رواية امل ومحمود الفصل الثاني 2 - بقلم امل بكر

ممكن اقعد؟ بصيت لقيته دكتور محمود. اتفضل. مدخلتيش لي؟! ملحقتش، جيت متأخر. امم. شربت بق قهوه وانا باصه في الموبايل. اجه في بالي سؤال، بصتله بسرعه وحسيته اتخض من تحولي. هو انت كنت في كليه ايه؟ الكليه دي حقوق. برقت بدهشه وانا بسند ايدي علي الترابيزه. بتهزر بجد؟ يعني ممكن اطلع منها دكتوره. ضحك لرأكشن وشها. اكيد، لو تعبتي هتوصلي. بإحباط. مانا ديماً بتعب وفي الاخر اي!!

اكيد خير، ومش كل حاجه بنبقى عايزينها بتبقى كويسه علينا. اكيد، الحمدلله. يلا هقوم، ورايا محاضره. هزيت راسي. قام وقف ومشي خطوه بعدين رجع تاني. احسنلك تقومي دلوقتي علشان انا مش بدخل حد ورايا. خلص كلامه ومشى. جريت بسرعه وراه، كان قدامي. ولسه جايه ادخل قاطع طريقي مروان. اي ياعسل، هو حلو للدكتور ووحش لينا ولا ايه؟ عقد حواجبي ولسه جايه ارد لقيت دكتور محمود وقف بينه وبيني. تقريباً انا حذرتك مره بالذوق، مش كده؟

المره الجايه هوديك عميد الكليه، ساااامع. تمام يادكتور. خلص كلامه ولفلي بسرعه وانا من الخضه رجعت خطوه لورا. وانتي لو كلمك تاني تيجي تقوليلى. هزيت راسي بخوف وانا مش فاهمه بعمل ايه. مشيت بسرعه ودخلت قعدت في البيدچ السادس. وثواني فضلت افكر في كلامه، هو حذره قبل كده انه ميكلمنيش؟ دخل وبدء يشرح. وخلاص وعد نفسي اني هفهم. والصراحه شرحه تحفه، بس برده مفهمتش من زن العيال اللي ورايا. المحاضره خلصت. ومكنش فيه محاضرات تانيه.

طلعت قعدت على الترابيزه وفضلت ادور عليه بعيني. ملاقيتهوش. كنت هقوم اروح بصراحه لقيته بيحط شنطته على الترابيزه. كنتي هتروحي بسهوله كده وانا اجي بقي ادور عليكي. قعد تاني. بصراحه زهقت. طيب يلا نبدأ. تمام. بدء يشرح وانا كنت متوتره من قربنا اللي كان بالنسبالي قريب اوي. كل لما يشرح جزء يبصلي ويقولي فاهمه. كنت بتوتر اكتر واقوله اه. وانا عايزه اعمل بيبي من توتري. بعد ساعتين. كفايه كده انهارده علشان شكلك هيستي.

اه فعلاً، بس انت شرحت محاضره انهارده مش كده؟ ايوا. بفضول. طب لي انا حضرت؟ حسيتك مفهمتيش. ضحكت. لا برافووو، بتفهم. بصلي وضحك. وانا رجعت لوضعي بعد مااخد بالي قولت ايه. اقصد يعني انك دكتور شاطر. اقصد محترم.. يعني كويس يووووو مش كده. ضحك جامد. خلاص والله فاهمك. بتوتر. طيب شكراً ليك جداً. العفو، لو احتاجتي حاجه عرفيني. تمام. قومت علشان اروح وهو قام. ولكن بنت جت تكلمه.

وانا بلم حاجتي عملت نفسي على الوضع البطئ علشان اسمع هي عايزة ايه. دكتور عايزاك تديني كورس برايفت. بهدوء. انا لسه تحت التدريب وللاسف مش بدي كورس. ممكن تقولي لدكتور كريم وتعرفي منه التفاصيل. بإصرار. لا بس عايزاك انت. بصتلها بدهشه من جرائتها وكنت خلاص تكه وارد بس الحمدلله اتراجعت. اصل انا مين علشان ارد. للاسف مش هينفع. خلص كلامه وهي بصتله بحزن. وجه كلامه ليا. هتروحي؟ بصتله بانتباه وبعدين بصيت للبنت اللي بصتلي ببرود. اه.

