رواية اميرة ميخائيل الفصل الرابع والثلاثون 34 - بقلم ريحانة الجنة

الجميع مجتمع حولها بعد أن أخبرهم الطبيب بأنها دخلت في غيبوبة بسبب كمية ثاني أكسيد الكربون التي استنشقتها والرئة لم تتحمل ذاك الغاز السام. -يعني إيه؟! بنتي هتروح مني؟! ردوا عليا. ماجدة وهي تحتضنها ببكاء: اهدى يارهف، إن شاء الله هتقوم بألف سلامة... رهف بنهيار: لااااا أنا تعببببت تعبت في الأول ماما وبابا وبعدهم عمار جوزي وبعدهم بنتي حتى اللي فضلت العشرين سنة عايشة عشانها هتضيع مني؟! اللي صبرت

نفسي في الحياة بيها هتروح... طب.. طب أنا أعيش ليه ولمين؟! أنا أنا مش هقدر أسمع خبر وفاتها أنا أنا هموت نفسي... رقدت رهف اتجاه النافذة لتلقي بنفسها منها فرقَد الجميع خلفها وهم يصرخون بها ولكن وقفت وهي تصرخ: محدش يقرب منييييي أنا تعبت والله العظيم تعبت مش قادرة إلا بنتي أنا تعبت عليها كتير شقيت وتعبت عشان تكبر وأفرح بيها اتحملت كتير عشانها وربنا يعلم كل اللي مريت بيه وبمر بيه لحد دلوقتي لكن أنا بشر ومش قادرة أتحمل كل

حاجة حلوة في حياتي بتروح وكل ده عشان إيه؟! أنا هرتاح سبوني أرتاح من الوجع ده أنا مش عارفة أعيش الحاضر بتاعي لأن روحي في الماضي بتتخنق مش قادرة! هدى ببكاء: استغفري ربنا يابنتي بنتك بخير بلاش تتوقعي البلاء قبل وقوعه... بنتك حية ترزق بلاش يابنتي بنتك ملهاش غيرك اتحرمت من الأب بلاش تحرميها من الأم... نظرت رهف إلى الأسفل وإلى الجميع الذين يبكون من أجلها وهي تفكر في كل شيء! تُرى ماذا سيحدث لبطلتنا رهف؟! ***

وقف أمامه بهدوء فإذا به يقف ويباغته بضربه في فكه بغضب وهو يهتف: مكنش ده اتفاقنا يا طيف! أنت خلفت بوعدك ليا. أمسك طيف بفكه بانزعاج منه وهتف بغضب: -ومكنش ده اتفاقي إنها تكون سليطة اللسان! ممكن أعرف أنت هتفضل كده لحد إمتى مش جه الوقت اللي تخلص فيه من كل ده؟! ابتسم بغموض وشراسة: جه الوقت يا طيف اللي هخلص فيه من كل ده! -هي الانسية مش وحشاك ولا إيه؟! ابتسم بعيون لامعة بحب عميق وهو يردد

اسمها بين شفتيه بتلذذ: ر.. ه.. ف.. رهف. وضع يده على كتفه بابتسامة: ميخائيل! نظر له بتساؤل: طيف بنتي لو حصلها حاجة صدقني مش هسامحك أبداً. ووقتها... طيف بملل وقلق على أسماء: متقلقش أسماء هتكون كويسة... تنهد ميخائيل بهدوء وهو يهتف: لازم نجهز يا طيف عشان الملك مرة مش سهل أبداً. لازم نخلص أرض الجن من شره... طيف ببسالة: وعد مني إني هبعته للموت بنفسي ومش هسيبه يعمل اللي بيخطط له. ابتسم بشراسة: بحق كل يوم بعدت فيه عن

مراتي وبنتي لأذوقنك كؤوس العذاب... طيف بابتسامة: ياريت بسرعة عشان أسماء كرهتني وورثت الشراسة منك! ضحك ميخائيل وهو ينظر إلى علامات أظافر ابنته على رقبة طيف وذاك الجرح في يده وهتف: عشان بنت ميخائيل مش أي حد ولا ده انتقام بنت ميخائيل. ضحك طيف وهو يهتف: إلا انتقام والله! المهم هتروحلها ولا إيه قرارك! نظر له وهو يهتف: أكيد سلام. ثوانٍ واختفى عن الأنظار بينما ابتسم طيف بحزن على ما فعله بصغيرته أسماء.

