رواية انت نوري الفصل الثلاثون 30 - بقلم شيماء حمادة

فتون في الحمام مش مصدقة عينيها. قدامها تالت اختبار حمل، وتالتهم موجب. فتون بتعيط. هي مش عارفة هي بتعيط فرحة عشان هتجيب ابن لآدم، ولا تزعل عشان فضل 9 شهور بس وتسيبه للأبد. فتون: آآآه، تسع شهور بس. آدم من بره: فتون، مالك؟ فتون تمسح دموعها وتغسل وشها وتطلع. فتون بابتسامة مصطنعة: تسع شهور بس ويكون عندنا نونو. آدم بفرحة: إيه، بتهزري؟ فتون تهز رأسها بمعنى لأ. آدم بيشيلها ويلف بيها ويقول: أحلى خبر أسمعه في حياتي.

فتون بفرحة على فرحته: طب نزلني كده. آدم: غلط. بينزلها، وبعدين يشيلها تاني. فتون: في إيه؟ آدم يقعدها على السرير ويمشي. وبعدين يرجع. يغطيها ويمشي. وبعدين يرجع يبوس رأسها ويمشي. فتون بضحك: رايح فين؟ آدم وهو بيفتح باب الشقة: جي تاني. آدم بينزل بفرحة: ماما، بابا. رقية: في إيه يا حبيبي؟ آدم بيحضنها: فتون حمل يا ماما، حمل. رقية بتفرح لفرحته: حبيب قلبي، ألف مبروك يا روحي. محمد بيضرب آدم على قفاه.

محمد: هي أمك اللي حمل ولا مراتك؟ آدم وهو حاطط إيده على قفاه: مراتي. محمد بغيره: أمال حضن أمك ليه؟ آدم: والله ابنها، ومصحف ابنها. حد بيغير من عياله؟ يحيى: مبروك يا آدم. آدم: الله يبارك فيك. فيروز: أنا هطلع أبارك لها. آدم: تمام، المفتاح في الشقة، ادخلي على طول. متقومهاش. فيروز بتبتسم: حاضر. رقية: استنى، خدني معاكي. محمد: وأنا؟ آدم بيمسكه من إيده: من غير أحضان يا بابا. محمد بيضحك وبيحط إيده على كتفه: ماشي يا خويا.

يحيى: اشمعنى حضنت مراتى، لأ لازم تحضنها هي كمان. آدم بغيره: يحيى، اتلم. يحيى: انت هتعلي صوتك عليا؟ يلا، انت نسيت نفسك ولا إيه؟ محمد: باااااس، في إيه؟ عند عمر. عمر: الو. عبد الله: الحمد لله يا عمر، خير؟ مش بترن غير لو في مصلحة. عمر بيضحك: أنا لأ أبداً، أنا بس. عبد الله: أيوه، انت إيه؟ عمر: عايز ليلى. هي خلصت امتحانات البارح، وأنا حجزت لها في الطيارة النهارده. عبد الله: برضه مصمم. عمر: معلش يا خالو. عبد الله: هي عارفة؟

عمر: لأ، هي مش راضية ترد عليه، ما انت عارف. عبد الله: هي معاها حق. عمر: لما تيجي أنا هصلحها. عبد الله: تمام، سلام يا مصلحجي. عمر بيضحك: سلام. عند نور. بتكون بتحضر الغداء وهي لابسة برمودا وبتدندن. محمد بيقف يتفرج عليها شوية، وبعدين بيدخل. محمد: أسعد. نور مش بترد. محمد: كفاية بقى يا نور. ولا انتي عاجبك كسرتي؟

وقدامك أنا بقيت بتذل عشان أصلحك، وانتي مش معبرة. عارف إن اللي عملته غلط وجرحك، بس والله أنا انجرحت لما شفت دموعك. بس شكلي كنت غلط لما فكرتك بتحبيني. اللي بيحب بيسامح. (بيكمل بسخرية) ياحبيبتي. بيسيبها وبيطلع من البيت بحالة. نور بتقعد على الأرض وتفضل تعيط، وبتقرر إنها تسامحه لأنها فعلاً بتحبه، ومتعذبة في البعد ده أكتر منه. عند فتون. آدم: أنا رايح الشغل يا حبيبتي. خلي بالك من نفسك. فتون: حاضر يا حبيبي، تيجي بسلامة.