طيب يلا. استغربت طريقته ولكني حطيت الحاجه في الشنطه وبعدين مشيت وهو كان ماشي قدامي. وقف معايا لغيت اما ركبت تاكسي. كنت مبتسمه في الطريق معرفش لي. اي ده فوقي ياامل، اكيد يعني دي طريقته. وهو شكله بيحب يقف مع الناس. اهدي كده ومتفكريش في حاجه تانيه. وصلت البيت وكالعاده اكلت بس مقدرتش اتكلم مع ماما. روحت نمت علطول وصحيت بليل. مسكت الفون لقيت مسدجات من رقم. دخلت عليه باستغراب. بصي بقي ياحلوه انا مبحبش الشغل ده هاا.

مش تبقي ماشيا مع الدكتور وانا يبقي كخه. والله لو عرفت انك قولتي للدكتور حاجه. اعرف دكاتره في الكليه هخليهم يسقطوكي. وانا دلوقتي عايز ارتبط بيكي فاهمه. قعدت على السرير وانا عماله اقرء الكلام تاني وتالت ودموعي نازله. بيقول اي ده؟ ماشيه مع دكتور مين!! عملتله بلوك. ونمت تاني وانا عماله افكر هعمل اي. وقررت اني معتش هكلم الدكتور ده تاني علشان اتفهمت غلط. صحيت الصبح لبست ونزلت وانا سرحانه.

وصلت الكليه وكانت اول محاضره هتبدء بعد ١٠ دقايق. قعدت على الترابيزه اطلب القهوه. لقيت حد سحب الكرسي وقعد وكان مروان. بقي انا تعمليلي بلوك!!! بعصبيه. بص بقي علشان انا اتخنقت على الاخر. انهارده هشتكيك بجد بقي. ببرود. الساعه كام؟ بدهشه. انت باااااارد اوي يعني. قومت وانا متعصبه وكنت خلاص هروح اشتكيه. لقيت دكتور محمود قدامي. بقولك اي هو انا عايزه اشتكي على حد اروح فين؟ كنت بتكلم بانفعال وخلاص جبت اخري.

اتكلم وهو بيتفحص ملامحي. طيب اهدي قوليلي هتشتكي مين؟ بغيظ. الزفت اللي مش سايبني في حالي ده. بحده. هو كلمك تااااني؟ اه. وعمكملتش كلامي ولقيته بيمشي وهو بيدور بعينه في كل مكان. فهمت انه بيدور عليه. جريت وراه بسرعه ولكني ملحقتش. شاف مروان ومسكه من التيشرت وعروقه ايده ظهرت. اتكلم بعصبيه. انت يالا كلمتها تاني!! شكلك مبتفهمش باللسان بقي. ضربه في وشه وانا شقهت بخضه. مروان بغيظ. لاء مش هو.

انا لما اجي اكلمها ترفض وانت مدوراها معاك. عيوني دمعت من قسوه الكلام ومكنتش اتمني في يوم حد يقول عليا كده. نزل عليه ضرب ومش سايبله فرصه يتكلم وكله عمال يتفرج والي يصور. ادخلت ومسكت دراعه جامد وقولت. خلاص بالله عليك هيموت في ايدك. مكنش سامعني. مسكته من وسطه وزقيته جامد ونجحت اني ابعده عنه. وقف بعدم توازن وانا يعتبر كنت في حضنه. بصلي وانا بصتله ودي كانت اول مره ابصله فيها واركز في عيونه.

بعد عنه باحراج وهو زعق للي واقفين يتفرجو وبس. والعميد اجه وزعق وطلبنا على مكتبه. العميد. انا عايز افهم الي حصل انهارده يادكتور محمود. محمود حكي كل حاجه. العميد بصلي ووجه كلامه ليا. وحضرتك مجتيش تشتكي لي من الاول؟ بدموع حاولت اكتمها. قولت اني حذرته خلاص معتش هيكلمني بس امبارح بعتلي وقالي ان للدكتور حلو وانا كخه وانه يعرف ناس هنا في الكليه وهيسقطني لو قولت لدكتور محمود. خلصت كلامي ودموعي نزلت. العميد.

