تحميل رواية بيان العشق بقلم سلمى ابراهيم pdf

عمرو: حبيبه وحشتيني.

بصتله بيان بصدمة ودموع، ومبقتش عارفة تعمل إيه.

بيان بعياط: عمرو، أنا مراتك.

عمرو كان ماسك نفسه بالعافية، وحرفيًا هيموت ويحضن بيان اللي وحشه، وكل تفصيلة صغيرة فيها، وحشة ريحتها اللي كانت أوكسجين بالنسبة له. مش قادر يشوف دموعها، بس لازم يقسى شوية عشان يوقع حبيبه ويعرف إيه اللي بيحصل وإزاي عملت كده.

حبيبه بتغيظها: مالك يا حبيبتي؟

رغد بزهق: عمرو، دي بيان مراتك.

عمرو: بيان مين؟ أنا معرفش حد غير حبيبه.

كلمة "مراتك" دي وجعتها أوي، ومبقتش قادرة تستحمل، عيطت.

عمرو بدأ يبصلها كدا ومش قادر: إيه في مالها؟ ومين دي أصلًا؟

الدكتور: خلاص يا عمرو، بلاش تضغط على نفسك.

عمرو: أنا مش فاكر غير حبيبه ورغد أختي وصاحبتي وبس.

بيان بعياط أكتر: خلاص يا عمرو، كفاية، وجعتي قلبي.

حبيبه بضحكة: سلامة قلبك يا حبيبتي، سلامتك. ممكن تسيبيني مع حبيبي شوية؟

بيان اتعصبت أوي، ومبقتش متخيلة إن عمرو خلاص كدا هيكون بعيد عنها.

بيان بزعيق شديد: بقولك إيه يابنتِ، أنا على آخري أصلًا، حِلّي عني دلوقتي.

الدكتور: يا جماعة، مينفعش كدا. لو سمحتي يا مدام بيان، ممكن كلمتين.

بيان بسرعة وغيرة: مش هسيب جوزي أنا.

عمرو كان مبسوط بحبها.

الدكتور: هما كلمتين بس، معلش.

بيان: قولت مش هسيب عمرو مع البت دي مهما حصل.

رغد: يا حبيبتي، طب اهدي بس، شوفي الدكتور عايز إيه.

بيان بعياط بحرقة: مش قادرة يا رغد، أنا أصلًا مش متخيلة إن عمرو مش فاكرني، نتي فاهمة؟

رغد طبطبت عليها: معلش يا روحي، روحي بس، وخير إن شاء الله.

اتنهدت بيان بحزن ودموعها نازلة، وخرجت مع الدكتور.

حبيبه بصت لرغد كدا بقرف: ممكن تسيبيني أنا وعمرو مع بعض شوية؟

عمرو بص لرغد: روحي يا رغد.

رغد بصتلها بقرف وخرجت، ومبقاش حد غير حبيبه وعمرو وبس في الأوضة. قربت حبيبه أوي منه، وهو حرفيًا مكانش طايقها جنبه ولا يشوفها.

عمرو: وحشتيني أوي، على فكرة حاسس إني بقالي كتير مشوفتكيش.

حبيبه بدلع: إنت أكتر والله، وحشتني.

عمرو: أنا مش عارف إيه حصلي ولا مين عمل فيا كدا، ومين الهبلة اللي عمالة تعيط وبتقول إني جوزها دي؟ هو أنا اتجوزت حد غيرك؟

حبيبه بتمثل الزعل: آه، أبوك خلاك تتجوزها غصب عنك، بس أنا وإنت زي ما إحنا، يعني موعدناش عن بعض.

عمرو: وهو أنا عمري أسيبك بردو؟ بس أنا شاكك في الواد حازم، نتي عارفة إنه بيكرهني عشان إنتِ بعد ما سيبتيه بقيتي معايا وكدا.

حبيبه خافت يحط حازم في دماغه ويروح يتخانق معاه، فلازم تحكيله كل حاجة.

