رواية جارح القلب الفصل الخامس عشر 15 - بقلم هاجر سلامة

عمر: إنتي كويسة؟ غزل: آسفة على اللي حصل، بس معرفش إيه اللي حصل، كأنه حد زقني جامد. عمر: خلاص، حصل اللي حصل، المهم إنك بخير. غزل ابتسمت. عمر: إنتي سمعتي اللي قولته صح؟ غزل: أيوة سمعت، وبصراحة أنا مش شايفاك غير صديق وبس، لأني بحب شخص تاني. عمر: تمام، ربنا يوفقك وتحققي اللي إنتي عايزاه. غزل ابتسمت: شكراً. وطلعت على عربيتها ومشيت. عمر بحقد: لما نشوف هتعملي إيه لما الصور تنزل ياغزل هانم، بقي ترفضيني عشان مراد. (فلاش باك)

عمر معدي من قدام مكتب غزل، سمع الحديث عايشة وغزل لما قالت إنها بتحب مراد. (الواقع) عمر: وانت حسابك كبير أوي يامراد. =الخطة مشيت صح يامعلم. عمر بضحك: طبعاً لازم تمشي صح، والخطة الحقيقية هتنزل بكرة، المهم إنتي كنتي رايحة فين يارينو. (فلاش باك) رانيا معدية، لقيت عمر واقف قدام المكتب، بصتله، قالها تسكت، وهي مشيت. عمر طلع من المستشفى، طلعت رانيا في وشه. عمر: إيه دا، طلعتي منين؟ رانيا: إنت بتحب غزل صح.

عمر: مين قال كده، لا أنا بعتبرها صديقة عزيزة عليا مش أكتر. رانيا بحذر: إنت عينك هتقول، تقريباً المستشفى كلها عارفة إنك بتحبها، بس عرفت إنها بتحب مراد. عمر: ماليش نصيب. رانيا: طيب واللي يخليها من نصيبك. عمر: إزاي. رانيا: أنا بحب مراد وعايزة غزل تبعد عنه. عمر: إزاي، هو خطب لو واخدة بالك. رانيا: لا، حكاية الخطوبة دي هتخلص لأنه مجبور عليها، وأنا هعرف أخلص من خطيبته إزاي. عمر: بس غزل صاحبتك.

رانيا بسخرية: صاحبتي، قال. بقولك إيه، هتساعدني ولا لأ. عمر بخبث: هساعدك طبعاً، هنعمل إيه. رانيا: هقولك. (الواقع) رانيا: كنت جاية أشوفك بس، كويس إن جيت والله. عمر بضحك: طيب تعالي نتفرج على الصور. وامشوا. (في فيلا مراد) دخل مراد. مراد: السلام عليكم. الجميع: وعليكم السلام. نبيلة: أهلاً بيك ياحبيبي. مراد: أهلاً بيكي ياعمتو. سلطانة: اطلع أوضتك وأنا هبعتلك الغداء. جميلة: مراد عايزك في موضوع ضروري.

مراد: حاضر، هطلع أغير، إنتوا أكلتوا ولا لأ. الجميع: أها أكلنا. مراد: خلاص هاكل هنا، مش في أوضتي ياامي. جميلة: ما شفتش نانسي قالتلي إنها جيلك. مراد: أها، جيت ومشيت، قالت هتسهر مع صحابها. جميلة بكسوف: أكيد هتجي دلوقتي، لأنها مش بتتأخر كالعادة يعني. نبيلة بصتلها بسخرية. مراد طلع أوضته وغير هدومه ونزل ياكل، وخلص وراح لجميلة. مراد: نعم ياخالتو، اتفضلي.

جميلة: كنت عايزة نانسي تشتغل زيك في المستشفى أو شركة، شغل المودل مش مريحني خالص، حاولت أتكلم معاها مفيش فايدة، ممكن تكلم معاها إنت، هي بتحبك وهتسمع كلامك. مراد بهدوء: تمام ياخالتو، لما تيجي. جميلة حضنته: ربنا يخليك لينا ياحبيبي، هطلع أنام أنا. مراد: تصبحي على خير. جميلة: وإنت من أهله. ومشت. سلطانة: حبيبي مراد. مراد: نعم. سلطانة: هو في حاجة ولا إيه. مراد: لا، بتسأل عن نانسي مش أكتر، محتاجة حاجة إنتي ياامي.

