رواية بنت الصعيد الفصل التاسع 9 - بقلم رنا احمد

في المستشفى، في غرفة رقيه بعد ما جالها انهيار عصبي. كان واقف فهد بيبصلها بجمود. بدأت تفتح عينيها بتعب. فهد بوجع ومرارة: حمد لله على سلامتك ي اختي. رقيه بدموع وندم: فهد أنا اسفه ي فهد أنا اسفه. فهد بوجع وسخرية: اسفه لا ي شيخة. على إيه ولا على إيه؟ على إنك دمرتي حياتي وخلتيني أشك في مراتي وأقتل ابني بإيديا دول؟ عارفة إني شكيت للحظة إنك ورا اللي حصل؟

بس قلت لا، رقيه مش ممكن تكون بالشر ده. رقيه مش ممكن تعمل كده في أخوها الوحيد وتتدبحه بسكينة تلمة؟ وأكبر عقاب ليكي براءة مراد وإنك موثقتيش فيه. بس معنديش حاجة أقولها لك غير ربنا يسامحك ي رقيه. وكفاية قوي إنك خسرتي مراد للأبد، لأنه عمره ما هيكون معاكي أبداً.

رقيه بدموع وندم: أبووس إيدك ي فهد سامحني. أنا مكنتش أعرف إن ملك حامل، والله مكنت أعرف. كنت مستحيل أعمل كده. أنا كانت جوايا نار، قهر وحسرة. كنت بشوفكم مع بعض، النار كانت بتأكل قلبي. كنت حاسة إن مراد دبحني بسكينة تلمة وسابني من غير تمن. أنا آسفة ي فهد، أنا مش بالشر ده ي أخويا. فهد بحده: قدامي كتير قوي لحد ما أقدر أسامحك. المهم عندي ملك.

رقيه بدموع: أنا هروح لملك وأقولها كل حاجة. هدوس إيديها لحد ما تسامحك. لازم أكفر عن غلطتي ي فهد. أوعدك ي فهد، أوعدك. *** في فيلا الرشيدي. كانت ملك حاضنة مراد بابتسامة وفخر رغم تعبها. ملك: قلب أختك ي مراد، فخورة بيك قوي ي حبيبي. مراد وهو بيبوس إيديها بحب وحنان: قلب أخوكي، تسلميلي. عزت بابتسامة: بس طلعت معلم ي مراد. وقعت البت وعصابة الجاسوسية اللي وراها بخطة. أنما إيه؟

لا، وخلتها هي بنفسها تساعدك إنكم توقعوا أكبر تاجر مخدرات لمجرد إنه عدو لشبكة الجاسوسية بتاعتها. علي بابتسامة: مراد طول عمري ذكي ي جدي. أسد بابتسامة: ألف مبروك الترقية ي مراد. ملك بحزن شديد: مش ناوي بقى تسامح رقيه ي مراد؟ اللي حصل كان غصبن عنها. مراد بحده: إنتي اللي بتقولي كده ي ملك؟ بعد كل اللي عملته فيكي؟

إنتي آه طيبة، بس دي مش طيبة، ده هبل. رقيه دي عقابها هيكون عسير. مش هي وبس، هي وفهد كمان. وأنا مش هسمحلك إنك ترجعي لفهد مهما حصل. عزت بجدية: شايفك بتتأمر وتتحكم ي مراد، وكأنه مافيش كبير وسطيكم. مراد بأسف: أنا آسف ي جدي، مقصدتش طبعاً. بس ملك بتحب فهد، وأنا مستحيل أسيب الحب ده يضعفها ويضيعها. ملك بدموع ووجع: حتى لو ندم ي مراد.

مراد بحده: ندم عن ندم بيفرق ي ملك. اللي زي فهد ده مش ممكن يندم. جوازك منه أصلاً كانت غلطة واحنا بنصلحها. انسيه ي ملك وعيشي حياتك، لأني مش هسمحله يوجعك كده مرة تاني. سامعة؟ عن إذنكم. خرج مراد. راح الإدارة وفضلت ملك سرحانة في كلامه. فعلاً فهد غلطته كبيرة، مش لازم تتغفر بسهولة. *** في فيلا الجبالي. في جناح فهد. كان ماسك الألبوم بتاعهم وعيونه دموعها مش واقفة وندمه عمال يزيد.

