رواية فهد الصعيد الفصل الخامس 5 - بقلم صلاح الديب

بحر بس كده هناك... مفيش عربيات ومفيش أي حرس ولا أي صوت لحد تاني غير شوق والراجل الغفير اللي هناك دا وشكله راجل كبير. فهد الله عليك يا بحر، أنا مغلطتش لما جيتلك... أكيد هما خرجوا... يلا بينا نلحقها قبل ما يخرجوا. بحر طب والغفير؟ فهد هنكتفه وناخد شوق ونمشي... مش عايز حاجة. بحر تمام، يلا بينا. وابتدينا نتحرك، ولقينا الراجل واقف لينا. الغفير أنتم مين وبتعملوا إيه هنا؟ أنتم عارفين دي فيلا مين؟ فهد

إحنا مش جايين في شر ولا هناذيك... هناخد البنت اللي فوق دي اللي أصحاب الفيلا خاطفينها وهنمشي. الغفير وأنتم مين وعرفتم منين إنها هنا؟ فهد زميلتي في الجامعة واتخطفت وهي معايا. الغفير يا ابني أنت مش قد الناس دي، ابعد والغلبانة اللي فوق دي راحت في الرجلين، وأنا لو سبتكم تاخدوها هروح في داهية. الناس دي مش هتسيبني في حالي. بحر

متخافش يا عم الحج، إحنا قد أي حاجة وأنت إحنا هنربطك وناخدها، ولما ييجوا هيلاقوك مربوط مش هيتكلموا معاك. الغفير ماشي يا ولد، ربنا معاكم وإن شاء الله خير. فهد على الله. يلا يا رجالة اجهزوا وأنا هطلع أجيب شوق. بحر تابع لو في أي حاجة، لاقيني. فهد تمام يا هواري، انجز حالك. وبالفعل طلعت أجري لفوق. ولقيتها بتصوت ومقفول عليها الباب. شوق آه... فهد الحقني، أنت كويس؟ أبوس إيدك خرجني من هنا. فهد

متخافيش، أنا معاكي أهو وهاخدك ونمشي... إنتي كويسة؟ عملوا فيكي حاجة؟ شوق الحمد لله أنا بخير، ملحقوش... ربنا بيحبني. خلاص هم اعتدوا عليا وجالهم تليفون ومشوا كلهم بسرعة. فهد الحمد لله. سعي، هكسر الباب. وكسرت الباب وخدتها ومشينا. فهد يلا يا بحر بسرعة، لم الرجالة واركبوا العربيات. بحر يلا يا رجالة. وخلاص عدى الموضوع والدنيا تمام، وأخدت شوق ورجعتها بيتها واطمنت عليها. ومشيت رجعت بيت خالي. ولسه بقعد لقيت الباب بيخبط. فهد

أبويا الحاج منصور... كيفك يا حاج؟ حمد الله على السلامة، وإيه الزيارة المفاجأة دي؟ منصور الله يسلمك يا ولدي... الزيارة مفاجأة بالنسبة لك، إنما بيت خالك عارفين. من ميتي وأنت بتكدب علينا وبتمشي بدماغك يا فهد؟ فهد إيه اللي حصل بس يا أبويا؟ ليه بتقول كده؟ منصور هتكذب تاني؟ ابن خالك رن عليك لقي تليفونك مقفول... رن عليا سألني عنك... وعرف اللي حصل، عرفت أنت ناوي على إيه وركبت أول قطر وجيت. فهد

حقك عليا يا با، أنا آسف بس أنا معملتش غلط. عملت اللي حضرتك علمتهوني وربيتني عليه، ودا حق ربنا. أنا مينفعش أشوف حد مظلوم ولا حد ضعيف ومحتاجلي ومقفش جنبه... ولا أنت رأيك إيه؟ منصور معاك حق يا ولدي... بس كان لازم تعرفني وتكلمني. لما عرفت الموضوع كبير وفي ناس واصلة، كنت أجي أقف معاك. ناصر بتقول إيه يا جوز عمتي؟ يعني أنا جايبك علشان تعقله، تقوم تقويه؟ والد ناصر

متحاولش يا ناصر. هو دا منصور ودا فهد ولده ومش هيتغيروا. ويا ما حاولت مع منصور مفيش فايدة، وفهد طالع له. فهد أنت اللي اتغيرت يا خال وطبعت بطباع هنا، وأنت يا ناصر كمان. أنا وأبويا زي ما إحنا، ودا اللي تربينا عليه. منصور سيبك من خالك يا فهد وولده وتعال احكيلي وصلت لإيه. ولسه بتكلم، الباب بيخبط بطريقة غريبة. فهد أفتح الباب. الشرطي خير يا فندم، أوامر. المقدم سيف الهلالي مين فيكم فهد منصور الهواري؟ فهد

فهد أنا يا فندم، خير. المقدم سيف الهلالي مطلوب القبض عليكم. منصور خير يا بيه، عمل إيه؟ المقدم سيف الهلالي مشروع قتل وسرقة فيلا المغربي.