رواية التضحيه بالحب الفصل الثاني والعشرون 22 - بقلم اروى عادل

٠٠٠ طيب أخدنى و رايح على فين ٠٠٠ هنتكلم في العربية ٠٠٠ بس انا رجلى وجعانى مش قادره امشى تانى ٠٠٠ خلاص أشيلك ٠٠٠ لاء . لاء همشى خلاص برغم عصبية مراد إلا أنه ابتسم على هيئة تمارا التى تبدو مثل الأطفال عند غصبهم. وعندما وصلوا لسيارة صعدت تمارا السيارة ثم مراد. هنا قال مراد: ٠٠٠ أحكيلى بقى على كل حاجة من أول ما خرجتى من القصر لحد دلوقتى ٠٠٠ قولى انت الاول .. انت بتشك فيا

٠٠٠ أنا لو كان عندى ذرة شك فيكى كان زمانى خنقتك بأيدى دلوقتى ٠٠٠ هى حصلت .. مراد أنت ممكن تعمل كده فيا فعلآ ٠٠٠ أنا حذرتك من غيرتى يا تمارا وقولتك. غيرتى زى النار بلاش تيجى جنبها ٠٠٠ وأنا عملت ايه لكل ده ٠٠٠ يعنى كل ده مش عارفه عملتى ايه

٠٠٠ مراد انت بتتصلى عليا أحنا كنا بنشترى شبكة سلمى ماكنش ينفع ارد عليك عشان كده كنسلت ولما اتصلت تانى اكتر من مره خوفت حاتم ياخد باله عشان كده قفلت التليفون . هو ده كل إللى حصل الموضوع ماكنش مستاهل كل الشوشره إللى انت عملتها ٠٠٠ و فيها ايه ما تردى قدام حاتم . انتى خايف منه ليه ٠٠٠ مش خوف بمعنى الكلمة هو احترام وبعدين انت كنت عايزنى اقول لحاتم ايه معلش يا أبن خالتى حبيبى بيتصل عليا ممكن ارد عليه

هنا ابتسم مراد وقال وكأنه تلاشى كل غضبه وهو يقول: ٠٠٠ تعرفى انا ممكن انسى كل إللى حصل بسبب كلمة زى دى لما انتبهت تمارا لما قالته. ٠٠٠ كلمة ايه دى ٠٠٠ حبيبى.. مش غريبه يوم ما تقولى انى حبيبك تقوليها بصدفه و انت متعصبه ٠٠٠ لا واللهى انت فايق بقى ٠٠٠ لاء و اللهى لسه متغاظ و هولع منك بس اعمل ايه بحاول السيطر على عصبيتى و غضبى عشان مش عايز اخسرك ٠٠٠ (بسخرية)

ننننعم كل إللى عملته ده وانت بتحاول تسيطر على غضبك و عصبيتك. امال لما حاولتش تسيطر عليهم كنت عملت فيا ايه قتلتنى ٠٠٠ مش بعيد كنت أعمله ٠٠٠ ليه بقى انشاء الله كل ده عشان ماردتش على مكالمتك رجع الغضب يظهر على ملامح مراد من تانى وهو يقول: ٠٠٠ لاء مش المكالمة هى سبب غضبى ٠٠٠ (بأستفسار) آمال ايه ٠٠٠ أنتى اخدتى تذاكر من مازن ليه هنا أرتبكت تمارا لانها أصبحت تعرف ما هي عواقب غيرة مراد لذلك قالت تمارا بأرتباك:

٠٠٠ مراد خلينى افهمك .. ايه إللى خلانى أخد التذاكر من مازن ٠٠٠ (بسخرية) هتقولى ايه فى دى كمان .. ايه اخدتى التذاكر منه غصب عنك ٠٠٠ (بتوتر) لاء ما اخدش التذاكر غصب عنى بس... انا.... كنت... م...... عندما رأه مراد توترها قال: ٠٠٠ أيه مالك . مش عارف تقولى ايه ولا تبررى انتى ليه اخدتى منه التذاكر صح ٠٠٠ لاء مش صح.. بس مش عايزه اكدب واقول ايه كلام .. ٠٠٠ هو الموضوع كبيرة لدرجة يستاهل انك تكدبى عليا