حبيبه بتوتر: لا أبدًا، دا... احم... حتى حازم نسيني خالص. إنت عارف أنا شاكة في مين؟

عمرو بقا مستني، يا ترى هتقول مين؟ ودماغها دي إيه؟

عمرو: مين؟ قولي بسرعة.

حبيبه: عبدالرحمن ابن عم بيان.

عمرو لنفسه: آه يابنت اللع**نة، يخربيت دماغك دي يا شيخة، عاوزاني أبعد عن حازم عشان متقوليش إني شوفتكم، وكمان عاوزاني أشك في عبدالرحمن أروح انتقم منه عشان تبقي خلصتي من الدليل اللي عليكي؟ أنا كدا اتأكدت إن إنتي وعبدالرحمن اللي عملتوها.

عمرو: بيان مين؟ ومين عبدالرحمن ده؟ أخوها ولا إيه؟

حبيبه: بيان اللي المفروض مراتك دي، وعبدالرحمن ده ابن عمها، وكان عاوز يتجوزها وكدا، فاهم.

عمرو: آه فهمت. طب خلاص، أهم حاجة إني لازم أطلق البنت دي عشان نتجوز أنا وإنتي.

حبيبه مبقتش مصدقة نفسها من الفرحة.

حبيبه بصدمة فرحة: إنت قولت إيه؟ هتجوزك يا حبيبه؟ أنا بحبك إنتي وبس.

حبيبه قربت منه وحضنته أوي، وهو مكانش طايقها أصلًا ومقروف منها ومن حضنها. مبادلهاش الحضن، لكن هي مركزتش، هي مش مركزة غير في جوازهم وبس.

كانت بيان قاعدة مع الدكتور.

الدكتور: حضرتك مش هينفع، مش هينفع نفكر بحاجة غصب عنه خالص.

بيان عيطت أوي.

بيان: وأنا مش هقدر إن البت دي تقرب منه أكتر من كدا، مش هقدر.

معتز بقا واقف بيقول لنفسه: يبختك بجد يا عمرو بواحدة زي دي بتحبك وبتخاف عليك أكتر من نفسها. ربنا يحفظكم لبعض بجد. وبص لرغد كدا: وربنا يكتبلي بنت الحلال.

فضلو يتكلموا شوية مع الدكتور.

رغد: بيان، أنا لازم أروح عشان بابا لو عرف حاجة هتبقى مص**يبة.

بيان بقلق وتعب: طب أوعي يعرف حاجة، عمي راضي تعبان يا رغد.

رغد: متقلقيش، متيجي تروحي معايا.

بيان بصتلها كدا.

بيان: عاوزاني أسيب عمرو يا رغد.

رغد: مقصدش بس... هو يعني... احم.

بيان بزعل ودموع: قصدك إنه مش فاكرني وكدا. حتى لو كدا، عمرو هيفضل جوايا، أنا مقدرش أسيبك ولا أبعد عنه. أنا وعمرو عدينا مرحلة العشق يا رغد. أكيد هيفتكرني، أنا واثقة، واثقة والله.

معتز اتنهد: والله يا بيان، أنا عرفت إن ربنا بيحب عمرو إنه رزقه بواحدة شكلك. نتي عارفة، اللي زيك خلاص خلصوا. وبص لرغد كدا: الناس دلوقتي بقت مفترية والله، صدقيني.

رغد فهمت إن الكلام عليها، بصتله بقرف كدا.

رغد: أنا همشي بقا.

بيان: هتروحي إزاي؟ دا الفجر أذن.

رغد: هو السواق روح ولا إيه؟

معتز: آه روح، على العموم أنا هوْدّيكي.

رغد: لا متتعبش نفسك، هاخد تاكسي.

بصلها عمرو كدا.

عمرو: هو إنتي شيفاني هالة ولا شيرين؟ إنتي مجنونة؟ أسيبك دلوقتي في وقت زي دا؟

ضحكت رغد بخفة، وبيان ضحكت بخفة وسط دموعها الشديدة: خلاص يا رغد، يلا روحي معاه عشان متتأخريش، وأنا هبقى أطمنك.

