رواية آسيا والاسد الفصل الثالث عشر 13 - بقلم الملكة المتوجة

دخل أنس وآسيا المكان فوجدوا الرايق جالسًا في منتصف المكان. أنس: على فكرة، حركة مش لطيفة. كان المفروض تقول لنا واحنا جايين. الرايق: معلش، كان لازم أعمل كده عشان أندريه ما يعرفش يوصل لكم هنا. هنا نقدر نتفق الخطة هتمشي إزاي. أنس: تمام. الرايق: تعالوا معايا. ذهب أنس وآسيا مع الرايق إلى مكان بعيد عن الحرس. جلس الرايق وقال: الرايق: اتفضلوا اقعدوا. أنس: ها، هنعمل إيه؟

الرايق: دلوقتي هتروحوا الفندق وتحجزوا فيه. هترتاحوا وبعدين هتنزلوا في مطعم ****. هيكون أندريه فيه الساعة 11 وأنا هكون معاه. لازم تتصرفوا على إنكم زوجين مثاليين وبتحبوا بعض. وكمان لازم تكونوا في أوضة واحدة في الفندق عشان أنا متأكد إن هيسأل عليكم وهيحطكم تحت المراقبة. وأنا هبقى معاكم برضه، مش هسيبكم. فيه أي أسئلة تانية؟ أنس: لا، كده تمام. الرايق: وانتِ يا عقرب؟ آسيا: أنا تمام.

الرايق: تقدروا اتفضلوا. والحرس هيوصلوكم لحد الفندق. خرج أنس وآسيا ووصلوا إلى أحد الفنادق الـ VIP. فهو رجال أعمال أغنياء ومن المؤكد أنه لن يقيموا في فندق عادي. دخل أنس وآسيا وجهزوا غرفة لهم. أنس: روحي انتِ وأنا هخلص شوية حاجات وأجي. آسيا: تمام. طلعت آسيا إلى الغرفة واستغلت عدم وجود أنس وأخذت شاور. ولكن نسيت ملابسها وخرجت بالبرنس.

آسيا: يوووه، كان المفروض أفتكر إني مش في الجناح بتاعي وإني في حد معايا في الأوضة. المرة الجاية أكيد هفتكر. والحمد لله أنس مجاش وشافني كده، كان هيبقى شكلي إيه قدامه؟ سمعت آسيا صوت خيب توقعاتها، ومن غيره صوته. أنس وهو يتفحصه بعيونه: كنت هقول إني متجوز وتكة بس مش أكتر. آسيا ركضت من أمام أنس، ولكن لسوء حظها نسيت ثيابها. فقالت بإحراج: آسيا: أنس، معلش هات هدومي. أنس مد يده: خدي أهي.

آسيا مدت يدها لأخذ ثيابه، فشدها أنس وأخرجها من الحمام. آسيا: انت بتعمل إيه يا أنس؟ أنس بوقاحة: بستمتع بجمال مراتي اللي طلعت صاروخ وأنا معرفش حاجة. آسيا: أنس، عيب. مينفعش كده. أنس وهو مركز في عينها: هو إيه ده اللي عيب؟ آسيا: وضعنا كده مينفعش. انت مقرب أوي ومينفعش منظري كده قدامك. أنس: مينفعش كده ليه؟ آسيا: هو كده يعني، مينفعش وخلاص. أنس: إيه المشكلة؟ واحد ومراته سوا وفي أوضتهم. آسيا: أنس، لو سمحت ابعد.

أنس: هاتي سبب يخليني أبعد وأنا هبعد. دفعته آسيا بقوة وابتعدت عنه: آسيا: ده بعينك تلمسني. ضحك أنس وحاصرها مرة أخرى: أنس: اهو أنا مسكتك تاني. هتهربي إزاي المرة دي؟ آسيا: أنس، مينفعش كده. سحب أنس آسيا من يدها وأجلسها على السرير وجلس بجوارها وقال: أنس: بصي يا حبيبتي، أنا مستحيل أذيكي أو أعمل حاجة تضرك. وأنا جوزك وانتي مراتي ودي حاجة عادية تحصل بينا. هزت آسيا رأسها بمعنى نعم. أنس: يبقى توكلنا على الله.

اقترب أنس من آسيا و... بعد مرور 5 ساعات، استيقظ أنس على صوت صريخ. أنس بخضة: في إيه؟ في إيه؟ آسيا: ...