رواية بنت الصعيد الفصل الخامس 5 - بقلم هاجر حسين

زينب: بس قمر يابني والله، ربنا يسعدك. يونس: يارب يا تيته. زينب: أنا كلمت ملاك وخليتها تجهزلك الأوضة بتاعتك وتجيب ملابس لداليا على ذوقي. يونس: مش عارف من غيرك هعمل إيه يا تيتا، بجد ربنا ميحرمنيش منك يارب. اسلام فتح الباب: خيانة! بتخونيني يا تيتا ومع مين؟ مع يونس صاحب عمري. زينب: هههه تعال، أنا ليا مين غيركم في الدنيا دي؟ ربنا يكرمكم يارب. اسلام: اااه اتسيس عشان معتبكيش. وزق يونس: ابعد كدا، دا مكاني أنا.

زينب: مكانكم انتو الاتنين. يونس: على فكرة انت رخمة. اسلام: مش مهم، المهم إن في حضن زينب وحبيبتي. يونس: أنا هروح أنام، تصبحوا على خير. زينب واسلام: وانت من أهله. يونس خرج. زينب: مش هتفرحني بيك انت كمان يا اسلام؟ اسلام: انتي عارفة اللي فيها يا تيته. زينب: حاول تاني يابني، وإن شاء الله خير. اسلام: هي شايفة نفسها إنها خلاص انتهت وإن مفيش أمل. زينب: صدقني المرة دي هخليها توافق على العملية وعليك.

اسلام: لا يا تيتا، سيبها براحتها، متجبرهاش على حاجة. زينب: اللي تشوفه، يلا بقا على أوضتك روح نام. اسلام: بسها على راسه: تصبحي على خير. زينب: وانت من اهله. *** داليا: الووو مين؟ معجب: انت عبيط ولا إيه؟ داليا: إيه اللي العبط في كدا؟ معجب: انت هتحاكي... وكانت هتقفل. يونس: أنا يونس. داليا: يونس؟ يونس مين؟ يونس: وانتي تعرفي كام يونس؟ داليا: واحد بس. يونس: ويبقا مين؟ داليا: احم، جبت رقمي منين؟ يونس: من دماغي.

داليا: ياسلام! يونس: من عمتو يا ست داليا. داليا: طيب، المفروض نستأذن. يونس: انتي عبيطة يابنت؟ هستأذن عشان أكلم مراتي؟ داليا: قولتلك أنا مش متعودة على كدا، فكلامي كان مخطوبيني. يونس: طيب، وإيه الفرق؟ داليا: فيه ضوابط خطوبة. يونس: لا بقولك إيه، أنا هتكلم وأقولك اللي يعجبني، وإنتي مراتي مش خطيبتي. داليا: طيب، شوف اللي يعجبك. يونس: بحبك. ……… وقفلت وحطت الفون جنبها وكانت مبسوطة أوي. داليا

(أفهمني قبل ما تحبني، وفعلاً أنا محتاجة اللي قدامي يفهمني، مش محتاجة كلام حلو ولا chat كله قلوب وكلام حلو. أنا محتاجة حد يفهم خوفي، حد يتحمل سكوتي، حد يفهم ملامحي اللي بتبقى مقفولة وقت الزعل، حد يعاملني براحة، حد يسمعني وما يملش، حد وجودي وغيابي فارق معاه) €••• عدى يومين ويونس وداليا بيتكلموا في التليفون، وجه اليوم اللي هيسافروا فيها. اسلام معاه محمد وزينب وفاطمة. ويونس أخد داليا. يونس: أنا مبسوط أوي إنك معايا.

داليا: يارب دايما تكون مبسوط. يونس: يعني مسألتش وقلت معرفتش بنات قبل كده؟ داليا: أنا مليش دعوة باللي فات، عشان مكنتش فيه، المهم في اللي جاي. يونس: كل ما بتكلم معاكي بتخطفى قلبي. داليا: يبقا ما هتكلمش. يونس: ليه بس؟ ااه صح، ماما اللي بتظبط الدنيا. داليا: إزاي؟ يونس: يعني الفستان والقاعة هي المسؤولة، يعني مش هيبقا اسلام! داليا: بس كان نفسي يبقا اسلام، يلا مفيش مشاكل. بس أنا مشفتهاش لدلوقتي ليه؟

يونس: اهو قربنا نوصل وهتشوفيها. داليا: اممم، ماشى. قضوا وقت حلو مع بعض ونزلوا كذا مرة كافتيريا، وداليا مبسوطة مع يونس. بعد ساعات وصلوا. يونس: وصلنا. داليا: بسرعة إيه؟ حرمت عليك. يونس: والله أنا دايما بزهق من الطريق، بس المرة دي تختلف. أنا بقول كانتو جيتوا الفيلا أحسن. داليا: اهو اسلام وصل، هنزل أنا بقا. يونس وداليا نازلين. يونس: يا عم ما بلاش هنا وتعال عندنا. محمد: ما بكرة وهتكون عندك يا يونس.