٠٠٠ لا يا مراد مافيش موضوع من أساس بس انتى موترنى بعصبيتك دى ٠٠٠ طيب انا مش هتعصب نهائى . اتفضلى اتكلمى ٠٠٠ تمام .. من يومين و آنا داخل بيت قابلت مازن سألنى عن رجلى . ولما قولته انى كويسه عزمنى انى احضر لحفلته. و أدانى التذاكر ٠٠٠ و قبلتى تخدى التذاكر منه ليه

٠٠٠ . ساعتها واللهى رافضت بس هو صمم اتحرجت و اخدت التذاكر . بس انا ماكنتش ناويه اروح الحفله خالص.. عشان كده لما سمعت حور بتتكلم انها انها بتدور على تذاكر نفس الحفله . أدتها التذاكر ٠٠٠ يعنى وقفتى و اتكلمتى معاه . وانا حذرتك قبل كده. يا تمارا و قايلك مش عايزك تتكلمى مع البنى آدم ده تانى ٠٠٠ مراد الكلام ده قبل ما نرتبط. انا كنت فاكراك بتهزر ٠٠٠ لاء يا تمارا الموضوع ده ما فيهوش هزار ٠٠٠ بس لازم يكون عندك ثقه فيا .

٠٠٠ الموضوع مالهوش دعوة بالثقه .. لانى يثق فيكى لأبعد الحدود. بس مش بثق فى نوايا إللى اسمه مازن ده.. ٠٠٠ ليه بس انا ما شوفتش منه حاجة وحشة ٠٠٠ وانا مش هستنا لما تشوفى منه حاجه حلوه ولا الوحشه .. بعدين انتى مابتعرفيش تقولى حاضر ٠٠٠ يعنى اقول حاضر و آنا مش مقتنعة باللى بتقولهم ٠٠٠ و مش مقتنعة ليه يعنى.. ولا هيفرق أوى معاكى انك متتكلميش مع الشخص ده تانى

٠٠٠ مراد الموضوع مالهوش علاقة بمازن او غيرو لان مافيش حد هيفرق معايا غيرك و لازم تكون عارف كده كويس .. بس انا إللى متعودش اعمل حاجة انا مش مقتنعة بيها ٠٠٠ و لو قولتلك انا مش مرتاح للشخص ده ٠٠٠ حاضر يا مراد انا هعمل إللى انت عايزه . بس الأول توعدنى انك مش هتتعصب عليا ولا تخوفنى منك تانى ٠٠٠ تمارا انتى خوفتى منى بجد ٠٠٠ اه خوفت . خوفت من غضبك و عصبيتك خوفت من تهورك من جنانك

تأثر مراد بكلام تمارا لذلك شعر مراد بضيق. لعنه نفسه لأنه جعلها تخاف منه لذلك أمسك مراد يد تمارا و قبلها. كنوع من الاعتذار. وقبل أن يتحدث انتفضت تمارا قالت بحده. وهي تسحب يدها من مراد: ٠٠٠ مراد انت اتجننت سيب ايدى ٠٠٠ فى ايه خضتنى ٠٠٠ أنت ازاى تعمل ... على فكرة عيب أنا متوقعتش منك كده ٠٠٠ فى ايه أنتى ملبوسه هو انا عملت حاجة ٠٠٠ تبوس ايدى و تقولى معملتش حاجة