فهد: أنا آسف ي حبيبتي، آسف قوي. أنا عارف إني غلطت، بس والله العظيم ندمت. ندمت قوي ي روحي. يارب أنا عارف إني غلطت، بس متعاقبنيش فيها. فيها إنها تبعد عني؟ ده أنا أموت. أنا مصدقت ألاقي حاجة نضيفة أعيش عشانها. وحشتيني قوي ي حبيبتي. عامر بحده: دلوقتي بتعيط بعد اللي عملته. فهد بوجع ومرارة: جدي الله يخليك، أنا فيا اللي مكفيني. مش قادر. أرجوك ي جدي خليك معايا. جدي عزت وملك بيحبوك. أنا عايز ملك ترجعلي بأي طريقة.

عامر بجدية: أنا مش هقدر أعملك حاجة المرة دي ي فهد. أنت اللي لازم تعمل. أنت اللي لازم تبين ليهم وللكل إنك اتغيرت. لازم تعمل أي حاجة علشان تداوي الجرح اللي سببته ليها. فهد بقوة وثبات: أوعدك ي جدي إني هعمل أي حاجة علشان أخليها تسمحني وأرجعها لحضني من تاني. *** في جناح رقيه. كانت قاعدة ماسكة صورة مراد ببدلته الميري، أول مرة ليه في كلية الشرطة. ابتسمت من بين دموعها. فلاش باك.

كان واقف مراد مشغول بتليفونه. قربت منه رقيه بابتسامة. رقيه: يلهوي على حبيبي يا ناس، قمر. مراد بابتسامة خبيثة وخفت: ابعدي كده ي ماما، لتوسخي البدلة. الواحد مش عارف يعمل إيه في الشحاتين دول. رقيه بغيظ شديد: شحاتين؟ من أولها هتعيش عليا ي ابن الرشيدي. مراد بابتسامة عاشقة: وحشتيني. رقيه بابتسامة عاشقة: أنا بموت فيك ي حبيبي. امتى ي مراد أكون مرآتك؟ نفسي في اليوم ده قوي.

مراد بابتسامة ساحرة: قريب قوي ي روحي. إنتي فاكرة إني ممكن أسيبك لغيري؟ ده أنا أموتك. إنتي بتاعتي، ملكي. بحبك ي رقيه. رقيه بابتسامة عاشقة: وأنا بعشقك ي روحي. باك. رقيه بدموع وندم: بحبك ي مرراد. أصلح اللي عملته مع ملك وفهد وأرجعك لحضني من تاني، حتى لو فضلت أتأسفلك عمري كله ي نور عيني. *** في جنينة فيلا الرشيدي. كانت قاعدة ملك بتعب وشرود. بس فجأة فاقت على صوته اللي بتعشقه. فهد: ملك حبيبتي، عاملة إيه.

ملك بارتباك شديد: فهد، إنت ليه اللي جابك هنا. فهد قرب منها وعنيه وارمة من دموعه. قلبها وجعها عليه. فهد: ملك هتسمحيني امتى؟ هتفضلي سيباني كده من غير روح. ملك بدموع ومرارة: ده على أساس إني روحك. فهد بأسف: روح وقلبي والله العظيم. ملك أنا فعلاً بموت من غيرك. ارحميني، متبقيش قاسية كده. ملك بدموع وصراخ: أنا اللي قاسيه؟ أنا اللي شكيت فيك وطعنتك في قلبي بسكينة تلمة وموت ابننا.

فهد ركع قدامها بدموع: كفاية، أبوس إيدك ي ملك. أنا نفسي أموت بسبب اللي عملته فيكي. ارحميني وسمحيني ي ملك. مراد بسخرية: إيه المشهد المؤثر ده؟ تصدق صعبت عليا. كمل، كمل يمكن نسقفلك. ملك بدموع ووجع: مراد من فضلك، كفاية كده. رقيه بدموع ومرارة: فعلاً كفاية كده. اللي المفروض يتكلم هو أنا. أنا آسفة ي ملك، سامحيني. أنا السبب في كل اللي حصل. أنا المجرمة اللي قتلت ابنكم ودمرت حياتكم. سمحيه علشان خاطري.

مراد بحده: خدي أخوكي واتكلوا على الله. كفاية الجرح اللي اتسببتوا فيه ليا أنا وأختي. فهد بحزن عميق: عندك حق ي مراد. كفاية قوي كده. علشان كده أنا ورقيه هنسافر نعيش بره. نتمنالكم حياة سعيدة. يلا ي رقيه. مشوا الاتنين وجروحهم عميقة. خسروا كل حاجة، وأهم حاجة حبهم وعشقهم. ملك ومراد بصوا بنظرة تحمل الكثير والكثير. *** في فيلا الرشيدي. كانت نازلة ملك بدموع وصراخ. ملك: مررراد، مرراد. مراد بقلق: فيه إيه ي ملك.

