رواية بنت الصعيد الفصل العاشر 10 - بقلم رودينا محمد

فاقت صابحة من البنج وشافت حمزة ساند راسه على أيديها. صابحة في نفسها: "وبعدين معاك لحد إمتى هنفضل كده؟ وحركت أيديها وفاق حمزة: "إنتي كويسة دلوقتي؟ صابحة: "آه. بص بقا يابن الناس، أنا هرجع الصعيد لحد ما الوصية تتفتح وساعتها توصلني ورقة طلاقي." حمزة: "نعم ياختي الكلام ده تقوليه عند أمك. إنتي مراتي وأنا اللي أقرر إمتى أوديكي أو أجيبك." صابحة: "أنا مش مراتك." حمزة بخبث: "شكلك نسيتي." ولم يجد رداً.

حمزة: "عمتاً، هبعتلك ممرضة تساعدك في اللبس وأنا هنزل أخلص إجراءات المستشفى وأطلع آخدك ونمشي." بعد ما مشى، صابحة في نفسها: "واحد غبي ومستهتر." وبعد شوية، طلعت الممرضة ولبستها، وبعدها طلع حمزة: "احم، خلصتي؟ صابحة: "آه، يلا نمشي." وبعد شوية وصلوا البيت. شيرين: "حمدلله على السلامة ياحبيبتي." صابحة بصدمة: "حبيبتك؟ إنتي كويسة ولا إيه؟ شيرين: "آه طبعاً كويسة، حتى في خبر هيعجبك." صابحة: "خير." شيرين بسهوكة: "مش أنا حامل؟

حمزة بفرحة: "بتكلمي بجد ياشيرين؟ شيرين: "طبعاً، هي الحاجات دي فيها هزار." حمزة: "يا وش السعد إنتي، تعالي يامو الغالي، اطلعي أوضتك واستريحي." *** توليب: "إنت؟ عز: "إنتي، هو عمري مش أخلص منك أبداً يابت إنتي." توليب: "يعني ياربّي ملاقيش إلا الحيوان ده يكون هو اللي يعملي الإنترفيو." عز: "متغلطيش، لإنّي أبقى مديرك." توليب: "الله الغني، أنا استحالة أشتغل معاك." شد منها عز الملف. توليب: "إنت ياجدع حمار ولا مبتفهمش؟

بقولك مش هشتغل." عز: "امم، ملفك حلو، اتقبلتي معانا يا آنسة توليب." توليب: "امم، طيب." عز: "من بكرة تقدري تشتغلي وهتبقي تحت تدريب مدام عفاف." توليب: "تمام." وخرجت بره. سُريا: "عملتي إيه ياتولي؟ توليب: "اتقبلت ياسوسو، بس مع مدير أهبل، بس أعمل إيه؟ ماباليد حيلة." *** (عند شيرين) شيرين: "معلش يادادة، اطلعي هاتلي الفيتامينات فوق من الأوضة." الدادة: "حاضر يابنتي." شيرين بمكر حطت في طبق صابحة مسيل للبطن ورجعت مكانها.

بعد شوية نزلت الدادة: "اتفضلي يابنتي." شيرين: "شكراً." وراحت على السفرة وقعدت، وبعدها نزل حمزة وصابحة. وقعدوا ياكلوا. شيرين بوجع: "آه الحقني ياحمزة، بطني بتتقطع." حمزة: "اهدّي بس، إنتي لسه في الأول." شيرين بعصبية: "بقولك بطني بتتقطع، أكيد صابحة هي اللي عملت كده." حمزة: "صابحة قاعدة في مكانها متحركتش." شيرين: "إنت معايا ولا معاها؟ حمزة: "اسكتي، خليني أعرف أرن على الدكتور. خديها يادادة على أوضتها." الدادة: "عيني."