٠٠٠ والله يخربيتك انتى مجنونه كل ده عشان بوست ايدك أمال لو بوستك من شفايفك هتعملى بدهشة وخجل قالت: ٠٠٠ أنتى قليل الأدب ازاى تقولى كده ثم فتحت باب السيارة بأنفعال وخرجت منها وتجاهلت مراد وهو يقول: ٠٠٠ تمارا رايحه فين . تمارا استنى هنا تمارا . انتى يا بت عندما لم ترد عليه تمارا كمل عبارته وقال: ٠٠٠ أيه البت الهبله دى . كل ده عشان بوست أيدها. آمال هتعمل ايه لما نتجوز . شكلها هتورينى ايام سوده

قال جملته ثم خرج من السيارة وذهب خلف تمارا. أول ما وصلت تمارا لياره قالت لها ياره: ٠٠٠ قوليلى عملك حاجة هزت تمارا رأسها بالنفى. ٠٠٠ طيب يلا سلمى اتصلت عليا عشان نروح اتأخرنا منزل مازن نور ~~~~~~~~~~~~ عندما وصلوا أمام باب المنزل قالت سلمى: ٠٠٠ استنوا انادى ماما ٠٠٠ ليه هى ماما فين ٠٠٠ عند طنط نوال ٠٠٠ مين طنط نوال دى ٠٠٠ دى مامت مازن نور ٠٠٠ و ماما بتعمل ايه عندها ٠٠٠ أنتى متعرفيش . ان طنط نوال و ماما بقوا صحاب اوى

٠٠٠ صحاب أوى .. فى حاجات بقيت بتحصل فى العايله دى من ورايا هنا رنت سلمى جرس منزل مازن فتحت الخادمه سعاد الباب و أول ما شافت سلمى قالت: ٠٠٠ اتفضلى يا أنسه سلمى ٠٠٠ لأ متشكره ممكن تقولى لماما اننا جينا جاء صوت من خلف الخادمة يقول: ٠٠٠ مين على الباب يا سعاد ٠٠٠ ده الأنسه سلمى و الانسه ياره هنا خرج لهم مازن و قال: ٠٠٠ واقفين ليه على الباب اتفضلوا ٠٠٠ لاء متشكرين يا فنان .. معلش أحنا جينا بس ننادى على خالتى

٠٠٠ يبقى انت حاتم صح ٠٠٠ حضرتك تعرفنى منين ٠٠٠ من طنط ميرفت طبعآ .. بس احنا هنفضل واقفين كده اتفضلو ادخل حاتم و سلمى و ياره منزل مازن. أما تمارا تذكرت تحذير مراد لها بالابتعاد عن مازن لذلك ظلت واقفه مكانها فقال مازن: ٠٠٠ أيه يا تمارا مش هتدخلى ٠٠٠ لاء انا تعبانه هروح ارتاح لم تعطى مازن فرصة للرد عليها قالت جملتها و ثم ذهبت لمنزلها مباشرة. في أثناء وجودهم في شقة مازن قال:

٠٠٠ صح يا حاتم طنط ميرفت قالتلى انك مهندس شاطر أوى . قولت استغلك و استشيرك فى حاجة ٠٠٠ أنا تحت أمرك ٠٠٠ أنا عايز ابنى فيلا بس عايزها تكون تصميم جديد متميز على الطراز الحديث تقدر تعملى حاجة زى المواصفات دى ٠٠٠ فهمت انت عايز . و طلبك عندى بس لازم تشرفنى فى المكتب بتاعى ٠٠٠ تمام .. بكره انا مشغول . يبقى بعد بكره اجيلك المكتب . خد رقم تليفونى عشان تبعتلى اللوكيشن ٠٠٠ وانت هتسيب الشقه دى يا فنان

٠٠٠ والله انا بقالى سنتين بتحايل على ماما هى اللى مش عايزه تسيب الشقه ده واخيرآ وفقت.. ثم تذكر تمارا لذلك قال: ٠٠٠ بس انا دلوقتى اللى مش عايز اسيب الشقه في منزل أم عصام ~~~~~~~~~~~~ عندما كان عصام يراقب حاتم رأه تمارا و ظل خلفهم ... ومنذ رأى تمارا مع مراد وهو ثائر مثل المجنون. ٠٠٠ يا أبنى فهمنى لما انت عرفت مكانها متعصب ليه بقى ٠٠٠ بقولك السنيورة ماشيه على حل شعرها مع الواد الظابط إللى جه هنا الحاره يوم الخناقة

