رواية بطة الاسر الفصل الرابع 4 - بقلم تبارك عابد

بطة بفزع: اعاااااا.. انت مش روحت؟ ايه جابك؟ نادية: بتتت احترمي نفسك. ايه جابك؟ بطة: يماما قصدي انه كان ماشي. محمد: جه معايا عشان نحدد كتب الكتاب. بطة: بالسرعة دي؟ اسر: ده أحسن وقت أظن، قبل ما حد يتكلم. بطة بهدوء: تمام. نادية: أما أنا بقى، عاملة شوية محشي أنما إيه. لازم تتغدي معانا يا اسر يابني. اسر: كثر خيرك، بس أنا مستعجل. نادية: والله ما يحصل. ولا إيه يا محمد؟

محمد: الحاجة عندها حق يابني. يلا بينا، على ما يجهزوا الأكل نقعد في البلكونة. .......... البلكونة محمد: طبعاً أنا وافقت عشان الكلام اللي قولته، عن إن ثقتها مهزوزة وإنها بتتعرض للتنمر في الجامعة. بس أنا يابني خايف على بنتي.

اسر: مقدر خوفك، بس صدقني هي محتاجة داعم غيركم. لأن عارفة إنكم أهلها، وحتى لو شايفين فيها عيب مش هتقولوا. بطة يا حاج، زي ما قولتلك، التنمر اللي كانت بتتعرض ليه في الجامعة، وقبل كده في مختلف مراحل عمرها، خلاها تبقى فاقدة الثقة في نفسها. وأثر التنمر كبير على نفسية الشخص، ممكن يوصله للانتحار. محمد بشك: بس متزعلش مني، ما في غيرها كتير. وبصراحة، موضوع مشروعك ده مش سبب رئيسي، صح؟

اسر: عندك حق يا حج. أنا كان عندي أخت توأم كانت بتعاني من مشكلة زي فاطمة، لحد ما انتحرت. ولما شفت فاطمة حسيت فيها أختي، فحبيت أساعدها، لأني أتمنيت لو أختي كانت تلاقي مساعدة. محمد بهدوء، بس قلبه مش مرتاح، قال في نفسه: المهم إن بنته تكون كويسة. هو عارف إن بطة كتومة، وده كان بيخوفه ساعات إنها تعمل في نفسها حاجة. بس هو مش مرتاح للموضوع، بس بيحاول يتخطى خوفه ده. محمد: ربنا يرحمها. ابتسم اسر بشرود وهو ينظر لنقطة فراغ.

.......... نزلت حياة من العربية بعصبية: خير يا بلال؟ بلال بابتسامة وهو يخلع نظارته ويستند على السيارة: خير يا قلب بلال، إن شاء الله. حياة باستفزاز: وهو انت بيجي من وراك خير برضه؟ بلال: بتاكلي وتنكري زي القطط. صنف نمرود. حياة بعصبية: انت بارد ومستفزززز. اقترب بلال منها: وعسول وجميل وبحب مراتي. ويلا عشان ما نمسكش وضع مخل في الطريق العام. حياة: يلا؟ يلا فين؟ بلال: على بيتنا يا ماما، مش كفاية كده ولا ناوية تخلي عند أمك؟

حياة: أمك؟ بقيت بيه أوييي. بلال واقترب منها زاد وغمز لها: أوي أوييي. حياة بصدمة: احترم نفسك. بلال: قدامي يا بت. حياة بهدوء: مش هاجي معاك يا بلال. بلال بعصبية: ليه يا حياة؟ ليه مصممة تنهي علاقتنا؟ قولتلك كانت زفت، مهمة كان لازم أعمل كده. حياة بدموع: مفيش مبرر للخانة. بلال بهدوء وهو يسحبها بين يديه محتضناً

إياها: شش. حياتي، انتي عارفة إن مفيش في القلب غيرك. صدقيني والله يا حياة، انتي حب ابتدائي وحب المراهقة وحب الجامعة. دا انتي خللت جنبك لحد ما خلصتي جامعة. وإذا كان على العمليات دي، ما عادش طالعها كله إلا زعلك يا حياة. مرضية كده يا ستي؟ حياة بابتسامة: اممم، بس عاوزة شوكولاتة. بلال: عيونه. متجيبي واحدة مشبك وانتي قمر كده. حياة: أنا اللي هديك مشبك يا حبيبي. حياة بصدمة: يفضيحتيي. بلال: هتباتي في الحجز يا نوغة. ..........

بطة بسخط وهي تنظر إلى طبق السلطة، بينما أمامهم كل ما لذ وطاب: والله.. ما تهزروا، أنا جعانة. نادية: اسكتي يابت وكلي السلطة. بطة: طب مش هاكل. علي: أحسن، وفرتي. بطة: بابا، خليه يسكت. محمد: اسكت يا علي، عيب اختك. علي: هو أنا قولت إيه؟ الله. نادية: مبتاكلش ليه يا ابني؟ شكل أكلنا مش عاجبك. اسر: بالعكس، تسلم إيديكي، الأكل جميل. نادية: بالف هنا. بطة بسخط وهي تنظر إلى علي وهو يضع المحشي

بفمه وينظر إليها بخبث: أه يعلي الكلب. أما أوريك. اسر: كلي السلطة يا بطة، عشان مسافة ما الساعة تيجي 8 مفيش أكل. بطة: هو ينفع أخس من غير رجيم يا دكتور؟ اسر بإصفرار: لا، مينفعش. بعد الغداء محمد: اعملي اتنين قهوة مظبوط يا حاجة. نادية: حاضر. ثم دلفت إلى المطبخ ونادت عليه. بينما في غرفة الصالون يجلس اسر وبطة. بطة: ممكن بلاش هيصة في كتب الكتاب؟ نكون إحنا بس. اسر: ليه؟ بطة بارتباك: عادي يعني. اسر: لا.

بطة: بس أنا مش عاوزة هيصة. اسر، قصدي دكتور اسر. اسر: بلاش دكتور، قولي اسر عادي. وبعدين لازم الكل يعرف عشان محدش يضايقك بالكلام، وخصوصاً الجامعة. بطة: بس أنا. اقترب اسر وأمسك يدها: بطة، انتي بنت جميلة ولطيفة. أه إحنا لسه متعرفين، بس انتي جواكي حلو. فتأكدي دايما إنك مميزة. الشكل مش كل حاجة. وبعدين انتي في نظري جميلة. احمم، قصدي يعني. ولكن علي دخل وقطع سحر اللحظة. علي: انتو قريبين ليه كده؟

اسر: احمم، كنت بشوف إيديها، أصلها بتقول إنها بتوجعها. علي: اممم. محمد: علي، روح شوف ماما. اسر: هستأذن بقى عشان جالي مكالمة مهمة من الشغل. وإن شاء الله هاجي معا ولدي والماذون بكرة بالليل. محمد: تمام يا ابني. .......... في منزل آخر -نفذت اللي قولتلك عليه. -حددت كل حاجة، وبكرة التنفيذ. بس أنا مش موافق على اللعبة الوسخة دي. -مش مهم توافق أو لا، المهم تنفذ. مين دول؟ وخطه إيه؟ كل ده هنعرفه في البارت الجاي.