رغد: ماشي.

وحضنتها وخرجت مع معتز. فضلت بيان قاعدة برا الأوضة، حست إنها عايزة تشوفه وتشم نفسه وريحته وتحضنه، تطمن إنه جنبها ومعاها.

بيان: هو ينفع أدخلو يا دكتور؟

الدكتور: أيوه، بس الآنسة دي لسه معاه جوه.

بيان ملامح وشها اتغيرت: لسه معاه جوه؟ كل دا ولسه معاه جوه؟ مقدرتش تتمالك نفسها وفتحت الباب بسرعة، لقيتها قاعدة كدا قدامه وبيتكلموا، وحبيبه ماسكة إيده. بصتلهم بيان كدا وعنيها بتطلع نا**ر. بصتلها نظرة بمعنى: إنتي بتعملي إيه؟

عمرو: مالك يا بيان؟

بيان مبقتش لعمرو، وكانت واقفة كدا بتخبط رجلها في الأرض.

حبيبه بصتلها بقرف: مش عارفة يا حبيبي مالها.

بيان بغل شديد وزعيق سمع المستشفى كلها: حبيبك!!! حبيب مين يا و**سة إنتي؟ هاااا؟

وجريت عليها، مسكتها من شعرها ورمتها عالأرض، وفضلت تضرب فيها بغل شديد، وحبيبه بتصرخ، لكن محدش كان جه لسه. عمرو قام بسرعة من عالسرير وكان بيشد بيان، لكنها بتضربها بمنتهى الغل. عو**رتلها وشها كله وبهدلتها، شعرها وكل حاجة. عمرو شال بيان من فوقها كدا وكان حاضنها وهو شايلها.

عمرو كان شايلها وحاضنها وهي عمالة تعافر جوه حضنه عشان تكمل عليها.

بيان بعياط وعصبية شديدة: سيبني يا عمرو، لازم أقتلها، سيبني نبي.

عمرو مبقاش مستحمل تعب حبيبتو وضعفها قدام عينه.

عمرو: حبيبة، أمشي دلوقتي بسرعة.

حبيبة كانت متبهدلة والمستشفى كلها اتلمت. حبيبة كانت حرفياً من بيان، قامت بسرعة شالت حاجتها وجريت برعب منها.

كانت بيان لسه بتعافر لكنها مقدرتش على عمرو طبعاً. تعبت جوه حضنه.

بيان: سيبني يا عمرو، سيبني.

كل اللي في الأوضة خرجوا، كانوا قريبين أوي من بعض. عمرو طبق إيده عليها أوي، وحشها بكل تفصيلة فيها، وحشها بجد. شالها كده وحطها عالسرير، وراح قفل الباب من جوه كويس. وهي كانت عالسرير بتعيط وبس. راح قعد جنبها وفضل يبصلها بحب شديد، مش قادر يبعد عنها أكتر من كده بجد خلاص.

عمرو بحنية: مالك يا بيان؟

بيان عيطت وبس ومش قادرة تتكلم أصلاً. عمرو مسحلها دموعها بحنية شديدة وقرب با*س خدها بحب شديد وحنية. هي زي ما يكون روحها ردت ليها تاني أول ما لمسها، أول ما حست إنه لسه بيحبها، أول ما بصتله لقيتو بيبصلها بحب، النظرة اللي هي بتعشقها منه. بصتله هي كده.

بيان برقة ودموعها بتنزل: عمرو.

عمرو بابتسامة وحنية: إيه يا روح قلب عمرو من جوه كده.

بيان فرحت أوي بس خافت فرحتها تتكسر ويطلع مش فاكرها لسه.

