رواية بنت الصعيد الفصل السادس 6 - بقلم هاجر حسين

داليا: امم، وأنا بقول برضو دا مش حب. يونس: اااه، مش حب وهنتقم منك دلوقتي. داليا: كانت عايزة يوم كتب الكتاب تمضي بقلم رصاص عشان دماغك لو وزتك أمحيها. يونس: هههه، لا حلوة. داليا: انت هتنتقم مني بجد؟ يونس: لا، وخلاص فاضل تكة. داليا: على إيه؟ يونس: حبيبة قلبي، أخيراً هتبقي مراتي بجد، مش على الورق بس. داليا: احمم، بقولك إيه. يونس: قولي يا قلبي. داليا: نصلي الأول. يونس: آه نصلي، ماشي نصلي، منصليش ليه؟

غيروا هدومهم وتوضوا وصلوا، وقالوا الدعاء. يونس: يلا. داليا: أنا جعانة. يونس: ناكل، منكلش ليه؟ بدأوا ياكلوا وداليا بتاكل براحتها. يونس: أنا بقول كفاية كدا... وسحب منها الأكل وبيقرّب منها. داليا: طيب ممكن نتكلم شوية. يونس جز على سنانه: آه نتكلم، وماله نتكلم، استني كدة... وبدأ يفك قميصه. وأخذه في عالمهم الخاص لتصبح داليا زوجته شرعاً وقانوناً. ***

يونس فتح عيونه وكانت داليا نايمة في حضنه وحاطة رأسها على صدره وشعرها نازل على وشها. يونس بص لها وابتسم بحب وشال خصلات شعرها من على وشها وفضل يتأمل ملامحها الجميلة. داليا فتحت عيونها واتكسفت. يونس: صباحية مباركة يا عروسة. داليا: الله يبارك فيك. يونس: خراشي على عيون مراتي. يونس باسها على راسه وداخل الحمام أخد شاور وخرج. يونس: يلا ادخلي خدي شاور وانزلي، هستناكي تحت. داليا: ماشي. قامت رتبت الدنيا ودخلت أخدت شاور وخرجت.

يونس لقاها اتأخرت، طلع لها كانت في أوضة الملابس. يونس: اتأخرتي ليه؟ داليا: خضتني يا يونس. يونس: يا إيه؟ داليا: يا يونسي. يونس حضنها: اسمي حلو كدا من امتى؟ داليا: يلا بقا ننزل. يونس: أنا بقول بلاها. داليا: خليك انت وأنا هنزل. يونس مسك إيديها: تعرفي، أنا خايف أطلقك من الفرحة والله. داليا: هههه. يونس: طيب والله بحبك. داليا: امتى وإزاي؟ نفسي أعرف.

يونس: بحبك من أول مرة شوفتك فيها، لما لمحتك حبيتك من أول يوم شفتك فيه في الشارع سحرتيني، فضلت أفكر فيكي، كل مرة كنت بقرب منك بحس إحساس لأول مرة أحسه. داليا: انت هتخليني أحبك كدا؟ يونس: وأنا عايز كدا، اااه صح، انتي حبيتي قبل كدا؟ داليا: أولاً الارتباط حرام، ثانياً اااه بس كانت صغيرة يعني حب مراهقة. يونس: نعم، ومين ده إن شاء الله؟ داليا: اهدا كدا، هو ابن خالتي وسافر. يونس: ودلوقتي؟

داليا: لا طبعاً، دا كان زمان لما كانت في إعدادي، دلوقتي معايا جوزي. يونس: امم، ماشي... قرب منها وهيبوسها الباب خبط. يونس: مين الرخم دا؟ هم نسيو إن أنا عريس ولا إيه... مين؟ صوت من الخارج: زينب هانم مستنية حضرتك تحت. يونس: ماشي، ننزل أهو. داليا ضحكت. يونس: إيدا، دا انتي بتضحكي وضحكتك حلوة كمان. داليا: طيب يلا ننزل طيب. يونس: يلا... مسك إيديها ونزل. والكل كان على السفرة، صبحوا وباركوا لهم وقاعدين بيفطروا.

يونس: إيه يا زينب، هو أنا مش عريس؟ زينب: عريس، بس دا نظامك ولا نسيتي؟ يونس: لا منستش، عاجبك يا عمتو؟ فاطمة: ههه، ربنا يسعدكم يا بني. إسلام: أنا بفتكر اتجوز. يونس: اممم، ومين هي؟ إسلام: مش مهم مين، المهم اتغيرت زيك كدا. يونس: إيه التغيير؟ هو أنا لحقت؟ دا أنا لسه متجوز امبارح. سهير: من امتى وانت بتتكلم كتير على الأكل كدا؟ يونس: والله أنا حر وأتكلم زي ما أنا عايز. سهير: يونس، أنا لحد دلوقتي متكلمتش معاك على اللي عملته.

يونس: امم، وعملت إيه؟ سهير: إنك تروح تتجوز واحدة فلاحة ومن الصعيد. داليا بدهشة: فلاحة؟ وماله الصعيد يا طنط؟ سهير: طنط، دا انتي بيئة أوي. داليا سابته وطلعت. فاطمة: هو في إيه يا سهير؟ زينب: سيبك منها يا فاطمة، دي مفيش حاجة هتغيره، أنا مش عارفة شايفه نفسها على إيه. سهير: هو ساب كل البنات دي ويتجوز واحدة مش من مستوانا. يونس بغضب: أنا لحد دلوقتي محترمك لأنك أمي، لكن لو هتكلمي داليا بالطريقة دي تاني، هنسى إنك أمي...