ملك بدموع ووجع: فهد ي مراد حاول ينتحر. وهو ده دلوقتي في المستشفى. لازم أشوفه ي مراد. مراد بحده: تشوفييه فين؟ لا طبعاً. ملك بدموع وتوسل: أبوس إيدك ي مراد، أبوس إيدك خليني أشوفه. أرجوك. مراد بقله حيلة: أوووف، يلا. *** في المستشفى. طلعت ملك تجري بدموع ومرارة. ملك: رقيه، فهد ماله. رقيه بدموع: فهد حاول ينتحر ي ملك. لحقناه على آخر لحظة. أبوس إيدك ي ملك، أبوس رجلك. أخويا هيروح مني.

ملك بدموع: بس بس كفاية. أنا بحب فهد. أوعدك إننا نرجع تاني لبعض. أنا مقدرش أعيش من غيره أبدا. هدخله. خالي التليفون معاكي. أخويا مراد قدام المستشفى، ممكن يرن في أي لحظة. دخلت ملك بلهفة على حبيبها. ونزلت تجري رقيه لمراد. في غرفة فهد. كانت واقفة بتبص له بدموع. قربت منه باست إيده بحب.

ملك: حبيبي أنا آسفة. أنا السبب في اللي إنت فيه. أنا آسفة ي فهد. آسفة بس إنت جرحتني قوي ي حبيبي، قوي. بعشقك ي فهد، بعشقك. فوق ي حبيبي علشان نرجع لبعض. وليا عندك مفاجأة هتعرفها لما تفوق. وأبص في عينيك اللي بعشقها. *** في الأسفل. كان قاعد مراد على العربية وهو بيشرب سيجارته. قربت منه رقيه بلهفة. رقيه: مرراد. مراد ببرود: افندم. رقيه بدموع ومرارة: أعمل إيه علشان تسمحني وترضى عني.

مراد ببرود: متعمليش حاجة. لأنك مهما عملتي مش هسامحك. رقيه بدموع وعشق: بعشقك ي مراد. لو فضلت طول عمرك غضبان عليا، عمري ماهكون غير ليك. بعشقك ي مالك قلبي. طلعت تجري على فوق بدموع ووجع. تابع أثرها. وقلبه خلاص مبقاش قادر يقسا عليها أكتر من كده. *** صباحاً. في فيلا الرشيدي. كانوا قاعدين على مائدة الطعام. فجأة دخل عامر بتعب شديد. عامر: ملك، مراد. عزت بصدمة: عامر، مالك تعبان كده ليه.

عامر بتعب ومرارة: فهد ورقيه راحوا المطار علشان يسافروا. عايزين يحرقوا قلبي عليهم. أنا ماليش غيرهم بعد موت أبوهم. ملك ومراد، إنتوا اللي في إيديكم ترجعوهم. راحوا ملك ومراد على المطار. خلاص، يكفي ما حدث من عقاب لهم. *** في غرفة مدير المطار. دخلوا فهد ورقيه. بصدمة من وجودهم. وعلى وجوهم ابتسامة ساحرة. ملك بابتسامة وعشق: إيه ي فهد، عايز تسبني؟ هونت عليك كده.

فهد بابتسامة وعشق: عمرك ما تهوني ي روح قلبي. افهم من كده إنك سمحتيني خلاص. ملك بابتسامة وسعادة: سمحتك خلاص. حضنها فهد بسعادة لا توصف. فهد: الحمد لله ي روحي. أوعدك إني هشيلك جوه عنيا. مراد بابتسامة خبيثة: أنا طالب منك إيد رقيه ي فهد. رقيه بدموع فرحة: إيه بجد ي مراد؟ بجد؟ طب احلف. مراد بضحك: هههههه، أحلف إيه ي مجنونة؟ بحبك. رقيه بابتسامة عاشقة: وأنا بموت فيكي ي روحي.

ملك بابتسامة خبيثة: أنا كمان عايزة لفرحكم بحاجة. أنا لسه حامل. البيبي برغم كل اللي حصل ليه، عمر في الدنيا اتمسك بيا وبابوه. فهد وهو خاضنها بدموع فرحة: الحمد لله يارب. الحمد لله. الحمد لله. وفعلاً، أخيراً اتجمعوا كلهم في ليلة اتسمت "ليلة العشاق". ملك وفهد. مراد ورقيه. أسد ورحمه. علي وعليا. المشوار لسه مانتهاش، لأننا هنكمل الحكاية مع دول. *** في فيلا الرشيدي. كانت نازلة شمس. فجأة صرخت ملك في وشها بغيظ.

