رواية انت نوري الفصل الحادي عشر 11 - بقلم شيماء حمادة

فتون: لا، مستحيل. إياد: هو أنا هاكلك؟ أنا عايزك في شغل على فكرة. فتون: مش هطلع. إياد: بالليل إيه؟ الشمس لسه طالعة. فتون: الجامع بيأذن. إياد: شفت المغرب أذن أهو. إياد بنفاذ صبر: فتون بطلي شغل العيال ده. فتون: طيب، أنت فين؟ إياد: تحت بيتك، انزلي. فتون: ما تطلع، اقفلي لي. إياد: مش هينفع اطلع وأنتي ومرات أبوكي لوحدكم. فتون باستغراب: لا، بابا هنا. إياد: باباكي لسه نازل. فتون: راح فين؟ إياد: وأنا مالي أمه؟ هو راح فين؟

ماتنجزي يا فتون، دي شكلها مهمة زفت على دماغي. فتون باستغراب: مهمة؟ مهمة إيه؟ إياد بيجيب آخره: خمس دقايق وتكوني عندي. وبيقفل في وشها. فتون: هو ماله عصبي كده ليه؟ وبتحط حجابها على شعرها وتنزل. عند معتز، بيكون سائق العربية وجنبه مليكة اللي بان عليها الوجع. معتز بيوقف العربية قدام بيت محمد راشد. مليكة وهي مش عارفة تتكلم من البنج: شكراً، تعبتك معايا. معتز بيضحك على شكلها وخدها الورم وطريقة كلامها غصب عنه.

مليكة بتبصله بضيق: بتضحك على إيه؟ معتز وهو مبتسم: لا، مفيش. قولي خمسة ستة كده. مليكة: خم... إيه العبط ده؟ أنا بقول إيه. معتز: سلام، وسلم لي على بابا. مليكة بتهز رأسها. بيشغل العربية ويمشي. في بيت الدمنهوري. آدم بيطلب إيد جوري. يحيى: مبدئياً، أنا مش موافق، بس الرأي رأي جوري. آدم باستغراب: مش موافق ليه؟ يحيى: كده بقى ابن الـ*** بتاع البنات ده يتجوز بنتي. آدم: طيب، لحظة إنك بتشتمني. يحيى: وإيه يعني؟ عندك مانع؟

آدم لسه هيرد. أسر بيقطعه باستعجال: طيب، خد رأي جوري يا عمي. يحيى بينادي على جوري اللي بتكون واقفة ورا الباب وهتموت من الفرح. يحيى: إيه رأيك؟ جوري بخجل: اللي تشوفه يا بابا. يحيى بخبث: تمام، يبقى طلبك مرفوض. فيروز بتدخل بالشاى. أسر بفرحة: زغرطي ونبي يا ماما. فيروز بتمثيل: هو أنا مقلتلكش. أسر بقلق: إيه؟ فيروز: أنت وجوري إخوات في الرضاعة. أسر وجوري بصدمة: إيه؟ فيروز بضحك: بهزر، بهزر. آدم مرضيش يخليني أرضعك.

أسر بيرمي بوسة لأبوها. أسر: تسلم لي يا حجوج. كله بيضحك عليه. وفيروز بتزغرط. وبيحددوا معاد الخطوبة اللي هو كمان أربع أيام.