رواية دكتور قلبي الفصل الثاني 2 - بقلم ملكة زماني

تاني يوم ليان صحيت مفزوعة بسبب التلج اللي أمها حطته في ظهرها. ليان بضيق: "اف، كل يوم كده، حرام عليكي، قطعت الخلف بدري بدري." أمها: "هتقومي ولا أديكِ بالشبشب؟ ليان بضحك: "كله إلا أبو وردة." أمها: "إنتي عارفة الساعة كام؟ ليان: "كام؟ أمها: "تسعة." ليان بصويت: "يلهوي يلهوي، هترفد من أول يوم ليا! أمها: "ادخلي خدي شور بسرعة، لغيت لما أحضر الفطار." ليان: "ماشي، بس بسرعة." ليان خدت شور وفطرت ومشيت جري.

عمر: "في كام عملية النهارده؟ إسراء: "في تلاتة، واحدة قلب مفتوح واتنين تركيب أسطرة." عمر: "تمام، نص ساعة ونبدأ." إسراء: "تمام." ليان وصلت المستشفى. الممرضة: "إنتي إيه اللي جابك هنا؟ مش قولنا مفيش شغل، جيتي ليه؟ ليان: "أنا... عمر من ورا: "ومن إمتى وإنتي بتدي أوامر؟ ما تيجي تقعدي مكاني أحسن." الممرضة: "العفو يا دكتور، أنا بس كنت بقولها إننا مش طالبين ممرضين."

عمر: "وأنا وافقت تشتغل، وبعد كدا، حسك عينك تدي أوامر من غير إذني، وإلا همشيكي من هنا." الممرضة بخوف: "لأ، خلاص، غلطة ومش هتتكرر تاني." عمر: "روحي شوفي شغلك." الممرضة بصت على ليان بغل وغيره من جملها ومشيت. عمر: "اتأخرتي ليه؟ ليان بخوف: "أنا والله اتأخرت غصب عني، والله ماما مكنتش راضية تخرجني من غير فطار، غلطة ومش هتتكرر تاني." عمر: "اهدي شوية، مالك خايفة كده ليه؟

الساعة عشرة والمفروض المستشفى بتبدأ تسعة، يعني تأخير ساعة، أتمنى إنها متتكررش تاني، أنا المرة دي هعديها عشان أول يوم ليكي، بس بعد كدا هيبقى فيه كلام تاني." ليان: "حاضر." عمر: "ربع ساعة وتكوني جاهزة عشان هتدخلي معايا العمليات." ليان: "تحت أمرك يا دكتور." عمر سابها ومشي. في أوضة العمليات، عمر وإسراء شغالين في العملية. وليان بتنولهم الحاجة هي وسارة. بعد تلات ساعات، عمر خرج هلكان. إسراء: "ياها أخيراً، الواحد تعب."

عمر: "تعالي نشرب قهوة عشان العملية الجاية." إسراء: "يلا." سارة: "إزيك يا قمر؟ أنا سارة." ليان بابتسامة: "وأنا ليان." سارة: "إنتي شكلك جديدة هنا." ليان: "أول يوم ليا انهارده." سارة بستغراب: "بس إزاي بس؟ إحنا عندنا اكتفاء من الممرضين، مين اللي عينك؟ ليان: "الدكتور عمر." سارة: "الدكتور عمر دا مش بيحب يزعل حد، رغم إنه المدير، بس بيتعامل معانا كأنه واحد زينا، زي الناس، بس مبيحبش الغلط، عنده الشغل شغل."

سارة: "بس سيبك إنتي، إيه الجمال ده؟ دانتي بتنوري في الضلمة." ليان بضحك: "والله محد قمر غيرك." سارة: "أنا حبيتك، تعالي نبقى صحاب." ليان بفرحة: "بجد؟ سارة بضحك عليها: "بجد، يله تعالي ناكل حاجة قبل العملية التانية." ليان: "مليش نفس والله، بس ممكن نشرب عصير." سارة: "أشطة." بعد ساعة، في غرفة العمليات. عمر: "ليان، هاتي جهاز الكهرباء بسرعة، المريض قلبه وقف." ليان بخوف: "حاضر."

عمر عمل للمريض إنعاش بالكهرباء والمريض قلبه رجع ينبض تاني. عمر: "خد نفس، الحمد لله." ليان واقفة وإيديها بتترعش من الخوف والخضة. بعد ما خرجوا من العمليات. ليان خرجت بتسند على الحيطة عشان أعصابها سايبة. سارة: "ليان، مالك؟ إنتي كويسة؟ عمر سمعها جري عليها: "ليان، مالك؟ ليان: "مفيش، بس تعبت شوية." عمر بخوف: "خلاص خليكي ومتدخليش معايا العملية الجاية." ليان بتعب هزت راسها. عمر: "سارة، روحي جيبيبلها لمون خليها تهدى شوية."

إسراء بغيره من اهتمام عمر ليها: "خلاص يا عمر، هي كويسة، تعالي ارتاح انت شوية عشان عملية القلب المفتوح محتاجة تركيز." عمر وهو باصص على ليان ومش مدي إسراء أي اهتمام: "روحي إنتي، وأنا هقعد مع ليان لغاية لما تبقى تمام." إسراء بغل من ليان: "ماشي يا عمر، براحتك." سارة جات ومعاها العصير: "خدي اشربي." ليان: "مش عاوزة حاجة، أنا تمام." عمر بحده: "اشربي، مش شايفة وشك مخطوف إزاي؟ اشربي عشان تهدي." ليان: "حاضر." بعد ربع ساعة.

عمر: "دلوقتي أحسن؟ ليان: "آه، الحمد لله." عمر: "تمام، يلا يا سارة عشان ندخل آخر عملية، وإنتي يا ليان، تقدري تروحي." ليان: "تمام، شكراً." بعد 5 ساعات. عمر خرج زعلان عشان المريض مات. إسراء: "خلاص يا عمر، ميغلاش على اللي خلقه." عمر بزعل هز راسه ومشي. ليان روحت البيت. أمها: "مالك؟ وشك مخطوف كده ليه؟ ليان: "مفيش، كان يوم متعب بس شوية." أمها: "طب ادخلي غيري هدومك وتعالي عشان نتعشى." ليان: "ماشي." عمر روح البيت.

أمه: "تعالي يا حبيبي، مالك؟ عمر: "مفيش يا حبيبتي، عاملة إيه؟ أخديتي الدواء بتاعك؟ أمه: "آه يا حبيبي، عندي ليك خبر حلو." عمر: "إيه هو؟ أمه: "أخوكي جاب امتياز ونازل الشهر الجاي يشتغل معاك في المستشفى." عمر بفرحة: "بجد؟ أمه: "لسه قافل معايا دلوقتي." عمر: "طب إيه، هناكل من إيدك يا ست الكل؟ أمه: "في دقيقة الأكل هيكون جهز يا حبيبي." إسراء قاعدة بتفكر في عمر، بس افتكرت اهتمامه بليان.

إسراء بغل وغيره: "شكلك مش هتعمري في المستشفى يا ليان، عمر ليا لوحدي وبس."