-وعد مني إني هعوضك عن كل اللي مريتي بيه يا أسماء، هانت الحقوق قربت ترجع لأصحابها. بس ياترى هتقبلي بيا؟! ابتسم بشر وهتف: بس طيف مش هيترفض لأنك ملك طيف وبس. أنا صبرت كتير ومش فاضل غير وقت قليل وهنهي على ملك مرة وهيرجع الحاكم الأصلي للملك وهعلن زواجنا. ابتسم بحالمية عندما ذكر اسم زواجهم ياله من زمن عجيب يوقعك في حب طفلة صغيرة. ياله أيضاً! من شعور مختلف يطرب له القلب وتشعر بألم لذيذ عند ذكر المحبوب.

نعم يا أسماء أحببتك بشدة لدرجة لا توصف. أصبحتِ وتيني وقلبي ونور بصيرتي... آه لو تعلمين ما بداخلي لكِ من مشاعر جياشة وحب عميق وعطش عشرين سنة يريد أن يرتوي من رحيق شفتيكِ... ابتسم بخبث وهو يتذكر شفتيها باللون البني تشبه التوت الأسود لابد أنها لذيذة. -يا الله طب هيحصل إيه لو رحت وحضنتها ههههه هي صحيح الخطة هتخرب بس تستحق المجازفة بس... بس هي دلوقتي متعرفش إني مش السبب في قتل ميخائيل ولا تعرف بوجود ميخائيل أصلاً.

آااااه أمتى ياجي اليوم اللي تعرفي فيه كل الحقيقة ووقتها مش هسيبك... *** جلس الملك "مرة" بعصبية وغضب وهو يهتف لأحد حراسه: أين طيف؟ أين هوووو؟! الحارس بخوف من غضبه وعيونه الحمراء بشدة: لا أعلم مولاي أنا ذهبت إليه وأخبرته بطلبك لرؤيته ووافق ولكن الآن لا أعلم! -اذهب وأتيني به سريعاً! وإلا حرقتك. هرول الحارس من أمام الملك سريعاً! بخوف وهو يختفي ذاهباً! إلى طيف ليستدعيه. -كان لازم أتخلص من الوغد ده وأدفن السر

معاه. ههههه بس قربت نهايتك يا طيف. وفي ذلك الوقت دلف شخص غريب سأذكر لكم صفاته ولتخمنوا من يكون! -صفات إبليس عليه اللعنة. وقف الملك بخضة وقلق: لماذا أتيت هنا يا مارسوا؟ أتريد من القوم قتلي أم ماذا؟ ابتسم بشر يلقى به فهو سيد الشر العالمي واقترب من الملك مرة وهو يدور حوله ويضع يده على كتفه بابتسامة خبيثة. -مابك يا مرة؟ ألا يحق لي الدخول إلى ملكك؟ أنسيت أنه شرف لك مجيئي إلى هنا؟ ابتسم الملك مرة بقلق: شرف لي يا مولاي.

وقف مارسوا أمام الملك مرة وهتف له بشموخ وغرور: اركع لي الآن... الملك مرة برفض: ماذا؟ لا لن أركع لك أبداً! نظر له بغضب وخبث: لما لا تركع لي؟! -استعنت بك لمساعدتي لا لأعبدك أنا أؤمن بالله وحده لا شريك له وأنت عبد من عباده. صرخ مارســــــــوا بغضب ووجع: آااتصمت! لا تذكر إلهك أمامي! أجننت؟ أتظن أنك مؤمن بالله بعد أن استعنت بي أنا؟ ألم تعلم أنه وعد من اتبعني بالنار؟ هههههه جهنم تنتظرنا عزيزي ولا مجال للتوبة...