يعني انت يااستاذ مروان عارف ان الدكتور هيزعلك لو دايقتها تاني صح. مروان بغيظ. حضرتك هي بتقولي مش بتكلم ولاد وهي بتكلم الدكتور. محمود بحده. والله العظيم لو معدلتش كلامك هديك علقه محترمه تاني. العميد. دكتور محمود لو سمحت اطلع بره وانتي ياانسه كمان. طلعت بره وارتحت لما دكتور محمود رد عليه. قعد على رصيف في الكليه بس بعيد عن الدوشه. حسيت بحد بيقعد جمبي. لي مقولتليش انه بعتلك وقالك الكلام ده؟ عيط لمًا افتكرت.

لاني مكنتش اتوقع ان حد يقولي الكلام ده. بهدوء وهو بيمدلي بمنديل. طب خلاص اهدي حقك عليا. اخد منه المنديل. شكراً. خلاص بقي متعيطيش. انا خايفه لتضر في شغلك انا بجد اسفه. لا متقلقيش العميد اكيد عارف ان مروان ده طالب مناكش وساقط بقاله سنتين. انت تعرفه؟ يعني دورت في سجله. لي بانفعال. علشان كان بيدايقك وانا كلمت العميد عليه بس شكله نسي ونام. ضحكت والدموع في عيني وهو بصلي وضحك. رجعت لوضعي وانا بلعب في الخاتم.

طب معلش معتش تتكلم معايا. نعم!!! يعني لانه فهم غلط وانا مبحبش كده نهائي. بحده. انا دكتورك علفكره وانا كنت بشرحلك الي فاتك مش اكتر مش فاهم انتي شكلك فهمتي زيه ولا اي!!! بصتله بدهشه ولكنه كان خلاص مشي. عيط تاني وانا بجد مش عارفه ازعل منين ولا منين. روحت نمت علطول وانا عماله اعيط كل ما افتكر كلامه.

بيدايقني حسسني اني فعلا فكرت في حاجه بس انا فعلاً مش بحب نهائي معاملات مع الرجاله ومعاملتي معاه كانت علشان دكتوري وبيفهمني وبس مش اكتر. هو"عمال يكلم نفسه رايح جاي في الاوضه. قال معتش تكلمني قال!!! سيف اخوه وهو قاعد على السرير. خلاص يامحمود دوشتني. بغيظ وهو بيضغط على ايده. انااا يتقالي كده انا!!! ماهو اتقالك عادي اهو. وهو بيخبط الحيطه بايده. هي فكرتني من الولاد الطايشه دي ولا اي. شكلها كده.

بصله بعصبيه وهو بيمسكه من التيشرت. هتخرس ولا اموتك مكانك. بخوف. خلاص ياعم اهدي كده. متقولييشش اهدددي. ط طب خلاص متهداش البت دي غلطانه في حقك. ساب التيشرت وقعد على السرير الي جمبه. وانا بقول كده. طب روق كده انا بس بحاول اطبلك علشان تهدي. بصله يضيق. سيف قام من على السرير. خلااااص انا طااالع. صحيت تاني يوم الساعه ١٢ الضهر وقولت مش هروح الكليه انهارده.

صحيت اتوضيت وصليت ورتبت واخد شاور وقعدت على السرير انشف شعري ومسكت موبايلي. لقيت ان محاضرات انهارده كان علينا فيها وحمدت ربنا اني مروحتش لاني مش عايزه اشوفه. هو"فضلت ادور عليها بعيني في المدرج. طالب. دكتور حضرتك كويس؟ احم اه يلا نبدأ. بدء محاضره وهو بيرفض لعقله انه كان عايز يشوفها وندم على رد فعله وكلامه بس عصبته بكلامها ده. دخلت على الجروب اتكلم مع البنات يمكن مزاجي يرجعلي. اتكلمنا شويه والاغلب مكنش فاضي.

فاروحت لعند ماما في المطبخ. ماما. اي؟ عامله اي النهارده. كشري. بضيق. بس انا مبحبوش ياماما مانتي عارفه. خلاص كلي سندوتش جبنه. عينيا دمعت. والله ماااشي. سيبتها وطلعت اتفرج على التلفزون. ماما اجت قعدت جمبي. بهدوء. من غير لف ودوران مالك؟ بصتلها وعينيها مدمعه وحكلتها. ومقولتليش لي على الولا الزفت اللي كلمك ده؟ ياماما هو ده اللي همك؟ انا مدايقه من كلام الزفت الدكتور محمود ده.

