رواية اميرة ميخائيل الفصل الثامن والثلاثون 38 - بقلم ريحانة الجنة

رسالة اليوم لقراء الجزء الثاني رواية انتقام ابنة ميخائيل ... مش معنى إن حياتك مليانة صعوبات إنك شخص نحس أو حظك وحش أو إنك شخص سيئ. لا بالعكس، ربنا مش بيختبر حد بالمحن والصعوبات إلا لو كان بيحبه. إنت شخص قوي وشجاع عشان كده ربنا بيختبرك. إنت شخص مميز محتاج شوية صبر ورضا بقضاء ربنا وشوية حماس وهتوصل يابطل. تحياتي ملكة الخيال. نظرت أمامها بابتسامة عملية وهي تهتف: ورجعنالكم بعد الفاصل وهنكمل حلقتنا.

بس في البداية حابة أعرفكم على كاتبة روائية. ابتسمت بهدوء وهي تنظر لهذه الفتاة الجالسة أمامها: أحب أعرفكم بالكاتبة ملكة الخيال ريحانة الجنة كاتبة روائية. ابتسمت ملكة الخيال وهتفت: عن إذنك يا رهف ممكن أعرفهم بنفسي؟ ابتسمت لها رهف وهتفت: طبعًا، اتفضلي يا فندم. حولت نظرة الكاتبة وجهها إلى الكاميرا بابتسامة وهتفت: أعرفكم بنفسي أنا الكاتبة ملكة الخيال ريحانة الجنة كاتبة روائية.

بكتب من فترة كبيرة، الكتابة دي شغفي وهوايتي من ضمن كتير من رواياتي. ومن أشهر رواياتي رواية أميرة ميخائيل والجزء الثاني منها انتقام ابنة ميخائيل اللي خطفت قلوب أشخاص كتير قوي. حتى لو موصلتش للمليون بس فخورة بعمل من أعمالي قوي. وكتبت رواية اسمها وتعففت لأجله جزء أول وثاني. رواياتي وبلا فخر أنا ضامنة لأي حد هيقرأهم مش هيخرج غير وهو مستفاد كتيييير قوي.

أنا من النوع اللي بحب أكتب بإخلاص وحابة إني آخد حسنات كتير على أي حد يقرأ لي. مش حابة أضلل فكر أي حد وبعمل حساب إن ممكن أطفال يقرأوا لي. وبعامل الكل على إنهم أخوات ليا وإننا عيلة واحدة وهنفضل بإذن الله عيلة واحدة. رهف بعملية وتساؤل: طب ممكن نعرف إزاي بدأتِ في مسيرة الكتابة وإزاي حضرتِ الفكرة دي في ذهنك؟ والله أنا بحب الكتابة من زمان قوي من وأنا صغيرة كنت أكتب قصص أحكي قصص.

وبعدين كل ما كنت بفهم أكتر وعرفت بموضوع النشر والواتباد قررت إني أحاول أوصل للكل فكرتي. أو أعمل أي حاجة تفيد الناس حتى ولو بمجرد رواية بس هتفرق أوي. لأن الرواية اللي بنقرأها بتغيرنا أوووى وبتغير تفكيرنا. هي أصلًا عبارة عن أفكار ووجهات نظر كاتب عايز يوصلها لجمهور بس. وعلى حسب الرواية ممكن نستفاد أو نضيع ونضل الطريق الصح.

رهف بابتسامة: كلامك صح بس ممكن نعرف اسمك الحقيقي وأي أكتر حاجة بتعصبك من اسم الشهرة واللي هو ملكة الخيال ريحانة الجنة؟ أنا اسمي الحقيقي منة الله. ضحكت الكاتبة ملكة الخيال وهي تهتف: أكتر حاجة بجد بتعصبني من اسمي أو شهرتي واتباد إنه في بعض الأشخاص بيفتكروني كاتبة تانية وأنا مش بحب أتشهر باسم حد تاني. أنا حابة إني أنشهر لذاتي بس.

