رواية دنجوان الداخلية الفصل الخامس 5 - بقلم رنا احمد

في الفيلا .. كان كادر واقف بيلبس وبيستعد للسفر للمهمه. وقفه ادم بخوف وقلق. "كادر انت مسافر برضه مصمم؟ كادر بغيظ: "جرا ايه ي ابني هو الي هنعيده نزيده امال اعمل ابعت خيالي يسافر مكاني مانت شايف الي انا فيه وشوفت خيانة الزفتة تمارا لازم اسافر واقبض على ديفيد أندروا ده يااه هحس بإنجاز عظيم."

ادم بغيظ شديد: "إنجاز عظيم في ايه الله يخربيتك هوانت حتى بتعرف تمسك سلاح انت صدقت انك ادم الجوهري ولا ايه. انا خايف عليك الموضوع صعب." كادر بغيظ شديد: "خاف على نفسك ي اخويا لو مكنتش اجبلك ديفيد أندروا ده في شوال مبقاش أنا." ادم بحسرة: "ربنا يعوض في تاريخي اللي هيروح على ايدك إن شاء الله."

كادر بجدية: "اسمع بس البت ساره هتيجي تقعد معاك هنا. هي سكرتيرتي دراعي اليمين. انا عملتلك توكيل بأنك المتحكم في كل حاجة طبعاً ده في الخفي علشان تمسك كل أعمالي ده شغل بملايين ي ادم شقا عمري. وفي نفس الوقت البت دي ممرضة شاطرة بتنفع في كله بصراحة. منه هتاخد بالها منك ومنه هتباشروا الشغل." ادم باستفزاز وسخرية: "المهم مزة ده اللي يهمني في الموضوع. لازم تبقى حلوة علشان أديك شغل حلو."

كادر بغيظ شديد: "صحيح ديل الكلب عمره ما يتعدل." ادم بضحك: "هههه طب خلاص. المهم لما تروح لازم تقابل رامي علشان يساعدك. ده دراعي العينين وانت عارف إنه عنده علم بكل حاجة. لازم ي كادر تمام علشان أكون مطمئن عليك." كادر بجدية: "حاضر ي حبيبي متقلقش. المهم انا هروح الفيلا اجيب شوية حاجات واقابل الحية اللي اسمها تمارا ونسافر." ادم بخوف حقيقي على روحه وتوأمه: "كادر خلي بالك من نفسك عشان خاطري وارجعلي بسرعة."

كادر بابتسامة وحب: "جرا ايه ي دنجوان من امتى وادم الجوهري قلبه رهيف كده. إن شاء الله ي حبيبي هرجع." ادم بمشاكسة: "بس ابعتلي ساره بسرعة تتطري القاعدة الناشفة دي." كادر بغيظ: "اووووف مفيش فايدة." ******************* في معسكر البنات .. كانوا قاعدين بعد سفر كادر وتمارا. فتحية بتدربهم تدريبات بسيطة. نور بزهق: "تصدقوا بالله المعسكر من غير ادم باشا ملوش طعم."

مروة بابتسامة: "ومين سمعك. هو فيه زي ادم باشا. بس خلصنا من المقدم." سماح بضحك: "هههه لا بس الظابط ادم ظبطها ظابطة تمام. مالك ي صابحة ساكتة كده ليه." نور بسخرية: "هههه تلاقيها سرحانة في حسن خول الجنينة." صابحة بغيظ شديد: "ي عني عايزين تقنعوني إنكم مش بتفكروا فيهم ولا بيجوا على بالكم." سماح بتنهيدة: "مقولناش كده ي صابحة. بس انتي عارفة زين اللي فيها." ايان بجدية: "ايه اللي فيها ي سماح."

نور بصدمة: "انتوا دخلتوا هنا ازاي." احمد بابتسامة: "من الباب اللي وراء. وحشتيني أوي ي نور." مروة بحدة: "بقولكم ايه بقا كفاية أوي اللي حصل آخر مرة. واعرفوا إننا بنات ناس فاهمين." علي بغيظ شديد: "هو انتي لسانك ده مفيش فايدة فيه. هو احنا قولنا حاجة كده ولا كده لسمح الله. احنا باذن الله عايزينكم في حلال ربنا. احنا ولاد ناس برضه ونفهم في الأصول." فتحية بحدة: "ايه ده في ايه. انتوا ايه اللي جابكم هنا."

