رواية بنا اتفاق الفصل الثالث 3 - بقلم نبض القلب

فارس: إزاي تقول لي كده؟ أنتِ مسؤولة مني. إحنا بينا اتفاق يا ريحانة. ريحانه ودموع في عيونها: طبعًا. في صباح يوم جديد، استيقظ حسام على رنة موبايله. مسك الموبايل. حسام: ألو، مين؟ سارة: أنا سارة يا حسام. حسام بصدمة: سارة؟ سارة: أنا اتطلقت خلاص يا حسام... خلاص بقيت لك. حسام بفرحة كبيرة: بجد يا سارة؟ حسام راح قال لريحانة إن سارة، البنت اللي كان بيحبها، اتطلقت. هو هيروح طبعًا يتجوزها. في غرفة ريحانة، كانت تحدث نفسها:

أنتِ ريحانة. مش ممكن. ريحانه اللي الكل كان معجب بذكائها وتعليمها وثقافتها. شخصية قوية، ناجحة، وطموحة. إيه اللي حصل لك يا ريحانة؟ عشان كلام اللي حواليه؟ أصلها كبرت في السن ومش هتلاقي عريس. غبيه يا ريحانة، خليتي كلامهم يأثر فيكِ وتفكيرك. غبيه إنك تسمعي وتزعلي من كلام ناس مش يهمها مصلحتك. كانت النتيجة إيه؟ اتجوزتي واحد مش هيحبك وبيحب غيرك، وفي الآخر هيسيبك ويروح لها. فوقي بقى يا ريحانة. حافظي على كرامتك.

هو اتجوزك غصب عنه وقال لك بنفسه إنه عمره ما هيحبك. اطلعي من المتاهة اللي وقعتي نفسك فيها. يروح يتجوز اللي بيحبها، وأنتِ كمان تشوفي حياتك ومستقبلك. تكملي حياتك مع الشخص اللي يقدرك ويعرف قيمتك ويحبك. تكوني في عيونه غالية. خرجت من غرفتها، راحت كلمت حسام. ريحانه: أنت بتقول إنك بتعتبرني زي أختك؟ حسام: طبعًا. ريحانه: هما شهرين وهامشي. تأجل موضوع الطلاق لشهر أو اثنين. يعني أنا فرحي كان من أسبوع بس.

لما تسيبني الوقتي الناس هتقول إيه؟ وأمي لسه فرحانة إنها شافتني عروسة. أعطيني وقت أمهد الموضوع لها. حسام: حاضر يا ريحانة. وخلال شهرين دول، أنتِ هتفضلي مسؤولة مني. ريحانه: أنا عايزة أشتغل. حسام: ليه؟ هو ناقصك حاجة؟ قولي. قولي لي الفلوس اللي أنتِ عاوزاها. ريحانه: أنا مش هشتغل عشان فلوس. بس أنا عايزة أخرج وأشتغل. وأنت لغاية الوقتي جوزي، بستأذن منك. حسام: لو شغله مناسبة ليكِ، في مكان كويس، تمام.

في صباح يوم جديد، في منزل سارة. حسام راح لسارة وقال لها على الاتفاق اللي بينه وبين ريحانة. حسام: شهرين ولا ثلاثة وهطلقها. سارة: ليه مش الوقتي؟ حسام: قلت لك أنا متجوزها من أسبوع بس. الناس هتقول إيه؟ سارة: أوعى يكون حب؟ حسام: أنا مش بحب إلا أنتِ. أنا قلت لك على الاتفاق اللي كان بيني وبين ريحانة. سارة: طيب يا حسام، أنا مصدقاك. خلاص، إحنا نتجوز الوقتي، وبعد الشهرين لما يعدوا، طلق ريحانة. حسام: هتعيشي فين؟

استنى لما أطلق ريحانة. سارة: أخويا بيبيع شقته، اشتريها أنتِ ونعيش فيها. الشهرين دول. بعد كده، ظبط براحتك، شقتنا في بيتكم. سكت حسام. سارة: إيه يا حسام؟ أنت مش عاوز تجوزني؟ حسام: إزاي تقول لي كده؟ دي فرحة عمري إنك رجعت لي. سارة: طيب روح كلم أخويا واشتري الشقة. حسام اشترى الشقة من أخو سارة بالعفش اللي فيها. حسام بيظبط في الشقة. ريحانه وجدت شغل في الشركة، راحت قدمت أوراقها. مر أسبوع. في يوم جديد، سارة جهزت نفسها.

لبست فستان وعملت حفلة بسيطة على قد الأصحاب والقرايب. في قاعة صغيرة. حسام جهز نفسه عشان يروح لسارة. حسام: يلا يا ماما. مامت حسام: مش راحة. حسام: انهاردة فرح ابنك. مامت حسام: قلت مش جاية. حسام: عشان خاطري تعالي معايا. مامت حسام بنرفزة: قلت لأ. وأمشي من قدامي. حسام طلع الشقة. كانت ريحانة في المطبخ، نادى عليها. حسام: ريحانة. ريحانه: نعم. حسام: أنا عارف إن أمي مب تسمع كلامك، ممكن تقنعيها تيجي معايا فرحي؟

ريحانه بصدمة: فرحك؟ مش كنت تستنى لما تطلقني؟ حسام: أنا كده كده هطلقك... ممكن تنزلي تكلمي أمي تيجي معايا فرحي؟ أرجوكي. ريحانه بصوت فيه وجع وحزن: حاضر.