فتون بتأكد إن آدم طلع، بتمسك التليفون وترن على حد متسجل بـ "يموش ♥️". فتون: الو. الشاب بلهفة: إنتي كويسة؟ فتون: عايزة أقابلك. الشاب: تمام، أنا في العيادة. فتون: تمام. فتون بتقوم تلبس وتنزل تروح له العيادة. عند فيروز. بتكون ماسكة المشط في إيدها وتروح عند يحيى. يحيى بيبصلها برفع حاجب: نعم؟ فيروز بتقعد على رجله وتديله المشط. فيروز: سرح لي. يحيى بيديها المشط: قومي يابت من هنا.

فيروز: ونبي يا حبيبي، انت ما سرحتش ليا من زمان. مش بتقول إن أنا بنوتك؟ يلا سرح لي. يحيى بياخد منها المشط: بتسبتيني إنتي كده؟ فيروز: اممم. يحيى: ماشي يابنوتي، عايزة أعملك ديل حصان ولا زغرورتين زي العيال الصغيرة؟ فيروز: متتريقش عليا. يحيى بيعمل لها زغرورتين ويبوسها من خدها: خلصنا يا قلب بابا. فيروز بتحضنه وتنام على صدره. يحيى: إنتي استحلاتي بقى؟ فيروز: بصراحة، حضنك حلو أوي. يحيى لسه هيبوسها، فيروز بتقوم تجري عشان ترجع.

يحيى: الله يقرفك. فيروز من الحمام: بدل ما تقول لي ألف سلامة. يحيى: ألف سلامة يا بطة. فيروز بتطلع من الحمام وترجع في حضنه تاني، بس المرة دي بتعب. فيروز: لأ، قولها بنفسي. يحيى بيحضنها أكتر ويبوس رأسها: ألف سلامة عليكي يا حبيبتي. فيروز بتنام في حضنه. يحيى بيشيلها ويحطها على السرير. في العيادة. فتون بقلق: أنا... أنا. الشاب: إنتي إيه؟ فتون: أنا حامل. بينزل الخبر زي الصاعقة عليه. الشاب: إنتي بتهزري، صح؟ فتون: لأ.

الشاب بعصبية: إزاي؟ مش أنا محظرك؟ إزاي تعملي كده؟ فتون بعياط: أعمل إيه؟ آدم نفسه في عيال. الشاب: يولع هو. إنتي فهمتي إنتي عملتي إيه في نفسك؟ فتون: خلاص بقى يا معاذ، أنا اللي فيا مكفيني. معاذ: الولد ده لازم ينزل. فتون بسرعة: أكيد لأ، مقدرش أعمل كده. إنت مشوفتوش كان فرحان إزاي؟ معاذ: تاني يا فتون؟ بتخلفي وعدك معايا تاني؟ فتون: معلش، بس إنت لو كنت شوفته وهو فرحان ماكنتش قلت كده. معاذ: هيبقى مبسوط لما يشوفك وإنتي في ك...

مش بيقدر يكملها. فتون، إنتي لازم تقوليله. فتون بسرعة: لأ، ونبي مش لازم يعرف. معاذ: لو مقولتيش له، أنا اللي هقوله. فتون: إنت كده اللي هتخلف وعدك معايا. معاذ: إنتي حرة يا فتون، أنا بجد زهقت منك. مهما قولت مش بتقتنعي. فتون: شكراً جدا جدا يا معاذ. أنا ماشية بقى. بليل في بيت محمد راشد. نور بتكون قلقانة على محمد وخصوصاً إن الوقت اتأخر وهو مش بيرد على التليفون. بس بيقطع تفكيرها صوت تخبيط جامد على الباب.