٠٠٠ نهار ابوها اسود يعنى عشان كده كانت عايزه تسيب الحارة عشان تعمل إللى عايزه من غير ما حد يعرف ٠٠٠ لا و ايه دول ساكنين في الزمالك ٠٠٠ الزمالك حته واحده ٠٠٠ أه ياما حته واحده . لاء وايه الشقه تمليك مش ايجار ٠٠٠ جابوا منين فلوس لشقة فى الزمالك ٠٠٠ اكيد من الواد إللى ماشية معاه . لاء مش هى بس.. دول أخواتها كمان كل واحد ماشية مع واحد و آخر مسخره. اكيد مدورينها امال هيجيبوا فلوس شقة فى الزمالك منين

٠٠٠ يا ضنايا يابنى يعنى بنت ميرفت تسيبك انت عشان تمشى على حل شعرها . ٠٠٠ (بحزن) أصبرى بس عليا ياما يوم الحساب قرب . و دينى و ما أعبد لا أربيكى يا تمارا من أول و جديد و أعرفك ان الله حق ٠٠٠ متزعلش يا ضنايا هى فى ناس كده مالهمش فى الطيب نسيب.. و هى هتلاقى احسن منك فين خليها تغور فى داهية طالما مشيت فى السكة دى

٠٠٠ وانا مش هسيبها ياما . تمارا دى بتاعتى انا يعنى و تخصنى .. بعدين انا عارف تمارا أكيد الواد ده لعب فى دماغها بس هى مالهاش فى الغلط ٠٠٠ أيه لسه باقى عليها بعد ده كله ٠٠٠ مش بأيدى ياما .. القلب لما يريد بس اقسم بالله لا اخليها هى إللى تترجانى عشان أرضه اتجوزها تبوس ايدى كمان ٠٠٠ يعنى هتعمل ايه يا قلب أمك ٠٠٠ استنى بس انتى عليا ياما و بكره تشوفى ٠٠٠ هستنا لأمتى ده يوم المنى إللى أشوفها مذلوله قدامى

٠٠٠ هتشوفيها . بس أصبرى. الموضوع هياخد وقت لانه محتاج تخطيط و تظبيط عشان لما تقع متعرفش تقوم منها تانى لتسريع الأحداث بعد مرور شهر فيلا توفيق عم مراد ~~~~~~~~~~~~~~ ٠٠٠ خير يا أسلام ايه الموضوع المهم إللى انت عايزنى فيه ٠٠٠ (بأرتباك) بصراحه بقى من غير مقدمات انا فى بنت بحبها و عايز ارتبط بيها ٠٠٠ (بفرحه) أخيرآ هفرح بيك قولى هى مين . بنت مين . اكيد أمها دعيلها عشان انا هبقى حماتها ٠٠٠ لاء انتى متعرفهاش..

٠٠٠ طيب هى بنت مين . يمكن اعرف أهلها ٠٠٠ ما أظنش انك تعرفى أهلها . انتى تعرفى اخته ٠٠٠ هو لغز .. ما تتكلم على طول يا أسلام هى مين ٠٠٠ أسمها ياره.. هى أخت تمارا ٠٠٠ تمارا مين .. أوعى تكون بتتكلم على تمارا الممرضة بتاعت حسام ٠٠٠ أيوه هى سكتت نرمين ثوانى وهى تفكر فى فرق المستوى الاجتماعى . لذلك قال أسلام: ٠٠٠ سكتى يعنى . بتفكرى بأيه ٠٠٠ أنت مش شايف ان فى فرق كبير المستوى الاجتماعى بينكم

