رواية فتاة بزي رجل الفصل الحادي عشر 11 - بقلم ليل مراد

تفتح نور عينيها بصدمة لتجد نفسها في أحضان فهد. نور بخوف: إيه اللي حصل؟ فهد بابتسامة وهو ينهض: صباح الخير يا قلبي. انت قلقانة ليه؟ هو انت مش فاكرة اللي حصل؟ نور بخوف: هو في حاجة حصلت؟ فهد بخبث: انت كنتي متوحشة حرفيًا. ساعتها انتي قلتيلي إنك بتحبيني وأنا بصراحة مقدرتش أقوم. بسبب ده، انتي لازم تتحملي المسؤولية وتتجوزيني لأنك لوثتي نقائي. وضعت نور يدها على وجهها ولم ترد على فهد.

فهد بابتسامة: هو انتي مش عايزة تتجوزي وتصالحي غلطتك؟ أبعد فهد يد نور عن وجهها ليجدها تبكي والدموع تنهمر من عينيها، فقال بتوتر: اهدي.. اهدي.. أنا كنت بهزر معاكي، محصلش حاجة. نور ببكاء: انت بتتكلم جد؟ طب احلف. فهد: أقسم بالله محصل… توقف لحظة لأنه تذكر عندما قبلها. نور بغضب: انت سكت ليه؟ فهد وهو يتجنب الحلفان: صدقني محصلش حاجة بينا، خلاص. نور بشهيق من البكاء: طب انت إزاي كنت جنبي بالمنظر ده؟ **فلاش باك**

بعد أن نزل فهد إلى مطعم الفندق، ظل في المطعم إلى أن حل الصباح وغلبه النعاس، فصعد لينام وخلع القميص. وما إن استلقى، كانت نور قد استيقظت، فقرر أن يمزح معها. فهد: صدقني أنا معملتش حاجة. نور وهي تضرب فهد بقوة على كتفه بينما تبكي: انت رخيم أوي وأنا بكرهك. تركته وكانت ستذهب، لكنه أمسكها وقال: استني يا نور.. أنا بحبك من لما عرفت إنك بنت. تقبلي تتجوزيني يا نور؟ نور بصدمة بينما تتحدث بشهيق: أنا مش عارفة.

فهد: وافقي يا نور.. أنا بحبك ومش عايز حد غيرك. نور وهي تمسح دموعها: بس… فهد بابتسامة: من غير بس. انتي بتحبيني ولا لأ؟ نور وهي تتذكر كل المواقف بينها وبين فهد وتقول في نفسها: هو كان واقف جنبي دايماً لأنه بيحبني. نور لفهد بخجل: أنا كمان بحبك يا فهد. عنقها فهد بفرحة: أنا مش مصدق.. أنا كنت حاسس إنك هترفضيني. نور بخجل وهي تبعد فهد: بعد إذنك أنا لازم أروح أغير هدومي.

ذهبت نور بسرعة، وكان فهد يرقبها وهي تخرج من غرفته، بينما هو في منتهى الفرحة. *** في فيلا الهواري. ياسين بابتسامة: أهلاً يا ابني. فهد بابتسامة: الصفقة تمت.. بس أنا عايزك في حاجة. ياسين: في إيه يا فهد؟ فهد: هي فين ماما الأول؟ ياسين بضحك: لما قولتلنا إنك راجع امبارح، دخلت المطبخ وفضلت فيه طول الليل ولسه فيه لحد دلوقتي. سميحة: هو فهد جه؟ فهد بابتسامة: وحشتيني يا ست الكل.

