رواية آسيا والاسد الفصل الخامس والعشرون 25 - بقلم الملكة المتوجة

ذهبت آسيا إلى الطبيبة. الطبيبة: مبروك يا مدام آسيا، إنتي حامل في الشهر الأول. آسيا بصدمة: أنا حامل بجد؟ الطبيبة: أيوه يا مدام آسيا.

آسيا لنفسها: أنا حامل، أنا حامل بجد. ووضعت يدها على بطنها. يعني دلوقتي أنا شايلة حتى من أكتر حد بعشقه جوايا. يعني ثمرة حبنا بقت معايا دلوقتي. وتسع شهور ويشرف الدنيا. تسع شهور وأشوف ابني أنا وأنس. أنا هبقى مامي. أنس هيبقى بابي. أنس هيفرح أوي. حلمه اتحقق إنه يجيب بيبي مني. هااااي، أنا حااااامل. الطبيبة: مدام آسيا، البسي وتعالي. قامت آسيا وارتدت ثيابها.

الطبيبة: أنا كتبتلك شوية فيتامين عشان شكلك مش بتاكلي كويس. وعادي جداً إنك شوية زعلانة وشوية فرحانة. شوية رايقة وشوية متعصبة. لأن الحامل الهرمونات بتاعتها بتبقى متلخبطة. وأحياناً مش هتبقي طايقة ريحة الأكل. وأحياناً تبقي عايزة تاكلي حاجة معينة. آسيا بإحراج: احم، هو عادي يعني. احم، مبقاش طايقة ريحة جوزي. الطبيبة: عادي جداً. متبقيش طايقة ريحته. وأحياناً تبقي رافضة رفض تام العلاقة بينكم. وجوزك لازم يفهم كده.

آسيا: شكراً جداً يا دكتورة. الطبيبة: لا شكر على واجب. ألف سلامة يا مدام آسيا. خرجت آسيا وهي سعيدة، تكاد تطير من الفرح. وتفكر إزاي هتقول لأنس إنها حامل. فقامت بالرن عليه. أنس وليل كانوا يعملان حتى قامت آسيا بالرن. أنس: شوف مين بيرن يا ليل. ليل: حد إنت مسجله وصية رسول الله. أنس: دي آسيا. هاتي الفون واطلعي بره. ليل: ماشي يا صاحبي. أخذ أنس الهاتف من ليل وخرج ليل. أنس: إيه يا حبيبي، إنتي فين؟ آسيا: أنا في العربية مروحة.

أنس: على بيتنا ولا القصر؟ آسيا: هعدي على القصر أجيب شوية حاجات وبعدين على بيتنا. أنس: روحي القصر وأنا نص ساعة وأعدي آخدك ونروح سوا. آسيا: ماشي يا حبيبي، مستنياك. وصلت آسيا إلى القصر وقررت أنها ستخبره بطريقتها وتجعلها مفاجأة. بعد مرور نصف ساعة، انتهى أنس من عمله واتجه لقصر آسيا حتى يأخذها معه إلى بيته. أنس قبل يد نوران: عاملة إيه يا أمي. نوران: الحمد لله يا ابني. أنس: أمّال فين آسيا؟ نوران: فوق في جناحها، اطلع لها.

أنس: ماشي. ذهب أنس إلى جناح آسيا، ولكن قبل فتح الباب نداه أسر. أسر: أنس. أنس: نعم يا أسر؟ أسر: بكرة هكر الفون بتاعك عشان أسجل كل حاجة بتحصل معاكم وأكون بتواصل مع الدعم. أنس: تمام. بليل هنتجمع أنا وانت وآسيا في **** نتفق سوا. أسر: تمام. 12 بليل هكون هناك. أنس: تمام.

فتح أنس الباب فوجد الغرفة مليئة بالبالونات بلوني الأزرق والوردي. وآسيا واقفة في المنتصف وممسكة ببالونة زرقاء وأخرى وردية. وفيهم شئ معلق بيهم، لكن لا يعرف ما هو. أنس: كل البلالين دي ليا؟ واشمعنى اللونين دول بالذات؟ أعطت آسيا البالونتين وأمسك الجزء المعلق به، وكان عبارة عن اختبار حمل. أنس بصدمة قد أثرت على عقله: مش فاهم برده. آسيا وضعت يد أنس على بطنها: رحب بالباشا اللي هيجي بعد تسع شهور. أنس: يعني إنتي حامل؟

هزت آسيا رأسها بمعنى نعم. حمل أنس آسيا ولف بها عدة مرات. أنس بفرحة: إمتى؟ إزاي؟ فين؟ مش مهم، مش مهم. المهم تاخدي بالك من نفسك وتهتمي بأكلك ومتتعبيش نفسك في الشغل. أنا هشتغل بدالك. آسيا: اهدى يا أنس، براحة. مش كده. أنس: هعمله أوضة وهشتري ألعاب كتير ليه. صحيح، هو ولد ولا بنت؟ آسيا: اهدى، لسه بدري. فاضل تسع شهور عشان البيبي يجي. أنس: في حاجات كتير عايز أعملها ليه. آسيا: اعمل اللي يعجبك.

أنس: طب يلا نروح بيتنا نحتفل براحتنا. آسيا: يلا. أخذ أنس آسيا وكانوا في الطريق إلى منزلهم حتى رن هاتف أنس. المتصل: ………… أنس: …………