٠٠٠ أنتى يا ماما إللى بتفكرى بالطريقه دى . ٠٠٠ يا حبيبى ساعات بيكون فرق المستوى الاجتماعى سبب اساسى فى فشل اي علاقه بين اتنين ٠٠٠ اهو انتى قولتيها ساعات يعنى مش أكيد ٠٠٠ بس يفضل احتمال موجود . ممكن يحصل ٠٠٠ ماما يعنى انتى عايزانى أبنى حياتى على احتمال ممكن يحصل و ممكن مايحصلش ٠٠٠ أسلام انا خايفه ان الفرق الاجتماعى يأثر علي علاقتكم بعض. بعد كده

٠٠٠ متخافيش انا و ياره بنحب بعض وبعدين الفرق الاجتماعى مش كبير اوى زى ما انتى فاهمها ٠٠٠ ماشى طيب هى خريجت ايه ٠٠٠ كلية تمريض ٠٠٠ (بدهشة) يعنى ممرضة عايز تتجوز ممرضة ٠٠٠ لا إله إلا الله يا ماما هى الممرضة حاجة عيب و لا حرام .. بعدين انا بقولك انها خريجت كليه ٠٠٠ اه بس كلية تمريض ٠٠٠ وفيها ايه دى .. بعدين انا بحبها زى ماهى . و الله يا ماما ياره بنت ممتازه فى كل حاجة . وانتى لو شوفتيها هتعجبنى

٠٠٠ خلاص اشوفها الأول .. بس لو عجبتنى تبقى مبروك عليك ولو مش عجبتنى تبقى تنسى الموضوع ده خالص . وانت عارفنى انا مابظلمش حد . و دايمآ حكمى على الناس بيكون صح ٠٠٠ عارف.. و متأكد أن حكمك على ياره هيكون حكم عادل في أحد الكافيهات ~~~~~~~~~~~~ ٠٠٠ معلش يا سلمى انا عارف انى مقصر معاكى بقالى فتره حتى ميعاد خطبتنا أجلته ٠٠٠ لا يا حبيبى عادى المهم دلوقتى شغلك . انا عارفه انك الفترة دى مشغول بالفيلا بتاعت مازن

٠٠٠ اه يا سلمى انتى تعرفى ان الفيلا دى بعد ما تنتهى هتنقلنى فى حته تانيه خالص انا فعلآ تعبت فى تصميمها و تنفيذ التصميم كان صعب جدآ . كمان لازم اتابع كل حاجة بنفسى ٠٠٠ هانت كلها كام أسبوع و تشطيب الفيلا تخلص و ترتاحو تفضالى بقى ٠٠٠ واللهى انا مش عارف من غيرك كنت عملت ايه . دايمآ بتهونى عليا .. محسسانى ان كل حاجة سهله و بسيطه ٠٠٠ عشان فعلآ كل حاجة سهله و بسيطه طالما احنا مع بعض في مساء منزل ميرفت ~~~~~~~~~~~

٠٠٠ ياره بالله عليكى تطفى النور و تروحى أوضتك عايزه انام ٠٠٠ هو انتى بجد هتنامى ٠٠٠ (بسخرية) لا بتفسح على السرير يمكن اروح السينما كمان ٠٠٠ ما تردى عدل ٠٠٠ يعنى واحد نايمه على السرير و حاطه رأسها على المخدة و الساعة واحد بعد نص الليله هتكون بتعمل ايه يعنى غير انها هتنام . يا أم الذكاء كله انتى ٠٠٠ (بضيق) خلاص عرفنا نامى هنا اتعدلت تمارا و جلست على السرير و وضعت يديها على خدها و قالت:

٠٠٠ هو انا عارفه مافيش نوم الليلة دى هاا قولى مالك ٠٠٠ لاء خلاص نامى ٠٠٠ ياختى قولى مالك و خلصينى ٠٠٠ إسلام عايز يعرفنى بأمه ٠٠٠ (بفرحه) بجد طيب دى حاجة كويسه معنى كده انه اخد موضوعكم جدي ٠٠٠ بس انا خايفه من المقابلة دى ٠٠٠ ليه بس .. ٠٠٠ حاسه انى مش هعرف اتعامل معاها طيب هقولها ايه . و هتقولى ايه . هتحبنى ولا لاء . يمكن تكون...... قطعت تمارا عبارتها وقالت:

٠٠٠ ياره . ياره الموضوع مايستهلش الخوف ده كله أهم حاجة تكونى واضح و صريحه معاها .. و خليكى على طبيعتك. ٠٠٠ تفتكرى هتحبنى ولا لاء ٠٠٠ أنا عارفه والدة أسلام دى ست محترمة و جدعه . و صدقينى لو عملتى إللى قولتلك عليه هتحبك . و بعدين هى هتلاقى زيك لأبنها فين ده انتى تقولى للقمر قوم وانا اقعد و اتربع مكانك ٠٠٠ تعرفى رغم انك اختى الصغيره بس بحب اخد نصيحتك أوى لان بحس انك عندك خبره فى الحياه بتفهمى الدنيا عنى ٠٠٠ يلا اي خدمة

٠٠٠ يبقى تيجى معايا بعد بكرة وانا رايحه اقابل والدة أسلام ٠٠٠ حاضر ياستى . هروح معاكى ٠٠٠ طيب سيبك منى و قوليلى عامله ايه مع مراد ٠٠٠ واللهى بقالى كام يوم ما شوفتهوش. بس بنتكلم فى التليفون على طول ٠٠٠ ليه بس . ده انتى بتشتغلى فى نفس البيت معاه ٠٠٠ أنتى ناسيه ان الدراسه بدأت بقالها كام يوم . دلوقتى بروح الشغل بعد ما بخلص الكليه بيكون هو فى شغله .. و بالليل بروح قبل ما هو يجى من الشغل ٠٠٠ هو بيتأخر ليه فى الشغل كده

٠٠٠ عنده قضية كبيرة بيشتغل عليها الايام دى .. ده غير شغله فى الشركة .. ٠٠٠ بس اكيد هتشوفيه بكره عشان انتى بكره الخميس عندك اجازه ٠٠٠ أيوه انا بكره اجازه عندى بس هو عنده شغل بكره . هشوفه الجمعة بقى ٠٠٠ ده ايه الاتنين إللى مش عارفين يقابلو بعض دول.. يلا اسيبك تنامى بقى ٠٠٠ وانتى طالما جبتى سيرة مراد هعرف انام في اليوم التالى فى القصر مساءآ ~~~~~~~~~~~~

كانت تمارا في الفترة الاخيرة شكه في مشاعر حسام اتجاهها لكنها كانت بتكدب نفسها . وبرغم ذلك كانت بتحاول تتعامل مع حسام برسمية اكثر. انتهى اليوم العمل لذلك قالت تمارا: ٠٠٠ أنا هروح عايز حاجة منى ٠٠٠ مالك يا تمارا بقالك فترة معاملتك معايا متغيره ليه .. هو انا ضايقتك فى حاجة قالت كاذبه و هي تعرف انه عنده حق فيما قاله لذلك قالت: ٠٠٠ لاء مافيش حاجة من دى .. انت بس إللى متهيألك

٠٠٠ متهيألى بردوا .. ده انتى حتى بطلتى تقرى ليا زى الاول ٠٠٠ بس كده لو على القرأه هروح اجيب كتاب من المكتبة و هقرأ ليك تمام كده قالت عبارتها و انصرفت لتجلب الكتاب من المكتبة. و عندما وصلت للغرفة المكتبة و قبل أن تدخل الغرفة أتصدمت عندما وجدت يد قوية أمتدت سحبتها لداخل الغرفة و أغلقت الباب . و قبل أن تصرخ فجأت بيد توضع على فمها لمنعها من الصراخ.