يونس: ماشي يا عم، يلا تصبحوا على خير. داليا ومحمد: وانت من اهل الخير. يونس ركب العربية ومشي، وهما طلعوا. محمد: شايفك مبسوطة. داليا: جدا جدا يا بابا. محمد: طيب يا بنتي، الحمد لله. داليا: أنا قصدي مبسوطة عشان انت معايا. محمد: وهو جوزك برضه. داليا: ربنا ميحرمنيش منك يا بابا. محمد: ولا منك يا حبيبتي. خدي المفتاح ده عشان لو حبيتي تيجي هنا. داليا: ماشي يا بابا. محمد: يلا روحي نامي. داليا: ماشي، تصبح على خير.

محمد: وانتي من اهل الخير. *** تاني يوم يونس أخد داليا البيوتي سينتر. وبعد شوية وصلوا، وداليا معجبهاش الفستان. داليا: هو إيه دا؟ يونس: ده فستانك. داليا: إيه دا يا يونس؟ هي طنط متعرفش إني محجبة ولا إيه؟ يونس: ممكن. داليا: مش كفاية إن الفرح مش هيبقى اسلامي؟ يونس: يا حبيبتي اختاري أي فستان غيره. داليا: أكيد عشان ده عريان خالص. يونس: ماشي، همشي أنا. ... لسه بيلف، لقي اسلام وملاك. يونس: ملاك كويس إنك جيتي.

اسلام: جبتها بالعافية. ملاك: أنا جايه عشان أشوف مرات أخويا. تعالى في حضن أخوكي. داليا مالت عليها وحضنته: انتي بقا ملاك؟ ملاك: ااه أنا، بس إيه الجمال ده؟ داليا: والله انتي اللي ملاك فعلاً. يونس: خلاص بقا، الاه. يلا بقا ادخلوا اجهزوا. لو تحتاجوا أي حاجة كلموني. ملاك: ماشي يا باشا. يونس و اسلام خرجوا. داليا: كويس إنك جيتي عشان هحتار في الفستان. ملاك: ما ماما حجزت. داليا: بس مينفعش ألبسه دا، لأن أنا هلبس الخمار برضه.

ملاك: ماشي يا حبيبتي، يلا نختار ونحتار. (ملاك الشناوي، 19 سنة، كلية علوم، عيونها عسلي، بيضة، محجبة، قاعدة على كرسي متحرك بسبب حادثة.) داخلت عليهم ماما يونس. ملاك: ماما، يعني جيتي؟ سهير: أظبط الدنيا عشان ممكن يكون ذوقها بلدي. داليا: ازيك يا طنط؟ سهير: ههه، طنط؟ قوليلي سهير. هنام… وسبتها ودخلت. ملاك: متزعليش يا داليا، ماما مع الكل كده. داليا: عادي يا حبيبتي، مزعلتش. سهير خرجت: انتي إزاي هتغيري الفستان اللي أنا حجزته؟

داليا: أنا محجبة وكمان مختمرة زي ما حضرتك شايفه، وما يـ… سهير قطعتها: يعني إيه محجبة؟ البسيه النهارده وبس، اللي اختارته أنا يمشي. داليا: بس أنا معجبنيش الفستان ومش هلبسه، ولو هختار هيكون واحد محتشم. ملاك خدت جنب وكلمت يونس. سهير: يعني كلامي مش هيتسمع؟ داليا: أنا مقلتش كده، وبعدين المفروض دا فرحي، أنا اللي أختار. سهير: طيب حلو أوي، نشوف مين اللي هيمشي، أنا يانتي. داليا: هو إيه دا؟ دا فرحي.

سهير: مش انتي البنت اللي كنت أتمناها لابني؟ داليا: اهو النصيب يا طنط، ليس كل ما يتمناه المرء يدركه. يونس دخل: سهير هانم، إيه جابك؟ سهير: اسأل مرتك. داليا باستغراب: أنا؟ سهير: أنا مش عاجبني الفستان، فقولت أغيره. داليا: لا يا شيخة، من أولها كده هتكدبي؟ دي بتكلمني بكل بجاحة ومش محترمني خالص. داليا بصدمة: أنا؟ يونس قرب منها: ياروحي، أنا عارفك وعارف كلامك.

