هبعد نانسي عنه.

"فتحت موبايلها، ودخلت على الشات كله، لقيتها بتطلب من جدو ما يبقاش قريبة من أسر في الشركة!!! "والمفاجأة إني لقيت شات تاني وأنا بخرج بينها هي وأسر، وبتطلب منه يبعد عني نهائي!!!!!!!!!!! قريت المسدج ومكنتش مصدقة. -ياريت ملكش دعوة بـ نانسي وتبعد عنها، وأنا مرضتش أتكلم معاك قدامها أو قدام جدك عشان الموضوع ميكبرش. ابعد عن بنتي نهائي ومتفكرش تاخدها معاك في مكان تاني!

"مقدرتش أكمل باقي الشات، كنت مصدومة. هو ده السبب اللي كان بيتكلم عنه!؟ "خدت شنطتي ونزلت بسرعة من الفيلا، وأنا بخرج من الباب سمعتها بتنادي عليا بصوت عالي، بس مردتش." عملت مكالمة لـ أمنية. -ألو. = أيوه يا نوني. -أمنية، معاكي رقم بسملة صاحبة أميرة صح؟ = تقريبًا أها، عندي. -اتصلي بيها وهاتي منها رقم أدهم ضروري. = أدهم؟ -أيوه، هشرح لك بعدين. = طيب، هبعتهولك واتس.

"هدي فضلت ترن عليها، مردتش. أمنية بعد دقايق بعتت لها رقم أدهم." -ألو أدهم، أنا نانسي، هو أسر معاك؟ = لأ، إحنا على الطريق. -طريق إيه؟؟ = السبق، خالد حدد معاد يتسابقوا فيه. "نانسي كانت بتتكلم وهي سايقة وفرملت مرة واحدة." -أنت بتقول إيه!!! أدهم لاء، متخليهوش يدخل سبق معاه، اسمعني، ألو.. ألو!!! "الخط قطع، رنت عليه تاني، لقيته مغلق. أدهم كان موبايله فصل، وملحقش يفهم منها حاجة، كل اللي استنتجه إنها خايفة جده يعرف مش أكتر."

-يلا يا نجم؟ أسر ابتسم بسخرية: لما تخسر متبقاش تعيط. هبقى خسرك مرتين. = هو أنت هتحسب عليا المرة اللي بنت عمك دخلت فيها مكاني؟ -ميخصنيش يا خالود، دي قواعد. = طيب.. وادينا هنتسابق من غير بطولة ومن غير قواعد، مترجعش تعيط بقا. -لا، أنا مبعيطش ياحبيبي. "أدهم وسارة كانوا موجودين، وخالد، وكمان اتنين صحابه، وهما بس اللي في المكان." "وبدأ السبق."

"وعلى الناحية التانية، نانسي كانت بتسوق بسرعة جدًا وسط الزحمة، وقلبها بيدق بخوف على أسر، وده موترها، غير إنها أصلًا بتتوتر من الزحمة! || في السبق || -أدهم، إلحق ده بيكسر عليه من الجنب. أدهم بعصبية: هو اتجن... ولا إيه؟ كده هيقلب العربية بتاعت أسر!!!

"أسر كان بيحاول يعدي منه ونجح في ده، لكن خالد مازال وراه وعمال يحبطه جامد بعربيته من وراه. أسر داس بنزين على الآخر، ولكن ده مكنش أفضل قرار وقتها. خالد ابتسم بشر وداس بنزين واتجه ناحية أسر بكل قوته." سارة صرخت: أسر!!!!! >>>>>>>>>>>>>>>>>>>>>>>>>>>>>>>>>> || في فيلا حسين مهران || -ألو، أستاذ حسين مهران معايا؟ = أيوه، مين؟ -حضرتك، إحنا مستشفى ***** اللي جنب المول. = خير يارب، فيه إيه!!!!

-آسف بس.. حفيدة حضرتك عملت حادثة بالعربية بتاعتها وهي في العمليات دلوقتي. يتبع.. ********************