رواية انت نوري الفصل الحادي والعشرون 21 - بقلم شيماء حمادة

محمد بيفتح الباب وبيتصدم لما بيشوف نور هي اللي بتخبط. محمد وهو بيبص على السلم يشوف في حد ولا لأ: "أنتِ إيه اللي جابك هنا؟ نور بتوتر: "طيب دخليني وبعدين نتكلم." محمد: "تدخلي فين؟ أنتِ اتجننتي؟ نور: "عايزة أتكلم معاك." محمد: "مفيش كلام بينا يا دكتورة، أنا مجرد مريض عندك." نور بحب: "عمرك ما كنت مريض عندي وأنت عارف كده كويس." محمد ببرود: "أنتِ عايزة إيه دلوقتي؟ نور: "نتكلم." محمد: "طيب انزلي استنيني تحت، هلبس وهاجي لك."

نور: "ماشي متغيبش." وبتنزل. *** في دهب، بتوصل العربيات اللي فيها آدم وفتون ويحيى وفيروز. فتون بانبهار: "واو، دهب! آدم بيكون فرحان عشانها. فيروز أول ما بتنزل من العربية بتشم نسيم البحر. فيروز بفرحة: "الله، هو إحنا فين؟ يحيى: "دهب يا روحي." آدم: "يحيى، إحنا هنطلع نرتاح بقى." فتون: "لا ونبي أنا عايزة أنزل البحر." آدم: "أنا تعبان دلوقتي، أرتاح شوية وتنزل زي ما أنتِ عايزة." يحيى: "تمام وإحنا كمان، يلا يا روحي." فيروز:

"يلا يا حبيبي." *** عند نور، بتكون واقفة ومش عارفة محمد اتأخر ليه، طيب هو هينزل ولا قالها كده عشان يمشيها بس؟ نور: "أنا هستنى شوية ولو ما جاش همشي." شاب: "ما ينفعش، أنا مكانه." نور بتبص له بقرف وبتمشي. الشاب بيمسك إيدها: "تعالى بس والله هبسطك." نور: "أنت اتجننت؟ سيب إيدي يا حيوان." الشاب: "طب وليه الغلط ده؟ نور بتحاول تشيل إيدها من إيده بس هو بيمسكها جامد وبيقول: "تعالى بالذوق أحسن ما أجيبك بالعافية."

نور بتصوت لما بتفقد الأمل إنها تهرب منه. الشاب: "كده طيب؟ وبيحط إيده على بقها وبيشدها لشارع ضلمة. بس فجأة بيجي محمد وبيضربه ويخدها منه. الشاب بيطلع مطوة من جيبه وبيضربه في بطنه وبيطلع يجري. نور بدموع: "محمد! محمد أنت كويس؟ محمد بوجع: "آه كويس، تعالي اسنديني." نور: "لا ما ينفعش تتحرك، أنا هتصل على الإسعاف." محمد: "لا مش مستاهلة." نور بتعيط: "هو إيه اللي مش مستاهلة؟ أنت مش شايف الدم؟

نور بتتصل على الإسعاف، والإسعاف بتيجي وبتنقله المستشفى، ونور بتكون معاه ومبطلتش عياط. بعد وقت قصير الدكتور بيطلع من الأوضة اللي فيها محمد. نور بتجري عليه بلهفة: "خير يا دكتور؟ ماله؟ هو كويس صح؟ الدكتور بابتسامة: "هو جرح سطحي، شوية وهيفوق من البنج." نور بلهفة: "ممكن أدخله؟ الدكتور: "آه تفضلي." نور بتزقه من على الباب وتدخل بسرعة وهي لسه بتعيط. وبتروح تحضنه بس بتخبطه في الجرح من غير ما تقصد. محمد بوجع: "آآه." نور:

"أنا... أنا آسفة ما كنتش أقصُد. هروح أنادي الدكتور." وبتقوم بس محمد بيمسك إيدها بيقعدها. محمد بابتسامة على قلقها: "اقعدي أنا كويس." نور بتفضل تعيط وتقول: "آسفة، والله ما كان قصدي، كل ده بسببي." محمد بيزعل على شكلها: "نور اهدي، ما حصلش حاجة لكل ده. وبعدين قولي لي بقى أنتِ كنتِ جاية ليه؟ نور وهي لسه بتعيط: "كنت جاية أقولك إني بحبك ومقدرش أعيش من غيرك." محمد: "طيب ما أنا عارف." نور: "طيب ومدام عارف زعقت لي ليه؟

