رواية اسلام الفصل العشرون 20 - بقلم جاسمين محمد

إسلام بعياط: اسر لا ارجوك متسبنيش وحياتي عندك قوم كلمني انت وعدتني انك مستحيل تبعد عني وتسيبني. إسلام بعياط: اسرررر لاااااا. قامت مفزوعة من النوم. أسر وأمل كانوا بيفطروا، دخلوا جري على صوت زعيقها. أسر بلهفة: مالك في إيه؟ انتي كويسة؟ إسلام حضنته على طول وبدأت تعيط. أسر حضنها جامد عشان يطمنها، وشاور لأمل إنها تطلع وتسيبهم وهو معاها. بعد دقيقتين، إسلام عياطها بدأ يخف. أسر: حبيبتي مالك؟ انتي كويسة؟ إسلام: آه.

أسر: طيب اهدي، أنا جنبك. إسلام حضنته جامد وبعياط وخوف: هو انت ممكن تسيبني في يوم؟ أسر باستغراب: لا، أنا مستحيل أسيبك أبداً، بس ليه بتقولي كده؟ احكيلي. إسلام بعدت عنه وبعياط: حلمت إنك سايبني ورايح مع ملك دي. أسر بهزار: ليه؟ هو انتي مش عايزاني؟ إسلام: آه مش عايزاك، بس برضه متكونش معاها. أسر: هههه، يعني انتي ولا عايزة ترحمي ولا تسيبي رحمة ربنا يا شيخة، حرام عليكي والله.

إسلام ضربته في كتفه: اهو كيفي كده بقى، إذا كان عاجبك. أسر: ههههه، عجبني ياباشا، هو أنا أقدر أتكلم، بس عارفة أحسن حاجة حصلت إيه النهاردة؟ إسلام باستغراب: إيه؟ أسر: إنك حضنتيني بجد، أول مرة حد يحضني جامد كده وأحس إني مش عايز أطلع من حضنه. إسلام بكسوف: طيب، يا كرم، يطمر بقى. أسر ضربها في دماغها: غوري يابت، عبشكلك، والله عيلة باردة وفصيلة. إسلام: هههه، أحسن. أسر: جتك لحسة. إسلام: اهو انت. أسر: اهو انتي. إسلام: اهو انت.

أسر: بسس، كفاية، المهم بقولك أنا النهاردة مسافر عندي شغل، بس اهدي، هسافر وهاجي بكرة، يعني متخافيش، هكون معاكي الصبح بدري. إسلام بخوف: يعني لازم تروح؟ انت مينفعش تبعت سيف؟ أسر: للأسف لا. إسلام بزعل: تمام، روح وربنا معاك يارب وترجعلي بالسلامة. أسر بفرحة: انتي قولتيلي إيه؟ إسلام: روح ربنا معاك. أسر: لا، اللي بعدها. إسلام: وترجع. أسر: ها، كملي. إسلام: هههه، لأ. أسر: عشان خاطري. إسلام

قربت من ودنه وبصوت واطي: روح وترجعلي بالسلامة يا جوزي يا حبيبي. وقامت تجري على بره. أسر: يابت الـ... وربنا أسافر وأخلص من ملك وعمي وماهسيبك أبداً، بس استني عليا. أسر سافر وإسلام نزلت راحت الشركة عشان الشغل. إسلام: سلام عليكم. سيف: إيه سلام عليكم دي؟ انتي كويسة؟ إسلام: آه، عادي، بعد إذنك الملف أهو، وأنا راجعة مكتبي. سيف: مالك كده؟ إسلام: مافيش، بس بعد إذنك. وسابته وراحت مكتبها. سيف باستغراب: مالها دي؟

وبيبص لقي ملك بترن. ملك: الو سيف، أسر سافر صح؟ سيف: آه. ملك: اشطاا، نعمل بقى اللي اتفقنا عليه. سيف: تمام، بس إسلام متتأذيش. ملك بمكر: متخافيش، عيب عليك. سيف: تمام، نفذي. ملك: اشطاا، يلا سلام. سيف: سلام. إسلام كانت بتلم حاجاتها عشان مروحة، وبتبص لقت أسر بيرن. إسلام بفرحة: الو. أسر: وحشتيني. إسلام بكسوف: احم احم. أسر: انتي داخلة الحمام؟ ههههه. إسلام: اتلم، هقفل. أسر: هههه، خلاص، المهم وحشتيني بجد والله.

إسلام: انت لحقت؟ أسر: والله وحشتيني بعد ما سبتك دقيقة. إسلام: يالهوووي على الكدب. أسر: بقا كده، ماشي، المهم بتعملي إيه؟ إسلام: نزلت الشغل، خلصت حاجة ومروحة. أسر: تمام، يلا روحي عشان متتعبيش. إسلام: حاضر، هقفل معاك وأخلص اللي بعمله وأرن عليك. أسر: تمام، خلصي ورني. إسلام: حاضر. وقفلت وجهزت كل حاجة ونزلت من الشركة، ولسه هتعدي الطريق، بيبص لقت أسر بيرن تاني. إسلام: انت لحقت يا عم، استنى شوية طيب، هههه.

ومسكت التليفون وباصة فيه والعربية جت من بعيد. وإسلام...... ااااااااااه. أسر عمال يرن محدش بيرد، وقلق جامد، راح رن على سيف. أسر: سيف. سيف: أيوه يا أسر. أسر: إسلام طلعت من الشركة من إمتى؟ سيف بحزن: إسلام عملت حادثة وحالتها صعبة.