نور بتلبس الإسدال بسرعة. نور من ورا الباب: مين؟ مصطفى: أنا مصطفى يا نور، افتحي. نور بتفتح وبتشهق أول ما بتشوف مصطفى ساند محمد، وبيبان عليه إنه مش في وعيه. مصطفى: اهدى، مفيش حاجة. مصطفى بيحطه على الكنبة. نور: هو لسه بيشرب؟ مصطفى: لأ والله، معرفش إيه اللي خلاه يرجع القرف ده تاني. محمد بيخترف باسم نور. مصطفى: على فكرة هو بيحبك. نور بحزن: وأنا كمان، والله. مصطفى: طول الطريق بيخترف باسمك وعايزك تسمحيه.

بيسكت وبعدين يكمل: أنا آه معرفش إيه المشكلة (مش بيرضى يقول لها اللي هو عارف عشان ما يجرحش مشاعرها) ، بس اللي عرفه إنه ندمان بجد وبيحبك بجد. حاولي تديله فرصة تانية. نور بتكون بتعيط. مصطفى: أطلعه فوق قبل ما أمشي؟ ولا إيه؟ نور: لأ، شكر جدا ليك. مصطفى بيمشي، ونور بتفضل قاعدة جنب محمد وبتعيط وتقوله: والله مسمحاك، برغم إنك كسرتني وأوجعتني أوي، بس أعمل إيه؟ بحبك. بس برضه على إنك رجعت تشرب تاني.

لسه هتقوم من جنبه، محمد بيمسك إيده. محمد: خليكي جنبي. نور: تعالى نطلع فوق. محمد: تعالي، نامي هنا. وبيسيب لها إيده. نور بتروح تنام في حضنه وتحضنه جامد. الصبح. محمد بيصحى من النوم ودماغه مصدعة جداً. بيستغرب لما بيلاقي نور نايمة جنبه وحضناه. محمد بيبوسها من راسها وبيقول: امتى تسامحني بقى؟ وبيحاول يقوم من غير ما يصحيها، بس بتصحى. نور بلهفة: إنت كويس؟ محمد بابتسامة: أه.

نور بتقوم تدخل المطبخ وتعمل كوباية قهوة وتحطها قدامه على الترابيزة. محمد: إيه ده؟ نور: قهوة عشان الصداع اللي عندك. وبتمشي. محمد بيمسك إيدها. محمد: مش ناوية تسامحيني بقى؟ نور: سامحتك. محمد بيشدها ويقعدها على رجله: واللي بيسمح بيكون ضرب البوظ ده. نور: أه، وبعد كده. ولسه هتقوم، محمد بيلف إيده حوالين وسطها. محمد: كفاية والله، معتش قادر على بعدك. نور بعياط: أنا بحبك أوي يا محمد.

محمد بيمسح دموعها: وأنا كمان والله. وبعدين، اللي بيحب حد بيعذبه كده؟ ده إنتي ذللتيني. نور: ولسه حسابك على الزفت اللي شربته امبارح، ومتقولش غصب عني. محمد وهو بيدفن رأسه في رقبتها: حاضر. نور بتوتر: محمد، إنت بتعمل إيه؟ محمد مش بيرد، بيبوسها من كل حتة في رقبتها وبيطلع على وشها. نور بتبعد وبتقول بترجي: محمد، أنا هثق فيك. محمد بحب: وأنا عمري ماهخون الثقة دي. وبيشيلها وهي بتلف إيدها حوالين رقبته، وبيطلع بيها الأوضة.

(كفاية علينا كده بقى، وصلنهم لحد الأوضة) وتبدأ رحلتهم الأولى في عالمهم الجديد. بليل في بيت عمر. بتوصل ليلى من السفر وبتدخل من غير ما تتكلم. عمر بيسلم على ندى وآيسل، وبيسيب عمر. عمر بجدية برغم حزنه عليها: هتطلعي أوضتك، هتلاقي فيها كاميرات مراقبة، وكمان الدوا هيدخل لك الجرعة بتاعته، بس مش هتاخدي دوا زيادة طبعاً. وكمان مفيش أي حاجة حتى هتدخل لك الأوضة، تمام؟ ليلى بتبص له برفع حاجب وتسيبه وتمشي.

