رواية اسلام الفصل الثالث عشر 13 - بقلم جاسمين محمد

اسر بفرحه... تمام سلام وقفل معاها وراح ناحية اسلام اللي لسه ما فكتش ومسك إيدها، باسها وباس راسها وحب: اختك طالعة زيك بس أحلى حاجة إنها بتحبك وأمك بتحبك وعند ناس بتحبك، بس أنا معنديش حد. حتى لما انتي حبيتينى من تهوري وعصبيتي كرهتينى، بس مستحيل أخليكي تبعدي عنى وهحاول أرجعك ليا تاني وتحبيني تاني. وراح باسها على راسها وسابها وطلع بره. اسراء نزلت راحت عند الورشة وركبت العربية وراحت عند اسر. وهي رايحة تليفونه رن.

اسراء: الو أيوه ياسيف. سيف بتعب وهو ماسك بوقه من الوجع بسبب الضربة اللي ضربها ليه اسر: انتي فين كدا؟ اسراء كانت لسه هتقوله إنها رايحة عند اسر، بس بتفكير: ها رايحة مشوار. ليه في حاجة؟ سيف: ها لا عادي، بس كنت بسأل عشان أسألك على اسلام. هي فين يعنى كدا؟ اسراء: معرفش فين. ولو عرفت هبقى أقولك. يلا سلام دلوقتي عشان متأخرة على مشواري. سيف: اممم تمام ماشي سلام. سيف قفل مع اسراء وقعد يفتكر اسر عمل فيه إيه امبارح.

اسراء وصلت عند الفلة ونزلت من العربية ودخلت الفلة وعمالة تدور على اسر أو اسلام. اسراء: اسلام، اسر انتوا فين؟ اسر وهو نازل من على السلم: أهلاً بأخت مراتي. اسراء بعصبية: اسلام فين يا اسر؟ عمالة أرن مش بترد. اسر: أهدي، هي نايمة. بس عايز أتكلم معاكي انتي دلوقتي في موضوع عشان متأكد إنك هتقفي معايا. اسراء بستغراب: هقف معاك انت على كل اللي بتعمله في أختي؟ اسر: اه، بس تعالي نطلع الجنينة نتكلم. اسراء بستغراب: اممم طيب يلا.

اسر: فتحية يا فتحية. فتحية: نعم يا اسر بيه. اسر: اعملي فنجانين قهوة وهاتيهم على الجنينة، ولو صحت ابقى عرفيني. فتحية: حاضر يابيه. اسراء بستغراب: مين اللي هتصحى؟ اسر: تعالي بس وهتعرفي كل حاجة. اسراء: حاضر يلا. وطلعوا قعدوا في الجنينة. اسر بتوتر: بصي كنت عايز أقولك. اسراء: اخلص احكي عشان أكيد حضرتك مش فاضي عشان عندك فرح النهارده. اسر: وانتي مين عرفك إن فرحي النهارده؟ اسراء: اسلام أختي عرفتني امبارح.

اسر: اممم طيب. أولاً كدا أنا بحب أختك. اسراء بصدمة: بتحبها إزاي؟ ولو بتحبها مكنتش عملت كدا فيها. اسر: اممم معرفتش إني بحبها غير يعتبر النهارده. اسراء: اممم طيب والمطلوب مني إيه دلوقتي؟ اسر: بصي انتي ه... اسراء: يعني عايزني أصدق كل ده وأقف جنبك؟ اسر: اه عشان بحب أختك، وانتي بتحبيها وعارف إنها بتحبني. اسراء: تمام هقف جنبك وأساعدك، بس بشرط. اسر: إيه هو؟

اسراء: تبعد عن أختي وتسيبها اليومين دول، ويا ريت حتى تختفي فترة ترتاح فيها من كل اللي انت عملته معاها. اسر: امم بس صعب أبعد ومشوفهاش. اسراء: ده شرطي. اسر: تمام موافق. اسراء: تمام دلوقتي هي فين؟ اسر: فوق. فتحية بصوت عالي: ياهانم انتي هتروحي فين وانتي تعبانة كدا؟ ياهانم استني بس يا اسر بيه يا اسر بيه.

اسر واسراء سمعوا الصوت، قاموا يجروا على جو. وإسلام كانت لسه هتقع على الأرض. اسر جري سندها وبص في عينها وهي بصت في عينه وسكتت شوية. اسراء: اسلام انتي كويسة؟ اسلام فاقت من سرحانها، وبعدت عن اسر بسرعة وبعصبية: ابعد عني، أوع تقرب مني، أنا بكرهك، بكرهك. اسر جه يقرب، اسلام رجعت لورا وبزعيق: قولت ابعد، انت مبتسمعش؟ اسراء قربت من اسلام حضنتها عشان تهديها. اسلام بعياط: اسراء خديني من هنا أرجوكي، مش عايزة أشوف وشه عشان خاطري.

اسراء: حاضر بس اهدي. وبصت لإسر واسر هز رأسه بروحوا. واسراء خدت اسلام وطلعوا ركبوا العربية اللي هتوصلهم البيت. وإسلام حضناها وعمالة تعيط. اسر قعد على الكرسي زعلان عشان هو اللي وصل نفسه لكدا. وبيسيب التليفون بتاعه بيرن. اسر: نعم. عمو: انت فين؟ مش المفروض فرحك كمان كام ساعة؟ اسر: متعليش صوتك ومالكش فيه، مش عليك ابقى موجود في الفرح. يلا سلام. وقفل في وشه. ملك: ها يا خالو هييجي الفرح؟

أه هييجي يا حبيبتي، هو يقدر ميجيش ولا إيه. يلا روحي جهزي نفسك والبس فستان. يلا يا مي خديها. مي: حاضر يا عمو. يلا يا ملك. وخدت ملك وراحوا يجهزوا. بليل اسر كان في الفرح. وإسلام قاعدها في أوضتها وقافلة الباب وعمالة تعيط. واسر رن على اسراء يطمن على اسلام. اسراء: لسه في أوضتها من وقت ما جينا، بتعيط ومش راضية تفتح الباب. اسر بحزن: حاولي طيب معاها، أرجوكي متسيبيهاش كدا. اسراء بعصبية: مهو انت السبب في اللي هي فيه دلوقتي.

