اياد: مفيش غير حل واحد إننا نتجوز. روان: إيه! اياد: ده الحل الوحيد لو عايزة تدخلي الكلية. روان بتفكير: وأنا موافقة بس بشرط. اياد: إيه؟ روان: هنتطلق بعد أربع شهور. اياد ضحك: طبعًا هنتطلق، مين قال إننا هنكمل جوازنا؟ *** عند زين وأميرة. وصل زين وأميرة القصر. نزل زين ودخل مع أميرة. أميرة أول ما دخلت شافت زياد، جريت عليه وحضنته وقالت: زياد وحشتني أوي. زياد بابتسامة: وأنتي أكتر يا رغاية.
أميرة بعدت وبوزت: أنا مش رغاية، بس اشطا مش مشكلة. صحيح، فين وعد؟ زياد بص لها بحزن وقال: هي فوق، اطلعيلها. أميرة: زعلت على اللي حصل لمامتها، خلاص هطلع وأشوفها. زياد: تمام. *** أمجد: زين اتفضل اقعد. زين: لا شكراً، عندي شغل لازم أروح. أمجد: تمام. زياد: شكرًا ليك. زين: العفو. *** عند وعد. أميرة كانت قاعدة معاها وبتحاول تكلمها كتير. أميرة: وعد، إيه رأيك تيجي معايا الجامعة؟ هنكون مع بعض وهتكملي جامعتك. وعد: لا مش حابة.
أميرة: لا هتيجي، هكلم زياد وأخليه يظبطلك كل حاجة. إنتي لازم تهتمي بنفسك وتنسي أي حاجة. صح؟ وعد بحزن: ماشي، معاكي حق. أنا مبقاش ليا حد. في الجامعة هتكون أحلى. أميرة ابتسمت وقالت: صحيح، احكيلي عن زياد. *** زياد وجده كانوا بيتكلموا في شغل مهم. قاطعهم دخول روان وإياد ماسكين في إيد بعض. أمجد بص لروان بصدمة ووشه احمر وقال: مستحيل. زياد قام وقف وقرب من إياد وقال: مين دي؟ إياد ببرود: مراتي. زياد: إنت بتهزر صح؟
مراتك إزاي يعني؟ إياد: مراتي بالشرع. زياد ضرب إياد بالقلم وقال: عشان تطلع برا البيت يومين من غير ما نعرف مكانك ترجع متجوز! إياد بضيق: أنا حر، دي حياتي وخلاص. روان بقت مراتي، صح يا جدي؟ مش هترحب بيها. أمجد بلع ريقه وقال: إزاي… إزاي ده حصل؟ إياد: قصدك إزاي روان هنا؟ عادي، قبلنا بعض واتجوزنا. روان بصت لأمجد بغضب وعينيها حمرا ومدمعة. زياد بصوت عالي: جدي اتكلم معاه. نزلت وعد وأميرة على الصوت.
وعد شافت روان وحست بحاجة غريبة و…
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!