بيان: أنت فاكرني يا عمرو صح؟

عمرو بهدوء وحنية: وإيه بقى اللي مخليكي حاسة إني لسه فاكرك كده؟

بيان سرحان فيه: عشان أنت كده يا عمرو، بحنيتك وحبك ليا ونظرتك الجميلة اللي أنا بعشقها. عشان أكيد مش هتنسى إننا قربنا من بعض أنا وأنت لأول مرة امبارح وكان أجمل يوم في عمري. عشان أنا عارفة إن مش خبط*ة هي اللي هتنسيك حبي ليك وحبك ليا. عشان أنا مش نحس أوي كده مش أول ما أقرب من أكتر حد بحبه في حياتي دي، ينساني يا عمرو، ولا إيه؟

كان عمرو بيسمعها ومبسوط بكلامها أوي وبحبها ليه. ابتسم كده بحب.

بيان بصتله: فاكرني يا عمرو، صح؟

عمرو قربها عليه أوي وبقت كلها في حضنه.

عمرو: وأنا أقدر برضه أنساكي يا بيان؟ إنتي جوايا أصلاً. إنسي أي حاجة وأي حد إلا إنتي. أنساكي إزاي أصلاً وإنتي دماغي وقلبي كله.

ابتسمت بفرحة وحست إن جبل انزاح من على قلبها. ارتاحت كده أوي. بس اتعدلت بسرعة ضر*بته بخفة.

بيان: وبتعاملني كل دا كده لي؟ هااا ومين بيان دي؟ وجعتلي قلبي يا عمرو بجد حرام عليك.

ضحك عمرو كده وقربها عليه أكتر وبيحضنها أوي. وقرب من شفايفها أوي.

عمرو بهمس: ششش. خلاص متتكلميش، إنتي بين إيديا دلوقتي.

سرحت بيان أوي، نفسها يقرب منها تاني، نفسها تحس نفس الإحساس لما قرب منها امبارح. بقت تشم نفسه وهو كمان. فكك حجابها براحة وبهدوء وشعرها اتفرد على ضهرها كده وهي متخدرة حرفياً.

عمرو بهمس: وحشتيني أوي يا بيان.

بيان بنفس الهمس: أنت وحشتني أكتر، قرب مني يا عمرو، وحشتني.

عمرو بهمس بين شفايفها: بحبك.

بيان قربت هي وبا*سته من شفايفه بحب شديد وهو استجاب لها أوي و...

كان معتز بيوصل رغد.

معتز: بس يا ستي ومن ساعتها بقى الدكتور مانعني عن القهوة وكده.

رغد: أيوه، بس أنت كده بتضر نفسك، متشربش قهوة تاني هتتعب.

معتز: ما أتعب، أنا أصلاً مليش حد غير عمرو أخوكي. هو دا الوحيد اللي بيخليني آخد العلاج أصلاً.

وكده رغد اتشدتله أوي.

رغد: يعني أنت مش مرتبط ولا كده ولا بتحب حتى؟

معتز: لا خالص ولا عمري أصلاً حبيت. معرفش أصلاً الحب دا اللي هو إيه. ديماً عمرو بشوفه واقع في الحب بس مش عارف إيه دا.

رغد سرحت في ملامحه.

رغد: الحب هو إنك لما تحب شخص تبقى عايز تشوفه قدامك على طول، تشوفه مبسوط وبيضحك وفرحان. الحب إنك لما تحس إنك بتحب حد تروح تقوله على طول متخافش تقول. الحب دا حاجات كتير أوي بجد. أنا برضه كنت بسمع من صحابي بس عمري ما وقعت فيه.

معتز بصلها كده ووقف العربية وبص في عينيها.

معتز: بس الحب لو زي ما إنتي بتقولي كده، أبقى وقعت فيه.

رغد ضربات قلبها زادت.

رغد: إزاي؟

معتز: يعني... بحب أشوفها كتير. لما بتضحك أنا بفرح. وكمان نفسي أقولها، بس مش عارف خايف ليه. أول مرة أخاف.

رغد بتوتر: لا متخافش. لو بتحبها قوليلها على طول واطمن.

معتز: أصل... عمري ما حد عرف يحرجني. أخاف هي تحرجني بقى.

رغد طبعاً كانت حاسة إن الكلام ليها.

رغد: لا متقلقش، جرب بس وقولها.

معتز: إنتي شايفة كده؟

رغد هزت راسها.