رهف: طيب ممكن تذكري لنا أسماء رواياتك وأي هدف كل رواية منها وهل هتكتبي بعد رواية انتقام ابنة ميخائيل ولا لأ؟ أنا مكتبتش غير روايتين ونوفيلا. الرواية الأولى وتعففت لأجله جزء أول وثاني. الرواية دي كل هدفي منها إني أوصل للبنات إن الارتباط ده شيء غلط ومحرم وإنه ليه آثار سلبية أوووى في الحاضر والمستقبل. كمان حابة أعرفهم قد إيه بعد الصبر بنلاقي العوض ومش أي عوض، لاء ده أعظم وأجمل بكتير من اللي كنا راسمينه في خيالنا.

كمان مهما زعلنا ومهما قابلتنا صعوبات أكيد هنلاقي السعادة. كمان الرواية بتبين أهمية التفاهم بين الأهل وإنه الحلال دايما بيوصلنا لبر الأمان وإنه الحرام مصيره الهلاك. أما بالنسبة عن رواية أميرة ميخائيل محبوبة الجميع واللي سردي فيها اتحسن أوى عن رواية وتعففت لأجله. هي بتتكلم عن العالم السفلي وبتوصل للكل معلومات كتير محدش كان عنده علم بيها. كمان فيها مجموعة كبيرة من السنن والأدعية.

أما نوفيلا رفيقتي في الجنة بتتكلم عن إزاي ربنا يعوضنا بصديق مخلص يوصلنا للجنة وعن الصداقة. وبتحمل قصص كتير جاية بإذن الله. آه للعلم أنا لسه مكتبتش فيها غير تقريبًا خمس بارتات وده كل اللي كتبته عشان أكون وضحت بس. رهف بفضول: طب هل هتكتبي روايات بعد رواية أميرة ميخائيل ولا هتكتفي وهل هتكون من نفس النوع؟ ضحكت الكاتبة وهتفت: آها أكيد هكتب بإذن الله. وهتكون نفس النوع رعب وغموض بس مش زيها.

هي هتكون أحلى بإذن الله وأنا اخترت الأسماء اللي اترشحت لي للأبطال وهبدأ فيها قريبًا إن شاء الله. رهف بابتسامة متحمسة: هل هتنتهي رواية رهف وميخائيل ولا هتستضيفيهم تاني في رواية من رواياتك يا كاتبة الخيال؟ قهقهت الكاتبة ملكة الخيال وهتفت: مفيش حكاية مع ملكة الخيال بتنتهي. بس عشان أكون صريحة مش حاطة ظهورهم من أولوياتي خالص بس الله أعلم يمكن.

رهف بتنهيدة: اعتبري نفسك المذيعة النهاردة وابدأي الحلقة بعنوان بئر برهوت انطلقي. نظرت الكاتبة ملكة الخيال وهي تهتف: هناخد القصة من البداية اعزائنا المشاهدين. هذا البئر يسمى بئر برهوت يوجد في وادي برهوت وتم تسمية هذا البئر نسبة للوادي. مكان هذا البئر فيه اختلاف عليه لأن في روايات كتير بتتحدث عن مكانه ولكنها روايات غير مؤكدة.

وحسب موسوعة ويكيبيديا يبلغ اتساع فجوة البئر لأكثر من مئة متر وعمق هذا البئر يصل إلى مئتين وخمسين متر. رهف بتساؤل مقاطعة للكاتبة: تمام إحنا كده عرفنا المعلومات السريعة عن هذا البئر. إيه الشيء المرعب بخصوص حلقتنا اليوم؟ ابتسمت الكاتبة ملكة الخيال وهتفت: الشيء المرعب هي القصص اللي بتتقال عن البئر وانتشرت بين الناس لأنها قصص غامضة ومرعبة وملهاش أي تفسير.