سميحة وهي تعانق فهد: انت أكتر.. دقائق ويكون الأكل جاهز، أنا عملتلك كل الأكل اللي انت بتحبه. فهد بابتسامة: مش انتوا كنتوا عايزيني أتجوز؟ سميحة بفرحة: قوللي هو انت قررت تتجوز سامية بنت خالتك؟ ضحك ياسين على كلام سميحة وقال فهد بصدمة: انت تاني يا سمحة.. سامية مين بس.. البنت اللي أنا حبتها وعايز أتزوجها اسمها نور. ياسين: طب حدد يوم وتعالي نور، هنخطبهالك. فهد: هي معايا. ياسين وهو ينظر خلف فهد: هي فين يا ابني؟

فهد بابتسامة: قصدي برا يا حج، في العربية. ذهب فهد لنور. فهد بابتسامة: يلا بينا. نور بمزاح: أنا قلقانة، ما تروح انت. فهد وهو يربت على رأسها: قلقانة من إيه؟ إحنا هنبقى عيلة واحدة قريب. نظرت نور له بخجل ودخلت معه، ورحب بها ياسين وسميحة، وذهبوا وجلسوا في الحديقة يتحدثون. سميحة: بس انتوا اتقابلتوا إزاي وعرفتوا بعض منين؟ فهد: اتقابلنا في الكلية و…… حكى فهد كل شيء يخص نور لوالديه.

ياسين بابتسامة: انتي بنتنا من هنا ورايح، وبكرة هروح لرائد وأطلبك منه. جاء صوت من خلف فهد قاطعاً كلامهم: أنا زعلان منك.. كده متسألش عليا. فهد بصدمة: انت لسه هنا؟ صقر: وهبقى هنا على طول.. مش عارف ليه شكلك مش فرحان بالخبر. هي دي بقي نور؟ أهلاً يا آنسة، ولا أقولك يا مرات أخويا. نور: أهلاً يا… صقر بابتسامة: اسمي صقر. نور بابتسامة: أهلاً يا صقر. عندما وجد فهد أن نور تتحدث مع صقر،

قال بتلقائية: نور انتي تعبانة ولازم ترتاحي شوية، تعالي أنا هوصلك. صقر بابتسامة وهو ينظر لفهد: أكيد انت التاني جاي من السفر تعبان، فممكن أوصل أنا نور؟ فهد بسرعة وبغضب: لأ. ياسين: في إيه يا ابني؟ فهد: لأ مفيش حاجة يا بابا، بس أنا عايز أوصل نور علشان أتكلم معاها شوية. ياسين: خلاص يا ابني اعمل اللي يريحك. أخذ فهد نور وصعدوا إلى السيارة، وكان الجو ثقيلاً. وبعد أن أوصل فهد نور إلى منزلها،

تحدثت نور وقالت: هو في إيه بينك وبين صقر؟ مش انتوا إخوات؟ فهد بقلق: أنا عايزك يكون ليكي أي كلام مع صقر، لو حتى قبلتي صدفة.. ممكن تعملي كده؟ نور: تمام، بس في إيه؟ فهد وهو يتجنب النقاش: هقولك بعدين لأني تعبان وعايز أرتاح شوية.. تصبحي على خير يا قلبي. نور وهي تتنهد: وانت من أهله. *** كانت جني مستلقية بجانب طارق على السرير. طارق: مش فهد هيتجوز؟ نهضت جني بغضب: نعاااااام! طارق: أيوه، وتقريباً اسم البنت نور.

جني: مستحيل يتجوز.. فهد ملكي. طارق: ده على أساس إنك بتحبيه؟ جني: أيوه بعشقه. طارق بسخرية: هو ولا فلوسه؟ طارق: وانت بقي هتعملي إيه؟ جني بابتسامة خبيثة: اتفرج وانت ساكت. *** ريم: بس انت إيه اللي خلاك تتقدم؟ مراد: أنا أول ما قرأت الرسالة لقيتني جي هنا. ريم: يعني انت مش بتحبني؟ مراد: أكيد يعني بحبك. اللي يخليني أرجع من السفر بعد ما وصلت على طول وأجي جري على بيتك علشان أتقدم لك، أكيد يعني أنا كنت بحبك بس مكنتش مدرك كده.