رواية داوي قلبي الفصل الحادي عشر 11 - بقلم حنين عادل

جود: خلاص بقا يا جودي هاتفضلي زعلانه لأمتي؟ جودي بغضب طفولي: مش هاكلمك. ندي: ولا حتي مامي ندي. جودي: ولا حتي مامي ندي. جرس الباب يرن. تذهب الخادمة لتفتح. لتجدها سهير هانم. وتقول لجود: جود: اهلا يا امي. سهير: هوا لسه فيها امي. ندي: اذيك حضرتك. سهير بقرف: الحمد لله. جود: ايه بس اللي مزعلك يا امي؟ سهير: نسيت امك ومش بتسأل عنها. جود: طيب اقعدي بس الأول. يجلسون.

جود: انتي عارفه انا بحبك قد ايه، وان مابيشغلنيش عنك غير الشديد القوي. سهير: واللهي. جود: طب بحق ايات الله اللي حافظها علي يدك، ومن ايام ما كنت بعد علي يدك وعلي عدك وفرحه خدي يا مايا وهو نايم علي خدك، وقسما باللي قام حدي وقام حدك ما حبيت في الوجود قدك. سهير بضحكة: عارفك بتاكل بعقلي حلاوة عشان عارف اني بحب هشام الجخ، يعني ماشي يا جود. جود: انتي في القلب مكانك يا أمي مش مجرد كلام. سهير بابتسامة: يا بكاش.

تنظر ندي مبتسمة له، يحاول إسعاد الجميع وترى سعادته في إسعاد من حوله. سهير: خطوبة أمجد وسما هتبقي يوم الخميس. جود: الف مبروك. سهير: الله يبارك فيك. ندي: مبروك يا طنط. سهير: طنط الله يبارك فيكي. وتستأذن بالرحيل وتذهب. جود: انا عارف ان طريقة امي معاكي مش كويسة، بس هيا طيبة واللهي، لما تعرفك كويس هتحبك. ندي: انا ماتضايقتش، انا عارفة انها لسه ماتعرفنيش، وانا هحاول اخليها تحبني عشان انا أتمنى تبقى امي لأني اتحرمت منها.

يبتسم جود لها بحب. تمر الأيام ولم يتغير شيء. تذهب للجامعة، وجود لعمله، حتى جاء يوم خطوبة سما وأمجد. ندي: بجد انا مش هقدر أحضر. جود: لازم يا ندي، لازم تحضري. ندي: يا جود انا في الجامعة مش بكلم حد، بقيت بخاف من الزحمة وكرهت الحفلات من يوم اللي حصل، ارجوك افهمني. جود: لازم يا ندي، لازم ترجعي زي الأول، لازم تمحي كلمة خوف من عندك، لازم تبقي اجتماعية، دي خطوات في علاجك. ندي: هبقى متوترة ومش طبيعية. جود: هبقى معاكي.

ندي: اوك، بقلق. جود: ما تخافيش وانا معاكي. انا جبت ليكي فستان، عايزك تلبسيه، وجبت لجودي. ندي: اوك. جود: يلا اجهزي ولبسي جودي. ندي: اوك. تبدأ في تلبيس جودي، وبعدها تلبس لتجد أن الفستان طبق الأصل، نسخة كبيرة ونسخة مصغرة. ترتديه وتضع القليل من الميكب، حتى أصبحت مثل الأميرات. يدخل عليهم جود مرتدياً بدلته بطلته الوسيمة. جود ينظر لها ويتفاجأ من جمالها: طالعة زي القمر. تبتسم له ندي بخجل واضح، ورد وجنتيها.

جودي وهي تشد في بنطاله: وانا. جود يحملها: وانتي قمرين.