وسابهم وطلع. سهير لنفسها: مش أنا اللي اسمح لحتة فلاحة تهد كل اللي بخطط له من سنين. يونس ليارا... يونس: خلاص بقا متزعليش. داليا: أنا عملت إيه عشان تقول كدا؟ يونس: معلش، أنا آسف. داليا: طيب. يونس: إيه رأيك نمشي من هنا؟ داليا: هنروح فين؟ يونس: أي مكان، نقضي شهر العسل. داليا: لا. يونس: ليه؟ داليا: من غير ليه. يونس: ماشي، اللي يريحك. داليا: انت مش بتقولها ماما ليه؟ يونس: بقولك إيه، ما تسيبك منها وتجيبي بوسة...

داليا: لا، ويلا ننزل. يونس: لا. داليا: يونس. يونس: اجهزي وانزلي عشان باباكِ جا. داليا: حاضر... باسها ومشي. *** ملاك كانت قاعدة في الجنينة. إسلام جه من وراها. إسلام بصوت عالي: ملااااك. ملاك بخضة: عععععااا، في إيه يا إسلام خضتني. إسلام: وحشتيني. ملاك: نينينينينينى. إسلام: عسل يا بنت خالتي. ملاك: من غير ما تقول. إسلام: كلمت الدكتور. ملاك: عايزة أقعد لوحدي، ممكن؟ إسلام: بكرة هنروح. ملاك: امشي يا إسلام. إسلام: عشان خاطري.

ملاك: برضو مش هروح. إسلام: ماليش خاطر عندك. ملاك: خلاص هفكر. إسلام: حبيبتي والله. ملاك: إسلام، احترم نفسك. يونس جاء عليهم: قاعدين مع بعض يعني؟ إسلام: عادي. ملاك: عادي إيه؟ يونس: أما إيه؟ ملاك: أنا كنت بثبت من شوية. إسلام: بتثبتي إزاي؟ ملاك: استعبط، استعبط، عمال يقولي كلام حلو، مش محترم وجودك يا يونس. إسلام: أناااا، امتى دا؟ ملاك: يالههههوي على البراءة. يونس مسك إسلام من قميصه: دا بجد يا إسلام؟ إسلام: ااااه.

يونس: ااااه يا واطي، ما تعلمني شوية يا عم. ملاك: إيتا إيتا، انت مش هتغير على أختك يا يونس؟ يونس: لا، أنا بغير على مراتي بس. إسلام: أنا كلمت الدكتور وهنروح بكرة. يونس: طيب، كويس. ملاك: وأنا مش رايحة يا إسلام. إسلام: هتروحي غصب، قولتلك. ملاك: على فكرة انت بارد ومعندكش دم، كام مرة أقولك متدخلش في حياتي. إسلام: والله يعني بقى كدا... وسابه ومشي. ملاك: ما تبصش كدا يا يونس، ما انت شايف إنه بارد ومدخل أوي في حياتي.

يونس: إسلام بيحبكم. ملاك: انت عارف وبتقولي كمان؟ يونس: ااه، مش هتلاقي حد يحبك زيهم. ملاك: بس أنا مش بحبه... شغلت الكرسي وسابته. بعد شويا عم محمد جاي وقعد معاهم شوية. محمد: خلي بالك على داليا يا يونس. يونس: في عيوني والله يا عم محمد. محمد: تسلم عيونك يا بني، أنا مش هوصيك. يونس: حاضر. محمد: أشوف وشكم بخير. داليا بدموع: طيب خليك هنا يا بابا، مش لازم تمشي. محمد: هجيلك يا بنتي تاني، ويونس هيخليكي تيجي ولا إيه يا يونس؟

يونس: أكيد هنيجي لك يا عم. محمد: يلا سلام. داليا حضنته: خلي بالك على نفسك يا بابا. محمد: ماشي يا بنتي، متقلقيش انتي. زينب وفاطمة نازلين من فوق. يونس: إيه دا، انتوا رايحين فين؟ فاطمة: أنا هرجع بيتي وهاخد أمي معايا تقعد كام يوم، ولا مينفعش؟ يونس: هو المفروض مينفعش والله، لأنه هتوحشني أوي. زينب: وانت يا حبيبي خلي بالك من مراتك. يونس: حاضر. إسلام: ما توصلهم يا يونس انت. زينب: قدامي يلا يا إسلام. إسلام: حاضر.

محمد: خلي بالك من نفسك يا داليا. داليا حضنته وعيطت: حاضر. خرجوا كلهم. يونس: هتعيطي كتير طيب. داليا: أنا عايزة أروح مع باباي. يونس: طيب، وأنا؟ داليا: بابا لوحده في البيت. يونس حضنها: أنا حاولت معها إنه يبقى هنا مرضيش، خلاص بقا أوعدك هروح له قريب. داليا: ماشي. يونس: فين ملاك؟ داليا: في أوضتها. يونس: ما تيجي نطلع أوضتنا... *** عدت أيام، يونس حبه بيزيد لداليا وهي مبسوطة معاها، ملاك عملت العملية ومشيت.

داليا: تليفونك بيرن يا يونس. يونس: دا عمر. داليا: عمر ابن عمي، انت بتكلمه؟ يونس فاتح: الو. عمر: أيوه يا يونس. يونس: في إيه يا عمر؟ عمر: عمي مات. يونس بصدمة: إيه؟