اللي هقدر أقوله للمشاهدين اربطوا حزام الأمان عشان هننطلق إلى خبايا ومعلومات بئر برهوت. يقال عزيزي المشاهد إنك لا تستطيع رؤية قاع هذا البئر إلا إذا أصبحت الشمس عمودية على البئر. ويقولوا إذا تعامدت الشمس على هذا البئر سوف ترى أفاعي عملاقة تعتبر من النوع النادر اللي ما يعيش بهذه الأماكن. وكمان هتشوف حمام لونه أبيض.

وأول قصة انتشرت عن البئر ده إنه كان فيه من زمن من الأزمان مجموعة من الأشخاص اللي كانوا بيمشوا عشان يملوا المياه من بئر رهوت في الوقت ده مكنتش في مصدر ثاني للمياه سوى الآبار. فأجبروا على ذهابهم إلى بئر برهوت. ولما وصلوا هناك ربطوا شخص منهم ونزلوا للبئر عشان يملي لهم المايه. وطبعًا فيه شخص من اللي حضروا معاه الموقف قال إنه أول ما ربطوه ونزل البئر الرجل فضل يصرخ ويقول: طلعوني طلعوني.

وباين على صوته إنه مرعوب بشكل مش طبيعي، كانوا شافوا شيء جوه البئر رعبه جدًا. الصدمة هنا إنهم أول ما خرجوا من البئر لقوا بس نص جسده النصف الأعلى والنصف الأسفل متأكل مكنش موجود والرجل كان ميت. القصة الثانية بتحكي عن امرأة كانت ترعى الأغنام في منطقة بئر برهوت وكان معاها ولد طفل رضيع. تقول المرأة دي إنها وضعت ابنها الرضيع جانب البئر وذهبت لتطعم أغنامها. ولما رجعت عشان تاخذ طفلها الطفل ما كانش موجود اختفى تمامًا.

ويقال عن هذا البئر شيء ثاني إن أرواح المعذبين هتخرج يوم القيامة منه. وإن الماء الموجود بهذا البئر طعمه حلو مع إننا عارفين إن المياه يا عذبة بدون طعم يا مالحة. شخص يدعى غثان مقبولى وهو من بعثة فيزيونية يمنية ذهب لعمل تغطية لبئر برهوت. يقول إن أكتر شيء فاجأه ومستحيل يصدقه إلا إنه شافه بعينه. يقول غثان إنه مر من جانب البئر والشمس كانت متعامدة مع البئر.

ولما بصوا لجوه البئر انصدموا لأنهم لقوا حشائش أي زرع ونباتات وسمعوا صوت تدفق المياه وكأنه في نهر بداخل البئر أو حياة أخرى بداخله. يقول إنه انصدم وسأل نفسه كيف يحدث كل هذا؟ منطقة صحراء ولا يوجد بها أي شكل من أشكال الحياة ويبقى بداخل البئر زرع ونباتات وصوت نهر. أحس إني بحلم مش بحقيقة. وطبعًا بعد ما عرفنا بالقصص اللي كانت بتتقال عن هذا البئر ننتقل للخرافات اللي كانت بتتقال عن هذا البئر.

أول خرافة يقال إنها السبب في تسمية هذا البئر. يقال إن أحد ملوك الدولة الحميرية طلب من ملوك الجن إنهم يحفروا هذا البئر عشان يخفي بيه كل الكنوز الخاصة بيه. ولما مات هذا الملك معاونيه من الجن حموا هذا الكنز. ويقال إنه اللي هيدخل هذا البئر هيموت. ومعنى اسم برهوت باللغة الحميرية "أرض الجن" أو مدينة الجن. وبسبب هذا الغموض اللي كان وراء البئر في أشخاص حاولت إنها تستكشفه.