سلطانة: الخطوبة بعد بكرة، لازم تروح تجيب البدلة والفستان. مراد: هتختار بدلة من عندي. سلطانة: والفستان. مراد: أكيد نانسي عندها، ماهي مودل ياامي. نبيلة دخلت في الحوار فجأة: مش فاهمة، مستعجلة على إيه ياسلطانة، الولا مش هيروح منك في حتة، خليه براحته، هو راجل وعارف بيعمل إيه. سلطانة: بس أنا أمه. نبيلة بصتلها بسخرية. سلطانة توترت وقالت: طيب هطلع أنام بقى، تعالي يلا يانبيلة. ومسكتها ومشيت. مراد واقف ومستغرب وبيضرب كف بكف.

(ساعة 4) مراد سمع حد بيخبط على باب الفيلا، استغرب، راح يفتح، لاقى نانسي. مراد: نانسي، إنتي عاملة كده ليه. نانسي: عاملة إزاي، دا أنا قمر وأحلى من الغيبة بتاعتك دي. مراد باستغراب: هي مين. نانسي واقعت، مراد مسكها وطلع بيها أوضتها وحطها على السرير، ولسه هيمشي، مسكته نانسي وقالت: مراد. مراد بصتلها. نانسي: أنا بحبك أوي، ونفسي نتجوز، وهكون معاك علطول، إنت حلو ووسيم أوي. مراد: نامي يانانسي، بكرة نتكلم.

نانسي شدته ولسه هتبوسه، مراد زقها وقال بصوت عالي شوية: نانسي، نامي نتكلم بكرة، قولتلك. نانسي نامت. مراد طلع هو وفرقان من اللي بيحصل بسبب مامته، دخل أوضته وينام. (يوم خطوبة مراد) نانسي: يعني إيه مش هتجي معايا نجيب فستان، دي يومي يامراد. مراد: يانانسي، بقولك مشغول، متلبسي من عندك، مش عندك فستانين حلوة. نانسي بدلع: هلبس، بس بشرط تيجي معايا أقيس الفساتين، واللي يعجبك هلبسه. مراد: طيب ماشي، طلعي وأنا هطلع وراكي.

نانسي طلعت وهي فرحانة. مراد شاف عمتو جري عليها وقال: عمتي، الحقيني، كنت من الموقف ده واحكيليها. نبيلة: خلاص، متقلقيش، أنا هطلع بدلك. مراد: إن شاء الله يخليكي ليا. وحضنها. نبيلة طلعت ودخلت الأوضة، لقيت نانسي لابسة قميص نوم. نانسي اتخضت. نبيلة: إيه ده. نانسي: إيه ده، فين مراد. نبيلة فهمت: هو انتي مستنية مراد وإنتي كده. نانسي كسفت وقالت: هروح أشوف الفساتين. نبيلة بقرف: وريني يلا. (في بيت غزل)

عايشة: خلاص بقى كفاية عياط، قولتلك كنتي روحتيله وقولتيله، كان ساب كل حاجة عشانك. غزل بعياط: هعمل إيه دلوقتي، هبقى لوحدي تاني خلاص. عايشة بسرعة: بقولك إيه، متروحيش تقولي له دلوقتي. غزل: إزاي يا هبلة. عايشة: اتصلي بيه قوليله إنك عايزة تشوفيه. غزل: تفكري. عايشة: مش هتخسري، يلا اتصلي. غزل: ماشي. واتصلت بمراد. مراد: ألو، غزل، صباح الخير. غزل: مراد، عايزة أشوفك ضروري. مراد بقلق: إيه ده، مال صوتك، كنتي بتعيطي ولا إيه.

غزل: هقولك لما أشوفك، في المكان ده *****. مراد: تمام. وأقفل. (بعد ساعة) مراد راح، لاقى غزل قاعدة، راح قعد قدامها وقال: حصل إيه. غزل: مراد، اللي هقوله ده براحتك تقبله أو لا، المهم إني عملت اللي عليا. مراد: اتفضلي. غزل بكسوف: مراد، أنا بحبك، معرفش إزاي وإمتى، بس لما ابتدي أشوفك مع بنات بغير عليك. مراد ببرود: وأنا بحب نانسي، وخطوبتي عليها النهارده، أنا عزماك، وقام وأمشي. غزل قاعدة مصدومة. ياترى حصل إيه.