رواية اسلام الفصل التاسع عشر 19 - بقلم جاسمين محمد

مسكها اسر من شعرها بعصبية. طيب بصي ياروح امك لو قربتي منها، وديني لندمك انتي سامعة. ملك بتوجع: ااه شعري يا اسر بتوجعني. اسر سابها ومشي. ملك بعياط: والله يا اسر مهسيبها، ولخليك تحضر دفنتها قريب. اسلام: انا هدخل انام. اسراء: بس اي. اسلام بتوتر: لما اسر يجي ابقى عرفيني، ولا اقولك انا رنيت من بدري وهو اخر خلاص، متصحيينيش انتي سامعة. اسراء: حاضر، بس انتي عايزة منه اي عشان رنيتي عليه في الوقت ده؟

وبصتلها بشك، وبصت لامل امها وضحكت. اسلام: مش اللي في دماغك، اتلمي مفيش حاجة، بس كنت هتكلم معاه عادي في موضوع. اسراء: موضوع، امم تمام، روحي نامي. اسلام: تصبحوا على خير. اسراء وامل: وانتي من اهل الخير. اسلام دخلت اوضتها، ولفت تقفل الباب لقت اللي حضنها من ورا. اسلام بزعيق: اعععع. اسر حط ايده على بوقها. اسر: يخربيتك هتفضحينا. وراح شال ايده من على بوقها. اسلام: عبشكلك، والله خضتني، دخلت اصلا كيف وايمتا.

اسر: هههه، دخلت من الشباك، المهم. اسلام: نعم. اسر قرب من ودنها وبحب: وحشتيني اووي. اسلام اتكسفت وجت تبعد عنه، بس هو حاوطها بايديه الاتنين من وسطها. اسر: رايحة فين. اسلام: ابعد عني يا اسر، عيب. اسر: هو اي اللي عيب، انا جوزك يامجنونة. اسلام: وهنطلق، ابعد بقا. اسر شم شعرها وبحب: شعرك ريحته حلو اووي. اسلام بكسوف: ابعد. اسر: لم عايزاني ابعد، خلتنيني جيت ليه. اسلام بتوتر: عادي. اسر سابها ولفها خلي وشه قبال وشه، ورفع حاجبه.

اسر: وحياة طنط، هو اي اللي عادي. اسلام: عادي اني اقولك تعال. اسر بتفكير وابتسم: اممم، وتقوليلي تعال بصفتك اي، وتقابليني ليه بصفتي اي. اسلام من غير تفكير: جوز. اسر بضحك: هههه، متكملي. اسلام ضربته على كتفه: بارد والله، وسابته وراحت قعدت على الكرسي. اسر قعد على السرير وشد الكرسي اللي اسلام قاعد عليها عليه قدامه. اسر: انا برضو اللي بارد، المهم في حاجة ولا اي. ملك. اسلام: خايفة. اسر بستغراب: خايفة من اي.

اسلام حطت ايدها على بطنها وسكتت. اسر: مالك، الطفل كويس. اسلام: اه كويس، متخافش. اسر: طيب الحمدلله، بس خايفة من اي برضوا مش فاهمة. اسلام بعياط: خايفة يعملوا للطفل حاجة، انا مش هقدر اعيش من غيره، هو الحاجة اللي من ريحتك وعايزها تعيش معايا طول العمر، وانت لو عايز تسيبني عادي، بس متخليش حد يجي جنب ابني.

اسر شدها حضنها وبحزن: اللي في بطنك ده ابني وابنك، ومحدش يقدر يقرب منه، وانا مستحيل اسيب روحي وحياتي، انتي حياتي كلها، وانا مقدرش اعيش من غيرك ابدا. اسلام وهي عمالة تعيط في حضنه وبعياط: بحبك اوووي. اسر: وانا بموت فيكي. وبدا يطبطب عليها ويهديها شوية. *** ملك: الو، ايو يا سيف بقولك. سيف: نعم، قولي.

ملك: بص اسر مش هيبعد عن اسلام غير لما هي تتخلص من اللي في بطنها، الرابط اللي مخلي علاقتهم بتكبر وتقوي هو اللي في بطنها، لازم نتخلص منها. سيف: فعلا، بس هنعمل اي. ملك: هنخليها تعمل حادثة بسيطة تخلصنا من الطفل. سيف: لا، بس هي ممكن يحصلها حاجة كدا. ملك: لا متقلقش، هتكون كويسة. سيف: ملك متاكدة. ملك: اه، قولتلك. سيف: تمام، بس لو اسلام حصلها حاجة، انا هقول لـ اسر على كل حاجة. ملك بخوف: تمام، سلام. سيف: سلام. ***

اسر بضحك: هو حضني عاجبك ولا اي. اسلام فاقت وراحت بعدت عنه: جتك نيلة انت وحضنك اصلا. اسر: لا والله. اسلام: والله. اسر: طيب عشان كدا، والله لتنامي في حضني تاني النهارده، بس كدا. اسلام: مش هنام يا اسر، ويلا روح. اسر: والله مهروح، وهنام على السرير، وانتي هتنامي في حضني. اسلام: لا، ويلا روح. اسر وقف وراح مسكها من ايدها قبل متروح عند الباب وبعصبية: انا قولت اي. اسلام: قولت انك تروح.

اسر: بلاش عند عشان معملش حاجة اكتر من انك تنامي في حضني. اسلام بخوف: هاه، هتعمل اي. اسر: ههههه، هاخدك ونطلع نقعد في البلكونة، واحضنك واحنا في البلكونة والناس تشوفك عادي. اسلام: تصدق انك بارد، عبشكلك والله. اسر: ههههه، المهم يلا بجد ننام عشان تعبت النهارده، وكمان عايز احكيلك موضوع، بس الصبح عشان مش قادر احكي. اسلام بستغراب: اممم، طيب يلا. اسر: يلا، ورقدوها واسر حضنها. اسر: نامي وبطلي تفكير، ومتخافيش، انا جنبك.

اسلام بصتله بصه كلها حب وهزت راسها بحاضر. اسر: حبيبت قلبي اللي بتسمع الكلام دي، يلا تصبحي على جنه. اسلام بحب: تكون فيها معايا. اسر بصلها بحب وحضنها وناموا. *** اسلام بعياط: اسر، لا ارجوك متسبنيش، وحياتي عندك قوم كلمني، انت وعدتني انك مستحيل تبعد عني وتسيبني.