اسر بعصبية: مش وقته الكلام ده، اخلصي. اسراء: طيب بس متزعقش، يلا سلام. اسر: سلام. مي من ورا: بتكلم مين يا اسر دلوقتي؟ اسر: عادي. المهم أي طلعك من الفرح؟ مي بشك: المأذون جه وعمي بيقول يلا عشان نكتب كتب الكتاب. اسر: حاضر يلا. ودخل معاها يكتبوا الكتاب. اسراء دخلت عند اختها وحضنتها: أرجوكي كفاية بقا كفاية. اسلام: بقا أنا بعد ما حبيبته يعمل فيا كدا ليه؟ بس يارب يعني يوم ما أحب يحصل معايا كدا، عملت إيه في دنيتي أنا بس كدا.

اسراء بعياط على اختها: أهدي بس يا قلبي وكل حاجة هتتصلح، بس عياط عشان خاطري، عندك. اسلام: مش قادرة. الشخص اللي أنا حبيته اغتص... بني؟ لا وفرحه النهارده على حد غيري. اسراء بعياط: هدي طيب عشان خاطري. وقعدت تهدي في اختها. اسر كتب الكتاب وخلصوا الفرح وسافر هو وملك على لندن يقضوا شهر عسل. بعد أسبوع. اسراء: حبيبتي هتفضلي قاعدة كدا في البيت؟ اسلام: مش قادرة أروح الشركة وأشوفه هناك.

اسراء: طيب مهو مينفعش تفضلي كدا حبسة نفسك في الأوضة. وبتبص لقت الباب بيخبط. اسراء طلعت تفتح الباب. سيف: اسراء عاملة إيه؟ اسراء: سيف الحمد لله. اتفضل ادخل. سيف: امال اسلام فين؟ اسراء: قاعدة في البلكونة. اتفضل ادخل اتكلم معاها. سيف: حاضر. وراح على البلكونة عند اسلام. سيف: الحلوة قاعدة بتفكر في إيه ومختفية ليه كدا؟ اسلام مسحت دموعها: عادي موجودة اهي. اتفضل اقعد. سيف: حاضر. وقعد. احكيلي بقا مالك مش بتيجي الشركة ليه؟

اسلام: عادي تعبانة اليومين دول بس شوية. سيف: الف سلامة عليكي. طيب يلا بقا انزلي الشركة ساعديني، مش كفاية اسر مش بييجي. اسلام بلهفة: مش بييجي ليه؟ في حاجة؟ سيف بستغراب من انفعالها وخوفها: لا عادي، بس انتي عارفة عريس جديد بقا وراح شهر عسل مع مراته ل لندن. اسلام حزنت وحاولت متبينش زعلها: اممم ربنا يسعده. سيف: يارب ويسعدك. المهم يلا قومي البسي وتعالي معايا الشركة. اسلام: مش قادرة والله. سيف: مش عايز أعذار، يلا معايا.

اسلام: بس. سيف: مبسش. يلا قومي. اسلام: حاضر هروح البس ونروح. اسراء وهي داخلة: أيوه بقا ميجبهاش غير رجالتها فينا من أسبوع. سيف: هههه موجود، بس كنت مشغول، بس اديني جيت. اسراء: هههه والحمد لله إنك جيت. اسلام: اسيبكم وأروح البس بقا. وراحت لبست ونزلت راحت معا الشركة وبدأت تشتغل عادي. بعد شهر. سيف: اسلام خلصتي الشغل اللي طلبته منك؟ اسلام: اه اهو. وقامت تدهوله، دخت وكانت لسه هيغمي عليها. سيف جري سندها. سيف: انتي كويسة؟

اسلام: اه، بس مش عارفة مالي. دايخة من الصبح. سيف: طيب يلا نروح للدكتور. اسلام: لا عادي، أكيد من الشغل. المهم الملف اهو خلصته خد. سيف: تمام، وبرضه جهزي نفسك بعد ما نخلص الشغل وانتي مروحة، هوصلك وأخدك على دكتورة تشوفك. اسلام بضحك: عارفة إنك مش هتسبني أبداً غير لما توديني وتكشف عليا وتطمن. سيف: هههه وهو في أغلى منك عشان أقلق عليه. اسلام بنحرج: ها. سيف: يلا أنا رايح مكتبي.

كل ده واسر قاعد قدام اللاب بتاعه وشايف كل ده وقاعد متعصب جامد وعينه احمرت أوي من الغضب والغيرة. ملك: اسر يا حبيبي مش هنخرج بره؟ اسر كان ماسك الكباية في إيده راح رماها عليها. راحت صدتها وبعدت ومجتش فيها. اسر بغضب: اطلعي بره من وشي بسرعة. ملك: طلعت تجري من الخوف لبره. اسلام خلصت شغل هي وسيف وسيف خدها عند دكتورة وفحصتها. سيف: ها يا دكتورة اسلام أخبارها إيه؟ اسلام وهي لسه هتقعد على الكرسي.

الدكتورة: ألف مبروك، المدام حامل.