رواية ديجور الشاهين الفصل الحادي عشر 11 - بقلم ايلا ابراهيم

سندس: لأ ياشاهين، شهد مش هتعمل كده. شاهين: ليه؟ سندس: شهد تبقى مراتي أخويا ومستحيل تعمل كده، دي زي أختي. شاهين: بس أنا عندي دليل على كلامي. سندس: حتى ولو، أنا مستحيل أخرب بيت أخويا كده. شاهين: دي سلمتك لراجل غريب، وإنتي دلوقتي بتدافعي عنها. سندس: شاهين افهمني، دي مرات أخويا وأم ابنه، أكيد في حاجة غلط. شاهين: يعني إيه هتسيبيها كده؟ سندس: بص، أنا هتكلم معاها وأفهم اللي بيحصل، أكيد في حاجة غلط.

شاهين: برحتك، بس أنا بنبهك أه وأقولك متأمنيش الست دي. سندس بشرود: حاضر. شاهين: سندس. سندس: أيوا. سندس: أنا هبات عند أهلي الليلة دي ممكن. شاهين: هعدي عليكي بالليل. سندس: بس أنا عاوزة أبات هنا وأفهم اللي بيحصل مع شهد ده. شاهين: ماشي، بس الليلة دي بس. سندس بشرود: ماشي، بعد إذنك. شاهين: سندس. سندس بتيه: أيوا. شاهين بقلق: مالك؟ بتفكري بإيه؟ سندس: مفيش، بعد إذنك. لتنزل من السيارة وهي شارده، مالذي ستفعله الآن.

أما شاهين فكان يراقبها بقلق حتى دخلت المنزل ليغادر، وهو بيفكر بردة فعلها الغريبة. بالليل كان شاهين قاعد مع مرات عمه، بيحاول يمهد لها ويقولها أنه عمه كان متزوج وعنده بنت. رية: في إيه يابني، أنا حاسة إن عندك حاجة عاوز تقولها. شاهين حرك أيده على رقبته بتوتر واتكلم بجدية: بصراحة مش عارف أقولك إيه، لكن. رية: لكن إيه يابني، وإنت من امتى متعرفش تتكلم معايا بصراحة.

شاهين: احم، عاوزك تعرفي إنك أمي اللي ربتني، وأنا مستحيل أزعلك لو مهما حصل. رية: في إيه يا شاهين، اتكلم يابني. شاهين: في أن. قاطعه رنين هاتفه، وبص لقاها علا. استأذن من مرات عمه وبعد عشان يرد عليها. أول ما رد على الفون كانت بتعيط. شاهين بقلق: في إيه علا، اتكلمي. علا بدموع: الحقني يا شاهين، في حد بالشقة مش عارفة بيدور على إيه. شاهين: أنا جايلك حالا، اتصلي بالبوابة وأنا مسافة السكة وجايلك.

وقبل ما يقفل الفون اتصدم لما سمع صوت صريخها. شهد بدموع: إنتي عارفة كويس أنا عملت كده ليه. سندس: أنا مش قادرة أستوعب إنك تعملي كده. شهد: إنت عارفة كويس يا سندس اللي حصل معايا وليه عملت كده. سندس بانفعال: مفيش حاجة تبرر اللي عملتيه ده. شهد: مش فاهمه، إنتي عاوزة توصلي لحد فين. سندس: أنا هقول لأخويا اللي حصل. شهد بتحدي: لو قلتي لأخوكي، أنا برضو هقول لشاهين عن كل حاجة. سندس بصدمة: إنتي بتقولي إيه.