رواية بنت الصعيد الفصل الثامن عشر 18 - بقلم هاجر حسين

يونس حضن فاطمه. -عامله إيه يا عمتو؟ فاطمه بزعل: -الحمدلله. يونس بص لداليا: -إزيك يا داليا؟ داليا: -بخير الحمدلله. وقربت من فاطمه: -علشان خاطري يا خالتي خليني أمشي. فاطمه: -ماشي يا داليا، اللي يريحك. داليا: -طيب يا جماعة، عن إذنكم. وخرجت. ملاك كانت هتخرج. يونس: -رايحة فين؟ ملاك: -عايزة داليا. يونس: -لا متخرجيش. ملاك: -هو إيه ده؟ وخرجت. -داليا. داليا: -نعم يا ملاك، في إيه؟ ملاك حضنتها وعيطت: -هتفضلي لحد إمتى ساكتة؟ ها؟

داليا مسحتلها دموعها: -اهدي يا ملاك، بلاش عياط. ملاك بدموع: -اتكلمي وقولي الحقيقة. داليا: -مبقاش ينفع يا ملاك. ملاك: -أنا هتكلم وهقول كل حاجة. داليا: -لا يا ملاك، مفيش فايدة، إحنا اتطلقنا ومش هنستفيد حاجة لما يعرف إن مامتك اللي بتعامل كده. ملاك: -لا، أنا هقولها كل حاجة. داليا: -لا. ملاك حطت إيديها على بطن داليا: -انتي حامل يا داليا؟ داليا بتوتر: -لا. ملاك: -اومال إيه بطنك دي؟ داليا بدموع:

-آه يا ملاك، بس علشان خاطري متقوليش ليونس علشان مـ… قطع كلامها صوت يونس. -ملااااك. ملاك: -نعم. داليا: -سلام يا ملاك. ومشيت. يونس: -انتي مبقتيش تسمعي الكلام ليه؟ ملاك: -عايز إيه؟ يونس: -إيه، أم كلامك دا؟ ماتتكلمي كويس، ولا أخدتي طبعها؟ ملاك: -انت إيه يا أخي، حرام عليك، اسمعها لمرة واحدة، داليا مظلومة. يونس: -مظلومة في إيه بقا؟ ملاك: -هقولك، بس مش عايزة مشاكل معاك ولا مع ماما. يونس: -آه، وإنتي صدقتي لما قالتلك أمك؟

ملاك: -آآآه، أمي، وأنا اللي سمعت ماما وهي بتقول لـ دادا صفية تحط الحبوب، وقولت لداليا متشربش العصير ولا اللبن. فلاش باك. ملاك كانت داخلة المطبخ وسمعت. سهير: -حطي اللي قلتلك عليها. صفية: -يا هانم، أنا ماليش دعوة بكده. سهير: -اسمعي اللي بقولك عليها. صفية: -يا هانم، حرام عليكي. سهير: -بقولك إيه، إنتي هنا علشان تعملي اللي أقولك عليه. صفية: -حاضر يا هانم. باك. ملاك:

-وكل مرة كنت أشوفه وأسمعه، وقولت لماما، قالت مالكيش دعوة، وإياكي تقولي ليونس. خافت منك، وقولت لداليا إنها متشربش العصير واللبن، ولما سألت ليه، قلتله على ماما، ومرضيتش تخاليني أقولك، لحد ما ماما هربتها. داليا قالتلي قبل كده إن ماما هتهربها، وبعدها بيوم ماما قالت الفلوس والدهب اتسرقوا، وبعديها بيومين شفت يارا وهي عند ماما بتديها الفلوس والدهب. وبعد ده كله تتطلق داليا وهي مالهاش أي ذنب ومظلومة.

يونس وقف ومش مستوعب اللي بتقوله. ملاك: -دا غير الضرب والإهانة والخيانة دي، سمعتك وإنت بتتكلم واحدة في الفون وحامل منك، إنت جرحتها أوي يا يونس، أتمنى تصلح غلطك. وسابته ودخلت. يونس مش مصدق اللي سمعه: -معقولة دا كله وأنا ظالمها؟ ودا كله يحصل من أمي؟ مش معقولة، أكيد ضحكت على ملاك بكلمتين. ودخل. *** فاطمه: -بجد أنا مبسوطة أوي من آخر مرة كنت فيها هنا، وقولت إنك هتجوز ملاك، وأنا مبسوطة، أخيراً هشوفك عريس يا إسلام. زينب:

-ربنا يفرحك بيها يا بنتي. فاطمه: -يارب يا أمي، يارب. آه صحيح، يا يونس، إنت لسه برضه شاكك في داليا؟ يونس قام من على السفرة: -أنا هطلع أنام. وطلع. زينب: -ربنا يريح قلبك يا يونس. إسلام: -يارب يا تيتا، أنا مش عارف بيتعب نفسه ليه. ملاك: -غصب عنها يا جدعان والله، ربنا كبير، وإن شاء الله مش هيسيبه. فاطمه: -يارب يا بنتي، يلا روحوا ارتاحوا، أكيد تعبانين من السفر. والكل راح أوضته. يونس رن على يارا. يارا:

-عامل إيه يا يونس، وحشتني أوي. يونس: -قوليلي يا يارا، إنتي ليه بتعاملي كده؟ يارا بقلق: -كده إزاي يعني؟ يونس: -أنا فاكر اليوم اللي كنتي معايا فيه، فـ ليه بتقولي إنك حامل والكلام الفاضي ده؟ يارا: -يعني أنا هكدب في حاجة زي دي يا يونس؟ يونس بغضب: -والله لو مقولتيش لي، هكلم أبوكي وأقوله اللي إنتي بتقوليه ده. يارا بخوف: -لا، إلا بابا. أنا هقولك. يونس: -قولي. يارا: -خالتي اللي قالتلي أعمل كده علشان تبعدك عن داليا. يونس:

-ومعاكي الدهب والفلوس بتوع أمي صح؟ يارا: -إحيه! إنت عرفت إزاي؟ يونس: -يعني صح. يارا: -صح، هما استرقوا مني، بس أنا ماليش دعوة، خالتي اللي عملت كل ده والله. يونس قفل وراح عند سهير. *** سهير: -خير يا يونس، فيها إيه؟ يونس: -بتعاملي ليه فيا كده؟ سهير: -بعمل إيه؟ يونس: -حرام عليكي، إنتي دمرتيني ليه، ها، ليه؟ كله علشان الفلوس ومظهرك قدام الناس، تدمرى ابنك وتبعدي عنه مراته ليه؟ سهير بخوف: -إنت بتتكلم على إيه يا يونس؟

أنا مش فاهمة حاجة. يونس بغضب: -يا شيخة حرام عليكي، إنتي دمرتيني من صغري، لما خلتيني أشتغل في تهريب المخدرات، علشان أكبر فلوسي. وبعد ما فقت وعرفت اللي بعمله غلط، كنتي عايزاني أرجع؟ ليه بتعملي فيا كده؟ أنا مش ابنك ولا إيه؟ ها، ردي، استفدتي إيه لما بعدتي داليا عني؟ الإنسانة الوحيدة اللي حبيتها. سهير: -يونس، إنت فاهم غلط. يونس: -هههه، غلط، حرام عليكي، كفاية لحد كده. وسابها وخرج. *** في الصباح. داليا راحت الكلية. حبيبة:

-وحشتيني أوي يا داليا والله. داليا: -وإنتي أكتر والله يا حبيبة، عارفة إني مقصرة معاكي، مش بكلمك غير واتس بس، غصب عني والله. حبيبة: -ولا يهمك. داليا: -أنا والله جاية علشان أشوفك بس. حبيبة: -يا راجل، ما إنتي جاية الكلية. داليا: -لا، والله ما إنتي عارفة إني ضايعة السنة دي. حبيبة: -آه، بس بسم الله ما شاء الله عليكي في النقاب. داليا: -على أساس إني بينها. حبيبة: -عيونك اللي زي البحر والسماء مع اللون الأسود تجنن. داليا:

-هففف، هو ده اللي مضايقني وعاملة وجهة نظر. حبيبة: -هههه، بهزار، وبعدين ما إنتي منزلة أوي أهو. داليا: -طيب، أنا همشي بقى. حبيبة: -ماشي، خلي بالك على نفسك وعلى اللي في بطنك. داليا: -فضحتيني. حبيبة: -هههه، معلش، يلا سلام. داليا مشيت وركبت ميكروباص، وبتبص جنبها لقيت واحد مبصش عليها، حطت الشنطة بينها وبينه. -وحشتيني يا داليا. داليا بصت لقيتها يونس، حطت الشنطة على بطنها. يونس: -أنا عرفت كل حاجة متأخر، ياريت تسامحيني.

وحط إيديها على كتفه. داليا: -إنت اتجننت، ابعد إيدك عني. راجل راكب وراها: -في حاجة يا بنت الناس؟ يونس: -ما تخليك في حالك. الراجل: -يعني أشوف بنت من بناتنا في الوضع ده وأسكت؟ وبعدين إنت ليك عين تتكلم؟ يونس مهتمش لكلامها ومسك إيد داليا: -يا داليا، يا حبيبتي، سامحيني. داليا: -لا، إنت مجنون فعلاً، بقولك إيه، سيب إيدي. العربية كله بقى يتكلم على يونس ويشتم. الراجل: -اللي يشوفك يقول إنك ابن ناس، لكن مش بتبان فعلاً. السواق:

-بقولك إيه يا باشمهندس، اتفضل انزل بكرمتك، أحسن. يونس بغضب: -بقولكم إيه، كل واحد يحط لسانه في بوقه ويخرس. الراجل: -دا إنت بجح أوي. يونس: -اللي متعرفوش إن أنا جوزها، بس في مشاكل، ممكن نسكت بقى. الراجل: -دا حقيقي يا بنت الناس؟ داليا بصت ليونس: -لا. يونس: -داليا. الراجل: -وكمان ليك عين تكدب؟ داليا: -طليقي مش جوزي. يونس: -ياريت، كفاية كلام، ومنحكمش من غير ما نعرف. الراجل: -إحنا آسفين يا ابني، بس لازم نقوم بواجبنا. يونس:

-ولا يهمك. السواق: -اتفضلوا انزلوا، صدعتوني. يونس نزل وبعدين داليا. داليا مشيت ويونس مشي جنبها. داليا: -الله يرضى عنك، سبني في حالي، إنت مش طلقتني، عايز إيه تاني؟ يونس: -عايزك إنتي يا داليا. داليا: -إنت طلقتني بتلاتة يا يونس، نرجع إزاي؟ ها؟ يونس: -أنا عرفت كل حاجة يا داليا. داليا: -متأخر أوي يا يونس، وانسى إني أرجعلك. يونس: -عارف إني غلط كتير، بس كان غصب. داليا:

-الله يكرمك، كفاية لحد هنا، أنا مش مستعدة أتهان من الناس كمان، كله عرف إننا اتطلقنا، فـ ابعد عني بقى.