رواية اسلام الفصل العاشر 10 - بقلم جاسمين محمد

اسر صحي لاقي اسلام قاعدة بتعيط وعيونها حمرا. اسر بستغراب وهو ماسك راسه بوجع: "انتي قاعدة ليه كدا؟ اسلام بتعيط ومش بترد. اسر استغرب، راح قام يقرب منها. رجعت بعيد بخوف منه: "اسر ارجوك سيبني اروح." اسر باستغراب: "في ايه طيب؟ اسلام: "سيبني اروح بس ارجوك." اسر: "حاضر بس اهدي وقومي روحي." اسلام أول ما سمعت كدا قامت مشت علطول. اسر قعد على السرير ومسك راسه من الوجع وعمال يفتكر أي حصل امبارح. ***

اسلام وصلت البيت ودخلت علطول على أوضتها. وقفت الباب وترمت على السرير وقعدت تعيط وتفتكر منظر اسر امبارح. اسراء شافتها جرت خبطت عليها الباب. اسراء: "اسلام افتحي الباب في ايه مالك؟ اسلام مسحت دموعها وحاولت تعدل صوتها عشان أختها متحسش: "مفيش حاجة يا اسراء." اسراء: "مالوا صوتك متغير كدا وافتحي عايزة أتكلم معاكي." اسلام وهي بتحاول تداري: "مفيش بس شكلي داخلي برد. المهم نتكلم بعدين عشان هنام شوية معلش روحي وسيبيني."

اسراء: "اسلام افتحي وخليني أشوفك الأول." اسلام بعصبية: "خلاص بقا سيبيني أنام. مقولت اني كويسة وعايزة أنام." اسراء بحزن: "خلاص أسفة نامي أنا ماشية." اسلام حست إن أختها زعلت بس غصب عنها. قعدت تعيط وقامت طلعت لبس من الدولاب ودخلت تاخد دش. *** اسر وصل الشركة ودخل مكتبه وسيف دخل ورآه علطول. سيف: "اسر اسر." اسر بزهق وضيق: "نعم في ايه؟ سيف: "مالك كدا متغير." اسر: "لا مفيش حاجة. المهم في ايه؟

سيف: "بص يا باشا ولسه هيكمل قطع كلامهم رن هاتف اسر." اسر بيبص لاقي عمو اللي بيتصل. اسر: "سيف استنى اشوف الظ**ت عمي ده عايز ايه." سيف: "ماشي." اسر: "نعم في ايه؟ "تعالى على البيت حالا." اسر: "مش فاضي عندي شغل." "سيب شغلك وتعال حالا على البيت يا اسر." اسر بعصبية: "اتكلم عدل الأول." "أنا طول عمري بتكلم كدا ومش هغير كلامي عشان أخلص. تعال البيت." اسر بعصبية: "حاضر جاي. سلام." وقفل معاه. سيف: "في ايه؟

اسر: "معرفش عايزني في ايه بس متعصب واكيد في موضوع مهم. المهم هروح أشوف فيه ايه ولو اسلام جت ابقى عرفني." سيف بستغراب: "اممم حاضر روح." *** اسلام خلصت وطلعت من أوضتها ودخلت أوضة أمها تطمن عليها. لقتها نايمة باست راسها وطلعت. وهي ماشية قابلت اسراء. اسراء اتجاهلتها ومشت. اسلام: "اسراء أنا عارفة إنك زعلانة بس غصب عني والله." اسراء وهي مديها ضهرها: "فطارك على الترابيزة افطري قبل ما تمشي."

اسلام بحزن: "طيب مش هتلفي تبصيلي وتكلميني؟ اسراء: "أنا أروح أشوف أمي." وسابتها ومشت. اسلام طلعت راحت الشركة من غير ما تفطر. *** اسر وصل الفلة وأول ما دخل. "أهو الباشا المدلل وصل." اسر بقرف: "بلاش رغي وفيه ايه مش فاضي." "ليه يا باشا وراك ايه؟ في واحدة مستنياك ولا ايه وخايف تتأخر عليها." اسر بعصبية: "قولتلك اخلص واتكلم مش وقت وش ورغي." "حاضر يا باشا أوامرك. بص بقا ملك بنت عمتك خطيبتك صح؟ اسر بقرف: "آه."

