رواية ديجور الشاهين الفصل السادس والأربعون 46 - بقلم ايلا ابراهيم

بتفكر بأيه؟ ناصر: مش عارف، أول مرة أحس كده. أنا كنت هتهور وأنسى إني الدكتور بتاعها ومسؤول عن علاجها. بدر: بتحبها يا ناصر؟ ناصر: مش عارف يا بدر. البنت حلوة وطيبة. لها سماوية شوية، لكن من اللي عاشته بقت كده. بدر: أنا بسألك، بتحبها؟ شرد ناصر بعينيه إلى السماء ولم يجبه. بدر: يبقى بتحبها يا صاحبي.

ناصر: مش عارف. أنا ضعفت قدامها ونسيت العلاج وكل حاجة. كنت عاوزها بحضني، كنت هتهور يا بدر ونرجع في علاجها لنقطة الصفر. لكن لما حسيت بخوفها وتشنج جسمها بين إيديا، سبتها وأنا مش عارف أبصلها. ندهت عليا كتير، لكن معرفتش أرجع أكلمها. معرفتش أقولها إيه. ******* شاهين: سرحانة بأيه؟ قال كلماته وهو يعتدل ويجلس على سريره، يداه تلعبان بخصلات شعرها الأمامية. سندس أبعدت يده عنها لتقول بانفعال: أنت إزاي عرفت تقلب دماغ أبوي عليا؟

شاهين ببرائة مصطنعة: أنا؟ عملت إيه مش فاهم. سندس: أنت قولت لأبوي إيه يا شاهين؟ شاهين وهو بيشدها لحضنه تاني ويقول: قولتيله يرضيك يا عمي بنتك مش بتسمع كلام جوزها؟ يرضيك إنها تعاند معايا في كل حاجة؟ حاولت تبعده بضيق وهي بتقول: طب ابعد، سيبني بقولك. شاهين بضحكة على غضبها الطفولي: تؤ، مش هسيبك، وريني إزاي هتبعديني. سندس حاولت تبعده معرفتش، لحد ما عضت ذراعه اللي مثبتها بيها. شاهين سابها بغيظ وهو بيقول: يا بنت العضاضة.

سندس جريت منه وراحت الحمام وهي بتقول: جوز مين يا شاهين! أنت هتطلقني سامع. وقبل ما تتجوز، افهم ده كويس. شاهين بضحكة مستفزة: هنشوف يا مراتي، هنشوف. ********** نهض دياب بانفعال: أنت بتقول إيه يا... شايفني قرني؟ وسام: دياب اسمعني. دياب: أسمع إيه وهباب إيه؟ بص يا وسام أنا هعتبر نفسي مسمعتش حاجة، ومن النهاردة مش عايز أشوف وشك تاني. وسام: دياب يا دياب، أنا مكنش قصدي. يا أخي وطلبتها بالحلال.

لم يستطع تمالك نفسه ليمسك بقميصه مرددًا بغضب: حلال إيه يا... أختي في بيت جوزها وعلى اسمه. ليغمض عينيها محاولًا السيطرة على نفسه مرددًا: اخزي شيطاني يا وسام. أنا لسا باقي عالعشرة. وسام: يا دياب أنا... دياب بتحذير: اشششش، كفاية لحد كده. وهقولهالك مرة تانية. وشك مش عايز أشوفه تاني أنت سامع. ليغادر ويتركه. ******** دخل ناصر شقته وكانت علا تمسك كوبًا من القهوة وتجلس بانتظاره. ناصر بتوتر: مساء الخير. أنت لسا صاحية؟

وقفت علا بارتباك: مساء النور. لتعض شفتيها وتكرر أصابعها على خصلات شعرها مرددة بتوتر: بلبس أنت اتأخرت يعني. هو أنت خرجت فجأة كده ووو. لم تستطع أن تكمل كلماتها لتغير مسار حديثها: تشرب قهوة؟ ناصر: لا شكرًا. أنا هدخل أنام عشان تعبان شوية. علا بضيق: تنام؟ ناصر: معلش. أصلي طول اليوم بالشغل. وقبل أن يتجه إلى غرفته، نادته علا بانزعاج: ناصر، أنت بتتهرب مني؟ زعلت من اللي حصل النهاردة؟ ناصر بتهرب: حصل إيه يا علا؟

بلاش تكبري الحكاية. علا قربت منه بضعف وقالت: ناصر. أنت بتتهرب مش كده؟ ناصر بتوتر: أنت رجلك عاملة إيه؟ علا: مش كويسة وبتوجعني. رفع حاجبه بعدم تصديق: والله؟ أومال واقفة عليها ليه؟ علا عيطت من غير مبرر وهي بتقول بحرقة ودموع: بقولك بتوجعني. بتوجعني أوي يا ناصر. مش عارفة أمشي عليها. لتكمل بشهقات: مش قادرة. رجلي وجعاني. وقعدت تعيط زي الأطفال. ناصر قرب منها بقلق وووووو. ********* بعد مرور يومين.

كانت سندس في بيتها تبكي بحرقة تحاول السيطرة على مشاعرها عندما علمت بأن اليوم هو زفاف شاهين. عندما سمعت صوت طرقات على الباب لتسرع لتفتح الباب وهي تقول: شاهين. ده شاهين أكيد. لتفتح الباب وتجد وسام يقف بتوتر ليقول: أنت مش عارفاني. لكن عاوزك تعرفي إني بحبك. بحبك أوي ومن زمان ومش هين عليا أشوف دموعك بسبب الـ... شاهين. سندس بانفعال: أنت بتخرف بتقول إيه؟ وقبل أن تقفل الباب

بوجهه دخل بالغصب ليقول: اديني فرصة أتكلم. مش عاوز شاهين يتقهر زي ما قهرك. أنا مستعد أتجوزك. أول ما هتطلقي منه. وأربي ابنك. اديني فرصة. أكيد أنت عارفة وسام صاحب دياب. ده أنا. اديني وادي نفسك فرصة تخرج من سجن شاهين. أنت شايفة قد إيه هو أناني. رايح يتجوز ومش سائل عليكي. غير الذل والإهانة اللي عشتيهم طول الفترة اللي اتجوزتيه فيها. سندس اديني فرصة. لا متظنيش أنا فرصة، ادي لنفسك الفرصة دي. إنك تعيشي مع حد يحبك ويقدرك بعيد عن شاهين وأنانيه.

سندس: امشي اطلع بررا لحسن أصرخ وألم الناس عليك. وسام: أنا بتكلم عشانك صدقيني مش هتلاقي حد يحبك قدي. سندس: بقولك اطلع برراا برراا. لا تتوقف أنفاسها عندما دخل شاهين وصدم بوجود وسام في منزله ليقول بغضب: أنت بتعمل إيه هنا يا... سندس خافت ورجعت ورا بخوف مش عارفة هيحصل إيه دلوقتي. شاهين هيقولك عليها إيه. مدخلة راجل غريب بيتها. والاثنين ماسكين في بعض. لكن فجأة... يتبع.