الملك مرة بغرور: لا سأتوب غداً! أما الآن فستساعدني لقتل أعدائي! -آهاا ولكن لن أساعدك إلا بعد أن تركع لي. اركع لي وتب غداً! يا مرة! ابتلع الملك مرة ريقه بتفكير وقرر السجود ولكن جاء في هذه اللحظة شخص معروف لنا جميعاً بابتسامة خبيثة: أهلاً بك مارسوا. حقاً! مارسوا بذاته هنا يالها من صدفة جميلة لنا. رفع الملك مرة رأسه سريعاً! : طيف أنا أنا! ابتسم طيف بخبث: لم أعلم أنك من أتباعه. نظر مارسوا إلى طيف بابتسامة غامضة ثم

اختفى إلى مكان آخر... ابتلع الملك مرة ريقه بصعوبة وتحدث بلغته العادية ليست اللغة العربية الفصحى: لا لا أنا مش من أتباع مارسوا يا طيف أنا مسلم. ضحك طيف بخبث: ههههههه مسلم بس ولائك لإبليس يا مرة؟ مكنتش أعرف إنك كده. وياترى لو رعاياك عرفوا إنك الملك بتاعهم اللي باين لأرض الجن إنه مؤمن وموحد تابع لإبليس ياترى إيه اللي هيحصل فيك! اقترب منه الملك مرة بتذلل له: أرجوك أنت مش هتعمل كده! صح يا طيف!

أزاحه طيف فوقع الملك أرضاً. ثم توجه طيف إلى كرسي الملك وجلس عليه ووضع قدمه على قدم بغرور وتفكير: هه والمقابل إيه يا ملك؟ أنت ناسي إنك تدخلت في شئ ميخصكش وحاولت تبعد ابنة ميخائيل عني وبتخطط من ورايا وبدون علمي وطبعاً فاكر إني مش عارف يا مرة. -أنا عايز أقتلها مش أبعدها عايز أخلص من أثر ميخائيل وذريته زي ما اتفقنا! طيف بغضب وهو يهجم عليه ويضغط على عنقه بغضب: مكنش ده اتفاقنااا اتفاقي كان قتل ميخائيل. صح ولا لأ! لكن ابنة

ميخائيل خاصة بيا أنااا. وأنا اللي أتحكم فيها وفي حياتها سواء بالموت أو لأ. حرك الملك مرة رأسه باختناق فزجه إلى الخلف بغضب: صدقني مش هسامحك أبداً! وهعرفك إني أسوأ من مارسوا لو حاولت تتعدى اتفاقنا. ابنة ميخائيل ليا بسسس. وإلا صدقني هتموت بس بعد عذاب مني ومن رعاياك. الملك مرة بخوف: أوامرك مجابة يا طيف. جلس طيف على كرسي العرش مرة أخرى بعجرفة وغرور: بعت ليا الحارس ليه؟ وقف الملك مرة باحترام له وهتف: ابنة

ميخائيل بتحاول تتواصل مع عالمنا وبتدور عليك وعايزة تنتقم منك لأنك السبب في قتل ميخائيل. ابتسم بغموض: وماله وأنا منتظرها يا مرة. وقف طيف وهو يرفع رأسه بشموخ وهتف بتحذير له: أوعي حد يقرب منها انتقامي هيخلص منها وقريب أوي بس مفيش مانع إني ألعب معاها شوية... واستمتع بوصف موت والدها ميخائيل.. هههههه. ثوانٍ واختفى عن الأنظار بينما أخذ يضرب الملك مرة بصولجانه بغضب وهيجان: لااااا

أما عند رهف فكانت تنظر إلى الجميع بحزن وهي ترى في أعينهم الحزن والبكاء عليها. ابتعدت عن النافذة وهي تجلس أرضًا وتبكي بشدة والجميع يواسونها بحزن على حياتها المدمرة منذ أن كانت طفلة صغيرة. احتضنها سيف بحزن وهو يملس على ظهرها ذهابًا وإيابًا: معلش يا خالتي، بإذن الله هتكون كويسة، متقلقيش، والله هتكون بخير. احتضنته رهف ببكاء هي الأخرى، فهي تحتاج إلى أي احتواء الآن من أي شخص.