اياد بجدية: "صول فتحية ابوس ايدك اخدمينا في الموضوع. احنا عايزين كل المعلومات عنهم وعن أهلهم. عايزين نطلبهم من أهلهم في النور. احنا خلاص حرمنا على نفسنا إننا نشوفهم أو نكلمهم. بس احنا منقدرش على بعدهم." فتحية بابتسامة: "مشكلتي إني بضعف قصاد الحب. خلاص متشغلوش بالكم. انا هساعدكم." لينظر الفتيات إلى بعضهن البعض بسعادة. فهم وقعوا في عشق رجال. ******************* في فيلا صلاح ..

كان واقف كادر في أوضة ادم وهو بياخد بعض الأشياء. دخلت سمر بغيظ شديد: "انت مسافر مش كده. طبعاً مع الست الهانم." كادر بغيظ: "اه الست الهانم اللي خدتي هديتها وخبيتيها عني مش كده." سمر بغيظ شديد: "هفضل أعمل كده ي ادم لحد ما ترجعلي. كادر انت وعدتني إنك ترجعهولي بعشقه ي ادم بعشقه. وحشني أوي الحمار ده." كادر بغيظ شديد: "مانتي كنتي ماشية كويس. إيه اللي حصل. وكمل بلهفة وسعادة: "بجد ي سمر بتحبي كادر أوي كده وعايزاه."

سمر بعشق دائم لسنوات: "الا بعشقه ي ادم. من ساعة ما سافر وسابنا حياتي بقت مرة ملهاش أي طعم. حياتي واقفة من غيره. والغبي حتى مبيكلفش خاطره يسأل عليا بالتليفون المعفن." كادر بابتسامة وسعادة: "وعد مني ي سمر لرجعهولك من تاني وأعمله أحلى وأجمل فرح في الدنيا." سمر بسعادة: "بجد ي ادم. وانا واثقة فيك وهستنى." كادر وهو بيكلم نفسه بسعادة: "اه ي ملكة قلبي. أخيراً سمعتها منك. أخلص بس اللي أنا فيه واخطفك ي روحي."

******************* في الطائرة المتجهة إلى تركيا. كانوا راكبين كادر وتمارا جنب بعض. كادر بزهق: "هو مفيش أكل ولا إيه. أنا جعان." تمارا بغيظ شديد: "وطي صوتك. أكل إيه انت طالع رحلة. فيه إيه." كادر بغيظ شديد: "بقولك إيه اتكلمي معايا عدل لللطشك سامعة ولا لا." المضيفة بجدية: "مينفعش كده حضرتك. ازي تعامل المدام بتاعتك بالأسلوب الهمجي ده."

كادر بغيظ شديد: "اهو ده أسلوبي بقا. وإذا كان عجبك. أصل فيه حريم كده لازم تاخد على دماغها. أصل احنا لسه متجوزين امبارح. وأبوي قالي ي عويس الحريم لازم تاخد بالجزمة عشان تمشي عدل. وبعدين بطلي رغي بقا وهاتي الأكل عشان جعان." تمارا بجنون: "ي نهار أسود ومنيل. انت إيه اللي بتهببه ده." كادر بجدية: "ي غبية افهمي. أنا لازم أعمل كده عشان محدش يشك فينا ويعرف إننا بوليس."

تمارا بغيظ وحسرة: "هما لسه هيشكوا. شكتوا إننا مجانين والي حصل حصل." كادر بابتسامة: "المهم يجبولنا أكل. ده ريحة السمك اللي بيتشوي جوه مجننا. امي بس يارب يكون مقفول. اصل أنا مبحبش السكك متنضف. اه لما يتعمل كده يخرابي." تمارا حطت أيدها على بوقها بقرف. المضيفة باستغراب: "هي مالها." كادر بهمس: "اصل احنا مستنين بيبي صغير." المضيفة بجنون: "هو مش حضرتك بتقول إنكم متجوزين امبارح."