ملك: عملتي اللي في دماغك ي شمس برضه ولبستي النقاب. شمس بابتسامة ساحرة: الحمد لله ي أمي، عن اقتناع. وبابا رحب جدا. ملك بغيظ شديد: كل حاجة مش عاجباني. إنت دايماً تشجعها عليها ي فهد. فهد بابتسامة: حبيبتي، أنا مش شايف سبب لكل ده. إحنا المفروض نشجعها. اهدي ي روحي. شمس بابتسامة وسعادة: حبيبي ي بابا ي عسل. فجأة نزل كتلة التلج البارد بزيادة. جاسم قعد على السفرة بمنتهى البرود.

ملك بغيظ شديد: أنا نفسي أفهم، إيه اسم الكوكب اللي إنت عايش عليه لوحدك ي جاسم؟ وبعدين فين اللي قلتلك عليه امبارح؟ مش قلتلك كلم جوري بنت عمك علي وهنيها بالنجاح. جاسم ببرود طاغي: مانا كلمتها. ملك بغيظ شديد: كلمتها إزاي ي أخويا؟ بعتلها إشارة ترحيب اللي هي على شكل إيد دي؟ وقولتلها "قل ما يصيبنا إلا ما كتب الله لنا". إيه ي أخويا، طالعين القرافة دول؟ كلهم درجتين اللي البت نزلتهم. جاسم ببرود طاغي: آهو ده اللي عندي.

ملك بغيظ شديد: صبرني يارب. أما فين البت حياة؟ مشوفتهاش النهارده. فهد بجدية: حياة راحت الشركة من الصبح. ملك بصدمة: ي نهار أسود! من غير إذن فارس؟ وإنت إزاي تسمح بكده ي فهد. فهد بحده: إيه المشكلة؟ مش فاهم. البنت حابة تشتغل. وبعدين ماهي في شركتنا وتحت عينينا. ملك بضيق: بس إنت عارف إن فارس مش موافق. ي فهد، إنت عارف ابنك عنيد ومش هيعدي اللي حصل ده. فجأة دخلت حياة وأخوها أدهم.

حياة بوجع ومرارة: مش أول مرة ي عمتي. ابنك عمره ما بيحب حاجة أنا بحبها أو عايزها. ابنك عايز يمتلكني وبس. ملك بخوف شديد: ي حياة ي بنتي، بلاش تحطي في دماغك كده. فارس بيعشقك. متخربيش بيتك ي ضنايا. ربنا يستر بقى. فارس مش ممكن يعدي اللي حصل ده. ادهم بحده وغيظ: من فضلك ي عمتي، بلاش الكلام ده. فارس متجوزها مش مستعبدها. وأنا جيت معاها مخصوص لأني مش هسمحله يهينها زي كل مرة.

فجأة دخل فارس بوجه لا يبشر بالخير. وقف قصادها واتكلم ببرود مرعب. فارس: إنتي فعلاً روحتي الشركة النهارده. حياة وهي بتفرك إيديها بقلق بالغ: أيوه روحت. فارس بحده وغضب: أنا أذنت لك إنك تروحي. حياة بارتباك شديد: أنا استأذنت خالي فهد وبابا وادهم أخويا، وهما وافقوا. فارس بغضب جحيمي: وإبن الكلب الزبالة اللي مكتوب على اسمه إيه؟ مالوش كلمة عليكي. حياة بوجع ومرارة: أبويا وخالي واخويا برضوا أهلي ولازم أطيعهم.

فارس بحده وغيظ: أنا جوزك. طاعتك ليا أنا بعد ربنا سبحانه وتعالى. أنا اللي كلامي يمشي سيف على رقبتك، مش حد تاني. واضح فعلاً إن خالي مدلعك دلع ماسخ. ادهم بغضب: براحة ي فارس وراعي وجودي، دي أختي. فارس بغضب جحيمي: تمام. طب خد أختك معاك وانت ماشي، لأنها طاااالق. فجأة الكل وقف بصدمة. مطلعش غير صوت البارد بزيادة وكأنه بيشوف مسرحية كوميدية. مش أخوه، طلع بنت خاله وحياتهم بتتدمر. جاسم ببرود: أم سعد، والنبي هاتي شوية ملح للسلطة.