عمر: صحيح، مش معنى إني مجبتش سيرة الجواز إنها طلعت من دماغي. لأ، أنا بس بعيد تفكير، وممكن أقولك في أي وقت جهزي عشان كتب الكتاب. آيسل: يلا يا بابا بقى. ندى: مش هتجي معانا يا ليلى؟ ليلى: هتروحوا فين؟ ندى: فيروز حامل هي وفاتون، هنروح نبارك لهم. ليلى بتسمع اسم فتون ومش بتقدر تنطق. عمر بينقذ الموقف: سبيها، اتلقيها تعبانة من السفر. ندى: تمام، الأكل عندك في الأوضة. في بيت الدمنهوري. ندى بتروح بتلاقي البيت هادي جداً.

ندى: ماما. رقية: تعالي يا حبيبتي. عمر: أمال فين؟ رقية: كل واحد خد مراته وحبسها في الشقة من ساعة ما عرف إنها حامل. عمر بيضحك: خلاص، نجلهم يوم تاني. عند ليلى. بتدخل أوضتها وتفطر، تعيط. ليلى: ليه؟ ليه كده يا آدم؟ ليه مش حاسس بيا؟ ليه؟ ياريتني ما حبيتك، ياريتني ما حبيتك. يارب، أنا عايزة، يارب، حتى لو هكون زوجة تانية، أنا موافق، بس أكون معاه. ليلى بتفتكر كلام فتون ليها قبل ما تسافر. (فلاش باك)

ليلى: بتكون دافنة وشها في المخدة وبتعيط. فتون: بتحبيه؟ ليلى بتوتر: لأ. فتون: هو مين؟ فتون بحزن: إنتي عارفة أنا قصدي على مين. متكدبيش عليا. ليلى بتعيط وعصبية: أه، بحبه. هتعملي إيه يعني؟ مخلص بقى ليكي إنتي، حرامية. فتون بصدمة: أنا؟ ليلى: أه، سرقتي قلبه وعقله، خليته ميشوفش غيرك. أنا بكرهك، بكرهك. فتون مش بتقدر تستحمل وبتطلع وهي عمالة تعيط. (فلاش باك) ليلى بعصبية: بكرهك، بكرهك يا فتون. تاني يوم الصبح. نور بتصحى بنرفزة.

نور: يا محمد، حرام عليك. عايزة أنام. محمد: الناس بتقول صباح الخير، مش بتقوم تزعق. نور: ده لما بيناموا. أنا من امبارح الصبح منمتش. محمد بيرجع ظهره على السرير: ما تنامي، حد حاشك. نور: ياسلام. ما إنت لو تبطل قلة أدب شوية، هنام. محمد: اممم، بس أنا مش عايز أبطل. نور: بارد. محمد: أقول إيه؟ نور: مقولتش. محمد: طيب، تعالي. نور بخوف: فين؟ محمد بيضحك وبيشدها لحضنه. محمد: إيه رأيك نروح شهر العسل شرم الشيخ، وبره مصر؟

نور بتفكير: شرم؟ محمد بيبوسها من خدها: تمام. نور بتحذير: محمد. محمد: ورحمة أمي، ما أنا سيبك. يبقى حد معاه القمر ده وينام؟ وبيقرب منها ويبوسها، ثم يذهبان إلى عالمهم الخاص. عند فتون. بتصحى وتلاقي آدم بيلبس ورايح الشغل. فتون: آدم، ونبي متسبنيش. آدم بيقلق عليها: مالك يا حبيبتي؟ إنتي تعبانة؟ فتون: لأ، هو لازم أكون تعبانة عشان متسبنيش؟ آدم: أنا ورايا شغل ولازم أمشي. فتون: خد إجازة، ونبي، لحد ما أولد. مش عايزة أبعد عنك.