رغد: مش شايفة غير كده يا معتز. بتحبها قوللها، قبل ما تضيع منك وتقول ياريتني.

معتز: صح. أكيد هقولها.

وابتسموا لبعض ودور العربية ومشي.

روحت حبيبة البيت وهي متبهدلة على الآخر. علا كانت بتضحك عليها.

حبيبة بعصبية: اخرسي بقى أنا زهقت.

علا بتضحك: بقى البت دي تعمل فيكي كل دا؟ هههههههه. ههه.

حبيبة: يابت بطلي رخامة بقى، أهم حاجة إن عمرو رجعلي ونسيها.

علا: شفتي بقى نصايح جات بفائدة إزاي؟ كان لازم تخلصي من عبدالرحمن وإلا كان فضحك.

افتكرت حبيبة.

فلاش باااك.

حبيبة: بص يا عبدالرحمن، أنا عارفة إنك بتحب بيان. أنا كمان بحب عمرو، يعني مصلحتنا واحدة صح؟

عبدالرحمن: وبعدين؟

حبيبة: هنتفق بقى نعمل عليهم لعبة نخليهم يبعدوا عن بعض، فاهمني؟

عبدالرحمن: إيه هي اللعبة دي؟

حبيبة: هنخ*طف بيان، وهنبعت صور ليك أنت وهي مع بعض كده يعني لعمرو، ونخليه يجي يلاقيها في حضنك ويشك فيها ويطلعها وكده.

قام عبدالرحمن بعصبية أوي.

عبدالرحمن: إنتي مين أصلاً عشان تتكلمي على بنت عمي كده؟ حد قالك إني مركب قرون عشان أعمل كده في واحدة من دمي ولحمي؟ إنتي إيييي شيطا*نة. اطلعي برا واعملي حسابك عمرو هيوصله كل الكلام ده.

حبيبة اترعبت ومبقتش عارفة تعمل إيه. خرجت من بيته ملقتش غير حل واحد. اتصلت على واحد من أصحابها القدام. خطف*وا عبدالرحمن ومحدش يعرف مكانه خالص، فاكرينه سافر. وكمان خليتهم يضر*بوا عمرو ع دماغه عشان يشك في عبدالرحمن. ومكانش في دماغها خالص إنه يفقد الذاكرة. ولما عرفت اسم المستشفى قدرت تعرف حالته من ممرضة وراحتله وماصدقت أصلاً إنه نسي.

باااااك.

صحي عمرو الصبح لقاها في حضنه وكانت بتلعب في دقنه وبتبصلو بحب شديد.

باس راسها بحنيه.

عمرو: صباح الفل يا روحي.

بيان بحب: صباح النور يحبيبي.

كانت بيان بتبصلو اوي.

عمرو بحب واستفهام: مالك يروحي؟

بيان: عارف يا عمرو لو بعدت عني تاني، هعمل فيك اي؟

عمرو عض علي شفايفه وهو نا.

عمرو: وانا برضو اقدر ابعد تاني؟

دنتي وتكه.

بيان بصتلو بقرف بهزار.

بيان: اي المعاكسه الرخيصة دي يا عمرو؟

عمرو ضحك اوي.

عمرو: هي دي معاكستي؟ وبعدين انتي بجد تعبتيني يا بيان. انا عشان انام في حضنك كدا تعبت اوي بجد. فاكرة كنتي بتعملي فيا اي؟ يمفتريه.

بيان بضحكه: احسن اديك اتادبت شوية. وبعدين مانت لسه عامل فيا اكتر من كدا لما سلمت علي حبيبه.

عمرو: مقدرتش اكمل والله. مقدرتش افضل بعيد عنك كل دا يحبيبتي والله.

بيان: انا بقا عاوزه اعرف انت عملت كل دا لي؟ انا مسالتكش امبارح لاني مكنش في دماغي غيرك وبس. عاوزة اعرف بقا اي حصل ولي عملت كدا، فهمني.

عمرو: اقولك. بس مش لما أصبح عليكي الاول.

ضحكت بيان كدا وهو مال.