بصي هو اكيد فكر في انك فكرتي زي الولا ده بس انتي كلامك صح يمكن طريقتك كانت وحشه. خالص. طب رياكشن وشك! خالص. طب اسلوبك! ياماما ماهي هيها طريقتي. طب اي!! ولا حاجه هو اللي كلامه زي السم شبه. طب خلاص سيبك منه ومتحطيش كلامه في دماغك ولسه انتي في بدايه السنه ركزي فيها وسيبي كله وراكي. تمام صح. احطلك تاكلي كشري؟ ياماما مش بحبه. حد مبيحبش الكشري. اه انا. بابا وعبدالرحمن اجو وماما حطت اكل واحد في طبقه. بابا.

اي يااموله مش ناويه تجربي الكشري. اتكلمت وانا ماسكه الريموت بقلب والايد التانيه ماسكه سندوتش جبنه بالطماطم. لا يابابا مش بحبه. عبدالرحمن اجه قعد جمبي على الكنبه وهو ماسك طبق الكشري والايد التانيه شد مني الريموت على غفله. اتكلمت بضيق. عبده بطل رخامه وهات الريموت. هش ابت عايز اتفرج على الماتش. بتذمر. يابابا خليه يديني الريموت بقا. بابا. مين اللي هيلعب انهارده ياعبده؟ المصري والزمالك يابابا. ياجدعان محدش سامعني ياماما!!

ماما. نتفرج على الماتش بس وبعدين اتفرجي ياامل. سندت بضهري على الكنبه باحباط وبدأت اندمج معاهم في الماتش. اوباااا. قمت وانا بسقف بايدي. يلهوي بقي الولا ده مبيعرفش يلعب. عبدالرحمن. امل اقعدي بقي واهدي. كمان رايي ممنوع! بعد عشر دقايق. سقفت بفرحه. جوووون. بابا. وقال اي مش بتحب الكوره. اعمل اي بقي لما بتفرج عليها بتشد. عبدالرحمن. طب كوبايه شاي بقي. اسكت بقي. قومي اعملي ولو المصري كسب هجبلك شوكلاته. قمت بسرعه. في ثوااني.

ضحك. بتموتي في الرشوه. بعد ساعه. يلا عبده فين الشوكلاته. باستعباط. هو المصري كسب!!! امال اي؟ لا ده لسه فيه تكمله. والله مش عليا الكلام ده يلا قوم انزل هاتلي. بكره هجبلك دلوقتي تعبان عايز انام. والله العظيم معتش هعملالك شاي علشان انت كداب. خلصت كلامي وروحت اوضي وعيوني مدمعه وكأني عايزه اي حاجه علشان اعيط وخلاص. بعد نص ساعه الباب خبط وفتحت علطول وكان عبدالرحمن. لفيت راسي وبصيت في التلفون تاني.

احلا شكولاته لي احلا اموله في حياتي. ضحكت اصل مبعرفش اتقل اكتر من كده. ماشي شكراً ياسيدي. ونبي معتيش تقلبي وشك تاني بتبقي بومه. ضربته في كتفه. ده انا سكر في كل احوالي يابارد. مين ضحك عليكي وقالك كده. مش لازم اسمع من حد انا عارفه كده. جدعه ابت طالعه لاخوكي. ليك!! وانت شايف نفسك ازاي. مفيش منه اتنين. محصلش. هاتي الشوكلاته دي. خلاص ياعم بهزر انت مفيش منك واحد حتي. هااا رخمه. زيك. بقولك اي. اي. ماتقومي تعمليلي شاي.

انا عايزه انام وورايه كليه بكره يلا تصبح على خير. كليه ههه البت مفكره نفسها مهمه. ايوا ياحبيبي بكره هتشوفني ومش هتعرف تسلم عليا. ضحك. ده انا لسه جايبلك شكولاته ياندله. خلاص ياعم مكنتش شوكلاته. ضربني على قفايا وطلع يجري وانا جريت وراه وحاولت اضربه وبرده مختش حقي. رجعت تاني اوضي وقفلت النور ونمت. صحيت تاني يوم على الساعه ١٠ كانت اول محاضره الساعه ١١. لبست فستان بيج وطرحه بني وشال تايجر. بعت لنفسي بوسه في المرايا.