وفي تلك اللحظة، دلف أحد الأطباء إلى غرفة العناية المركزة وهو ينظر إليهم وأغلق الباب خلفه بهدوء. ثوانٍ واقترب من سرير أسماء ووضع يده على رأسها وهو يقرأ عليها بعض الكلمات ليسمع من بعدها تأوهًا يصدر منها. ابتعدت عنها وهو يتصنع أنه يضع لها المحلول. حركت أهدابها أكثر من مرة لتعتاد الإضاءة وهتفت: أنا فين.. آآه.. ماما! نظر

لها بشوق حاول إخفاءه وهتف: اهدى يا فندم، انتي في المستشفى، حمدلله على سلامتك، بعد إذنك أبلغ أهلك حضرتك. أومأت له بتعب وهي تتنفس بصعوبة. خرج الطبيب وهو يبتسم للجميع: الآنسة اللي جوا فاقت وبتنادي على والدتها. وقف الجميع وهم يهرولون إليه بعدم تصديق. اقتربت منه رهف ببكاء: أنا والدتها، أبوس إيدك دخلني ليها لو سمحت. ابتسم لها بعيون غامضة: اتفضلي يا فندم. دلفت رهف وحاول الجميع الدلوف معها،

ولكن الطبيب منعهم: لا، شخص واحد بس، لأن المريضة تعبانة لسه. جلس الجميع ينتظرون خروج رهف، بينما دلفت رهف وهي ترقد اتجاه ابنتها التي تنام بتعب. أخذت تحتضنها وتقبل وجهها ويدها ببكاء: انتي كويسة؟ طمنيني عليكي يا قلبي! أسماء بتعب وهي تبعد جهاز الأكسجين عن فمها لتستطيع التحدث فهتف الطبيب: لا، متخليش الجهاز لو سمحتي. وضعته رهف لها مرة أخرى: اهدى يا حبيبتي، انتي كويسة، قوللي حاجة وجعاكي؟ نفت أسماء برأسها

فابتسمت لها رهف بدموع: الحمدلله يارب، الحمدلله إنك كويسة. نظرت رهف إلى ذاك الطبيب بهدوء. فقترب من أسماء ووضع لها مهدئ في المحلول فغابت عن الوعي. وقفت رهف وهي تملس على رأس ابنتها بحنان. بينما شعرت رهف بأنفاس حارة بالقرب من وجنتيها فالتفتت بجانبها فرأته ذاك الطبيب الذي ينظر لها بنظرات اشتياق لم تتبينها رهف في عينيه. حمحمت رهف وهي تهتف: هي كويسة؟ ابتسم لها بوسامة: آها كويسة! متخافيش على أسماء، هتكون كويسة.

نظرت له رهف باستغراب من لهجته وعزمت على الخروج. فأوقفها وهو يمسك يدها برقة بالغة: رايحة فين يا رهف؟ وحشتيني. اتسعت عيناها بغضب: انت إزاي تمسك إيدي كدا وتعرفني منين عشان تكلمني بالطريقة دي؟ انت اتجننت؟ ثم أبعدت يده عنها بعنف وكادت أن تخرج فأوقفها باحتضانه لها من الخلف وهو يهمس بحرارة بجانب أذنيها: ررهف... أصاب جسدها قشعريرة، اتسعت عينيها بدموع تنهمر بشدة.

هي تشعر بنفس إحساسها مع زوجها ميخائيل، نفس اللذة، نفس الأنفاس، نفس القشعريرة التي تحدث لها بسبب اقترابه منها. أغمضت عينيها وهمست: ميخائيل! الطبيب بعيون غامضة: مدام! انتي كويسة؟ اتفضلي عشان المريضة ترتاح. فتحت رهف عينيها بصدمة. أيعقل أنها كانت تتخيل كل هذا؟ ابتسمت باستحياء وخرجت سريعًا والغضب يتأكلها. كيف تتخيل رجل آخر غير زوجها ميخائيل؟ كيف! بينما بعد خروجها ابتسم بنتعاش لرؤيتها واحتضنها.

