رواية انتقام السلطانة الفصل الثالث 3 - بقلم شهد وائل

شمس بخبث: انتوا فين يا بنات؟ عايزاكم ضروري، ومحدش يعرف. ريان، خلال نص ساعة تكوني عندي، تمام؟ حور: في أي حاجة مهمة ولا تافهة؟ أصلي عارفاكي يا شمس. وأي المهم ده يعني؟ روح وضحكت: يمكن جعانة وعايزة تأكل ومش عايزة تأكل لوحدها، صح؟ شمس بخبث: بدأ العد التنازلي للانتقام، وهيبدأ من انهاردة. هفهم؟ روح بخوف: انتي بتهزري صح؟ لا أنا مش هروح. أنا بخاف منهم كلهم. قمر بزعيق: والله انتي شايفة كده يا روح؟

خوفك حاجة والانتقام منهم حاجة تانية. ماما اتعذبت بسببهم، كلنا مش هي بس. فوقي بقا من خوفك ده. شمس بحزم: قمر، مسمعش صوت روح. يا حبيبتي، ده كله عشان مين؟ عشان ماما. هي شافت كتير أوي في حياتها يا روحي، وهما كانوا أكتر ناس دمرها. ريان وداخل في المكالمة وقال بمرحه المعتاد: وحشتوني، وحشتوني يا كل عيوني. انتوا سوسو عاملة إيه؟ وانتوا عاملين إيه؟ وعمو هاني وبيجاد؟ شمس: كويسين يا حبيبي. انته عامل إيه؟

طمني عليك. مش ناوي تنزل يا ريان؟ ريان: القعدة في تركيا حلوة. مش ناويين تعيشوا معايا في تركيا بقا؟ شمس: مش دلوقتي يا ريان. المهم... وبدأت تحكي له كل حاجة من أول ما كانوا أطفال ولحد دلوقتي. ريان بغضب: أمي شافت كتير أوي بسببهم، وأنا هوريهم عذاب عيال سلطانة. والله لخليهم يبكوا بدل الدموع دم. وهعرفهم عيال السلطانة. حور: مش مهم دلوقتي الكلام ده. أنا جاية في طريقي وهعدي عليكي يا روح، آخدك، وعليكي يا قمر بمرة، وهنيجي.

ريان: وأنا أقرب طيارة هنزل فيها عشان نبدأ نلعب على أصوله مع ولاد الجزمة دول. روح: بس أكيد هما نسونا صح؟ ولا أنا غلطانة؟ وأكيد حياتهم اتغيرت.

شمس: أحب أعرفكم. مالك رفعت، شاب طايش صايع، اتخرج من تجارة بالعافية وماسك مصنع وخرب أبوه ومدمن مخدرات. مازن نفس أخوه بس العكس خالص. خده عندكم، زير نساء، سهر وشرب أربعة وعشرين ساعة. بيحب البنات جداً. وياااه لو ست كبيرة، يحب فلوسها أكتر منها. فرح أختهم في كلية فاشلة، دايماً بتشيل مادة. ده غير كمان إنها مع كل شاب شوية، ويااه لو ابن ناس ومعاه فلوس. حور: يالهوي! دول طلعوا مفيش أوسخ منهم، وحتى البنت كمان. والحج أبوهم فين؟

رفعتهم باين. نفسي أعرف إزاي ده كله؟ هو ميعرفش؟ ريان ضحك: يعرف إيه يا بنتي؟ يعرف إنه عياله كلهم حلوين كده؟ ده أنا أخوهم. واستعريت منهم. وانتي عرفتي ده كله إزاي؟ شمس: عيب عليك. بيجاد عرفني ده كله. وفي حاجة كمان قالي عليها ومش فاهمة قصده. قمر: قول يا بنتي. إيه كمان؟ العيلة دي طلعت مشبوهة، والحمد لله إننا خرجنا منها.

شمس: قالي إن مرات أبويا بتخرج من البيت في آخر الليل، معرفش بتروح فين. ولما بترجع بتكون بتجري وبتاخد نفسها بصعوبة. وكمان فرح بتخرج في ليل بلبس وترجع بلبس تاني خالص. ريان: مش محتاجة يعني يا أختي، افهمي انتي يلا. ربنا يستر علينا وعليهم. ومبحبش أجيب سيرة حد. حور: فعلاً مبتحبش تجيب سيرة حد. اقفلي أنا جايه اهو. وعدت على أخواتها وخدتهم وراحوا الفيلا. سلطانة وبتجهز الأكل مع الخدم وقالت بزعيق: مين حط شطة في الأكل؟