آدم بيقلق أكتر من كلامها، بس بيقرر ياخد إجازة، حتى لو ده هيخليه يتفضل من الداخلية. في شرم الشيخ. نور بانهيار: واو، إيه المكان التحفة ده. وبعدين بتبص على البنات ولبسهم. نور: إيه المكان اللي يقرف ده؟ محمد: هو إنتي عندك انفصال في شخصية؟ مكان عاجبك من شوية. نور بغيره: إنت مش شايف البنات عاملين إزاي؟ ولا لبسهم؟ محمد بيحضنها: متخفيش يا حبيبتي، مش هبص على غيرك. نور: وعد؟ محمد بحب: وعد، يا روحي. بس البسيلي زيه. نور: اتلم.

محمد بضحك: حاضر. نور: يلا ننزل البحر. محمد: يلا نغير وننزل. في البحر. نور بتكون فرحانة جداً. محمد: مس خايفة؟ نور: تو، مس هخاف طول مانت معايا. محمد بحب بيحضنها ويبوسها: ربنا يخليك ليا. نور: محمد، اتلم، الناس. محمد وهو بيقربها ليه أكتر: يوه، مراتي وأنا حر. نور بخجل: مش قدام الناس كده. محمد بيشيلها: طيب، تعالي بعيد عن الناس. نور: على فين؟ محمد: الأوتيل. بعد مرور 3 شهور، وخصوصاً في شهر رمضان.

فيروز بتكون في الشهر الخامس، وفتون في التالت. عند آدم. بيكون نايم. فتون بتصحيه: آدم، دومي، آدم، يا آدم. آدم بنوم: اممم. فتون: أنا جعانة. آدم: روحي كلي وحلّي عني. فتون: ما أنا مكسوفة أنزل آخد أكل من تحت. آدم: فتون، أنا عايز أنام. فتون: طيب، انزل هات لي أكل. آدم بيقوم: الله مطولك يا روح. بينزل يجيب لها الأكل ويرجع. آدم: امسكي يا كسيفني. فتون: وكلني. آدم: لحظة، إني صايم. فتون بدلع وحزن مصطنع: خلاص، مش هاكله.

آدم بتنهيدة: خلاص، تعالي، متزعليش. فتون بتجري وتقعد جنبه. آدم بيمسك الشوكة. فتون: لأ، بيدك. آدم: لأ، كده كتير، أقسم بالله. فتون: خسارة عليك يا دومي. آدم: ياحبيبتي، إنتي فاطرة؟ هتفطريني معاكي ليه؟ فتون: مين قال إني هفطرك؟ آدم: لما إيدي تلمس شفا*يفك الحلوة دي، وأنا أصلاً مش بقدر أقوم من غير ما ألمسها، مبالك بقى لما ألمسها، هفطر ولا لأ؟ فتون: اممم، تصدقي، صعبة عليا. آدم: شوفتي، أنا غلبان إزاي؟ فتون: بس برضه، وكلني.

آدم: تعالي يا آخرة صبري. وبيقعد قدامها ويوكلها. فيروز: يحيى، يا يحيى. يحيى بيكون بيتكلم في التليفون. فيروز: يويو. يحيى بيحط إيده بسرعة على السمعة: بتكلم، استني. فيروز بزعل مصطنع: اخس عليك يا يحيى. يحيى بيرجع يتكلم في التليفون: الو، معلش، هرن عليكي كمان شوية. فيروز بغيره: مين اللي هترن عليها؟ يحيى بيكذب: عليا. فيروز: لأ، قلت عليها يا يحيى، أنا سمعتك. يحيى بيغير الموضوع: إنتي كنتي عايزة إيه؟ إيه شعرك متنحكش كده ليه؟

تعالي سرح لك. فيروز: يحيى، غير الموضوع، مين دي؟ فيروز بغيره: وهي الدكتورة عايزة إيه منك؟ يحيى: بتسألني على حاجة تبع شغل، والله. فيروز: مفيش غيرك يعني؟ يحيى: يمكن عشان أنا المدير، يعني. وبعدين، لو بخونك، هخونك في أوضتك؟ وكمان في رمضان؟ فيروز بتخبط المشط جامد في إيده: طيب، خد سرح لي. يحيى: من عيوني، بس اضحكي. فيروز بتبتسم ابتسامة باردة. يحيى بخبث: خلاص، خليكي زعلانة لحد بليل عشان أعرف أصلحك. فيروز: سافل.