كادر بهمس: "اصل كنا بنلم الفضيحة. ربنا يستر على ولاديكي. هو أنا لو مش مضطر كنت هتجوز واحدة زي دي برضه." تمارا بغيظ شديد وهي تكاد تبكي: "ي مرك ي تمارا ي مرك." كادر باستغراب: "انت مالك قلبتي على نعمة في ذئاب الجبل كده ليه." ***************** في فيلا ديفيد أندروا .. كان قاعد ديفيد وذياد.

ديفيد بحدة: "يعني إيه دول اتجروا عليا أوي. ادم الجوهري مفيش غيره هيفضل وقفلنا في الزور. كنت متمني يموت في الحادثة اللي دبرناها ونخلص منه." ذياد بحدة: "متقلقش ي بابا. وأنا رحت فين. وحياتك مهيلمسوا منك شعرة واحدة. أنا مجند تمارا متقلقش. متقدرش تفتح بوقها. وهي هتبعد العيون عنك بأي طريقة. اطمن ده أنا ذياد."

ديفيد بغيظ شديد: "نفسي نخلص من ادم الجوهري ونشوف حالنا. المهم البضاعة هتوصل بعد يومين. مش عايز أي غباء. ده أكبر صفقة سلاح دافع فيها كل مليم معايا." ذياد بجدية: "اطمن ي بابا. هتعدي زيها زي غيرها. متقلقش." ******************* في فيلا ادم. كان قاعد ادم بيقرا في أحد الكتب. فجأة دخلت بنت جميلة وشيك. ساره: "مساء الخير ي ادم باشا. انا ساره سكرتيرة كادر باشا. هو قالي أجي لحضرتك."

ادم بابتسامة ساحرة: "أهلاً وسهلاً. اتفضلي اتفضلي." ساره بابتسامة: "شكراً. سبحان الله مفيش أي فرق بينكم." ادم بابتسامة مرحة: "انتي شايفة كده." ساره بضحك: "هههه بصراحة فيه. حضرتك شكلك كده عاقل وهادي. لكن بصراحة كادر باشا." ادم بجدية وعقلانية: "أنا بحكم شغلي كظابط اتعلمت لازم أكون هادي وأوزن الأمور كويس عشان أعرف أتفوق في شغلي. لكن طبيعة كادر إنه سريع ومتهور."

ساره بابتسامة: "حضرتك عندك حق. حضرتك طمنتني إن هكون في أمان معاك." ادم بابتسامة: "طبعاً انتي زي أختي بالظبط. ها نبدأ الشغل." ساره بابتسامة: "نبدا طبعاً ي ادم باشا." ********************** في الصعيد … عند أهل البنات. برعي والد سماح وصابحة. وسيد والد مروة ونور. برعي بحدة: "وسعادتكم بقا شوفتوا البنات فين إن شاء الله." سيد بحدة: "بس دخلتوا متأخرين ي بهوات." علي باستغراب: "يعني إيه مش فاهمين."

برعي بحدة: "يعني البنات فيه شباب من نواحينا هنه متكلمين عليهم وتقريباً كده خاطبينهم. ربنا يرزقكم ببنات غيرهم. واحنا يومين كده وهنيجي ناخدوهم عشان نجوزوهم. شرفتونا ي بهوات." ******************* في شقة تمارا وكادر في تركيا. كادر بغيظ شديد: "ايه ده. ايه الشقة العفشة دي. مش قادرين يجيبولنا فيلا."

تمارا بغيظ شديد: "هو انت جاي تسكن هنا. مش كفاية اللي عملته. انت ليه محسساني إننا طالعين رحلة. مش طالعين نقبض على أكبر تاجر سلاح في الشرق الأوسط." كادر وهو يأكل ببرود: "هقبض عليه إن شاء الله. متشليش هم. المهم تعالي كلي معايا. انتي مكالتيش حاجة من الصبح." تمارا بغيظ شديد: "مش عايزة أطفح."

كادر وهو يأكل ببرود: "براحتك. بس لازم تأكلي عشان ابن أخويا اللي في بطنك. ولا انتي فاكرة إني مش عارف إنك متجوزة ادم وحامل منه. وهو اللي بعتك معايا وعامل كل الحوار ده عشان تساعديني في انتقامي من ذياد واللي وراه."