شياكه وربنا. مش عايزين حاجه. بابا وماما. خلي بالك من نفسك. عبدالرحمن. ركزي ياطفله. ماشي ياكبير. نزلت وانا مبسوطه حبتين تلاته. الواحد اي ميكونش فرحان وجنبه عيلته بصحه كويسه وبخير اي يزعل نفسه على اتفه الحاجات. بجد بقيت بفكر نفسي بده علشان مفيش حاجه تستاهل اني ازعل عليها. ركبت تاكسي ووصلت ودخلت الكليه وانا عيني شبه ما يدور عليه وفي نفس الوقت مش عايزه اشوفه.

روحت الكافيه طلبت قهوه على الواقف لان المحاضره مكنش عليها غير ١٠ دقايق والقهوه اتاخرت. كان فيه زحمه حبتين. بصيت في الساعه وانا ببرق كانت ١١ ودقيقتين وسمعت ان الدكتور ده مش بيدخل حد بعده. قولت اجرب حظي. مشيت بسرعه وسيبت القهوه. خبطت على الباب وفتحت. الدكتور. اتفضلي اطلعي محدش بيدخل بعدي. بتوتر. يعني مينفعش احضر؟ هو انتي مبتفهميش!! لو سمحت مقاطعني. اطلعي لاني مش فاضيلك. قفلت الباب ولفيت لقيت محمود جاي نحيتي.

تجاهلته وجايه امشي وقفني صوته. مدخلتيش لي؟ حاولت امسك دموعي. مرضاش يدخلني. طب تعالي. نعم!! مشي ناحيه الباب ورجع بصلي. تعالي ادخلك. خلاص مش عايزه احراج. ولا كأنه سمع كلامي وفتح الباب ودخل. دقيقه خرج وقالي ادخل. بصتله باستغراب وكنت هسأله قاله اي ولا ازاي بس قليل الذوق مشي. دخلت بتوتر. الدكتور بابتسامه. مش كنتي تقولي انك تبع دكتور محمود. عقد حواجبي باستغراب ومردتش اسأل قولت اكيد كذب ولا حاجه علشان يدخلني.

قعد وبدأت اركز. البنت اللي جمبي اتكلمت. معقول انتي تبع دكتور محمود المز ده. غمضت عيني ببرود. مش فاهمه قصدك يعني اي انتي دي!!! يعني المفروض ياخد واحده بشعرها كده وحلوه زي كده. بغيظ. وهو كده هيكون راجل ازاي وهو واخد واحده بيستعرضها للناس. وبعدين انتي بتتكلمي كده لي كأني خطيبته!! يعني انتي مش خطيبته!! لا مش خطيبته ولا ح.. مردتش اكمل علشان مكذبهوش. بفرحه. طب كويس والله فرحتيني. بهدوء. لو سمحت سبيني اركز.

المحاضره خلصت وانا على اخري منه. طلعت دورت عليه بعنيا ملقتهوش. سألت عليه قالولي مكتبه هناك. روحت وخبط وفتحت علطول مستنتش رد. بص وهو في ايده اوراق. انا قولت ادخل!! دخلت وقفلت الباب ورايا بضيق. هو انت قولت للدكتور اني تبعك؟ حط عينه في الاوراق تاني. انا مش فاضي دلوقتي. وانا بسألك؟ رفع عينه وبصلي. بصيت بعيد مبقدرش ابص في عينه ولا في عين اي راجل. طب ولي قولت اني تبعك وكذبت!! علشان تدخلي المحاضره اتفضلي بقي بره مش فاضي.

بغيظ. علفكره البت اللي جمبي فكرتك خطيبي وبتقولي المفروض انه ياخد واحده بشعرها و… قاطعني صوت تخبيط على الباب. بصلي وقالي وهو بيقف. اقفي ورا الباب اللي هناك ده. بعند. واقف هناك لي ان شاء الله. قام وقرب مني. اخلصي لو حد شافك هنا هيفهم غلط. بضيق. ويفهم غلط لي ان…. بصلي بقوه. امل اخلصي اقفي هناك ومتطلعيش. كنت هرد ولكن الباب خبط تاني. روحت ببرود وقفت اما اشوف اخرتها. "2”•