بدأ بعض الأشخاص بستكشاف هذا البئر بيحاولوا يستكشفوا هذا البئر حتى يعرفوا أي سبب كل الغموض اللي حوالين البئر. فبدأ مستكشفون شركة خط الصحراء بستكشاف هذا البئر. فربطوا شخص وقرروا ينزلوه للبئر وكان معاه كاميرا حتى يوثق الأحداث اللي تحصل معاه بداخل البئر. وطبعًا نزل للبئر ولما وصل لعمق مئة متر بدأ الرجل يصرخ ويقول: طلعوني الآن وبسرعة. بعد ما طلعوه من البئر وسألوه ليه بتصرخ وإيه حصل لك؟

فقال: أنا داخل البئر رأيت الفتحة الخاصة بالبئر تغلق علي، وبعد ذلك أخذوا منه الكاميرا وأخذوا يتفحصون ما وثقته الكاميرا، ولكن انصدموا لأنهم لم يجدوا بداخلها أي شيء. هذه كانت بعض القصص التي انتشرت بين الناس، وبعد أن عرفنا القصص التي انتشرت بين الناس، الآن سوف نعرف ما هو رأي الدين عن هذا البئر وهذا الموضوع ورأي الرسول صلى الله عليه وسلم عن بئر برهوت.

في المراجع الإسلامية يقال إنه في داخل هذا البئر يوجد "أرواح الكفار" استنادًا إلى أحد أئمة العلم والذي يسمى بالزمخشري، وعن علي بن أبي طالب رضي الله عنه وأرضاه عندما قال: "أبغض البقاع إلى الله تعالى وادي برهوت في حضرموت فيه بئر ماؤها أسود منتن يؤوى إليه أرواح الكفار". وقد ذكرها الإمام الشافعي في مذهبه عندما قال الماء

المكروه ثمانية أنواع: "المشمس، وشديد الحرارة، وشديد البرودة، وماء ديار ثمود إلا بئر الناقة، وماء ديار قوم لوط، وماء بئر برهوت، ماء أرض بابل، وماء بئر ذروان". أما رأي الرسول فقد قال صلى الله عليه وسلم: "خير ماء على وجه الأرض ماء زمزم فيه طعام من الطعم وشفاء من السقم، وشر ماء على وجه الأرض ماء بوادي برهوت بقبة حضرموت كارجل الجراد من الهوان تصبح تتدفق وتمسي لا بلال بها".

رهف بتساؤل: ممكن بس تفهمينا أي معنى آخر جملتين لو سمحتي؟ كارجل الجراد من الهوان معناها أنه يجتمع عليها الوحوش من الهوان مثل الجراد ولا ينتفع بشيء من مائه، أما تصبح تتدفق أي تسمع تدفق الماء في الصباح وتمسى لا بلال بها يعني في المساء ولا كأنه بها ماء. توقفت الكاتبة ملكة الخيال عن الكلام،

فهتفت رهف بابتسامة عملية: الآن بعد ما روينا القصص المنتشرة بين الناس عن هذا البئر وعرفنا الخرافات المنتشرة عنه وتناولنا رأي الدين والرسول صلى الله عليه وسلم، دعونا نلتقي بكم مرة أخرى في موعد آخر بإذن الله تعالى في برنامجنا والسلام عليكم ورحمة الله وبركاته. انتهى البرنامج وأخذ يصفق الجميع ومن ضمنهم المخرج الذي يدعى كمال. ابتسمت رهف للكاتبة التي تدعى ملكة الخيال

فبادلتها الابتسامة وهتفت: تسمحي أعزمك على الغداء النهاردة حابة أتعرف عليكي أكتر ده لو معندكيش مانع؟ ابتسمت رهف وهتفت: بصراحة أنا اللي كنت عايزة أطلب منك الطلب ده من بدري بس كنت خايفة ترفضي. عموماً موافقة يلا بينا في مطعم قريب من مكان التصوير. ابتسمت الكاتبة بحماس وهتفت: يلا بينا.