شمس بتتعب منها. في ثواني الأكل ده كله يتغير. انتوا فاهمين؟ وسبتهم وخرجت وهي متعصبة على الآخر. شمس: مالك يا سوسو؟ متعصبة لي؟ يا سكر، انتي في حد يقدر يزعل سلطانة؟ أكبر سيدة أعمال. سلطانة وقالت بعصبية مكتومة: الخدم حطوا في الأكل شطة، وأنا ألف مرة قولتلهم الشطة ممنوع. مبدخلهاش البيت. لا إزاي؟ لازم يجبوها في البهارات. أنا زهقت بجد. شمس: وفين طنط حسناء؟

هي كبيرة الخدم وبتعرف تتصرف معاهم. وأكيد غلطة زي دي مينفعش. ومتزعليش نفسك يا سوسو. سلطانة: مزعلش نفسي؟ ولما يحصلك حاجة أفرح أنا؟ انتوا نور عيني يا شمس كلكم نور عيني. وأخوكي اللي مسافر ده كمان بتعذب وهو بعيد. طنط حسناء: تعبت وقولتلها تروح. روح: أنا جيت جعانة موت يا ماما. عملتي أكل إيه بقا عشان الشغل كان أي ضغط. حور: انتي مش شايفة؟ بتحب في شمس ولا كأنها هي بس بنتها؟ ولا عشان الكبيرة؟

قمر: سيبكم من ده كله. بكرة الجمعة. يعني هنروح دار الأيتام عشان مروحناش مرة فاتت، وده غلط. سلطانة: محدش فيكم تابع المدارس ودار الأيتام. مفروض حد فيكم يتابع. شمس: متخفيش يماما. أنا عملت كل حاجة. لا تقلقي. والمستشفيات كمان. ربنا يجعله في ميزان حسناتك. سلطانة: يارب يا بنات. يلا الأكل جهز. اطلعوا غيروا هدومكم ونزلوا ناكل يلا بسرعة. وطلعوا البنات، وبعد وقت نزلوا كلهم وبدأوا ياكلوا، وشمس فتحت موضوع.

شمس: ماما، إحنا قرارنا ننزل البلد. نرجع حقنا منهم كلهم ونوريهم عيال سلطانة. سلطانة: لا محدش فيكم هيروح. أنا اللي هانتقم. مش عايزة أخسركم. شمس: متخفيش ي ماما. وإحنا عيالك، يعني عيال السلطانة. أكبر سيدة أعمال. متخفيش بقا. سلطانة بغضب: قولت لااااا! انتي فاهمة؟ محدش يفتح الزفت موضوع ده معايا تاني. وطلعت أوضتها. شمس وطلعت وراها وخبطت، وسلطانة أذنت ليها تدخل: ينفع أكلمك شوية يا ماما؟ ونفهم انتي رافضة لي؟

سلطانة: تعالي يا شمس. اقعدي. أبوكم أنا عارفه، وعيلتكم مش سهلة يا حبيبتي. انتوا اللي طلعت بيكم. مش عايزة أخسركم. سيبوا عليا أنا مهمة دي. شمس: صدقيني، إحنا هنعرف نتصرف. وريان نازل كمان. ثقي فينا يا ماما. ومتخفيش. عشان خاطري. سلطانة: ماشي يا شمس. بس أنا كمان معاكم. تمام؟ وأي جديد أعرف بيه.

شمس: أكيد يا سوسو. وباستها وخرجت تبلغ أخواتها. ونروح مكان تاني. كان فيه أغاني كتيرة مزعجة وبنات بترقص وخمر وحاجات كتيرة ما حرمه الله. مازن وهو سكران: أنا همشي بقا لحسن أبويا كل شوية يرن. وأنا معرفوش إني في شغل. سلام. _بدلع كدا يا ميزو؟ هتسيبني وتمشي؟ مينفعش تسيب مزتك لوحدها صح؟ مازن وبيبلع ريقه: ها؟ هجيلك بكرة يا سوزي. ماشي. سوزي وقربت منه بدلع أكتر: سوزي تزعل منك كده يا ميزو؟

ده أنا حبيبتك وروحتك كمان. مينفعش. وهعيط. هئ هئ هئ. مازن: حقك عليا خلاص. كنسل. لابويا في داهية. تعالي ي جميل. انت وخدها وطلعوا الأوضة و فعلوا ما حرمه الله. عند مالك، كان قاعد بيشرب مخدرات، واتبعتت رسالة لي واتصدمت. وفضل يلف حوالين نفسه. واتبعتت رسالة كمان وهو خاف و...........