محمد بحب: "كان انقطع لساني قبل ما أزعق لك." نور بلهفة: "بعد الشر عليك." *** في دهب، بالضبط كده عند البحر، بيكون آدم وفتون ويحيى وفيروز متجمعين. فتون: "يلا ننزل! يلا ننزل! آدم: "ماشي يلا." يحيى: "تيجي ننزل؟ فيروز بخوف: "لا." يحيى: "ما تخافيش أنا معاكي." فيروز: "لا لا، بخاف من الماية." يحيى: "تعالي بس مش هتندمي." وبيخدها ويخليها تلمس الماية. فيروز بخوف: "ما تسيبش إيدي." يحيى: "عمري ما أقدر يا روحي." ***

عند فتون، بتكون عمالة تلعب في الماية وترش على آدم. آدم: "يا بت بطلي! فتون برضه بتكمل رش ماية. آدم: "كده طيب؟ وبينزل تحت الماية وبيغيب تحت. فتون بخوف عليه: "آدم روحت فين؟ آدم ما تهزرش! فتون: "يا آدم والله عيط، اطلع بقى! آدم بيطلع من وراها وبيشيلها وهي بتصوت. فتون بتضربه على كتفه: "قلقتني عليك! آدم: "عشان لما أقولك اسكتي تسكتي." فتون: "طيب. بس نزلني بقى." آدم: "تو." بيكمل بغمزة: "بقولك إيه، ما تيجي نرجع الشاليه أحسن؟

فتون: "لا وتلم! آدم ببراءة: "هو أنا قولت حاجة؟ فتون بضحك: "لا خالص." وبترشه بالمية تاني. آدم: "برضه؟ طب اهو." وبيرميها في الماية. فتون وهي بتاخد نفسها: "يا متخلف، الماية مالحة." آدم بسخرية: "على أساس إن اللي أنتِ بترشيني بيها ماية ورد." *** عند يحيى، بتكون فيروز متعلقة في رقبته وكل ما بيدخل بيها الماية أكتر بتتعلق أكتر في رقبته. يحيى: "يا روحي ما تخافيش كده، حاولي تستمتعي، إحنا جايين هنا عشان نستمتع بس." فيروز:

"بحاول بس خايفة." يحيى: "خلاص يلا نطلع." فيروز: "لا خلاص خلينا شوية." يحيى: "يا بنتي مش كنتِ خايفة من شوية؟ فيروز: "ما هو أنا بخاف منه بس بحبه معرفش إزاي." يحيى: "طيب تعالي نطلع نغير وناكل وبعدين ننزل." فيروز: "ماشي." *** فتون: "آدم آدم آدم! آدم بحب: "قلبه." فتون: "أنا جعانة." آدم: "أنتِ مش لسه واكلة قبل ما ننزل؟ فتون: "ما هو ما هو البحر بيجوع." آدم: "والله؟ طب قدامي يا مفجوعة هانم." ***

بيروحوا يغيروا لبسهم بعدين بيروحوا على المطعم يلاقوا يحيى وفيروز بياكلوا ويحيى بياكل فيروز في بوقها. آدم: "خاينة! بتاكلوا من غيرنا؟ يحيى: "ما حبيتش أبوظ عليكم لحظتكم." فتون: "إحنا مش هناكل بقى؟ يحيى وفيروز بيضحكوا. آدم: "عجبك كده؟ ضحكتيهم علينا." فتون: "مش مهم، المهم أنا عايزة جمبري وشوربة سي فود." آدم: "حاضر، اقعدي بس الأول." آدم بيطلب الأكل وبيبدأوا ياكلوا. يحيى بيميل على آدم وبيقوله حاجة. آدم: "تمام." فتون:

"بتقولوا إيه ها؟ يحيى: "أنت عملت إيه في البت؟ كانت هادية." فيروز: "تؤ تؤ، هي بس كانت بتدبسه وبعد كده تظهر على حقيقتها." فتون: "أخص عليكي يا واطية! بتفتني عليَّ." آدم: "والله كل اعتراضك على اللي هي فتنت بس؟ فتون: "آه طبعًا، ما هي دي الحقيقة." آدم: "والله؟ طب ما إحنا لسه فيها، ممكن أخلع برضه." فتون بتمسك السكينة: "والله؟ آدم بتمثيل الخوف: "بهزر يا أم العيال." يحيى بيلحظ حزن فيروز فبيميل عليها وبيقول:

"تعالي نتمشى شوية." فيروز بابتسامة حزينة: "يلا." *** على البحر. يحيى: "ممكن أعرف القمر زعلان من إيه؟ فيروز: "مش زعلانة." يحيى: "فيروز ما تخبيش عليَّ، شكلك زعلانة أوي." فيروز بتعيط: "كان نفسي أكون لك الزوجة اللي بتحلم بيها." يحيى بحب: "ومين قال إن أنتِ مش اللي بحلم بيها؟ فيروز: "لا، أنت شوية وهتزهق مني ومن قرفي، عاملة زي العيلة الصغيرة عايزة اللي يخدمها... يحيى بيخدها في حضنه:

"بس بس يا حبيبتي، أنتِ آه بنتوتي وحبيبتي ومراتي اللي مش هلقى زيها العمر كله." فيروز: "بس أنا خايفة." يحيى: "خايفة من إيه بس يا روحي؟ فيروز: "خايفة لتزهق مني وتسيبني وأنا ما أقدرش على بعدك." يحيى: "وأنا عمري ما هسيبك، هو في حد يسيب روحه برضه؟ فيروز: "وعد يا يحيى؟ يحيى: "وعد يا قلب يحيى." *** محمد بيطلع من المستشفى ومعاه نور وبيروحوا مطعم. نور: "هو في حد يطلع من المستشفى على مطعم على طول؟ محمد:

"مش عايز اللحظة دي تعدي." نور: "ولا أنا." محمد بفضول: "نور هو أنتِ ليه بتلبسي لِنسز؟ نور بحزن: "عشان... وبتقلع ناحية من اللنسز "أنا عيني لون ولون." محمد بإعجاب: "على فكرة جميلة ومش محتاجة لنسز." نور: "لا ونبي مش ناقصة تنمر، أنا فضلت طول عمري بيتنمروا عليَّ." محمد بحب: "ما بيفهموش يا روحي." نور: "الله، قولها كده تاني." محمد: "يا روحي وعمري وكل حاجة حلوة في حياتي، بجد أنا ما كنتش عايش قبلك." نور: "يعني نسيت فتون؟ ***

بالليل في دهب. فتون: "يا آدم إحنا رايحين فين؟ وليه رابط عيني؟ آدم: "يا ستي عامل لك مفاجأة." فتون: "طيب شيل الرباط ده مش عارفة أمشي." آدم: "خلاص يا روحي قربنا نوصل." آدم: "ارفعي رجلك عشان في سلم." فتون: "لسه فاضل ياما؟ آدم: "لا." فتون بخوف بتمسك فيه أكتر: "أنا خايفة." آدم بيوطي ويشيلها ويطلعها لفوق. *** يحيى بيكون شايل فيروز وهي بتكون مكسوفة جدًا. فيروز: "يحيى نزلني ما ينفعش كده." يحيى: "وإيه اللي هيقل نافعة يا بنوتي؟

فيروز: "الناس يا يحيى يقولوا علينا إيه؟ يحيى: "أولًا ما لكيش دخل بالناس، ثانيًا دهب ما فيهاش ناس كتير زي شرم والأماكن دي وعشان كده إحنا اخترناها." يحيى بينزلها على متن اليخت. فيروز: "هو إحنا فين؟ يحيى: "مش أنتِ قولتي إنك بتحبي البحر بس بتخافي منه؟ فيروز باستغراب: "آه." يحيى: "عشان كده أنا أجّرت اليخت." فيروز بفرحة: "الله يخت! *** عند آدم. فتون: "الله يخت! وبتتطنت وتحضن آدم. فتون: "شكرًا بجد، ده كان حلم حياتي."

آدم بسعادة: "ربنا يوفقك ويحقق لك كل أحلامك." فتون وهي بتتفرج عليه بانبهار: "الله ده جميل أوي، عملت كل ده إمتى؟ آدم: "أنا أعمل أي حاجة عشان أشوف السعادة اللي في عينيكي دي." فتون: "ربنا يخليك ليَّ يا حضابط." آدم بقرف: "إيه حضابط دي؟ فتون: "إيه يا حضابط؟ مش أنت نقيب برضه ولا بتضحك عليَّ؟ آدم: "أيوه نقيب بس... فتون: "خلاص تبقى حضابط." آدم بيمسكها من قفاها. آدم: "ونعمة لو تقوليها تاني لكون لمّيتك من هنا." فتون:

"ليه يا حضابط؟ آدم بيشيلها وبيروح بيها عند أول اليخت. فتون بضحك: "خلاص خلاص والله بهزر! آدم: "هتقوليها تاني؟ فتون بكذب: "عمري." فتون بتبعد عنه شوية وبتقول: "بقول أنت عمري يا حضابط! وبطلع تجري على الدور اللي فوق وآدم بيجري وراها. *** عند ليلى، بتكون قاعدة في أوضتها وبترسم صورة لفتون وأول ما بتخلص رسمها بتمسك فرشاة عليها لون أسود وبتمشيها على ملامحها. ليلى: "ليه ليه تاخديه مني ليه؟

ده كان حلم حياتي. أنتِ ما تستاهلوش. أنتِ مين عشان تاخدي مني؟ وبترمي الصور على الأرض وبتدوس فوقها وبتقول: "هقتلك يا فتون، هقتلك!