باسها وحكالها كل حاجة وفهمها ازاي هتتعامل معاه قدام حبيبة وكدا.

كانت رغد بتكلم معتز في الفون.

رغد: طب خلاص انا لبست وجهزت، تعالي خدني بقا.

معتز: ماشي. جاي اهو. قولتلهم انك راحة فين بس اوعي عم راضي.

رغد: لا متقلقش. قولتلهم اني عندي شيفت في المستشفى. مع اني خايفة بابا يتكلم مع عمرو ويعرف انه فاقد الذاكرة. لازم نتكلم مع عمرو يا معتز بجد خايفة.

معتز: متخافيش. انا هتصرف.

رغد: هتتصرف ازاي؟

معتز: اقفلي بقا. انا وصلت اهو. يخربيت رغيك.

رغد: بقا انا رغايه. والله لانزل اعضك دلوقتي.

وقفتلت وهو فضل يضحك اوي عليها. حس ان اول مرة يقع في الحب فعلا. مستلطفها وحاسس انه عاوزها قدامه علطول كدا.

عمرو: ها حفظتي؟

بيان بغيرة: مش هقدر يا عمرو اشوفك بتدلعها كدا بجد.

عمرو: يحبيبتي انا اصلا ببقا قرفان منها كل ما تقربلي. بس هعمل اي.

بيان مسكتو كدا.

بيان: وهيا اصلا الكل"بة دي قربت منك امتي؟

عمرو بابتسامه: منت نفختيها والبت اتبهدلت خالص.

بيان بقمص: لا تكون صعبت عليك ولا حاجة. ولا اي يعني؟

عمرو: يخربيت جنان ابوكي. استني بقا عشان هرن عليها.

بيان بغيظ شديد: تكلمها ليييي؟

عمرو: يابت انتي عندك ذاكرة سمك. قولتلك عشان اجرجرها بقا في الكلام. اهدي بقا.

بيان بغيرة: ماشي يا عمرو. رن عليها. يلا اخلص. اخلص.

ضحك عمرو ورن عليها.

عمرو: اي يروحي. انا لسه في المستشفى. تعالي يلا وحشتيني.

بيان مسكت ايده عدتها اوي وعماله تقرص فيه وهو ماسك نفسه بالعافية. وكمل كلام وقفل.

عمرو بضحكه: اي يبنت المجنونه؟

بيان بتريقة: وحشتيني. هي مين دي اللي وحشتك مش فاهمه.

عمرو كان بيضحك عليها.

عمرو: طب اهدي بس. اهدي يحبيبتي.

بيان بغيظ: متضحكش يا عمرو. انا بجد متضايقة. انا بغير عليك اوي.

شدها عمرو عليه وباس شفايفها برقة وحنيه. بعد عنها مسافة صغيرة خالص.

عمرو: وانا بحبك انتي وبس. محبش حد غيرك. وبغير عليكي بردو. اسف يحبيبتي اني هضغط عليكي شوية انهارده. بس والله اول ما اخلص من الموضوع دا. مش هخرجك من حضني ابدا.

هديت بيان خالص و.

كان واقف معتز مستني رغد تنزل وبيكلم نفسه.

معتز: عمالة تقول انا جاهزة ولابسة ولطعتني ٣ ساعات تحت اهو.

بيبص لقاها نازلة وكانت قمر اوي ولبسها هادي وجميل بس مبين شعرها من فوق من الطرحة. اتضايق هو و.

رغد: معلش عطلتك. كنت بختار الكوتشي.

معتز بصلها كدا.

معتز: كل دا. يلا يلا اركبي.

رغد: ماشي.

وجايه تركب صوته وقفها.

رغد: نعم يا معتز؟

معتز: معلش بس. هو انتي لي مبينة شعرك من قدام كدا مش فاهم.

سكتت هي كدا.

رغد: عادي يعني. بحس شكلي كدا احلى كتير.

معتز: طب جربي كدا بس تدخليهم جوه الطرحة ووريني. في مرايا في العربية اظبطيها.