جميلة مثلما كانت، كأن العمر يرفض أن يترك بصماته على وجهها خشية على رقتها، بل أصبحت أجمل بكثير عن السابق ولم ينقص من جاذبيتها شيء. اقترب من أسماء وهو يقبل رأسها بحب: وحشتيني يا سمسمه، ياا امتى أقدر أظهر في حياتكم وأعرف أضمكم لقلبي! تنهد بحب وهو يخرج من الغرفة وينظر باتجاه رهف التي تنظر إليه بهدوء. ابتسم لهم ونظر لها بشوق ثم توجه بعيدًا عنهم. شعرت رهف بقلبها يغادر المكان، شعرت بالوحدة وشعور غريب.

وظلت تنظر إليه حتى اختفى عن نظرها. كانت تود لو توقفه، تهتف له لا ترحل. نزلت دمعة هاربة من بحور عينيها فأزالتها سريعًا قبل أن يلاحظ أحد. اقتربت منهم منار التي رقدت اتجاههم ببكاء: طمنوني أسماء عاملة إيه؟ هي كويسة؟ ابتسمت لها رهف وهي تمسح دموعها: متعيطيش، الحمدلله بقت كويسة يا منار. منار بفرحة: الحمدلله إنها بخير، ألف حمد لك يارب وشكر، الحمدلله. وحمد الجميع الله على تعافي صغيرتهم أسماء من الغيبوبة.

رغم أنها صدمة لهم كيف تستيقظ منها بتلك السرعة، فالغيبوبة تستمر لمدة لا يعلمها إلا الله. وفي ذاك الوقت أتى شاب مراهق في الثامن عشر من عمره وهو يهتف: ينفع تجري كدا؟ ابتسمت له منار وهي تهتف: معلش يا سامر، بس بنت خالتك مقدرش أقعد وأسيبها. أمال فين أخوگ ساجد؟ ابتسم سامر وهتف: بيركن العربية وجاي. ثم نظر إلى خالته رهف واحتضنها: ألف سلامة على أسماء يا خالته. ابتسمت له رهف: الله يسلمك يا حبيبي.

ابتعد عنها ثم اقترب من الجميع وهو يحييهم جميعًا. وجاء أيضًا شقيقه ساجد ورحب الجميع بهم. جلس طيف بغضب أمام ميخائيل وهو يهتف: ميخائيل، أنا زهقت من اللعبة دي، انت معاك حاجات كتير ممكن ننتقم منه بيها، وأول حاجة إنه تابع لمارسوا، أنا مش قادر أتعامل مع أسماء ونظرات الاتهام اللي في عيونها ليا، مش قادر أستحملها. جلس ميخائيل بابتسامة: وانت فاكر إني قادر أستحمل البعد عنهم؟

بس دي مش كفاية يا طيف، لازم أخرج رهف وأسماء برا اللعبة دي وبكدا أقدر انتقم منه. أنا ببحث عن الأحجار الكريمة اللي هقدر أحصنهم بيها، لازم يكون التحصين قوي عشان الملك أو التابعين لمارسوا ميأذوهمش. يا طيف، أنا مش وفي الآخر هخسر، لازم أحميهم. أسماء بتبحث عني وعايزة تنتقمك؟ ضحك ميخائيل: ومالوا، خليها تبحث عنك. ابتسم طيف: طب أستأذنك أنا بقا. على فين يا طيف؟ كشر طيف لميخائيل ثم نظر له بغيظ وتوجه إلى مكانه المحدد.

بينما ابتسم ميخائيل له وشرد في جميلته رهف وهتف متوعدًا: وعد مني هانت يا رهفي وهنجتمع تاني.