رواية فهد الصعيد الفصل السابع 7 - بقلم صلاح الديب

يا أفندم روحت هناك ملقتش حد. لما سألت عليهم قالوا: "منعرفش عنهم حاجة، من وقت ما سكنوا هنا محدش سمع لهم صوت. الباب مقفول بالقفل." فهد: أكيد هددوهم أو عملوا فيهم حاجة، والناس غلابة يا فندم، ربنا يسترها معاهم يا رب. الظابط: سيبك انت من كل ده. انت كده موقفك بيسوء، ومش عارف أساعدك إزاي. مضطر أحولك ع النيابة وهما هناك يحلوها. فهد: طب ممكن أعمل مكالمة يا فندم بعد إذنك؟ الظابط: اتفضل. فهد: شكراً.

التليفون مقفول للأسف. أنا خايف يكونوا عملوا فيها حاجة. الظابط: سيبلي الرقم وأنا هحاول معاه. دلوقتي هتنزل الحجز، وأنا هطلع المستشفى أشوف الغفير. خده يا عسكري. بيت خالي. بحر: خير يا عمي، إيه اللي حصل وفين فهد؟ وإيه اللي سمعته ده؟ أنا هروح وأشهد مع فهد بكل حاجة. منصور: هنروح، بس الأول لازم نروح للمستشار سليم نصار. بحر: مين المستشار ده يا عمي؟

ناصر: ده حد واصل في البلد، بس ماشي بما يرضي الله، وهو الوحيد اللي هيقدر يقف قصاد المغربي. بحر: يلا بينا عليه. محافظة الشرقية. شوق: يا بابا، أنا مش قادرة أسامح نفسي على اللي عملناه في فهد. هو عمل كل ده علشاني أنا، وف الآخر أسيبه وأهرب.

والد شوق: يا بنتي يا حبيبتي، ولا أنا مسامح نفسي. بس إحنا مش قد الناس دي. وشوفتيهم عملوا إيه وهيعملوا إيه. دول موتنا بالحياة، دول عالم ظالمة. حسبي الله ونعم الوكيل فيهم. وفهد صعيدي ورجل جدع، وإن شاء الله هيقدر عليهم وربنا هينصره. شوق: يا رب يا بابا. فيلا المستشار. سليم نصار: اتفضلوا، الباشا في انتظاركم. مستشار سليم: اتفضلوا، أهلاً وسهلاً، نورتوني وشرفتوني. منصور: الشرف لينا جنابك. حضرتك عارف إحنا جاين لك في إيه.

مستشار سليم: أكيد يا ريس منصور، وإن شاء الله محلولة. بس هتنفذوا اللي هقولكم عليه. بحر: قول يا باشا. مستشار سليم: بصوا بقى. أولاً، عايز ناس تراقب زياد المغربي ويتخطف. وناس تروح الشرقية تجيب شوق من تحت الأرض. وناس تنزل الفيوم بيت الغفير اللي في المستشفى ويتراقب. وناس تراقب الغفير نفسه من بره وجوه المستشفى. منصور: ليه كل ده يا بيه؟ ولو خطفنا زياد ده، أكيد التهمة على ولدي، وولدي بريء.

المستشار: عارف إنه بريء، بس اللي حضرتك متعرفوش يا ريس منصور إن زياد ده وحيد أبوه وأمه، ومستعدين يعملوا أي حاجة عشانّه. إحنا هنكلمه في التليفون ونهدده. لو بلغ البوليس مش هيشوف ابنه تاني. وفي الحالة دي هو مستحيل يبلغ البوليس وهينفذ كل طلباتنا. وعندي ليكم مفاجأة حلوة، واحد هيساعدنا كتير في الموضوع ده. ناصر: مين ده سعادتك؟ المستشار: ده حد إنت تعرفه كويس ياناصر.