أمسكت رهف بحقيبتها وتوجهت مع الكاتبة إلى خارج مدينة الإنتاج الخاصة بها واستقلت السيارة الخاصة بها بعد أن طلبت من الكاتبة أن يذهبوا معًا بسيارة رهف. جلست الكاتبة بجانب رهف وهتفت: يلا بينا. انطلقت رهف بسيارتها إلى إحدى المطاعم الهادئة على النيل وبعد قليل من الوقت دلفوا إلى المطعم فهتفت الكاتبة: باين من ذوقك إنك هادية أوي يا رهف، المكان جميل. ابتسمت لها رهف وهي تجلس على الكرسي

المقابل لها أمام الطاولة: ده من ذوق حضرتك يا ملكة الخيال. ضحكت الكاتبة بخفوت وهتفت: ممكن تناديني باسمي عادي جداً. رهف بخجل: اممم خلاص ماشي يا منه. أتى النادل في تلك اللحظة ليقطع حديثهم وهو يهتف: حضراتكم تشربوا إيه؟ نظرت له منه وهتفت: نسكافيه لو سمحت. ثم نظرت إلى رهف وهتفت: تشربي إيه؟ رهف بابتسامة: نفس مشروبك نسكافيه. دون النادل ما طلبوه وتوجه إلى الداخل.

ابتسمت رهف وهتفت: على فكرة مكنتش أعرف إن النسكافيه مشروبك المفضل زي ما بتقولي في رواياتك. افتكرتك بتضحكي. كشرت منه وهتفت: لا طبعًا. بالعكس كل حاجة بكتبها عني بتكون حقيقة، انتي عارفة إني مش بحب أكتب أي حاجة وخلاص. شردت رهف وهتفت: عارفة يا منه قصة أميرة ميخائيل دي مش مجرد حروف بس ولا مجرد أفكار زي ما انتي بتقولي، هي فعلاً مقتبسة من قصص حقيقية وكل كلمة فيها صح، بصراحة أنا معجبة أوي بيها.

ضحكت منه وهتفت: كده هتغرغر بنفسي. ضحكت رهف وهتفت: والله انتي معذبانا ومعذبة الفانز بتوعك، مش كفاية يابنتي إنك قعدتي فترة طويلة منزلتيش من الرواية.

ضحكت منه بشدة وهتفت: على فكرة بحس إنهم شوية كده وهيضربوني والله، وخصوصًا المتابعين من أصحابي ههههه. وبعدين ده بيكون غصب عني والله، أنا زي ما قولتلك الكتابة شغفي بس أوقات بيكون فيه حاجات بتجبرنا إننا منعملش الحاجة اللي بنحبها غصب عننا، ياريت تراعي كده بدل ما أسقف لكم على خدودكم. رهف بابتسامة: خلاص هي وصلت إنك تسقفيلنا، آسفين يا صلاح.

منه بابتسامة: أيوه كده ناس متجيش غير بالعين الحمرا. قاطع حديثهم النادل وهو يضع الشراب أمامهم، فاخذت منه النسكافيه وأعطت كوب لرهف وأخذت ترتشف من كوبها بتلذذ وهتفت: خدي بقا رقمي أهو عشان نتواصل مع بعض بإذن الله. *** كان يجلس على عرشه بعجرفة ثم تقدم منه الخادم وهتف: مولاي مرة هنا هجوم من الدخلاء على بئر برهوت. من قبل الملك طيف. وقف الملك مرة بغضب وعيون تتلون بلون النار وهتف بصراخ مخيف: كييييييف حدث هذا؟

أين خدام بئر برهوت؟ نكس الخادم رأسه أرضًا وهتف: تم قتلهم يا مولاي، هناك مساعد خفي للملك طيف. الملك مرة: هيا أعدوا الحراس للذهاب لملاقاة طيف، قريبًا ستكون نهايتك يا طيف. أما عند طيف، فكان يدلف إلى داخل البئر وهو يطفو وقرونه الطويلة السوداء تقطر دماء. اقترب من المكان التي تسجن به حبيبة قلبه أسماء هتف بجنون: أسماااء. أتى صوته كحبل نجاة لأسماء، وقفت وهي تنظر حولها بخوف: طيف! فينك يا طيف؟

اقترب طيف وهو يدلف إلى الداخل فوجدها ملقاة أرضًا مقيدة وسط هذه الأفاعي والجن الشيطاني والكثير من الأرواح الخبيثة، اقترب منها سريعًا بتفحص وخوف وهو يأخذها في أحضانه: أسماء أنتِ كويسة؟ طمنيني، في حاجة حصلت معاكي؟