دخلت هي ودخلت شعرها جوه الطرحة. اول مرة في حياتها تحس ان كدا شكلها احلى. متعرفش لي. خرجت بعدها.

رغد: اهي كدا احلى ولا؟

بصلها معتز كدا بحب.

معتز: والله العظيم احلى مرة بشوفك فيها. كدا انتي قمر.

ضحكت بكسوف وحبت تغير الموضوع بقا عشان اتحرجت.

رغد: احم. المهم قولتلي هتتصرف. ازاي بقا؟

معتز بغمزة: اركبي بس وهحكيلك.

رغد بتلقائية: يخربيت غمزتك القمر.

وبعدين اتكسفت اوي وحكت ايديها علي بوقها كدا متعرفش قالت كدا ازاي. بصلها هو كدا ومحبش يكسفها وركب العربية ومشيو.

رغد كانت عاوزه تعرف هو ناوي يعمل اي وازاي هيتصرف.

رغد لنفسها: طب اتكلم ازاي بقا دلوقتي مكسوفة منو اوي.

معتز: متتكسفيش. اتكلمي.

بصتلو بصدمة كدا و.

رغد: انت عرفت منين اني بقول كدا لنفسي؟ ازاي؟

معتز بضحكه: طب عالعموم يعني. اخوكي بيستعبط ومفقدش الذاكرة ولا حاجة.

وصلت حبيبة وكانت قاعدة مع عمرو في الاوضة وبيان قاعدة برا هتموت من الغيظ. وصل معتز ورغد.

بيان: هموت يا رغد بجد.

رغد: استني بس. معتز فهمني الخطه اللي انا هعملها. هات التليفون يا معتز يلا.

معتز: ماشي واهدي كدا.

بيان كانت مش فاهمة حاجة وبتسمع وبس تشوفهم هيعملو اي.

كانت حبيبة قاعدة مع عمرو.

حبيبة: ابوه هتطلقها امتي؟

عمرو: خلاص يا حبيبتي هانت.

وفونها رن لقيتو رقم غريب. ردت بقلق.

حبيبة: الو.

رغد عاملة نفسها واحدة تانية.

رغد: لعبتك هتتكشف يا حبيبة لو مروحتيش لشريكك حالا. انا عارفة انك مع عمرو اللي انتي خليتي رجالة يضربوه. انا بقولك اهو لو مروحتيش لشريكك هتدفعي التمن غالي اوي.

وقفت.

حبيبة اترعبت طبعا ومش عارفة تعمل اي.

عمرو: اي يبنتي في اي؟

قامت حبيبة بسرعة.

حبيبة: انا لازم امشي.

عمرو: لي حصل حاجة؟

حبيبة: اختي غلا بس تعبت. سلام.

وسابته وجريت برا المستشفى خالص. خرج عمرو برا الاوضة لمعتز وبيان ورغد.

عمرو: يلا يا معتز بسرعة وراها.

بيان: انا مش فاهمه حاجة.

عمرو: خليكوا انتوا هنا وانا ومعتز هنروح عشان نعرف مين اللي بيساعدها.

وخرجو هما الاتنين بسرعة بالعربية. طبعا عمرو دماغه كانت لسه متأثرة لكنه جه علق نفسه وكمان الخبطة مكانتش قوية اوي. مشيو بسرعة وراها وهي بقت مرعوبة وهي في التاكسي.

حبيبة: الو يا خالد. الحقني.

خالد: في اي يبنتي اهدي.

حبيبة برعب: تعالالي عالمخزن اللي مخبين فيه عبدالرحمن بسرعة وافهمك. متتاخرش ونبي يا خالد.

عمرو كان راكب جنب معتز.

عمرو: هي راحة فين يبني؟ اي المكان دا؟

معتز: مش عارف. استني اديني ماشي وراها بنت الكل"بة دي.

عمرو: دماغي تعباني شوية يا معتز.

معتز: قولتلك وانت اصريت تيجي.

عمرو: لازم اعرف البت دي في دماغها اي وهتعمل اي وكنت انا معاشر مين. دنا مصدوم بجد.