"تمام وأي اتنين مخطوبين لازم يتكلموا مع بعض ويخرجوا عشان يتعرفوا على بعض وكدا صح ولا لا؟ اسر: "أنا محدش يعرفني الصح من الغلط وأنا نظامي كدا. عاجبها عاجبها مش عاجبها براحتها. أنا أصلا خطبتها عشان أبويا طلب مني كدا قبل ما يموت. غير كدا أنا مكنتش بصيت في وشها وكلكم عارفين كدا كويس. هي عيلة طايشة ومستهترة وأنا مبحبش البنات اللي من النوع ده. فلو مش عاجبها نظامي تفشكل الخطوبة ونخلص." ملك بعياط: "بس أنا بحبك يا اسر."

اسر بعصبية: "وأنا مبحبكيش ولا هحبك. من الآخر وفري كلامك الكتير." ملك انهارت في العياط. العم بعصبية: "اسر فرحك على بنت عمتك بعد أسبوع وهتقبلها غصب عنك وهتكون مراتك انت سامع." اسر بعصبية: "أنا محدش يتحكم فيا ويشرط عليا ويعرفني أعمل إيه ومعملش إيه." "لا أنا أتحكم. ولو مش عاجبك يبقى اطلع من البيت الشركة وامشي ومالكش أي حاجة عندي." اسر بعصبية: "وورث أبويا اللي أكلته. أسيبهولك؟

أبويا اللي تعب وعمل كل ده وجدي الله لا يرحمه كتبه كله ليك وانت أكلت حق أبويا وأنا مستحيل أسيب حق أبويا وهجيب حقه منك وأخليك تندم في يوم من الأيام يا رفعت الصاوي." رفعت: "أعلى ما في خيلك اعمله. وأنا قولت قراري. تتجوز بنت عمتك الأسبوع الجاي ولا تمشي من هنا." اسر بغضب: "مسكتني من إيدي اللي بتوجعني يعني. بس ماشي يا رفعت الصاوي موافق. بس متزعلش انت بقا من اللي هعمله." وأسابهم وطلع على أوضته وبدأ يكسر في كل حاجة من الغضب.

مي: "يا عمي مينفعش التصرف ده." رفعت: "محدش يفتح الموضوع تاني وخلصنا. وكله يقوم يشوف هيعمل إيه. اخلصوا." *** اسلام وصلت الشركة وعمالة تدعي إنها متشوفش اسر خالص. قاعدة في مكتبها وسرحانة. سيف جه من وراها. "القمر بيعمل إيه." اسلام بخضة: "زغفتني." "اسلام كويسة الحمد لله." سيف: "طيب الحمد لله. المهم بقولك صح عندنا شغل مهم لازم نخلصه عشان اسر مش هنا وعايز حد يساعدني." اسلام اطمنت أول ما

عرفت إن اسر مش هنا وبفرحة: "موافقة إني أساعدك يلا." سيف انبسط: "بجد؟ طيب يلا." وجاب كرسي وقعد جنبها وبدأوا يشتغلوا. *** اسر قاعد في أوضته ومتعصب ومسك اللابتوب بتاعه وفتحه وشغل الكاميرات بتاعة المكتب يشوف الشغل ماشي ولا فيه حاجة. وجت عينه على مكتب اسلام وبص لاقي سيف قاعد على كرسي جنبها ومقربين من بعض وعاملين يهزروا ويضحكوا. اسر غار جامد واتعصب جامد ومسك كوباية الميه اللي جنبه

ورمها على الأرض وبغضب: "بقا كدا. طيب استقبلي اللي هيحصلك يا اسلام عشان تهزري مع حد ولا تقعدي جنب حد كدا."