انتفض جسد أسماء من شدة الصرخة التي سمعتها من قبل تلك الأفاعي والأرواح التي آوت إلى داخل البئر، فأغمض طيف عينيه بقوة وهو يتمتم بمزيد من الكلمات التي نقلتهم إلى خارج البئر. جلس ثم أخذ أسماء في أحضانه بجانب فتحة البئر، أخذت تبكي بشدة وجسدها الهزيل يرتعش، بينما اقترب طيف بأنفاسه الدافئة من جانب فمها وهو يهمس:شششش، كل حاجة انتهت، ما تخافيش، اهدي يا أسماء. أخذت أسماء تبتعد عنه وهي تضربه

بيدها بضعف وتصرخ به بعجز: مافيييييش حاجة انتهت، بالعكس إحنا لسه في بداية النهاية يا طيف، وكل ده بسببك، انت اللي وصلتنا لكده وانت اللي خلقت الحرب، انت وبس. وقف طيف بهدوء وهتف وهو يمسك يديها الاثنين: بالعكس يا أسماء، أنا مكنتش السبب في أي حاجة، جدك مرة هو اللي عمل ده كله، وهو اللي سطّر بنفسه كل الفوضى وكل الحرب اللي انتي شايفاها. أسماء بسخرية: هتفضل تكذب لأمتى؟ انطق!

أنا تعبت منك، ده أنا سمعتك وشفتك وانت يا قادر يا جبار بمنتهى البجاحة بتعترف إنك قتلت ميخائيل وإنك ناوي تنهي عليا، عايزني أسيب الملك مرة واقف في صفك وكمان بعت حراسك ياخدوني ويرموني هنا في مكان زي ده، ودلوقتي عامل نفسك المنقذ والبطل، إيه الغدر ده؟ انطق! طيف بسخرية: هههه، الملك مرة هو اللي رماكي في بئر برهوت، هو اللي كان هيخليكي تقضي باقي عمرك في المكان ده، مش أنا. أسماء بلاش غبائك ده، بلاش.

جلست أسماء أرضًا وهي تبكي بشدة وتضع يدها على وجهها بضعف. حاول طيف أن يقترب منها ولكن سمع أبغض الأصوات إلى قلبه وهو يقترب بخبثه: ما تبكيش يا بنتي، حتى لو والدك مات، أنا هفضل أحميكي لحد ما أموت. هو فاكر إنه لما يسجنك في بئر برهوت إني مش هعرف أوصلك، لكن لا والف لا، أنا هنهي حياته اليوم.

فتحت أسماء عيونها على جدها الذي يدعى الملك مرة بحزن وهي تراه يقترب منها ويأخذها داخل أحضانه والجنود يقاتلون ضد الملك طيف، وما هي إلا ثوانٍ ورأت عدد خدام الملك مرة يتزايدون ويهجمون على طيف الذي ضعف جسده من كثرة الجروح. شعرت بثقل رأسها وفقدت وعيها، وآخر ما رأته هي نظرات طيف التي تمتلئ بالخوف عليها، ولكنها أقنعت نفسها إنه بيلعب فقط بمشاعرها، هو خادع وخائن. صرخ طيف بجنون وخوف على وحيدة قلبه: أسمااااء! أسماااااء! فوقي!

أنا معملتش كده، أنا ما أذيتكيش. هقتلك يا مررررررررره، نهايتك على إيدي يا خائن يا ملعون. ضحك الملك مرة بجبروت وهتف: ارموه في السجن مكان حبيبت قلبه هههههههه. ثوانٍ واختفى الملك مرة وعم السكون، ولكن لم يزل حينما قطعه طيف بزمجرته المخيفة والمتوعدة للملك مرة، وحينها كان يراقب من بعيد ميخائيل الذي يتابع بابتسامة مخيفة. حان الآن موعد الدمار. ***