وصلو لحد هناك ولقو حبيبة واقفة مع خالد وهما عارفينو اصلا.

معتز: دا الواد خالد يبني.

عمرو: يا بنت الكل"بة. كل دا منك.

حبيبة: فين الرجالة اللي بيحرصوه؟

خالد: يحرصو مين دا هو واحد ومربوط كمان. الرجالة بتعملي حاجات تانية. هو في اي؟

نزل عمرو ومعتز واتكلم عمرو.

عمرو: اقولك انا يا خالد.

وبص لحبيبة اللي قلبها كان هيقف من الصدمة بجد.

عمرو: في اني كنت بحب واحدة. حبيتها بجد من قلبي وكنت بخاف عليها. كنت فاكرها ملاك من السما وكنت هتجوزها. بس زي ما يكون اللي حصل دا كله عشان ربنا يكشفها قدامي ويعرفني انها مش ملاك ولا حاجة. عرفت عنها حاجات صدمتني فيها. انتي ازاي طلعتي كدا؟ ازاي عرفتي تضحكي عليا؟

خالد اترعب من عمرو لانو عارفه.

خالد: انا. والله يا عمرو مليش دعوة. هي اللي قالتلي ان الواد دا بيعاكسها ويضايقها. فنا حبستو هنا.

عمرو: واد مين؟

حبيبة كانت خلاص اترعبت مبقتش قادرة.

خالد: الواد اللي اسمه عبدالرحمن يا عمرو. انت عارف انك اخويا. والله العظيم هي اللي قالتلي وكدا.

عمرو: طب ومين ضربني على دماغي؟

خالد بكذب: مليش دعوة. هي اللي اتفقت مع ناس انا معرفهمش.

حبيبة بصتلو.

حبيبة: كداب. والله هو اللي جاب الرجالة دول.

كل دا كان بيسجلو معتز وعمرو قدر يوقعهم في بعض واعترفو بكل حاجة. ومعتز وعمرو حبسوهم واتصلوا عالبوليس وجهه اخدهم لانهم خاطفين عبدالرحمن وكمان ضرب عمرو. وعمرو شكر عبدالرحمن وبعدها سافر.

عدت ايام كتير ومعتز اخيرا اعترف لرغد بحبه وطلب ايديها من عمرو وبقو مخطوبين رسمي.

كان عمرو وبيان في بيتهم.

عمرو: يلا يا بيان. كل دا في الحمام.

بيان خرجت ومخبية حاجة ورا ضهرها ومبتسمة بكسوف. عمرو بصلها كدا بعدم فهم.

عمرو: اي يبنتي؟

بيان اتنهدت بفرحة.

بيان: عاملالك مفاجأة يعمرو.

عمرو بلهفة: هااا. قولى بقا فرحينى.

طلعت بيان من ورا ضهرها اختبار الحمل ووريتهوله واتكلمت بفرحة شديدة.

بيان: عمرو. انا حامل يا عمرو.

عمرو بصلها كدا حس انه مش عارف يتكلم ولا يقول حاجة.

عمرو بفرحة شديدة: انتي بتقولي اي؟

بيان دموعها نزلت من فرحتها.

بيان: والله حامل. انا مش مصدقة بجد يا حبيبي.

عمرو شدها لحضنه اوي وبقا يحضنها اوي مش عارف يتكلم لسانه عجز عن الكلام. عيونه لمعت بدموع الفرحة. هيكون عنده طفل من اكتر انسانه بيعشقها في حياته. بعد عنها مسافة صغيرة وسند راسه على راسها.

عمرو: انا مش عارف اقول اي. غير اني اسعد حد في الدنيا دي دلوقتي. اوعدك اني هحافظ عليكي وعمري ما ازعلك ابدا ولا اسيبك زعلانة مني في يوم. وابننا اللي هيجي دا مش هنربيه غير الحب وبس.

بيان بصتلو بحب شديد.

بيان: بحبك يا عمرو.

عمرو بصلها بعشق.

عمرو: وانا بحبك يا قلب عمرو.