بعد عنها شوية: اعتقد يا سهير هانم، دا فرحها وهي تختار اللي يعجبها. وبعدين أنا مش عايز مراتي يكون لبسها عريان. يلا يا ملاك، ادخلي انتي وداليا واختاروا الفستان. داليا وملاك دخلوا. يونس: انتي بتعاملي ليه كده؟ مستكتره الفرحة عليا؟ انتي أم انتي؟ وسابه وخرج. سهير لنفسها: من أولها كده، أكيد سحرته، بس مش هسيبها، يا أنا يا هي. *** مامت يونس واقفة فوق راس الميكب أرتيست من الصبح. داليا: عايزة الميكب بسيط جدا، مش كده.

سهير: بقولك إيه، اسكتي انتي وأنا هظبطك. صاحبة الكوافير: سهير هانم، ممكن حضرتك تستني بره؟ لأن يونس بيه قال اللي تقوله العروسة بس هو اللي يتنفذ. سهير بغيظ: ماشي. ومشيت من البيوتي سنتر خالص.

بعد ساعات خلصوا، ويونس راح أخدها من البيوتي سينتر. وكان مستنيها، وأول لما شافها ابتسم من جمالها. كانت شبه الأميرات بفستانها الجميل والهادي زيها، على خمارها الجميل، وكانت جميلة بمعنى الكلمة وساحرة فعلاً. وخدها من إيديها ومسك إيديها الاتنين وهو بيبصلها بحب وعشق، وباس إيديها. يونس: مبارك يا أحلى حاجة في حياتي. داليا بخجل: الله يبارك فيك. يونس: إيه الجمال ده؟ داليا: عيونك أجمل. يونس: أنا بقول نروح أحسن.

ملاك: لاحظت إنك معايا، يلا بقا نعمل سيشن حلو. يونس: يلا. أخد داليا وركب العربية، وكان بيسوق السواق. اسلام أخد ملاك. اسلام: إيه الجمال ده؟ ملاك: عارفة، عارفة. اسلام: بحبك يا ملاك. ملاك: شكراً. اسلام: امم، صح، شكراً؟ حلو شكراً. ملاك: أعمل إيه يعني؟ اسلام: لا متقوليش حاجة. تجوزيني يا ملاك؟ ملاك: نعم؟ انت بتقول إيه؟ اسلام: ملاك، انتي عارفة إني بحبك وانتي بتحبيني، ومن يوم الحادثة وانتي بتبعدي عني. ملاك بتمنع دموعها.

اسلام: يا ملاك يا حبيبتي، كفاية كده، ريحيني واعملي العملية. مش عشاني والله، عشانك انتي وعشان جمعتك اللي مش بتروحيها. ملاك: ممكن نقفل الموضوع ده بقا. اسلام: لا، وأنا مش هسيبك هااا، وانتي ليا غصب عنك، والعملية هتعمليها غصب، فاهمة؟ ملاك: أنا مش عارفة ركبت معاك ليه. اسلام: فاهمة ولا لأ؟ ملاك: إن شاء الله. هعمل العملية بس. اسلام: ماشي، بعد العملية نتكلم.

وصلوا وخلصوا السيشن وطلعوا على القاعة. كبيرة وجميلة جداً، كل الناس بتهني يونس وداليا، وطبعاً هما الاتنين في غاية السعادة ومبسوطين جداً. وابتدوا الاحتفالات المعتادة على طول، لأن كاتبين الكتاب بعد شوية. ووقفوا على الاستيدچ عشان يرقصوا سلو. كله بيرقص وكله فرحان. يونس حاضن داليا وبيوشوشها: بحبك، بحبك أوي. يونس: اه منك انتي، دوبتيني. أنا لحد دلوقتي مش مصدق إني حبيت واتجوزت كمان. انتي عملتي فيا إيه بس؟

داليا: والله ما عملت حاجة، انت اللي جيت وحبيتني. يونس شالها ولف بيها وهي حضنته أوي. نزلت وقعدت مكانهم، وجات عليهم واحدة. حضنت يونس: مبروك يا يونس. يونس: الله يبارك فيكي يا يارا، عقبالك. يارا: خلاص يا بيبي، عقبال إيه بقا. قربت من داليا وضغطت على إيديها جامد. يارا: مبروك. داليا: اااه، إيدي. يونس: في إيه يا يارا؟ يارا: معلش، مش قصدي. ومشت. داليا: مين دي؟ يونس: بنت خالتها. داليا: وبتحضنه كده عادي؟ يونس: زي ملاك.

داليا: ملاك؟ وبيبي أهاا، طيب. وكملوا الفرح، وكان فرح جميل وكل الموجودين فيه مبسوطين. خلص الفرح وكله مشي. يونس دخل وقفل الباب وبييقرب من داليا. داليا: في إيه؟ يونس: بقا أنا تضربيني بالقلم…